坤記牛腩 (Closed)

今日放假，係屋企訓到好晏先捨得起身落床😂訓醒教屋企一個人都無，肚餓又唔想自己煮，於是就落街買外賣。呢間坤記成日都經過，不過好耐都無食，突然之間好想食，咁就入左去外賣個麵。佢既外賣係可以湯同麵分開裝，咁就唔怕啲麵會浸得太耐，變得唔好食👍🏾買完拎返上屋企再休息多陣，先將啲湯倒返落個麵度一齊食，咁就唔洗擔心啲麵浸過龍既情況出現，真係同堂食一樣！好似岩岩整好咁！而且食落去仲係微熱，啲麵同平時食開既無咩唔同，幾好食。而啲丸都好好食，食落去唔會好粉同好易散開咁，唔係啲劣質丸，唔錯唔錯！

一個人又走在龍城。忽然想食碗靚牛腩，腳步不期然就走進到這裡....簡簡單單叫了一碟牛筋腩飯....這兒的腩汁於我而言是調得偏甜一些的，但這樣反而更好，因為對我來說甜甜哋的醬汁是更好送飯....牛腩是帶點點肥的切腩，瘦的部份是甚彈口且一點都不黐牙，光是這一點就知這牛腩的水平差極有限....牛筋的水準也不賴 ---- 其質感軟彈一點也不硬韌而且甚為入味，相比起牛腩也並不遜色....說實在，此店是零服務的，侍者也是黑口黑面。不過若您不計較的話，這兒仍是值得來的....

呢間小店係九龍城已經立足咗多年，終於有機會去試下。本身我自己好鍾意食牛腩，加上呢間小店係openrice的評分都唔錯，所以對佢都寄予厚望。夜晚7點去到，得幾個食客係入面。食物選擇唔算太多，都係牛腩粉麵同火鍋為主。我哋試食咗上湯牛筋腩河同咖喱牛腩河。上湯一D都唔甜，得個鹹字，好似飲緊味精湯咁，牛筋腩亦都唔係好爽滑彈牙。食完之後要飲成杯水過下口。牛腩睇上去都幾靚仔，但唔係太爽滑。咖喱牛腩河稍為好少少，因為本身咖喱都鹹，所以食落又唔覺得鹹到難以入口ge，但咖喱味都唔係太好味，牛腩亦都係普普通通。埋單每人大約$50，價錢唔算平。

聽說九龍城這裏有一間牛腩的高手店，我們便特意跑過來試一試，吃了這裏的咖喱牛腩撈伊麵、咖喱牛筋腩飯。放入嘴裏後的一刻，已經大大扣分了！！因為這兩碟飯、麵兩碟，也不是熱的，這是餐廳不能犯的第一大忌吧！！😖 除非你說這是涼麵？牛腩是可以的，肉質嫩滑甘香，但是咖喱汁非常一般，沒有香味、沒有特色，和快餐的咖喱汁沒有分別，而且是不熱的，整體是非常一般的水平。牛骨湯的味道是討好的十分濃郁，真是用牛骨長時間熬製而成的。

本人一直係牛腩撈粗既粉絲。友人都係極鐘意食牛腩 ，一向同佢口味相近。 佢極力推薦坤記牛腩，咁就不坊去食下喇一坐底睇餐牌 果然老字號 價錢都有別於一般牛腩麵，差唔多2倍牛腩撈 黎到 個湯 同平時唔同 呢d 睇得出係用牛骨煲出黎 個湯抵讚。到主角牛腩 ，牛腩炆得好林，唔痴牙，好入味但我會覺得唔夠肥 冇左入口即溶既感覺。友人話要入即溶 就去食和牛喇😖到個麵，份量夠大 醬汁都夠 但我略微覺得唔夠乾身。呢間老字號 我覺得唔錯 但價錢方面就不敢苟同 。呢個價位食碗牛腩麵好食是本份吧。未必會再返轉頭食 因為感覺唔太深刻 同隔離$30碗既真係分唔唔會相差太遠

九龍城食肆林立，包羅萬有，粥麵店不算多，坤記具一定名氣，今回選擇咖哩牛筋腩粗麵，咖哩湯底濃味適度，牛筋腩夠晒腍，膠質豐富，有黏口感覺，和粗麵特别相襯，粗麵好腍滑，口感豐富，一碗超好味湯麵。

因為小伙伴想吃牛腩，所以就選了這家。可惜麼有奶茶喝，只有汽水。有忌廉汽水和普通的可樂七夕等等。上湯牛筋腩的湯好清甜，忍不住多喝幾口。但略微有點咸～牛河煮得太過了，已經棉了易斷… 咖哩牛腩咖哩很香，超下飯！小伙伴表示好吃咖哩牛筋腩可以說是清湯和咖哩的混合體哈，有湯有咖哩。小伙伴點的粗面十分吸味。

以前去九龍城食飯，第一時間想起食泰國菜，而家除左泰國菜，仲多左好多選擇啦!呢間餐廳係睇雜誌發現，通常雜誌實寫到要幾好有幾好味咁，，不能盡信嘅!不過我地試過一次之後，今次已經第三次黎食啦!今日食左咖哩牛筋腩湯伊麵同牛腩撈麵!咖哩湯香濃，牛腩好淋好入味!最重要伊麵淋得黎仲有少少咬口而唔係入到口“梅“晒個種口感!至於附送牛腩撈麵的湯，甜而香濃，唔知用左咩秘方呢？份量剛好，之後仲可以食糖水!而價錢黎講不算好新民，久唔久一次都不錯!

今日下午茶時間，一支公諗住去食牛腩，一入去都人多唔知可以坐邊，同姐姐講「一位」，之後指左我去一個但原來冇櫈.......搵櫈途中，有個大家姐喝我去另一個位，我見到有個位揀咗留座牌問姐姐坐唔坐得，佢話有人，我問：「有人？個人得你見到我見唔到㗎？」佢話一陣員工食飯用。ok，合理吖，咁我俾返個位佢，淨係借走張櫈。我攞住張櫈，大家姐又喝我去另一位，話：「咪有櫈囉，攞張櫈做咩！」但原來個位又已經有人，知道自己樣衰左之後佢補多句：「咪叫左你去一號囉！」我頂唔順話：「冇櫈呀姐姐！」之後大家姐唔敢望我，唔出聲，最後小弟只有講句：「我唔食啦！麻煩哂你地呀！🙂」到底黑衫大家姐係咪老細呢？係我就恭喜佢生意興隆！如果唔係，坤記老闆見到依個post，麻煩你改善一下員工服務水準，感激。

係youtube，飲食男女都有介紹過，坤記同聯發隔一個舖，次次去對面利口福都見人係聯發等位，坤記就空空，今晚突然想食牛腩麵，就膽粗粗去試下。首先來一個清湯蘿蔔，湯好甜，蘿蔔林到有啲碎，可能係煮咗成日的關係。上湯牛腩撈粗，$72一碟，個湯係牛湯，同碗蘿蔔湯唔同，味道ok. 好想食聯發义燒煎蛋飯，叫咗一碗加杯凍檸茶，嘩！杯凍檸茶票$24，係咪好好飲？其實超唔值。碗义燒飯，啲飯太多水煮，林身，义燒番煮過，只係賣相ok, 以後唔會再食。仲叫咗菜肉雲呑，煮過頭，啲皮一夾就爛。個淨撈粗，太甜。總括，聯發唔洗試，坤記啲牛腩唔算超班，試過就算。

今朝工作完回來已到食Brunch時間，這間坤記牛腩店便是我們的選擇，兩個同樣選擇了牛筋腩粗麵食。一埋嚟梗係飲湯先啦牛腩湯好清甜味美，牛腩肥瘦適中，煮得好𣺉，牛筋補膠原呢

剛剛食完牛腩米， 來到當然首先要試飲飲湯啦，一 飲落口，就知好唔掂，湯是 鹹中帶甜，完全沒有什麼味道。鹹甜两種味道都可以在 味蕾內同時分辨出感覺，再試一口牛腩，0華....只得有甜味而完全沒有牛味！再食落去便是米粉，比橡筋還要韌。o趙了两口即退貨。好彩，他們還肯換給我一碗，但那米粉還比其他店韌的。結論：從未食過一間牛腩面有咁差嘅 效果。我本人死也不會再來這店。

九龍城可說是美食的勝地，主要火鍋店、泰國菜、點心店林立，競爭激烈。不過為迎接港鐵的沙中線來臨，不同餐種的餐廳也開始進駐逐鹿這個中原地區。今天剛修剪完頭髮以後，略見胃部尚有空間，便來到相鄰的茶餐廳品嚐一吓她的牛肉麵。來到的時候 經已高朋滿座，也湧現排隊的趨勢，因此來到這間 粉麵店，試試人氣的牛腩湯麵。上湯牛筋腩伊麵 $57雖然細塊狀的牛根和牛腩滿滿的鋪蓋在伊麵上，但這碗上湯牛筋腩麵總體份量略為較少。細塊狀的牛腩肉質鬆軟，幾乎不使嚼勁，肉味也不算突出，濃度只屬恰當好處。然而，稍為失望的是細條狀的牛筋甚使著勁，也未能咬斷。湯底濃度是恰當的，鹹味中帶點清點。總體而言，每所的餐廳也有她的獨到之處，方能在群雄中殺出重圍。如果能在天秤左邊的堅持執著和右邊的大眾市場口味，取得一個和諧平衡點，倒轉能是上上之策。

坤記牛腩有幾出名大家知， 香港人唔出名唔貴唔食， 坤記食品味道一般，價錢都唔係平， 平日午餐時間小貓三兩隻， 店員串到爆燈黑口黑面， 極冇禮貌， 食唔飽唔緊要， 睇見掂完啲面口包你飽曬。

依間鋪頭名就聽咗好耐啦，但就未去過、今日同朋友就入咗去叫咗個炸魚皮$26 係跟一碗清湯比你點嚟食、魚皮好脆口，個清湯就清清地丶冇乜味！另外叫咗碗牛腩粉、牛腩米湯底味道剛剛好冇話偏鹹或者偏淡，牛腩炆得淋，味道都好鮮，係好味既，佢仲落咗好多蔥、啱晒我鍾意食葱嘅人、如果你唔食蔥就記住叫佢走蔥啦！ 不過有一樣野要講嘅係以$50一碗嘅價錢來講，我就希望佢唔好比D咁碎既河粉比人客，碎到筷子都唔使用啊，乾脆用匙羹食，唔好以為我食到尾先咁碎呀、一開波已經係咁啦