坤記煲仔小菜 (Moved) New Location

3個人忽然想食小炒，去老蘭飲野前就係附近搵左呢間，好好彩只係等左大概15分鐘到就有位，都見有幾多遊客用餐。最愛嘅椒鹽九肚魚炸得好好，香脆之餘亦唔會太多炸，送酒岩岩好。另叫左蒜蓉西蘭花，炒得爽脆既唔多油。秋風都係岩岩起，就好想食羊腩煲啦。🤣 支竹濕都唔夠淋，但尚算入咪。羊肉雖然唔夠多，瘦瘦地，幾岩減肥嘅我。如果怕食肥嘅朋友會好喜歡。插曲係，食完先發現原來呢度出名食煲仔飯，難怪每一臺都有啦！唔得，等再凍啲一定要再黎試下呀。

今日去完西環影天空之鏡，之後就決定來依間餐廳食煲仔飯。西環碼頭行過嚟就大約需要10分鐘嘅路程。今次一共就兩個人食咗三夠差就係一個煲仔飯加兩個小菜啦原本想食梅菜扣肉煲架，但係呢佢就冇扣肉所以就轉左食砂薑雞腳。一碟砂薑雞腳就有八隻，好入味好好食。仲叫咗另一個小菜就係椒鹽鮮魷，炸粉厚度適中，唔太硬亦都唔太淋幾好食。最後就到今晚嘅主角啦，田雞白鱔煲仔飯！大家要注意就係佢製作煲仔飯嘅時間有啲耐。（證明新鮮即叫即煮）所以一坐埋位就要叫啦。佢嘅飯焦就唔屬於太多唔會係成個底都有飯焦，我覺得就啱啱好啦。因為太多飯焦又太硬，我就唔係好啱食。間店都幾多遊客嚟食，我就覺得佢價錢收費有少少高，環境同一般港式餐廳冇咩分別都唔係話太乾淨啦，對於遊客來講的確係一個感受香港特色煲仔飯嘅一個好地方嘅。

喺西環住得耐，一直都聽人大推坤記煲仔飯，每次經過都見到佢排長龍，但幾十年來，都冇真係試過食。終於有一次有朋友係外地來，話想食煲仔飯，就近近地帶佢去坤記啦。要食就梗係食本店啦，本店嘅服務員都好好，雖然粗聲粗氣d，但好有人情味同有禮貌，見你食煙，就會問你怕唔怕熱，唔怕，就坐出邊就會開心啲。叫咗幾個小炒同煲仔飯食，我同朋友幾乎都清晒，係好香口嘅，不過個人略嫌佢有啲濃味，食完都有點口渴，如果可以淡味啲，就一流啦。

夜晚七點去左正鋪，入面呀姐話至少要等90分鐘所以即刻行過黎呢間分店睇下，點知完全冇人等，所以就入左去要撘枱，一枱坐六個，都幾迫，而且同枱兩個大陸人霸成三個位點完菜十分鐘左右就上第一樣薑蔥生蠔煲生蠔有六隻，味道唔腥，不過唔係好夠入味我諗係我食過整得最差既一間啫啫芥蘭煲賣相幾好，落左好多肉碎，可惜味道一般，一樣唔夠惹味又好鹹窩蛋牛肉飯落單後大概25分鐘先上，好香好夠熱佢地既鼓油帶甜，連埋蛋汁撈飯食 好味牛肉鋪滿飯面，不過牛肉就算落左鬆肉粉整滑左 都係好韌，口感麻麻地 由於坐得好唔舒服，食完就啦啦冧埋單走人其實撘枱都唔緊要，但真係坐得好迫下，明明隔離成兩張大枱冇人，係都要客人撘唒係同一張枱而且d小菜整得麻麻，得煲仔飯ok如果唔係諗住佢係米芝連推薦都唔會走黎試(可能係分店所以比較差啦)除非係附近淨係黎食煲仔飯就走，如果唔係都冇必要專程黎

之前看评论不错，今天出差特地拉着同事来尝试。可惜让我大失所望。我来的是沿街店面的这家，环境一般，看不出很乱，但也不能说很干净，客人没想象的多。我们点了两份煲仔饭，皆是米饭焦硬，配料几乎没有入味，尤其是白鳝，除了土腥味什么都没吃出来。我牙口还不错，本着不浪费粮食的精神，硬是把饭全吃完了。我同事最后只吃了一半就实在吃不下了。从食材、调味、环境，我完全没看出他们一份煲仔饭价值100的底气。我实在不知究竟是我们口味太挑剔，还是香港同胞太随意。这味道实在难以恭维

坤記成日聽人講話呢間煲仔飯好好食，之前都仲未有機會食到，次次都錯過左，因為之前見過排隊ge人真係太多，同埋要凍凍地黎食先正，不過3月天氣忽冷忽熱，今日ge天氣係有d涼，所以黎食都ok! 我地2人行，8點幾見門口無好多人排就等下啦，15分鐘左右就入得去，坐低揀左個菜同白鱔煲仔飯，一人一個飯我地就食唔落啦，望人地枱都好煲下。黎左個炒菜先，煲仔飯係等左30分鐘左右就黎啦，因為即叫即整所以就耐d，打開蓋白鱔都好肥肥，幾厚肉無乜細骨，份量都好足，鋪滿左個飯面架！煲仔飯個豉油好正，唔駛落勁多都好夠味！仲有一樣野要講就係飯焦好出色，唔係濃底，薄薄一層剛剛好，唔駛勁用力就刮得出黎啦，脆脆身不太痴牙架果然無聽錯人講坤記煲仔飯係好食，讚同可惜呢個地方有d遠，真係經過先會黎食。

明知坤記旺場，我們仨人豈敢怠慢，晚上六時便抵達，可是抵步時已有六、七枱客人，果然名不虛傳。坤記的煲仔菜和煲仔飯選擇十分多：有蔬菜、豬、牛、雞、魚類等。由於煲仔飯需時，我們立刻拿定主意，點了三款煲仔飯：白鱔飯加鴨潤腸、窩蛋牛肉飯、窩蛋肉片飯加鴨潤腸。等了大約半個多小時，我們再追加兩款煲仔菜：啫啫芥蘭煲、八珍紅燒豆腐煲。十分鐘之後，滾熱辣的煲仔飯逐一上枱，香噴噴的煲仔菜亦隨後而至，五個小煲把我們佔用的半張餐枱擺得滿滿的。吃煲仔飯之前，當然要添上適量的秘製豉油，我習慣在瓦煲邊加入豉油，原因是瓦煲邊灼熱，很快便把沾滿豉油的白飯燒乾，令其後的飯焦(鍋巴)更為美味可口，吃起來有點像日式燒飯糰。白鱔飯加鴨潤腸：白鱔十分肥美，鱔肉焗得嫩滑，份量亦算足；鴨潤腸的腸衣爽脆，味道帶著淡淡的酒香，是上等貨；這是我三款煲仔飯中最喜歡的一個。窩蛋牛肉飯：雞蛋差不多焗得全熟，蛋黃汁不多，飯用上牛肉片，牛肉仍有嚼勁，不會過腍；本人愚見認為，如果是手刴牛肉餅，再加入少許芫茜或陳皮蒸焗，味道應更有層次。窩蛋肉片飯加鴨潤腸：肉片只是一般瘦豬肉片，並無特別，倘若可以用梅頭或豬爽肉去切片，口感將會更佳。啫啫芥蘭煲：芥蘭爽脆嫩口

冬天凍冰冰緊係想食下熱野,煲仔飯就係我的最喇!西環呢間坤記真係久抑大名左好耐.佢d蠔餅好新鮮,炸得黎唔油膩而且好香口!煲仔飯就好多飯焦,脆卜卜真係好好食!見到好多人點左豬骨煲,但由於我地得兩個人, 所以唯有下次再食啦.

天冷了，經常去這家吃煲仔飯。不過不失，保持水準。價錢大眾，唯獨人山人海，要等很久才入座。入座後，又要等一段時間才吃到熱辣辣的煲仔飯。有一堆人愛在這打邊爐，不清楚為何！味美價廉？吃煲仔飯的輪侯時間因此變長了。最愛白鱔排骨飯醬油一定都要澆上！其他的小菜也不錯👍推介紅燒豆腐煲，蔥姜蠔仔煲一流。豬骨煲也不錯，只是份量太大，不想打包回家吃.........如果一家大小聚餐倒是一個不錯的選擇！值得一試的食肆！

Under this freezing weather, it’s the best time to have claypot rice. We’ve made reservation and still have to wait for 45mins, pretty cold outside but the food worth the long wait.The claypot rice doesn’t looks big but there are lot of rice inside, so 4 of us only ordered 2 and several other dishes. The sweet soy sauce is a must to accompany the rice. The Chiu chow oyster cake is very crunchy but not oily. The fried clams comes with rich sauce that’s so tasty you don’t wanna stop eating.Over

以往跟朋友食開油麻地煲仔飯，縱然難食，人有時就係會為著回憶去食多幾次…. 但我從來冇放棄過尋覓一個好食既煲仔飯，今次，我找到了。預早幾日打去總店問，「爆哂喇，walk-in都冇位，嘟……」完。打去分店一試，老細叫我當日7點半過去，留低個姓就得。店外永遠有人群聚集，老細會痴哂等位紙係收銀台，walk-in有no.叫號，訂位既會寫左時間同姓，其實都係要等~ Book左既大約半個鐘入座，walk-in又多人就要等一個鐘左右。拎左飛其實唔洗企係收銀等架，老細會出埋門口大聲叫號，亦可以係附近行一陣759/日本城先返黎~今次叫左我想食好耐既羊腩煲同煲仔飯，開頭擔心會食剩，最後2個人都食得哂~枝竹羊腩煲 $288 (附送一盤生菜)好多年冇食過羊腩煲喇，上台時惹來鄰座唔少艷羡目光(可能暗中覺得我地大食)~ 除左有大量羊腩同枝竹之外，仲有鮮甜馬蹄同幾塊爽口竹筍。羊腩主要係切成麻雀大細、冇皮既嫩肉，全部都好嫩滑有肉香，點埋附送既腐乳醬好好味~ 羊腩滑既程度係d肉一梳梳咁，如果你平時食雞只食翼同脾咁就岩哂，佢分分鐘仲滑過雞添。羊肉份量好多，食極都仲有添。枝竹係有少少鞋口個種，滾一陣就食得，食到尾都唔會爛又入

呢兩日天氣真是凍了，再沒有東西可以阻止我們去吃熱辣辣的煲仔飯！一枝公晚上6点来到店前，都要等一个鐘才有位，於是先落单：白鳝滑雞飯，然后一个鐘後再回来。一煲靚的煲仔飯，飯是不容有失的。新米米香突出，舊米有質感，要做到米飯應有的甜味和焦香。豉油要用傳統方法發酵，才有天然豆香，調味調得好，一湯匙已令煲仔飯昇華！材料最緊要新鲜，醃味不要太濃，把材料的鲜味带到飯中就可以。火候要保持肉質滑嫩又juicy。至於師傳所控制的「火候」，也是育成靚煲仔飯的重點, 因為要做出金黃香脆的飯焦。所以為什么排隊系门口等位都要返来！

這是一個古老的傳說 。在歲月神偷還未偷走歲月的時候， 有一家小小的煲仔飯店 ，在冬日裏爆紅。。。每天晚上，都有很多慕名而來的食客來排隊 。賣火柴的男孩， 擦著最後一根火柴，很難想像如果自己可以在 餐廳裏面，吃著一個熱騰騰的煲仔飯 當聖誕節的禮物，那個該是多好的呢！這個白鱔滑雞煲仔飯， 是這裏 的招牌名物。 你看。。。那個光亮的醬油 ，淋在飯的四周，像替好味的白鱔片同埋雞件 ，套上了 一個出色的光環一樣。。。 令它們艷光四射。吃下去又是怎樣的味道呢？ 白鱔片 ----- 新鮮爽口 ，吃得到的，是鮮魚片的 還加添了一些雞的油香和蔥花的香味 。雞件配在煲仔飯上， 肥美可人， 單看賣相， 已經令人垂涎欲滴，吃下去就是一道人間美食， 整體來說，我給100分。今夜，還點了椒鹽鮮魷和粉絲雜菜煲。 至作家福福郎的童話故事繪本 。。。 21世紀曠世鉅作。。。 ，還是待吃完回家 ，再繼續努力完成二次創作吧！

又到左食煲仔飯嘅季節啦，所以就去左我食過認為係最好食嘅煲仔飯😋・・・・・・・・・・・・・ 今次點咗窩蛋鴛鴦腸排骨飯同白鱔飯，煲仔飯好夠火候，飯粒粒粒分明之餘又有米香🤤，飯焦亦唔會係好燶嗰種，啱哂我口味👍🏼・・・・・・・・・・・・・煲仔飯加蛋是常識吧😍，蛋漿🍳加上米飯🍚，令煲仔飯生色不少💁‍♀️ ・・・・・・・・・・・・・白鱔煲仔飯用料新鮮，肉質彈牙肥美，加上鼓油，真係無得輸😜・・・・・・・・・・・・・生米煮成熟飯需時，早叫早享受，去之前諗定食咩有著數呀😚

天氣開始轉涼, 最岩係開始食煲仔飯, 放工揀左近近地而又出名既坤記保仔飯。記得上年6點幾行過坤記門口係有成20幾人等緊, 所以放棄左, 今次專登再早D去, 好彩有位, 不過要坐出名, 都唔錯, 另有一番風味。鍾意食田雞既我一定會揀田雞煲仔飯, 另叫一個滑雞煲仔飯同埋炒通菜, 兩個人岩岩好份量。等左十幾分鐘, 邊傾計邊等, 時間好快過, 煲仔飯一熱辣辣好香, 加埋鼓油再焗一焗更香, 田雞好滑好好味, 啖啖肉, 都係田雞脾多, 抵食! 滑雞就稍遜於田雞, 唔夠滑, 不過都好香, 食到尾個飯蕉都好正, 唔硬好脆好香口, 雖然好似好多飯, 怕食唔哂, 但一啖兩啖就食哂了, 可以一試!