Video
Read full review
2023-11-28
92 views
今日同朋友去深水埗行街 ，之後搵地方食晚餐， 去到福華街被這間火鍋專門店的名字吸引著，於是走進去試試。餐廳有好多套餐選擇，仲有得單叫。我哋揀咗個298蚊位的套餐， 套餐免費加邊爐湯底以及免加一非常抵食， 而且基本飲品任飲，下次要再食過。 套餐包括以下食材： 1.人参靈芝燉烏雞湯：湯底方面，我哋揀咗人参靈芝燉烏雞湯。烏雞湯一飲落去就知用料足，而且非常滋潤，飲落有淡淡人蔘味。另外，烏雞好大隻，肉質嫩滑，湯底鮮甜。呢個湯底用嚟打邊爐一流，唔會太過濃，搶走其他食材嘅味道。2. 海鮮船 ：朋友推薦我哋一定要叫海鮮船。海鮮種類繁多， 有扇貝、大蝦、海螺、青口 、貴妃蚌、聖子、大蜆和吊桶蠔。扇貝大大隻，肉質結實，美美鮮甜。大蝦非常彈牙，爽口。青口大大粒，又夠飽滿，充滿海水味。另外我都好鍾意聖子，最緊要唔好煮得太耐，聖子好鮮甜，彈牙。吊桶蠔超大粒，煮完都唔會縮水得太誇張。3. 雞煲： 同朋友食雞煲最開心，一路傾偈一路嘆。雞煲大大煲，非常有特色，而且又不同的辣度任客人選擇， 好惹味啊。雞煲味道非常濃郁，店主用秘方去煮 ，食得出有有胡椒、 花椒、八角，麻麻哋，辣辣地特別好味。面層鋪上山藥、粉皮、麻薯、年糕
套餐包括以下食材：
1.人参靈芝燉烏雞湯：
湯底方面，我哋揀咗人参靈芝燉烏雞湯。烏雞湯一飲落去就知用料足，而且非常滋潤，飲落有淡淡人蔘味。另外，烏雞好大隻，肉質嫩滑，湯底鮮甜。呢個湯底用嚟打邊爐一流，唔會太過濃，搶走其他食材嘅味道。
2. 海鮮船 ：
朋友推薦我哋一定要叫海鮮船。海鮮種類繁多， 有扇貝、大蝦、海螺、青口 、貴妃蚌、聖子、大蜆和吊桶蠔。扇貝大大隻，肉質結實，美美鮮甜。大蝦非常彈牙，爽口。青口大大粒，又夠飽滿，充滿海水味。另外我都好鍾意聖子，最緊要唔好煮得太耐，聖子好鮮甜，彈牙。吊桶蠔超大粒，煮完都唔會縮水得太誇張。
3. 雞煲：
同朋友食雞煲最開心，一路傾偈一路嘆。雞煲大大煲，非常有特色，而且又不同的辣度任客人選擇， 好惹味啊。雞煲味道非常濃郁，店主用秘方去煮 ，食得出有有胡椒、 花椒、八角，麻麻哋，辣辣地特別好味。面層鋪上山藥、粉皮、麻薯、年糕和洋葱， 吃起來非常煙韌 。
4. 任食火鍋湯底款式多，有特濃茄迷情、南瓜海魚濃、四川麻辣爽、 雜菌野菜站和農潮汕夜。 咁我哋就揀咗烏雞湯。啱啱都介紹咗湯底好清甜，好味。另外火鍋食材新鮮， 種類繁多，有超過60款。等我揀幾款介紹吓先。手切牛頸脊牛肉味濃郁，食落軟淋。西班牙黑毛豬豚肉切到厚薄適中，煮耐都唔會鞋，肉質厚實。另外我仲食咗馳名正宗鯪魚丸，鯪魚味好出，好新鮮。手打靚牛丸， 非常彈牙同juicy，牛肉味好濃郁！另外除咗肉類同丸，還有豬紅、鵝腸、牛柏葉和蔬菜等等 。牛柏葉好食呀，夠晒爽口，而且仲會吸滿湯底嘅味道。
Post
