坤記牛腩 (Closed)

第一次經過九龍城這間「坤記牛腩」，覺得它外表上有點像中環的「九記牛腩」。不過，直至近日才真的有機會試吓其出品，看看它有否實力與後者比較。店名有「牛腩」，這肯定是招牌出品吧。選擇的部位不及大埔的名店「群記」多，但跟九記一樣有咖喱牛腩供應。這天不想吃湯麵，便order了一個價錢唔便宜，要五十幾蚊的咖喱牛筋腩飯。果然有一手。此店的港式咖哩膽夠香，不會像一般茶記般只像無味漿糊，味道則帶微辣，而辣度卻不會蓋過牛腩的鮮味。此店牛筋腩軟硬度剛好，飯中筋和腩的比例又平均，而且我吃得出此店的牛不是雪藏貨，鮮味足，而且加埋咖哩汁和飯真是絕配，讚！下次倒要試吓其清湯腩，不過淨腩要百幾蚊，希望同樣有水準吧。

經過九龍城，見到門口貼左好多介紹&好食評。就入到去試招牌啦，叫左碗牛腩伊麵$62 蚊諗住好收貴過中環那間，水準應該拍得住啦，點知咬落一口就知道分別，原來中環那間係清湯腩 爽口 好鮮味，坤記係侯柱牛腩 咬落 (銀)個橡筋，成口渣。街市20幾蚊都食到！！中伏 中伏食店......貴之中，又唔好味😵😵😵沒有下次👎👎👎

品质差，極之貴昨晚買份净牛腩，試下睇下好似好出名收我$140份量少过一般牛腩河D牛腩品質完全冇驚喜只即$40(都比多了) 以后一定不会再去食 呢D所谓地度美食，真系影响香港美食天堂型像唉.......

星期五去食好牛腩喺九龍城搵到坤記兩個人叫咗爽牛腩同白菜豬肉餃呢碗牛腩要＄160雖然份量唔多但肥瘦適中而且好有肉味貴精不貴多呢碗白菜豬肉餃好香嘅麻油味而且皮不太厚 吾錯

睇報導介紹呢間「發哥食堂」出左個一人前火鍋，膽粗粗同人一齊試，食完會覺得88蚊實在好抵食，湯底用牛骨煲成，味道好濃，係呢個火鍋靈魂所在！因為夠牛味，所有配料輕輕一涮就沾到牛肉香味！連普通生菜涮過都特別好食！配料有數片本地手切牛頭脊，牛肉爽口肉味出，仲有兩粒彈牙多汁牛丸同潮州魚蛋、兩粒菜肉雲吞、幾片生菜、一粒生蛋再加一大碟麵，有粗麵、幼麵、米粉、河粉供選擇，我地都揀左粗麵。之後因為牛肉太好食再追加一碟，48蚊六片，足料夠食！我係第一次幫襯呢間店，知道出名咖哩牛坑腩飯，今次一試食過番尋味，下次一定要試食其他呢個一人前火鍋絕對比坊間連鎖店出產的更好食，跑贏幾條街！

我的童年在九龍城渡過，對這區有一種情意結。現在雖已搬離，但久不久還會到這兒吃吃走走。今天來到這間在網上人氣頗高的牛腩店一試真章，換來的是２個字：「失望」。這間小店定價很進取，＄４８一碗湯粉麵，＄６８一碟撈麵。牆身貼上大大小小的報導，每每吸引人停下一嚐。２個人點了一碗普通牛腩麵及一份爽腩，前者湯頭算得上清甜，麵的梘水不重，牛腩亦淋身，但不算十分特出，性價比一般。一份爽腩索價＄１６０，不要以為是一碟，來的是一個細的湯碗，份量少得有點可憐。內心只好安慰自己－　物以罕為貴，爽腩是集肉，脂肪及筋於一身的極品，份量少一點是正常吧。一口吃下，差點要吐出來，因為......十分鹹！朋友吃一口臉色也變了。尚好的材料給調壞了味，何其可惜！！！我們只好把每一塊爽腩在那碗＄４８的湯裡洗淨才能勉強吃畢。飯後還要到鄰近的超市各買一支５００毫升的飲料一飲而盡才能解渴。一試難忘，再試無望！

一碗賣，$160蚊，淨爽腩，諗住會，好好食啦！點知道，中伏中伏，又貴，又鹹，仲鹹過，梅菜扣肉加東坡肉，完全，唔可能，可以，放入口，要食一口，飲一口水，鹹到七彩！

今日個friend話去九龍城行下食下野！我地晏就就諗住食下輕便野！我地去左食坤記牛腩！好似幾好食甘！我地叫左份上湯牛腩飯$54！佢一黎到已經聞到陣陣嘅香味！佢都有六七件牛腩多葱！全部牛腩都好入味好淋身！肥瘦岩岩好好嫩啊！個湯都好濃郁！撈埋飯黎食好正！仲叫左碗淨墨魚丸，一碗有七粒到，全部都好彈牙爽口！入面都有墨魚粒，所以好有咬口！正啊！仲有碗水餃！佢大大粒脹卜卜，睇落好似好多餡架！不出我所料真係好多餡架！好實肉亦好入味！呢間小店真係幾用心架！再叫人黎食先

一場黎到九龍城好多話呢間牛腩好好食！就入去試下，平時都係去食泰國菜，今次試下先佢成間鋪頭都係好傳統嘅裝修，hong kong Style!!!!幾有風味！我地叫左碗上湯牛筋腩河！不過我地個刻太肚餓吾記得左影相！佢個牛筋好入味！吾係好韌，牛腩好有牛味，好淋身！個湯係用牛骨湯，好好食啊！叫左碗冬菇水餃，佢地係鋪頭自家制！一碗六粒，咬落去好多餡！勁juicy 叫左碟油菜，菜心都好大碟！好甜啊！又好爽口都幾新鮮啲菜！傳統野永遠都係不錯下次可以再黎食下

對上一次去九龍城可能係十年前喇~ 平時好少機會去呢一區~ 畢竟又唔係住個到，又唔係個到做野，交通又唔係太方便，所以約朋友食飯都唔會特登約佢呢區，就算佢出名泰國菜都係咁話~但最近收到風，原來九龍城變左好多喇~~ 多元化左好多，食物種類愈黎愈多，就黎變成美食特區! 講到咁誇，就興起問下住係九龍城既表妹有無咩好推介，順便敘下舊啦~傾下傾下, 佢介紹左間飯堂~ 話平時放工屋企無煮飯都會去呢間食飯~佢就係 坤 記 牛 腩 喇~~~!!! 唔好以為佢係普通粉麵店~ 表妹話佢D 牛腩係世界級，其他地方食唔到架!我唔想食平時食開既湯粉，望望下餐牌，見到佢竟然有咖喱牛腩撈粗麵!!! 我真係未食過咁既COMBINATION啊!!!! 好期待!一黎到就聞到咖喱香味，食落好香濃，唔算好辣，個份量多到撈完麵都啖啖咖喱! 好正啊>< 牛腩就好瘦~完全唔肥，本身都已經好入味，好易咬開，配合埋咖喱又出奇地夾! 好驚喜啊~~齋食麵咁DRY~我地就叫埋個油菜啦~ 菜心香甜，一D都唔苦，好爽口~ 一啖牛腩一啖菜，都唔錯啊!! 下次再黎搵表妹既話要試埋湯粉先~

早前媽媽看過報導，知道九龍城有一間非常星級麵包店，內裏出售的酥皮蛋撻相當出名，一直都很想試試，這個週末就帶她來到這一區買蛋撻，再與哥哥及姪囝滙合吃午飯。 沿途經過侯王道，被坤記牛腩的牛肉香味吸引著，最後決定吃點食物補充體力，我已經不是等一次吃坤記，所以對這裏的食物挺熟悉。 上湯牛筋腩麵 – 牛筋腩的賣相不錯，牛腩味道香濃，口感挺嫰滑甘香，脂肪量不算多，而牛筋口感軟糯，充滿膠原感，河粉滑溜溜的，挺好吃的。 個人最愛就是它的湯底，牛香味道極度濃郁，感覺就是用了大量牛骨以長時間熬製，所以份外鮮甜。炸魚皮炸魚皮的份量不少，脆度十足，入口會發出爆破的脆脆聲，非常鬆脆，吃時可以將魚皮略略浸軟，這樣吃會更好味。當然，吃牛腩的最好拍檔是汽水吧~

平時好少去九龍城，因為地方偏僻屋企無咩車到，附近又無咩好行，但原來九龍城陸續都有唔少美食進註~可以話係隱世美食小天地啊><好多人以為九龍城淨係出名泰國菜~ 但其實唔係架!!!!!!!! 早幾日陪朋友去九龍城個邊睇樓，經過見到間好似幾地道既粉麵店，主打牛腩，本身非常好牛既我，就即刻拉左朋友入去一試真偽~~~舖頭唔算好大，但都好乾淨整理，座位都幾闊落下啊~燈光又好光猛~所以坐落都好舒服~~~坐低左緊係要開始點野食啦~餓到都扁喇!! 平時我最鍾意就係食湯河，見佢其中一個推介牛筋我又鍾意WOR! 就點左個上湯牛筋河粉醫肚喇!!! 朋友想同我唔一樣，就點左個上湯牛筋腩撈粗麵，咁我地就可以試哂兩款喇~~我既上湯牛筋河粉率先上菜~ 未食已經聞到個腩汁香味，牛筋望落唔肥唔瘦，咬落唔UN，好易爽口易咬開~ 配埋個汁真係不得了~ 河粉吸哂D腩汁味，入口滑嘟嘟，YUMMMMMY~~而個上湯牛筋腩撈粗麵，份量好大份~牛筋牛腩比例一樣一半~牛筋質素都KEEP 到BOR~ 牛腩果然係推介啊~~好LUM好入味，一入口即溶既感覺，成陣腩汁味係個口入面好耐都唔散!!!! 粗麵軟硬適中，撈埋上湯又唔乾身W

一說到牛腩便想起了坤記因為小時間我爸媽也經常帶我來吃坤記差不多一星期吃一次 (証明我爸媽有多想吃這間坤記牛腩不過長大後便愈來愈少來九龍城了前幾天我同一班朋友來九龍城做運動，做之前當然要做附近醫好肚子，所以我便介紹朋友來這間小店食飯，我就當然叫了這裡好出色既牛腩加油麵，食物質素跟我小時候并沒有太大的差別，最愛當然是它的「牛腩汁」，令整碗麵都昇華了!!我還叫了一碟油菜! 牛腩油麵加油菜真的是絕佩呀!!!!

我諗好多人對呢一間坤記牛腩都唔陌生十幾年前已經有好多唔同既MEDIA同埋明星有介紹過我記得上次上網話連周潤發都好鐘意黎呢到食LOL!!BTW啦 今次經過9龍城到行下本身諗住黎到會食我好鐘意既THAI FOOD但係最後都係想食下d地道D既餐廳加上 好想知道好味既牛腩究竟係點樣之後我就叫左個「特別推介」上湯坑脯河 HKD63其實我未入黎之前，望入面已經比呢個特別推介吸引左同埋呢到既招牌係牛腩 當然要食下啦!!我仲加左碟油菜TIM!!先講個上湯坑脯河，個湯真係好濃，感覺好似係餚左好耐既湯咁 牛腩既份量都幾多，同埋每一舊都好大舊下食落去口感很嫩滑，間中有肉汁出黎，真係唔錯!

朋友說店内的湯底全部用牛骨湯秘製, 真材實料, 剛巧路過又見店内乾淨整齊, 又唔駛等位, 唔係唔食嘛。叫了上湯牛筋腩河粉, 牛筋彈口, 牛腩夠腍而且牛筋同牛腩的份量也很平均, 湯底出色! 肉味很濃厚, 真心好飲配埋汔水, 大滿足! 店內除了牛筋牛腩外, 仲有手作水餃供應, 下次可以試下。