大丸和風食堂 (Closed)

大丸和風食堂位於通菜街，而呢條街就係出名好多隱世美食嘅集中地～今日就帶大家嚟到呢間性價比超高嘅平民日本料理，鍾意食壽司刺身嘅你萬勿錯過！1️⃣四點刺身⭐️⭐️⭐️⭐️四點刺身包含四款不同嘅刺身，有甜蝦、吞拿魚、油甘魚同埋三文魚腩～魚類嘅刺身非常新鮮，油甘魚有種好甘香嘅魚油味，而三文魚腩都非常之肥美，食到停唔到口！甜蝦雖然叫做甜蝦，但係好大隻，好似一隻阿根廷蝦刺身咁大，抵食得來仲好fresh好鮮甜😋2️⃣帶子、北寄貝、鯛魚壽司⭐️⭐️⭐️呢幾款壽司都同刺身一樣，用料上乘，由於刺身魚生同埋壽司其實唔需要好講究嘅廚藝，所以選材就係非常之重要嘅一環，呢度嘅海鮮空運到港，食到欲罷不能!🤩3️⃣海膽、蟹子、左口魚軍艦⭐️⭐️⭐️⭐️我最鍾意食嘅就係海膽！嗰種鮮甜同埋獨特嘅海水味實在係無可取替，而呢間餐廳嘅海膽更加係將呢一方面演繹到極致！配上新鮮嘅青瓜，剛好將海膽一點點腥味抵消咗，可以話係恰到好處～另外值得一提就係炙燒左口魚超級甘香，燒過嘅左口魚將魚油嘅香味逼晒出嚟，實在係此物只應天上有，人間難得幾回聞😍總括而言，呢間餐廳價錢相宜，食物高質，推介大家今晚諗唔到食咩不妨一試～

Lunch嚟到旺角，我哋嚟到女人街搵食，朋友想食日本嘢，我哋喺出面見到鋪頭裝修得幾靚，嘢食價錢又算平就入咗去試，點知就中咗伏...😥極上北海道帶子丼定食睇圖見到個丼有幾款刺身仲要定食都係88蚊好抵咁，上枱睇落都幾豐富，點知個沙律一放落口係咸到食唔到第二啖，個麵豉湯係凍冰冰嘅，應該裝完就放咗喺度好耐😓刺身丼有三文魚，帶子，三文魚子，一隻蝦同玉子，隻蝦食落有d腥味唔係好新鮮，其他刺身食落其實正常味道，不過都冇乜心情食落去😓黑蒜油蝦球拉麵個餐包埋兩件三文魚壽司，望落乾爭爭衰過爭鮮😂蝦球雖然幾大隻，但食落好大陣雪藏味😓拉麵食落冇咩特別，朋友形容係阿信屋買一包包拉麵自己煮都好食過佢😂見到裝修幾靚幾寬敞又坐得幾舒服，點知原來係因為冇乜客先咁多位，一坐低斟嘅仲以為係熱茶，點知只係水，係間唔合格嘅日本嘢餐廳😓奉勸大家唔使試#foodie #旺角劣食 #女人街 #拉麵 #hkig #hkfoodieblogger #hongkonger #foodblogger

平日放工行完街之後，嚟到旺角，心裏面好想食日本嘢，離地鐵站不遠，有間門面裝修非常乾淨企理，感覺充滿和風氣息嘅日本餐廳，見門口餐牌嘅價錢好抵食，選擇又非常吸引，便入去試下，估唔到有驚喜喎！餐廳晚上唔算非常多人，反而感覺寧靜舒適，座位亦都非常寬闊企理，好適合同朋友嚟呢度一邊傾計，一邊食飯。<鰻魚卷 $58>鰻魚卷份量非常之多，而且舊舊都係重量級嘅份量。鰻魚肉夠厚，包住入面嘅玉子蛋捲同青瓜，再配上鰻魚醬汁，味道好食。今晚壽司仲要有特價，九蚊一件甘抵食，當然要叫多幾個唔同嘅款式嚟試下啦！！～<火焰海膽醬赤蝦壽司 $9 /件>赤蝦非常大隻，而且爽滑彈牙，上面配有微甜海膽汁，再加上火焰效果，非常好味。<火焰黑松露帶子壽司 $9 /件>帶子勁大隻，而且非常厚肉，入口帶鮮甜味道，上面仲有濃郁嘅黑松露醬，配合得天衣無縫，絕對係必食之選。<火焰黑豚肉拉麵 $68>黑豚肉肥瘦均勻，入口有油脂香味，而且外面烤得微微焦香，非常惹味，另外最值得推薦嘅係佢哋配上嘅溫泉蛋入面係流心㗎！絕對係誠意推介！！～非常好食呵～麵嘅質地非常彈牙，配上豬骨湯底，非常好

平時旺角通菜街有好多小店餐廳，今日經過想食日本野，發現呢間價錢親民既日本餐廳。入面座位好闊落，裝修都幾日本風，以木系為主。晚市散叫為主，但整體價錢都唔貴，我哋要左三文魚加州卷，三文魚肥美新鮮。燒日本魷魚筒，原隻大大條，配上日本燒汁，甜甜地，肉質都夠彈牙。佢啲主食拉麵都好抵食，$70-80一碗。要左海鮮地獄拉麵，辛辣湯底，食起嚟都慶恰恰。麵既份量唔會少，好飽肚。海鮮配料都多，有原隻大蝦、青口等，好鮮甜，仲有溏心蛋，十分豐富。我哋再要多個小食，左口裙邊黑松露沙律，黑松露味道夠香濃，做沙律都唔錯。成餐飯連埋野飲都係$300左右，係旺角來講，絕對抵食，勝在都有質素，下次會再幫襯！

今次係旺角搵到間性價比高嘅餐廳！😃間餐廳都幾大，可能新開加上我去食個陣又係星期一晚，唔係好多人，兩個人都可以坐四人卡位🤣我地想試多幾款嘢食，所以淨係嗌左一款主食，其他都係小食或者卷物🤣雖然碟多春魚個樣有啲猙獰😂但唔腥，幾好味的仲有叫左個日式咖喱豬扒飯黎填飽個肚。覺得呢間餐廳啲食物份量都幾足。豬扒同皮唔會一夾就分開，咖哩汁送飯一流😚火炙三色卷。有帶子、吞拿魚同三文魚。雖然覺得啲醬有少少蓋過左魚嘅味道，不過整體都唔錯最尾嘅一碟小食係牛油帶子，係我覺得個晚最好食嘅一樣😚佢嘅牛油味好香，帶子大大粒口感好好，雜菌本身香之餘吸埋牛油嘅香味，用黎送飯或者就咁食都好正👍🏻以上每樣嘢都唔過$100，成餐飯兩個人食都係$312，係旺角鬧市可以搵到咁嘅價錢咁嘅質素，值得大家一試！

好耐都冇去過旺角，今日行過通菜街，啲舖頭居然都未收，堂食時間終於冇限制，實在值得好好慶祝吓，所以入咗間日本嘢試吓。呢間日本餐廳叫做大丸和風食堂，門口寫住啱啱開業無耐，咁我一於身先士卒。我哋都叫咗幾多嘢食，有壽司啦，天婦羅啦，刺身啦，丼飯啦仲有壽喜燒鍋，應有盡有，咁樣睇，呢間日本餐廳都幾正宗，有晒大部份你講得出嘅日本料理種類。👍🏼👍🏼個人覺得最好食嘅係壽司，魚肉大大嚿，壽司飯酸道恰到好處，幾有飽足感。另外炸天婦羅都好好食，除咗炸蝦，炸茄子都係好好食😋壽喜燒鍋可能用左啲靚牛肉，唔想過熟，所以上碟嘅時候，啲肉都係好滑嫩！🤣🤣我哋仲叫咗炸雞軟骨，燒多春魚同雞皮餃子，可惜就唔好叫到啤酒，唔係嘅話一定好正！

今日同女朋友去咗旺角行街睇戲，每次去到旺角，我哋梗係會食埋嘢先返屋企，旺角真係好多嘢食，我哋就最鍾意食日本菜，行到攰攰地上OpenRice望吓附近有咩食，見到有一間日式餐廳都幾吸引，即刻去試吓。大丸和風食堂，餐廳地址係旺角通菜街75號地舖。去到餐廳見到裝修好有日式風味，入到餐廳見到全部都係卡位，坐得都幾舒適。鍋仔手打烏冬 78元，手打烏冬口感真係好特別，食落去特別爽口彈牙煙煙韌韌。最正就係個湯底又青又甜。天婦羅炸蝦外面炸到卜卜脆，蝦肉味道鮮甜又爽口真係出色。蒜燒紐西蘭羊架 78元，羊架啱啱燒起，加上用鐵鍋做底保持溫度，入口香噴噴，羊肉仲係好嫩滑，食落去一啲羊臊味都冇，加上爆香左嘅蒜粒做調味，令到羊架嘅味道好有層次。日本番薯天婦羅 48元，外面炸到卜卜脆金黃色又好睇，又好味，入口番薯味好香甜。鹽燒三文魚腩 58元，三文魚腩食落去油脂豐富，魚肉味香，加上鹽燒同埋外面燒到有啲焦香，無論口感同味道都好出色。照燒魷魚筒 88元，魷魚嘅size都偏大食落去爽口彈牙味道鮮甜，加上特別調製嘅醬汁令到鮮味更加突出，最正就係有啲芝麻令到味道更加香口。

朋友在旺角附近返工，佢話lunch hour行過女人街，見到間日式餐廳門口寫住試業中，應該係新開，咁佢就話今晚不如食呢間啦。餐廳裡面都幾大，日系裝修，座位好寬闊，坐得好舒服。餐牌都幾多種類，樣樣都想食，最後我哋叫左個丼飯、拉麵同炸雞。和風炸雞：份量都幾多，雞剛炸起熱辣辣，脆口，佢上面仲唧左D沙律醬，食起上黎夠晒味道。特盛海鮮丼：刺身有三文魚、牡丹蝦、帶子、三文魚子同埋玉子，賣相吸引架。食材新鮮，食到刺身嘅鮮味。壽司飯加左少少醋，但又唔會太酸。另外叫丼飯都會跟一個味噌湯，味噌湯味道正常。值得一提就係，餐牌上寫可免費追加壽司飯，估唔到日式餐廳都會有白飯任裝。黑蒜油蝦拉麵：蝦幾大隻，蝦肉結實爽口，唔錯。拉麵口感煙韌，軟硬適中。黑蒜油味道幾香，整體湯底較濃味，都OK喎。

經過女人街見到有間新開嘅日本嘢，膽粗粗入咗去食，見啲相幾靚價錢又親民，未食之前都驚中伏，點知啲食物一上枱就feel到今次賴嘢🤡壽司飯冇醋味三文魚冇三文魚味帶子冇甜味麵豉湯冇鹹味牡丹蝦無鮮味海膽有臭味拖羅啱啱融雪最顛係食食吓個蕎麥麵，有啲壽司飯係個底，即刻食慾都無埋，拎開個碟仲成個碟底都係紫菜黐住張枱。。。刺身拼盤已經嗌咗最貴嗰盤$368，成盤都係伏，唔明點解啲人可以食到津津有味咁嘅樣以後唔會再求其行入一間日本餐廳試伏🤡俾咗八百蚊試伏，嬲到。。。食完立刻去食咗個牛腩麵$30條氣先gur啲

今日收工收遲左，又好肚餓，快快係附近搵野食先，係通菜街兩邊都有野食，見到呢間日本野好似坐得幾舒服，就呢度啦！穴子壽司，超大條鰻魚，一口係食唔晒架，鰻魚汁沾左落白飯，真係好好味！劍魚腩壽司，食落新鮮而且爽甜。油甘魚壽司，色澤紅潤，食落油脂感足。火炙黑松露帶子壽司，黑松露香，帶子鮮甜。左口魚邊壽司，日本人好喜歡左口魚，輕輕燒過，迫左油份岀黎，食落更滑口。蟹肉忌廉可樂餅，炸到熱辣辣上枱，外皮好脆，裡面個忌廉好滑。

#fafafoodblog旺角 #fafafoodblog日本菜 🍴滑蛋豬扒飯62 蚊🐷🥚豬扒整得外皮香脆。入面豬肉帶 d juicy . 蛋半生熟炒飯正 配 d爽口洋葱同甜醬汁 唔錯 🍴爆盛慢燒牛肉丼118 蚊🐂好足料既牛肉丼 凍食既牛肉切片 牛味香咸 肉質夠 fresh飯同溏蛋汁撈埋一齊 夠哂香🥚 撈埋香濃牛肉剛剛好👍🏻🍴黑松露三文魚沙律 48 蚊🐟三文魚切粒 口感軟熟 估唔到配 d黑松露沙律醬好襯 凸顯左三文魚既魚味 配埋生菜增加口感 好食👍🏻🍴豚肉炒泡菜 68 蚊🌶️🐷好香既泡菜 配埋芽菜 蘿蔔 葱花 泡菜夠酸辣 配埋入味既豬肉片 最啱撈飯#泡菜 #豚肉 #黑松露 #三文魚 #牛肉丼飯 #滑蛋 #豬扒 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大丸和風食堂旺角通菜街75 至77 號地鋪~~~~~~~~~~~~#fafafoodblog #為食花太

剛買咗機票準備旅行, 朋友建議約出黎傾行程, 隨意入咗呢間日本料理。原來呢間餐廳新開試業中, 晚市暫不設加一。餐廳內多個卡位, 坐得舒服, 食物款式選擇多, 一般刺身、壽司、丼飯、小食、鍋物等等….都有齊帶子壽司: 帶子鮮甜肥美, 配上細細件壽司飯, 顯得帶子更加飽滿。三文魚加州卷: 三文魚面加有沙律醬同少少蟹籽可增加口感又提升味道。飯卷嘅飯包得唔會太多, 飯粒亦唔乾唔硬。中間有青瓜、玉子、蟹柳, 三重口感, 豐富。三文魚海膽丼: 丼飯配有味噌湯, +$12 追加京都宇治抹茶鮮奶抹茶鮮奶香滑微甜;丼飯面層佈上了五片三文魚同埋海膽, 三文魚雖然唔太厚, 但食到魚香; 海膽甘香冇腥味, 丼飯壓實大大碗, 好飽肚。牛肉壽喜鍋: 湯底好重醬油味, 熱湯將牛肉浸熟, 可因應自己喜歡熟度而夾起, 唔會焯過龍鞋十十感覺。湯底同牛肉味道好夾, 仲有滑豆腐、兩舊芋絲同埋少許金菇、少少蔬菜, 吸收咗湯底而有少少醬油鹹味

女人街行入少少的一間新開日本餐廳6時入座，不用等位，可能仲係未到放工時間，2個人獲安排坐4人卡位，闊絡舒服😌壽喜燒套餐幾吸引，不過今日唔太餓就散叫幾樣食物好了三文魚海膽飯$138三文魚厚薄如圖，海膽賣相差左d，但食落都正正常常，無臭無腥無明礬味，珍珠飯量十足，都有兩大碗份量，配埋紫菜絲，街坊小店嘅味道同配搭魚生飯跟埋麵豉湯，清清地，唔會太咸石鍋黑椒牛肉飯$68原本以為係pepper lunch咁。熱鍋上，夠晒熱辣辣，但無pepper lunch咁熱氣，無飯焦，牛肉份量幾多，配埋粟米，甜甜地月見免治雞肉棒串 $28/串比起飯類，串燒有驚喜，呢串雞肉棒串幾厚身，配埋醬汁濃淡得宜，暖暖地，幾好食，有附上蛋黃，可以點蛋黃一齊食鹽燒日本手羽$32燒得乾身，外皮邊亦燒到脆卜卜，淋上檸檬汁，幾好味連加一埋單唔洗$300

難得外國嘅朋友返咗嚟，諗住同佢食餐好首先嗌咗隔夜壽司飯（火炙三色井），第一次食隔夜壽司飯，食完落去啲飯頂住個胃，左口魚係咬唔開另外嗌咗個黑椒牛肉石鍋飯，牛肉un嗰啲毛巾，完全冇色水，咁都算，諗住個飯會正常啲，點知都係隔夜飯，諗住熱咗會好啲，先係惡夢嘅開始，好似磚頭嘅飯加埋啲好un嘅牛肉，鉸剪都剪唔開，真不愧係”石頭飯”另外嗌咗雞翼串燒同三文魚加州卷，啲雞翼仲乾過阿婆嘅皮膚，一啲雞翼汁水都冇，三文魚加州卷衰過爭鮮，平時我食壽司唔食青瓜，我會走咗去，但今次想成舊嘢都走埋。各位想試伏嘅英雄，不妨一試

去旺角拎野順便係出面食埋野係旺角真係好多食店不同口味不同菜式選擇但係平價抵食真係唔多月尾未出糧慳d 食😅行入女人街睇吓就見到呢間"大丸和風食堂"見佢門口寫"試業中"門口見到餐牌價錢上都合理所以就試下新野又可以支持吓小店宜家去日本仲係貴又未去得住頂住先🤣🤣👉🏻四點刺身三文魚腩+吞拿魚+甜蝦+油甘魚三文魚腩好厚身$108 價錢上算係合理仲有其他刺身拼盤選擇👉🏻牛油果軟殼蟹卷好大件厚厚的牛油果完全冇hea👉🏻吉列廣島炸蠔好鬆脆有蠔味👉🏻牛肉壽喜鍋價錢嚟講真係抵如果加埋火爐仔更完美嚟緊開始凍最啱食鍋物呢度推出A5和牛壽喜燒套餐呢度用QR Code 落單👍🏻有圖直接睇叫咩食唔會做成混亂