夜櫻 • 居 (Closed)

😌呢排出街成日都會搵啲日本餐廳，實在太掛住日本嘅美食啦☺️疫情冇得去旅行，食吓日本嘢頂住癮😂呢一間位於旺角嘅日本餐廳，裝修別緻，天花板掛滿紫色花花～而且價錢又唔貴，環境位置方便，喺旺角都係一個唔錯嘅選擇😍..▫️ 【極品刺身定食】$228⭐️強烈推薦⭐️賣相非常得體，感覺好精緻，總共有九款刺身，每一款總共有1-4塊，包括有赤蝦、三文魚、吞拿魚、帶子、八爪魚、魷魚，每一款都非常厚身，絕對唔孤寒，食落啖啖肉☺️鮮味十足‼️自己最鍾意就係食赤蝦，帶子都非常鮮甜又厚肉，魷魚都唔錯，食落爽彈🥳而且定食套餐仲包埋麵豉湯、沙律、同埋漬物，整體來講都好豐富，值回票價😊..▫️ 【西京銀鱈魚】$168⭐️強烈推薦⭐️西京燒銀雪魚一向都好鍾意食，估唔到呢一間水準都唔錯，燒汁好香濃，再配搭埋銀鱈魚非常之滑嫩，而且唔會燒到銀雪魚肉汁流失😊唔錯唔錯，如果可以更加焦香～有少許燶邊效果更加有層次♥️🥳..▫️ 【汁燒鮮冬菇】$16⭐️強烈推薦⭐️呢一款汁燒鮮冬菇我都非常之推介，燒汁香濃🥰燒出嚟嘅冬菇更加香口入味，上邊仲加咗啲木魚碎，拎到先冬菇鮮味再進一步昇華！好味🥳..▫️ 【蜜糖燒菠蘿】$20本身我係菠蘿愛好者🤣食日本生其實都好容易漏喉，嗌

【旺角】夜櫻·居.鮮帶子刺身食剩指數:0/100帶子刺身一共6片切得都唔算好薄食落幾鮮甜.汁燒原條烏賊🦑食剩指數:0/100原條烏賊好大條好新鮮入口彈牙食材本身都ok所以加少少燒汁調味燒完已經幾唔錯.明太子雞翼食剩指數:0/100雞翼去骨釀入明太子味道少少香辣.鰻魚玉子卷食剩指數:0/100卷物叫左個鰻魚玉子卷鰻魚燒得香腍玉子同青瓜幾配合簡單好食.蜜瓜雪葩食剩指數:0/100甜品方面超級驚喜首先佢造型已經好正一片蜜瓜既肉變左雪葩雪葩好香蜜瓜味唔會有假合成水果甜味口感幾creamy唔會好快溶

啱啱嘅母親節諗住同媽媽食返餐好🥳呢間新開嘅日式居酒屋都幾多好評 就黎試一試佢☺️天花板嘅紫色夜櫻花海 適合拎黎打卡😙座位都幾闊落 坐得幾舒服😌-#火炙海鮮壽司丼套餐 $88火炙刺身有四五款 再加埋蟹籽最推薦嘅係三文魚腩 輕輕比火槍燒過🔥啲油脂逼左出黎香噴噴🤤入口即溶 好食！😋😋-#牛油果軟殼蟹卷 $138軟殼蟹足料🦀 炸得脆身又唔膩牛油果亦都啱啱好🥑 唔會太生或者太熟-#油甘魚刺身 $60/三文魚刺身 $32/帆立貝刺身 $68三款刺身色澤都幾靚🍣 食落去夠新鮮唔腥最推薦係油甘魚 厚身得來又夠肥美😋😋-#唐揚雞軟骨 $48雞軟骨炸得酥脆 調味幾好拎黎佐啤酒一流🍺 唔覺唔覺就食晒-📍夜櫻 • 居旺角彌敦道558-560號譽發商業大廈1樓#4feiporinmongkok

📍 夜櫻 • 居一連岀兩篇食評深夜毒下大家先😈🤣上星期同朋友突然間想食日本嘢🤭 於是就喺OpenRice嗰度睇有啲咩推介🤭 無意之中留意到呢一間新開無耐嘅日本餐廳🤪-芝士蛋黃燒龍蝦包 $168大大隻龍蝦頭同兩個蟹鉗放係碟上面🤩旁邊放咗四舊蝦多士 每舊多士上面都有好多舊蟹肉🤤啖啖蝦肉都好Juicy😍 食落去有咬口、鮮味🤤仲意食龍蝦嘅唔好錯過！吉列豬扒烏冬 $78呢一款係午市套餐🙆🏻 套餐會包一罐嘢飲吉列豬扒食落去酥脆 咬落去有肉汁 烏冬食落去彈牙有咬口😋 湯都幾濃壽司系列 $94壽司叫左3款🙈 油甘魚（$40）、親子花之戀（$26）、蟹籽軍艦（$28）推介花之戀😍 三文魚加上滿滿嘅三文魚子🤩食落去口感唔錯👍🏻 油甘魚印象中好似第一次食但係個人都覺得幾好食😋 蟹子軍艦啲蟹子多到走晒出嚟😍鹽燒雞腎 $20$20 有一串 雞腎食落有咬口 鹹鹹地 🙆🏻 Size 啱啱好🙆🏻 一口一啖燒芝士年糕 $38年糕食落去軟糯😋 中間仲夾住滿滿嘅芝士😍食落去芝士味濃郁 但係放落口有少少油🤭 整體我覺得幾好食😋柚子雪葩 $68甜品方面就叫咗一個柚子雪葩🤭柚子味都幾重 食落去口感好冰涼 鍾意食雪糕嘅可以試吓🤤-

高闊的樓底，掛滿迷人的紫藤花，紫醉浪漫。環境以木製傢俬為主，掛滿日本紙燈籠，充滿和式風情。布簾後有榻榻米位置，和朋友們舒服地品嚐美食，私隱度高。火炙海鮮壽司丼配 面豉湯/沙律菜$88火炙壽司丼十分誘惑，豐富配料：三文魚、吞拿魚、帶子、左口魚及北寄貝等，刺身經火炙後，魚鮨豐沛，表面油光亮澤，食指大動。三文魚入口滑溜即化，不沾豉油，更能品嚐魚油鮮香。帶子肉質仍然綿潤，圓厚細滑，有微微火炙焦香，十分鮮甜。吞拿魚散發魚油甘香，惹味細膩，拌勻卜卜脆蟹籽，啖啖鮮味，加上軟綿玉子點綴，令丼飯加倍升華。芝士蛋黃燒龍蝦包$168龍蝦包是必點推介，多士香烤至酥化，表面鋪滿龍蝦肉。多士帶濃濃牛油香，大啖咬下去，滿咀都是爽彈龍蝦肉，配以芝士蛋黃醬，惹味吸引，愈吃愈過癮! 龍蝦鉗一早已被敲碎，輕鬆便可享用鮮甜的肉，令人回味。三文魚頭鍋$78魚鍋香氣撲鼻，三文魚頭香炸後，切件放入鍋中烹煮，先呷一口甜湯，充滿魚之鮮味。魚頭肉質肥厚，魚皮微脆，用筷子輕輕叉出魚肉，魚油緩緩溢出，質感油潤香脆。湯內有蔬菜和炸豆腐，粉絲吸收了魚湯精華，質感順口，豆腐外脆內滑，純樸的油香已是滋味無窮!鰻魚玉子卷$88鰻魚卷配上濃郁的燒汁，蜜

平時好少會過九龍區，附近做嘢就順便食埋晚飯啦😄經過譽發商業大廈，見有個派傳單介紹居酒屋🏮新開做緊優惠！🤩 即刻俾佢吸引住上到去見到裝修好有日本風味 天花板掛住滿滿嘅紫色櫻花🌸💜再睇下餐牌又真係有好多都做緊半價喎🤑 油甘魚腩刺身🐟都幾厚身，又夠新鮮！火焰左口魚邊壽司🍣入口即溶，值得encore 軟殼蟹手卷🦀都幾大件下，炸粉唔好太厚，好食鹽燒五花腩🐽味道香口，個人十分推介呢個！值得試辛口朝鮮炒大蜆辣辣地有啲似泰式辣醬，份量都好多 好開胃！正！個人覺得壽司比較優勝😋 價錢實惠，地點又就腳，重點員工態度好好不過呢到冷氣好凍啊，記得帶🧥

味道：⭐️⭐️⭐️⭐️居酒屋內掛滿一串紫藤花 佈置成日式庭院般🎑令人嚮往日本邊賞花、打卡既快樂時光✈️❶芝士蛋黃燒龍蝦包🦞 $168呢個小食以龍蝦頭同兩隻龍蝦鉗作為裝飾 ✨足料又吸睛 真係誠意之作🙇🏻‍♀️多士烘得夠脆身 🥖龍蝦肉分量多 肉質鮮甜、彈牙👍🏻配埋惹味既明太子醬汁 令人食指大動🥢❷特上壽司定食 🍱$148由廚師安排七款特定既壽司🍣整體壽司質素唔差❤️仲配埋烏冬、沙律、漬物同麵豉湯🤩大食嘅朋友都洗驚會唔夠飽😈❸火炙海鮮壽司丼 🍚$88經過火炙處理既魚生🔥表面帶微微焦 仲多左一份豐腴既油香🤤海鮮既份量完全冇將貨就價🏷絕對係抵食之選🙌🏻⚠️Like 同share 社交平台 page會送一客三文魚刺身🎁

最近有睇我Story嘅人都知，我好沉迷鬼滅之刃。我發現左旺角區有一間日式居酒屋，全店都掛滿「紫藤花」呀！勁似鬼滅之刃嘅場景「紫藤山」😍  ☸️除左睇「紫藤花」，梗係要叫下野食。  💟龍蝦刺身 $488－ 呢個澳洲龍蝦刺身原價688，新開張期間只係488，食完仲可以加＄50整個龍蝦粥，佢會扑碎哂個龍蝦殼煮個粥，超香勁好食，足足煮左3碗出黎，飽死，不過去到尾聲唔記得左影相💟壽司拼盤$198 - 總共有6款壽司x 2，共12件。 - 有幾款不知名魚幾好食，幾腍又滑 - 部份壽司飯有少少易散，可以再結實D  💟左口魚壽司$32 - 魚片大塊，油香好重，唔錯  💟黃金牛油煎蠔$68 - 性價比高，蠔腦味好香，可能加左牛油咸左少少  另外仲點左一份三文魚籽飯，不過一片混亂唔記得左影相🤣🤣🤣🤣  係度同朋友飲野傾計慢慢坐都幾正  📍夜櫻。居 旺角彌敦道558-560號譽發商業大廈1樓  

呢日放工之後同屋企人出去食dinner，呢間日本餐廳既裝修好夢幻，有好多花花做裝飾，對住咁靚既環境，食飯都開心啲啊。睇睇餐牌，見到都有幾多選擇。呢到用QR code落單，好方便。我地點左三樣野，首先係好吸引既海膽三色丼啊😍入面有勁多吞拿魚啊！仲有大大粒既爆汁魚子同埋creamy肥美既海膽🤤另外仲有極品刺身定食，都唔錯，有成9款刺身咁多，每款有兩片，仲有埋麵鼓湯同白飯。好豐富。燒味醂魚干燒得好惹味，唔會太乾身，

已經第二次去呢間嘢食因為環境確實很好兩次佢都係坐大房，兩次都有帶小朋友去房間要除鞋進入，夠晒乾淨衛生安心俾小朋友喺房玩都ok等我哋大人都可以飲返兩杯🍶手機QR code落單我哋唔小心落錯單佢哋都好好，幫我哋退返食物方面都好好味最有驚喜係『雞皮』👍🏻👍🏻👍🏻😂食物種類夠多，壽司4人份勁多刺身船好新鮮仲叫左個三文魚炒飯俾小朋友食結果好食到大人都食埋一份😂總結！呢間日本餐廳係會繼續去食😋

有日行街去到旺角家樂商場後面條街望到有棟食廈嘅1樓嘅餐廳d裝修好靚由落地玻璃望入去見到有間勁多紫色花花做裝飾就係咁 我哋就被吸引咗上去😂入面係日式居酒屋風食物嘅CP值好高.🔸螢光魷魚（$24）❤️我至愛！好食！魷魚質地彈牙，滿滿咸香而又唔會過咸，好好味嘅佐酒小食！.🔸曉櫻．壽司合盛二人前（$198）有七款壽司，每款2單，師傅按當日新鮮嚟發板，所以魚生新鮮，飯有醋香，仲有甜甜嘅玉子燒，唔錯！.🔸汁燒原條烏賊（$98）❤️烏賊超厚又彈牙，大推！燒完勁香，尤其係鬚位係更香口，薄薄一層燒烤汁，好惹味又唔會搶咗烏賊嘅鮮味。.🔸炸豆腐（$48）👍🏻類似土佐豆腐嘅做法，不過哩款係用炸漿至非木魚絲做外層，外層脆口，豆腐嫩滑，配天婦羅汁同蘿蔔蓉嚟食，好味！.🔸蜜糖燒菠蘿（$20）❤️好好味！超甜、少少酸，燒完嘅菠蘿又香又燒又甜又多汁，可以encore ！.🔸咖哩雞扒烏冬（$68）照燒雞扒好入味，個皮好脆！湯底係日式咖哩+豬骨湯，夠惹味，手打烏冬滑溜彈牙，幾掛湯。

依間樓上嘅日式餐廳有榻榻米位，會有個簾隔住外面啲普通枱櫈，望落有一定私隱度，同朋友嚟食飯吹水就啱哂㊙️🤣不過其實今次我係坐外面嘅普通枱櫈🤣🤣.呢到提供一般日式餐廳都有嘅定食或者丼，朋友揀咗燒三文魚定食，我就揀咗吞拿魚腩碎丼。係一個set咁上，有沙律、前菜同埋麵豉湯。吞拿魚腩碎丼正正常常，朋友嘅燒三文魚都燒得幾香。今次仲叫咗火炙左口魚邊壽司，左口魚邊食落好肥美，燒過之後食落有更多魚油。見到燒菠蘿好似好吸引，所以同朋友叫咗一人一條。不過我覺得菠蘿有啲酸🤣但係朋友就覺得ok🤣.呢到仲有提供唔同嘅串燒、刺身、壽司同埋鍋物等等😌選擇都算多。

旺角佈滿紫色花海既日本壽司刺身店，刺身新鮮運到香港，選擇多，價錢亦親民。座位寬敞，適合同朋友詳談，另設有日式榻榻米座位，私隱度高，需預先訂座。🍣曉櫻．刺身二人前不同人數可選擇不同類別的刺身拼盤，就算是二人前都有分種類同件數的選擇。今次試8件刺身，包括三文魚、北寄貝、甜蝦、帶子、八爪魚、劍魚腩同章紅，每件都訓鮮，份量ok.🍣火炙左口魚邊壽司店主推介，我本身都中意食左口魚，因為佢魚油香，入口即溶。🍣加拿大海膽軍艦厚厚的海膽，入口鮮甜。🍣辛辣三文魚軍艦三文魚配上辣醬，味道好夾🐄黑椒牛舌及鹽燒雞腎調味調得剛剛好，燒亦燒得剛好，不會太硬。🐄日本A4和牛肉質幼嫩，燒得剛剛好，一個柯打有三件，份量適中。

譽發商業大廈新開了一間日式居酒屋，這天就來了吃午餐。餐廳充滿和風設計，門口有櫻花佈置，而室內天花亦掛滿了一串串的燈籠和紫滕花，蠻浪漫的小食點了一份芝士蛋黃燒龍蝦包，🦞賣相很美，上菜一陣香氣襲來，很吸引。烹調用料毫不吝嗇，每片吐司上都有啖啖的龍蝦肉，加上醬汁來烤很惹味。而伴碟的龍蝦鉗也很厚肉，蝦頭更是爆膏呢點了火炙海鮮壽司丼，刺身的款式很多，有三文魚腩、北寄貝、帆立貝、左口魚、三文魚籽和魷魚等。當中最喜歡火炙左口魚，嚐到滿嘴魚脂香，而魚肉更是油脂飽滿，在入口的一刻在嘴裡融化。而另一主食點了極品壽司定食，除了套餐配的沙律、面豉湯和漬物外，還有一碗熱騰騰的烏冬。赤蝦壽司很大隻鮮甜，口感細綿，有黏口的感覺。

旺角新開咗間日式居酒屋🏮！室內裝橫猶豫其名 #夜櫻居 ，佈滿紫色夜櫻，甚有日本風情💜。食物亦如居酒屋多樣化，壽司、刺生、和食、燒物通通都有。等候食物期間，好多食客都book咗🦞龍蝦刺生，不過今次就未有機會試到🥲。🥢雜錦刺身角丼一個set嚟，有沙律、麵豉湯、漬物。雜錦刺身角丼有三文魚、吞拿魚、蟹籽、希靈魚、玉子，角切刺生大大粒好有口感又新鮮，食得好滿足😋🥢手打稻庭冷烏冬呢個天氣最啱食凍食，稻庭冷烏冬爽滑彈牙，掛上醬油味道一流。🥢鹽燒雞皮、鹽燒五花腩燒得剛剛好，口感好香脆，鹽燒味十足！🥢汁燒雞翼、汁燒雞肉、汁燒鮮冬菇準燒食物水準不錯，醬油令肉質及冬菇🥢蟹柳壽司、玉子壽司蟹柳夠大條，玉子都很甜，中規中矩。🥢唐揚炸雞塊、燒芝士年糕炸雞香脆熱辣辣，年糕也是希拉絲感覺，點上沙律醬津津有味。🥢蜜糖燒菠蘿最後來了燒菠蘿，未知是否用台灣嘅菠蘿，非常香甜，食落無渣亦不酸，必試呢！夜櫻 • 居食物種類多，每種食物也保持烹調到水準，非常難得。職員也好nice，上菜快，環境亦乾淨，去開旺角油麻地一帶可以試試！