壽司屋

Open Now

Now Closed

去開附近做嘢，無意中見到呢間小店，好細間，得兩張檯，入面好有家庭feel，而家好少見呢啲小店😍見有位入去試吓，入面得兩公婆打理，價錢唔算貴，元x價錢，款式都好大路叫左三文魚刺身，海膽壽司，三文魚子，鰻魚，希靈魚，劍魚腩，赤貝，燒左口魚，松葉蟹棒，明太子沙律🤤🤤🤤🤤因為得兩公婆打理間鋪頭，要d時間等三文魚刺身要厚勁新鮮😋，之後仲叫多左份三文魚刺身😂同埋叫多左次左口魚同劍魚腩😂鰻魚同左口魚係非常出色，其他都勁新鮮同埋厚切😋最緊要d軍艦壽司嘅紫菜係勁脆🥹香港真係冇乜呢啲小店係咁用心🥹佢哋都係做附近熟客為主兩個人食左5百左右，呢個價錢呢個質素真係好抵食臨走仲叫左個鰻魚飯打包返屋企俾奶奶食，奶奶話鰻魚好厚好出色😋如果香港多啲呢種家庭小店就好喇🥺🥹

小店在最多野食太安樓對面，偏住宅區的某小店。不經意的好奇下進店晚餐，小店裝飾很有日本家庭式居酒屋，有兩張枱和2人bar枱位，小店樓底好高和適當空間感，店裡不會令到有擠迫壓迫感，環境座位都舒適👍🏻！食物：不好意思老闆娘先👉🏻原本沒有期望，但比想像好，壽司質素平均，不過不失，火炙三文魚腩 鰻魚壽司 好味，最鍾意限定既秋葵八爪魚。價錢：我地2人埋單好似$208，好抵！我地都食到好飽。最鍾意餐廳既氛圍感，+本身鍾情獨有小店既人情味，老闆娘老闆應該都想營造以上感覺？如是我好成功👍🏻以及見到買外賣的客都似多熟客幫襯。

多年前我哥曾在這間店買了外賣壽司回來，今次是我首次光顧呢。點了饅魚飯和刺身(還有一杯飲料，但我忘了名字.....)，本來我只是等車想隨便吃個飯，結果令人喜出望外 - 三文魚生很厚，剛弄好的饅魚飯熱騰騰，饅魚軟熟又不會一夾即爛，汁也不會太濃蓋過饅魚的本味。怎麼在搬離西灣河才知道這店舖的優秀呀.....P.S 當時是11時50分，進去後才發現12時才開始營業，抱歉喔......希望老闆和老闆娘沒有因我而影響準備事宜，我一定會再在探父母時光顧的!

🍣 三文吞拿刺身丼 $60💯 評分：🌕🌕🌕🌗🌑 (3.5/5)💬 幾片三文魚同吞拿魚刺身都切得相當厚身，保留到魚生應該擁有嘅鮮甜，亦完全冇腥臭味，一啖肉一啖飯十分滿足。😋🍐 蜂蜜梨茶 $10💯 評分：🌕🌕🌕🌑🌑 (3/5)💬 雖然味道甜咗少少，不過飲落夠熱相當暖胃。😌🦭 鰻魚飯 $65💯 評分：🌕🌕🌕🌕🌑 (4/5)💬 條鰻魚非常大條，肉質入口即溶，食落唔會骨杉杉咁。至於啲飯係珍珠米，既彈牙又粒粒分明，仲要新鮮整好熱辣辣，配合甜豉油味道恰到好處。🤤🫒 蜂蜜梅茶 $10💯 評分：🌕🌕🌕🌕🌑 (4/5)💬 即叫即沖熱情如火，味道酸酸甜甜咁幾開胃。😚

呢間舖頭舖位好細，係得幾個位。食物質素好高，價錢又抵，老闆又好人，真係會不斷去食。叫咗三文魚飯，啲三文魚切得好厚，超級意外。對上一次食咁厚生嘅三文魚係喺Markham, Canada!! 壽司都係十幾蚊有兩件，抵食。我就好鐘意辣味螺肉，就叫咗一份$15，上到黎比預期中大份，螺肉都唔係梅梅爛爛，係大大粒，好有咬口，鐘意食辣味螺肉一定要叫！總而言之，呢度係物超所值。Highly recommended if you are looking for cheap lunch

位置比較不易睇 但富有人情味 裝修比較有趣 有好多書籍睇，鰻魚飯好食，價錢相宜，用料唔錯，比起附近壽司店還要好，好值得一試 店主家人不錯，但座位不多 上限10個座位 值得推薦

其實今次已經唔係第一次嚟食㗎喇幫襯咗幾年，一直睇住佢哋仔仔長大不過今次係第一次寫食評今次嗌左佢哋嘅壽司外賣都保持一向水！不過不失！唯獨依然少位希望老成區小店可以keep到下下一式一樣好難搞如果有機會來試嘅朋友可以試下辣味三文魚魚鬆飯

呢間真係由細幫襯到大。d野又平又好食，小店長有時會攞舖幫手，好乖巧！我次次黎親都會叫燒鯖魚同三文魚鬆飯。兩樣都係你唔會捨得唔食嗮佢：燒鯖魚外脆內嫩滑，脆卜卜嘅皮上面有d鹽，成條魚熱辣辣好好食！三文魚鬆飯係辣辣地嘅，非常香口，加埋芝麻嘅想....真係食過你就唔會叫其他。先三十五蚊，邊度搵啊！

這星期陰霾籠罩，細雨綿綿，外出亦覺麻煩，但還是心癢癢想吃一頓好吃晚餐，在西灣河太安樓隨意逛了一圈後，步向太古方向，約莫走兩個街口，鑽進一條橫巷，便能看見一個毫不顯眼，卻不禁讓人感到窩心的招牌——「壽司屋」。一開始在幾年前知道這間小店時，沒多大期望，可在真正認識這間店舖後，便能發掘到這間店舖的獨特和對客人的深情。一進店舖，店主很快親切地為我們送上熱茶、筷子和豉油碟。我們首先點了一下吞拿魚刺身和三文魚刺身。厚厚與甘甜的三文魚刺身和同樣新鮮的吞拿魚刺身首先送上。再來是我喜愛的蛋壽司、醋鯖魚壽司與北寄貝沙律壽司。有時我們到一些不太專業的壽司店或是大部分的連鎖壽司店，筷子一夾，飯很快便散開了，一試便知是龍是鳳。但壽司屋的壽司，即使我稍為用力，飯也不曾散開，這就是店主的功力。值得一題的是這裏的北寄貝沙律壽司，一放進口便充滿鮮甜的感覺，沙律醬不會下得太多，以致蓋過了北寄貝的鮮味，裹着飯的紫菜，因為是新鮮即時製作，也不會變得過軟，吃下去能發出爽脆的聲音。我們每次都會點火炙左口魚壽司我火炙三文魚壽司。這裏的火炙壽司每次都恰到好處，左口魚被火槍輕輕灼燒後生出的酒脂香味，只要靠近鼻子，便能嗅見。吃下去，也自

因為工作關係，經過呢到，甘岩中午時份，就想食埋lunch先返公司，鋪面唔算好起眼，但仔細睇過menu，發現價錢唔貴又想食下日本野，於是入左黎食。首先，佢鋪仔細細，位唔多，但可能因為家庭式經營，成間鋪俾人感覺好親切同溫馨，呢種小店係香港都越黎越少啦。望望餐牌，最後點左一個飯同刺身。先講立魚刺身，二十蚊有五片，雖然質素唔高，亦唔算好有鮮味，但以呢個價錢黎講，絕對係物超所值﹗然後日式豬軟骨飯，果汁醬唔會太鹹偏甜，餸飯一流。豬軟骨係切薄左鋪面加上芝麻同蔥花，雖然豬軟骨量不多，但整體黎講呢個傻飯係好食同飽肚呀。我食左兩樣野，埋單都係六十蚊有找，真係好抵食﹗支持小店﹗

平日經過見係小巷，無乜人行，應該係小店，諗住做學校生意有良心d價錢唔貴既$28，午餐加$1可以揀味噌湯，加$5可以揀三文魚頭湯叫左外賣，打開個飯，得5舊雞肉，一條菜都無香港d飯盒你叫燒肉飯真係得燒肉，我去日本立食都有d菜啊雞味道可以但不至於好想再食今時今日其實蔬菜真係唔貴，你賣俾學生哥都營養均衡d啊個三文魚頭湯無特別，有蘿蔔，有小小魚肉，又唔係特別鮮，可能平d叫味噌湯好過。有d失望，唔會再幫襯，可以開咁耐都幾勁

呢間壽司屋店內十分細，只有兩三張台，所以好容易就會滿座，今次碰運氣經過見到有位，即刻走入去食！入去既時候咁岩老闆一家人食緊飯，所以都有d唔好意思、怕會阻住佢地收工，但老闆娘都好熱情咁招待我地叫我地坐。店內環境好溫馨，有個小書櫃入面裝滿左書，客人可以等緊既時候睇下書，牆上仲有好多玩具擺設等。所有裝修、擺設都好似屋企咁。三文魚刺身、甜蝦刺身三文魚刺身都算厚切、新鮮，甜蝦份量好多阿！帶子壽司、赤貝壽司、北寄貝壽司、象拔蚌壽司帶子壽司值得一讚，係原粒帶子阿！比起一般出面連鎖既壽司店平之餘，份量仲大粒。海膽軍艦、芥末八爪魚軍艦、蟹膏軍艦海膽軍艦有驚喜，好鮮甜阿，冇唸過小店既軍艦可以咁出色。芥末八爪魚都新鮮，因為食落唔似係預先撈好放雪櫃個d。加州卷、明太子沙律軍艦明太子沙律軍艦有驚喜，初初以為會係一粒粒明太子散開撈沙律醬，但佢係切成一舊舊，份量都幾多下，明太子爽口，鹹鹹地，加埋沙律醬好夾。另外仲叫左火炙左口魚壽司同埋火炙三文魚壽司，掛住食唔記得影相。兩種壽司都係入口即溶，如果鍾意中魚油既人可以一試，係我每次食壽司都必點。係壽司屋食野特別有人情味，而且呢到有屋企既感覺，用料出符意料地新鮮，製作用心。

一進入小店很有家的感覺，店員服務親善有禮，食物新鮮，環境舒適，價錢又平易近人，必食推介是蟹糕壽司，鰻魚飯，鹽燒青魚，炙燒比目魚壽司，帆立貝刺身，其他刺身也很好吃，必定會再次到來

一點九黎到呢間只得十一個位既壽司店。叫左帆立貝壽司，甜蝦，象拔蚌壽司。一黎到嚇左我一跳。因為個帆立貝壽司有成粒帆立貝，而且非常的鮮甜。最緊要係賣$35 兩件。再黎有墨魚壽司、油甘魚同埋赤貝壽司。全部都有油份。赤貝爽甜。軍艦既紫菜係脆既。叫左蟹膏同芥辣八爪魚。玉子大塊！由於驚唔飽就叫左照燒雞扒飯。黎到就覺得佢齋左d. 因為無菜。照燒雞份量對比個白飯係偏小既。但$35 又可點要求呢？由於成間餐廳都無菜類，所以後加左個中華沙律。十幾蚊就有壽司食。而且仲有午市特價飯（有三款選擇）仲可以加$2 有面豉湯、$3 汽水同$5 三文魚頭湯添。佢地有落場時間1430-1730。要去食記住預時間。

今晚和同事相約在這小店食晚飯，因之前她提過想吃壽司，而她對食一向有要求，我就想起這小店之前曾經有朋友帶我來吃過，都好一陣子，感覺很好很回味，特別是蟹膏壽司，少有壽司店有這款壽司，就算有也未必好味或腥味重，這間是我食過的數一數二，真的一試難忘而香港人最鍾意食的三文魚刺身，好鮮甜而且肉厚，抵食還有海膽壽司，海膽同樣鮮甜，入口即溶刺身還有甘海老(即甜蝦)，老闆娘很細心，將蝦頭不能吃的部份取走，剩餘蝦腦(好似係)是可以吃的，我沒有吃，但望落去好靚，銀色的重有手卷，我吃了明太子沙律手卷，明太子的份量都幾多，咬落去好有口感，不錯最後吃了烏冬，是稻庭烏冬，及吃了豬軟骨，烏冬都是一般的稻庭烏冬，當然好食豬軟骨就麻麻地，我和同事都覺得太濃味，如果送飯應該唔錯，整體來說，一個字一定會再食，而且老闆娘很友善，服務及食物質素都很好，值得一試!