回味館 (Closed)

元朗國不嬲多嘢食，求其一間都OK呢間茶記匿埋橋底隔離，重要喺街市中間唔係八卦都見佢唔到$40平食又有，川菜$60-$90都有除咗落單姐姐幾隨性，其他都OK蠔仔肉碎湯飯 $48白飯另上，要自己加入白飯湯飯睇落好夠湯，但其實加埋白飯之後，飯會發脹啲湯其實只係啱啱好蠔仔份量唔少，算肥美，有大量芫荽同肉碎亦有杞子、薑、冬菜等配料奶白色湯底，似有魚湯打底望落幾足料，夠濃味酸菜魚 $90成碗上枱，幾多配菜吓魚肉份量唔多，但還算可以接受啲魚片嫩滑少骨，酸辣味算足夠只係唔明點解酸菜魚入面會有片檸檬口水雞半隻 $90/一隻$150幾重口味，不嬲口水雞都係靠調味入口偏辛辣、偏鹹，要撈白飯食是日例湯係苦瓜湯，含豬骨、鹹酸菜、黃豆等平時食苦瓜會覺得苦，但煲老火湯又可以接受唔會有苦味，入口甘甘哋

很多時都見到這餐廳有很多食客幫襯，但我就未曾食過，適逢平時食開的餐廳休息，那就試試這間！啫啫通菜飯這是我喜歡的菜式之一，啫啫通菜份量不少，又有鑊氣，味道相對一般餐廳的啫啫通菜較淡，喜歡重口味的人可能會嫌不夠味，但我就是喜歡少鹹少甜的食物，感覺較健康！咖哩豬扒飯另一半以為是一般的港式咖喱，但原來是日式咖喱，還好與普遍的日式咖喱有些不同，這咖喱不會太甜而又辣少少，所以對不好日式咖喱的他也能接受，而且亦幾惹味😋我一向喜歡煮得又腍又粉的咖喱薯仔，但他們的薯仔是爽口的，不太適合我🤷🏻‍♀️而豬扒肉嫩又入味，味道不錯👍🏻例湯是紅蘿蔔粟米煲豬骨，清清地之餘又很夠味，飲得出是沒有味精的老火湯👍🏻真是抵讚！但飲品則預先加糖，味道太甜，下次要註明走甜才可！餐廳不論食物質素及價錢都吸引，以後又多一間餐廳選擇啦！

住宿區小型茶餐廳，除左有一般炒粉麵飯，仲有各類辣湯粉麵。揀左個酸菜牛肉米線，小辣，味道正正常常，講真又唔係話驚為天人嗰種好食，但味道幾好嘅。最欣賞佢好足料，$40蚊一個米線十幾片肥牛，朋友叫嘅炒米仲大碟，味道唔錯又抵食，會再幫襯！

朗屏西鐵站附近既回味館，雖然店舖不起眼，但小菜套餐非常抵食，每晚都有好多人嚟幫襯，今晚就食咗椒鹽豬扒，胡椒豬肚雞湯飯同埋蝦醬肉碎炒飯，依間鋪頭小菜套餐全部都係好平民價錢，每樣大約都係$50左右，味道都唔差

今晚一個人吃飯本想是乾炒牛河， 但是牛河賣完， 改了生炒牛肉飯。 很大碟， 有少量， 很少量的生菜絲及洋蔥做配料， 另外還有不少的炒蛋碎配料， 碎牛肉份量多， 整體很大碟。 落單後聽到哄哄聲的鑊氣聲， 上枱時果真熱辣辣及很有鑊氣， 飯炒得很乾身， 粒粒分明。 味道方面， 豉油味重偏鹹， 牛肉有牛味， 亦很有口感， 並非用鬆肉粉醃到沒有肉的質感。 有部分我撈了枱面提供的麻辣油來吃， 由於麻辣油很香， 因此蓋過了豉油味， 吃落感覺沒有那麼鹹， 如不想吃豉油味或不想太鹹而喜歡吃麻辣味， 可考慮加少少麻辣油來吃。

最近吃貨生日，友人就話帶我去元朗吃一間不錯的川菜小店👍聽講最近老板轉左手，佢話食過不錯就推薦和我去食😝我最愛支持小店，如果係高質嘅小店就一定支持！呢間叫回味館嘅小店位置都算好方便，就響朗屏西鐵站一出嘅天橋底，一啲都唔難搵。店面細細環境就一般，大概擺到六七張枱，我哋嚟到嘅時候就嚟八點場內都有啲爆，等左一陣就入得。睇佢嘅餐牌都幾多選擇，價錢都唔算貴，有$40幾蚊套餐至$70-80嘅小菜都有，佢主打嘅係川菜同埋一啲酸辣嘅菜式，不過都有唔少係冇辣嘅菜式，一半一半啦，有辣有唔辣任君選擇。我唔算好食得辣，但係我有好想試佢哋嘅招牌菜，辣子雞丁同埋水煮系列，點知老闆娘就好親切咁話可以小辣，可因應唔同人嘅口味，抵讚！👍本身我想點酸菜魚，因為我見到人哋果碟好似幾靚幾正咁樣，點知原來係最後一份啦，好搶手😔😟，下次我來一定要點佢嘅酸菜魚！😆於是我哋就點左一份辣子雞丁飯，水煮牛肉，同埋蠔仔湯飯。佢呢度嘅辣子雞丁飯收嘅價錢係快餐價，但係一啲都唔頹，包飯包湯好似小菜套餐咁，先至賣$48，邊度搵😱？！個例湯我飲落真係冇味精㗎，正！😍講返個辣子雞丁，我之前睇過一啲電視節目介紹正宗嘅辣子雞丁真係勁多辣椒🌶️然之後你要喺辣椒

成日聽朋友講回味館回味館好大碟好好味，今晚就黎試一試🤤🤤🤤六點幾坐滿九成，門外重有人等等外賣落單嘅姨姨服務態度就麻麻，要客人重複幾次講食乜嘢，完全冇留心聽🤦🏻‍♀️🤦🏻‍♀️🤦🏻‍♀️仲要落錯單，感覺超級新手😭😭😭黑口黑面椒鹽豬扒翠玉瓜紅的辣椒配襯綠的蔥粒，再加上豬扒肉質鬆軟，椒鹽辣味剛剛恰到好處，豬扒份量重要好多！翠玉瓜好爽口番茄豬扒米線個湯真係好濃郁， 茄肉多 ，豬扒彈牙， 不過咸左少少，米線不過淋左少少，啱小朋友食廁所仲要壞埋🤬🤬🤬搞到好狼狽，要去到鬼死咁遠

朗屏天橋底附近開咗間新野，附近返工或者街坊應該都會知道！因為佢份量好大碟，啱晒啲附近返工人士🤤🤤🤤平時中午經過都超多人，所以都未有時間嘗試吓今晚唔想煮飯，見門口冇咩人就黎試吓先🤤🤤🤤點知有少少失望，入到去地方唔係好大！落單嘅姐姐黑口黑面，仲幾冇禮貌😤點點下餸可以去做其他嘢，超級唔尊重！有少少俾個阿姐吹脹梅菜豬扒米線。食物就真係好大份，豬扒有炸過，味道比較鹹咗少少！生菜、豬扒、梅菜都超多🤤湯底都偏鹹蒸魚成條魚，鮮嫩香甜無腥味！例湯都好足料食物算平， 份量大大碟，可惜阿姐黑口黑面😤人有三急廁所都壞埋🤬

位於朗屏橋底附近，有間午市晚市都爆晒場嘅四川餐廳。我點左個辣子雞飯，味道香到不得了。肉眼香過去，都見到調味料十足，用來配飯吃十分好吃，可惜平時重口味的我，今次都覺得有點偏鹹，需注意一下調味。整體來說，我是十分滿意的。

人都係好自私嘅好驚呢度介紹左之後會越來越多人黎呢度食。本身OpenRice好少人知道呢間隱世美食但附近啲街坊或者附近返工嘅人一定知道呢間回味館。中午時間一定坐到滿晒，有時要等位。我第一次過嚟食都係因為見到佢長期都咁多人所以先諗住試吓，點知一試就愛上了嘢食係超級好嘅但環境就一般啦唔算坐得好舒服，會有啲逼，同埋預咗要搭枱除非你四個人去食啦。佢一般lunch會有五至六個套餐俾你揀，40蚊左右。有埋杯飲品或者冇味精嘅湯，碗湯真係超正超級濃味。最多人揀就係一個蒸魚套餐，佢果碟魚係成條咁上嘅，唔係淨係一舊魚肉。另外啲小炒都係好夠火候，好有鑊氣。而我最鍾意食嘅就係佢嘅胡椒豬肚雞湯泡飯。個湯又係好濃味，胡椒味十足，料超級多，加埋足料鹹酸菜同埋少少杞子吊出個味道，可以話係抵食夾大件。我就算食唔晒啲飯都一定要飲晒個湯。

元朗返工既我，lunch都係圍繞安寧路、大馬路食，今次講既係俊賢坊既回味館～佢既水煮系列真係不得不試（喜好辣既朋友仔真係千萬別錯過）因爲我唔食牛肉，所以我另叫左水煮肉片黎試，堅正，肉唔老，佢地既炒雞丁都好好食，好好送飯（雖然我唔中意食飯既）有讚有彈啦，佢個泡菜豬雜米線，比起水煮系列係差左少少，我同事堅持覺得唔係泡菜係酸菜，anyway 可能佢覺得韓國個種先可以係泡菜，此處存疑啦～總體呢間食店除左有好多茶記家常菜外，我印象最深刻都係水煮系列～

星期日同埋朋友去咗行山，行完梧桐寨好肚餓！立即搵間餐廳食飽飽先得！🤩🤩🤩隨意入左呢間回味館！就睇下你有幾令人回味！🤣🤣🤣呢間餐廳主要係快餐為主有啲似茶餐廳！估唔到嘅係除左有魚香茄子飯，竟然仲會有咸菜胡椒豬肚米線😳😳😳！係咸菜胡椒豬肚米線😲😮😮所有飯麵都唔會貴！好好多選擇嘅價錢都係介乎喺30至＄50！🤩🤩🤩做街坊嘅生意，親民價嘢食，亦係我呢啲窮人嘅因物🤣🤣🤣咸菜胡椒豬肚米線！就咁咁睇已經好吸引！好豐富啦！好足料！湯底係胡椒雞肚湯底飲洛口好有家嘅味道！好香胡椒味！米線個份量都好多索晒胡椒豬肚湯嘅味道！正！幾多豬肚！😂😂😂就咁睇個湯奶白色好似煲咗好耐！仲有埋杞子添！30幾蚊就食到咸菜胡椒豬肚米線!!!真心覺得好抵食🤤🤤🤤

為食朋友又介紹呢間店, 佢俾左個地址我, 老實講如果外區人,純粹跟地址, 或者 GOOGLE map 搵的話, 真係會兜左幾個圈, 因為成個範圍都叫做權益大廈, 而且附近又多菜檔又成日有食環洗地,攪到附近都濕濕淋淋, 門面不起眼的, 想食好野就要認住個招牌朋友介紹一定要試 "蠔仔肉碎系列", 佢今日午餐係供應蠔仔肉碎飯,但原來係可以同姐姐講轉做米粉, 但係點解要轉做米粉呢 ?朋友解釋話, 飯同米粉佢都試過, 米粉比較"夾"呢隻味道, 而且米粉更易吸收湯汁, 佢個湯真係濃到一個點 (詳見附圖),順帶一提, 如果唔喜歡唐芹浸味的話, 記得叫姐姐"走唐芹",但據我目測, 大部份人都係原汁原味的

終於等到星期六得閒，搭車去朗屏去食某群組常常推介嘅回味館，但食完有啲失望，我就唔覺得回味了。😐首先，我自問係斯文同禮貌果隻，但姐姐塊面由頭黑到尾😱，究竟係咪係度開工好不爽？點菜時靜左一下唔知佢聽到唔聽到，自己係度執餐牌，隔左好一陣先問飲咩。叫左蕃茄豬扒湯米線，應該係即做的，要等，蕃茄湯底好橙色，味好濃，唔假，我鍾意米線好淋好索湯，豬扒有炸過，味比較鹹同少少乾，豬扒、蕃茄、米線份量都頗多，個湯飲飲下覺得好咸，我有個鹽度計度到鹽份相當高，食完之後都好口渴。😣雖然價錢係平，但我覺得質素一般，加上黑面店員🌚，要消費為何要受氣呢？

今日專登落元朗嘅，3點幾仲未食晏要揾食咯，想快有得食唔使等位，想起平靚正之選。。。回味館！天氣熱當然係要補充水分流失，所以點湯飯跟中湯蠔仔肉碎湯泡飯搭個青紅蘿蔔菜乾湯第一時間飲啖個中湯先，嗯。。。其實正常味，無乜特別。再來就開波啦，呷一啖蠔仔湯，出事囉！好鮮味呀！湯底好濃郁，好勁蠔鮮味，覺得疑似用魚湯托底！加埋少許冬菜、唐芹、薑片，個湯嘅味道即時Rich爆，蠔仔同肉碎都份量唔少，仲有幾粒杞子做點綴，大廚真心有heart！