大公雞 (Closed)

鍾意周圍食野的我，今日就搵到間位於葵興港鐵站對面，Life@KCC 1樓的台灣麵店《大公雞》。餐廳裝修簡潔，木枱椅，主食有台式飯類、湯麵、撈麵、手工水餃、台式咖哩等，價錢由$4x至$6x，配熱飲免費，另有多種士林小食及台式冷熱飲品。麻辣三寶手工麵（大腸牛筋牛腩）湯底帶有少許花椒的麻香，辣味唔重，牛腩係牛展，筋肉分明，牛展入口軟腍入味，牛筋軟滑富膠原蛋白，大腸乾淨肥美。皮蛋肉鬆豆腐冰涼涼的豆腐，加入皮蛋，上面淋滿芝麻醬，加上台灣肉鬆，感覺非常特別，濃香芝麻滑溜豆，又好清爽。奶蓋朱古力（特飲）奶蓋軟綿，朱古力順滑，味唔會太濃，甜度適中。

🐳大公雞台式美食，門面裝修有種懷舊feel，餐廳內裏企理。店員親切有禮，服務態度好。🐳士林半筋半腩麵💰60半筋半腩即係又有牛筋又有牛腩，牛筋和牛腩問得好入味，而且非常軟滑，一咬即溶。🐳麻辣三寶手工麵💰60呢度嘅牛三寶，就有牛腱牛筋播牛腸，非常欣賞佢哋嘅腸，感覺好乾淨，又好好食，而且麵條好彈牙，又有質地。🐳椒鹽魷魚鬚💰42炸漿一啲都唔厚，好惹味！🐳花枝丸💰42好彈牙！🐳珍珠奶茶💰15🐳焦糖咖啡💰15

大公雞葵涌葵昌路 72-76 號Life@KCC 1樓101和103 號舖經開葵涌，原來地鐵站附近的KCC有好多嘢食，今次去咗大公雞試下台式料理，又幾正喎！😺四寶手工麵配料有雞中翼(醃得夠入味，雞肉夠滑，軟骨夠煙韌)、牛筋(炆得夠淋，味道比較清，原汁原味)、牛腩(肉汁豐富，層次分明，處理得剛剛好)、大腸(炆得好淋，好入味，入口即溶)。蘿蔔香甜，油麥菜新鮮爽口，湯底處理得很好，不會太鹹，我飲咗一半😝。手工麵爽口彈牙，份量十足，必食。🤤椒鹽魷魚鬚大廚即叫即炸，炸粉夠薄，外層鬆脆，魷魚鬚夠新鮮，口感煙韌，食到中段可以加喼汁 提升層次，酸酸甜甜好開胃。😍龍眼冬瓜茶 (凍) 清熱袪濕，益氣補虛。出面三十幾度，黎到坐底嘆杯冬瓜茶真係幾爽，少甜少冰更佳。😎大公雞真材實料，沒有味精，侍應服務好 ，回頭率高。👍🏻

#搞串個pantry#葵廣 大家就可能去得多🤗，但係#KCC (九龍貿易中心)就比較少人會去，除非你喺附近返工返學。今次就嚟到KCC，發現入面都幾多嘢食😋，我哋就揀咗間食台灣嘢嘅餐廳🥢啦。今次我哋嗌咗四寶手工麵($65)、夜市番茄牛肉麵($60)。除咗麵食，呢度仲有飯類🍚，一啲台灣小食🍟，平均嘅價錢都比其他台灣菜餐廳平💰。四寶手工麵🌟🌟🌟好大碗，麵就用上粗條麵🍜，而四寶就係雞翼、牛筋、牛腩🐮、豬大腸。湯底有藥材味，但飲落都算清爽🤤，唔油膩。粗條麵食落唔彈牙，有啲粉粉地，唔太好😶。雞翼、豬腸就同外面車仔麵嘅感覺無分別。雖然menu上寫係牛腩，但出嚟係牛展，食落都算腍。而牛筋喺行爽滑彈牙路線，都唔錯🤩。夜市番茄牛肉麵🌟個湯底似係普通麵嘅藥材味湯底加上番茄🍅、番茄膏混合，所以飲落怪怪哋。麵同樣用上粗條麵，食落都係粉粉地。而牛肉同樣都係牛展嚟嘅😉。以價錢嚟講，的確平過外面大部分台灣菜餐廳，但就未必要特登去食啦。如果經過KCC，都可以去食下😚。

整完回鄉證行過對面商場搵到間幾唔錯嘅台式餐廳📍大公雞去到台灣餐廳緊係叫返碗牛肉麵麻辣三寶手工麵(大腸牛筋牛腩）$60⭐️⭐️⭐️⭐️⭐️賣相非常好，啲料都好足，唔會太多亦唔會太小，份量岩岩好湯底唔會濃郁，太油膩，有小小麻夠野味肉鬆手抓餅$32⭐️⭐️⭐️⭐️有2件手抓餅，肉鬆好香，同沙律醬好夾椒鹽魷魚鬚$42⭐️⭐️⭐️⭐️即叫即炸好脆好香，份量好多鹽酥雞魯肉飯$60⭐️⭐️⭐️⭐️⭐️見好多枱啲人都係叫依個飯，所以我都叫左份，鹽酥雞都係即叫即做，唔會太咸，熱辣辣好正再黎就係個飯，真係好鐘意魯肉飯，好多魯肉係面，唔係淨係得啲汁，啲魯肉都好入味，🤭另外叫左2杯野飲蜂蜜綠茶 $15仙草奶茶 $15好值得一讚既係唔會太甜

近排成日落雨，唔知你有無諗起呢首歌呢：「那些年錯過的大雨，那些年錯過的愛情 。」當年以為錯過的感情，原來更好的卻在面前，不過，味道都係昔日嘅值得回味。講緊嘅味道係台灣嘅古早味呀！嚟到葵興嘅大公雞，餐廳由台灣人主理，忘滿台式古早味。台灣香蒜小香腸每一片台式香腸配上一塊蒜片，蒜片嘅香味，加上香腸嘅油香，真係Perfect match！椒鹽魷魚鬚即叫即炸嘅魷魚鬚非常彈牙，炸粉唔會太厚，椒鹽將魷魚鬚嘅味道大大提升。台式雞髀古早肉燥飯講起古早味，當然唔少得必食嘅肉燥飯啦，豬肉碎配上微甜嘅醬汁，送飯一流。再加上滷得非常入味嘅原隻雞髀同滷水蛋，非常入味！麻辣三寶手工麵所謂三寶，即係大腸、牛筋、牛腩。台式嘅麻辣比較注重香味，所以湯底唔會太辣，而帶有濃濃嘅牛肉味。牛肉肉質軟腍並有濃酥嘅牛味；牛筋口感彈牙得嚟又完全吸收曬牛肉湯嘅精華；而大腸除左同樣吸收咗肉湯嘅味道之外，每件都有嚼勁。最值得一讚嘅係手工麵，質感軟硬適中，口感爽滑而彈牙。

最近係附近租左個Studio，所以四周圍搵下有乜好食。黎到KCC 見到呢間台灣野，價錢係晚市黎講都幾抵，就即刻入去試下先。🟥麻醬雞絲撈麵 $55夏天想食既菜式，麻醬味好香，而且俾得唔手軟，差不多cover晒成個麵，離遠見到已經覺得好開胃。加埋雞絲真係fresh! 好快就清晒。🟧麻辣蒜香牛肉麵 $60牛肉份量都幾多，有4塊左右，而且size都幾大。咬落都幾有嚼勁，唔會老。佢個麵條比較粗，而且都幾彈牙及入味。幾好食🫶🟨皮蛋肉鬆豆腐$25真係俾佢個份量嚇親。成底豆腐咁大碟。加埋滿滿既醬，夠開胃，而且皮蛋夾豆腐好夾🤤🤤肉燥油麥菜 $25又係份量十足，好大碟菜。然後上面都曬滿肉碎，送飯一流。飲品叫左奶蓋奶茶及奶蓋綠茶，正常發揮。開心係studio附近搵到呢間台灣菜，可以解一解去台灣既癮😜

尋日行去葵興工廠大廈攞嘢，呢附近有時真係唔知搵咩食！葵涌廣場亦有啲遠，都相差一個站！咁就喺K CC商場搵嘢食，發覺勁多舖頭都想試！今次揀咗呢間台灣野食下牛肉麵😍▶️第一時間叫咗個半筋半腩牛肉麵，一片片嘅牛肉好入味，同埋啲牛腩嚿嚿都勁淋，鍾意食台灣牛肉麵嘅朋友，可以試吓呢一間👍🏼👍🏼👍🏼🍜士林半筋半腩麵$60🌟🌟🌟🌟▶️推介蜂蜜花果茶，唔太甜，酸酸美美好好飲呀呢個👍🏼🍹蜂蜜百香果茶跟餐加$8🌟🌟🌟▶️其實佢有好多酥炸嘢，有酥炸雞扒，鹽酥雞，香酥排骨，椒鹽魷魚，同埋香炸餃子。。。。我就叫咗個酥炸花枝丸👍🏼呢個小食有6粒，配埋個泰式辣醬，呢個份量一個麵加小食係啱啱好👍🏼花枝丸，真係好好食㗎🤣個人喜愛😋🍢酥炸花枝丸$42🌟🌟🌟🌟▶️地方幾大，目測可以容納到60至65人，觀景對住葵興地鐵站！非常之方便，葵興區又一選擇啦，大家記低佢👍🏼

台灣｜大公雞 ｜葵興—————————————🫶🏼 安平蚵仔肉碎湯飯 $55蚵仔粉量好多 全部都大大粒湯底清甜 入面仲有好多節瓜 🫶🏼 台式排骨肉燥捞麵 $55本身以為個汁會好淡 點知食落啱啱好准山麵撈埋肉燥好食 好開胃排骨炸皮唔厚🫶🏼椒鹽魷魚鬚 $42炸得好香脆 魷魚口感彈牙 即叫即整 🫶🏼皮蛋肉鬆豆腐 $32夏天食一流 豆腐配芝麻醬一流————————📍葵涌葵昌路72至76號Life@KCC1樓101和103號舖————————————Overall 💗💗💗

之前同事帶過我來一次「KCC」食飯，覺得這裏的餐廳幾有活力，而且價錢親民。今次經過獨食，就試試上次同事推介的台式餐廳大公雞。餐廳門面細細，其實內有乾坤，裏面有很多座。一片是景色開揚的落地玻璃窗，令一面是座位闊落坐得舒服的卡位。☁️西門町鹽酥雞扒小腸飯 $60特別喜歡小香腸，肥瘦適中，不會油膩又不會乾瘦，切成薄片煎得香口!!! 鹽酥雞扒是原塊上，雞扒目測至少1cm厚，具一定份量。雞肉好嫩滑，完全不會柴。但口味偏淡，調味粉再多少少會更好~炸粉只有薄薄一層，炸得酥脆。飯份量是一大碗，對女生而言會有點多。真的是大份量又抵食!!☁️ 椒鹽魷魚鬚$42炸得脆卜卜的魷魚鬚，很香口。魷魚好彈牙，點上醋好夾，自己一個都忍不住吃完~☁️ 蜂蜜百香果茶 $8有包熱餐飲，但我選了$8 蜂蜜百香果茶，清新解暑~用餐體驗是食物大份量而且價錢合理，都推薦給附近上班族和居民~而且店員很友善！會令人想再次光顧

咁啱路過，諗住食埋飯先冇search過點了紅燒牛肉麵、珍珠奶茶⋯⋯⋯珍珠唔熟、難飲，勁重奶味；個麵身較硬，似食緊牛展刀削麵；唔可以叫難食，但一定唔係好食。只會幫襯一次啦

嚟到葵興唔知去邊度搵食，見到呢個同地鐵站相連嘅商場KCC，入面有好幾間食店，其中我就試咗呢間台灣野。夜市番茄牛肉麵湯底清甜，鋪了滿滿的新鮮番茄，牛肉肉質半筋半肉，嫩滑有嚼勁，麵質煙韌，唔會煮得太腍。台灣香蒜小香腸小香腸肥瘦適中，切成薄片煎得脆口，肉身紮實，不亁澀，夾埋蒜片一齊食最惹味。椒鹽雞中翼一碟有6隻，雞中翼幾厚肉，外皮炸得相當酥脆，炸粉不算太厚，有椒鹽調味，唔算太咸，食落有肉汁，唔亁身。珍珠奶茶珍珠奶茶正常發揮，珍珠軟糯適中。黑糖薑茶天然濃郁，好喝不辣，飲完暖心又暖胃。

今日陪朋友嚟新公司簽合約，之後就係佢公司附近呢個商場搵野食。呢個商場都幾多餐廳，最後揀左呢間台式餐廳。叫左四寶手工麵，有雞翼牛筋牛腩豬大腸,仲要咗個台式半筋半腩飯。跟住就揀咗兩個小食分別係椒鹽魷魚鬚同埋寶島鹽酥雞，飲品點左仙草奶茶同奶蓋奶茶。首先是四寶手工麵最快做好個湯底聞起嚟已經好香亦都好有古早味道，牛筋，牛腩，豬腸亦都炆得好腍，雞翼好入味，佢個麵條非常彈牙qq，好好味，價錢（$65）超值！另外個半筋半腩飯，牛筋炆得夠淋但仍然有一定嘅彈牙口感，牛腩又係入味得嚟唔會炆耐到鞋口，份量好多，好食！寶島鹽酥雞好正宗係台灣嗰種味道，外皮酥香入面雞肉嫩嫩。個魷魚鬚有啲似港式不過都好好味，外皮炸到薄脆入面嘅魷魚彈牙，爽爽，陣椒鹽味好香！兩杯茶飲同出面台式飲品店嘅品道一樣，仙草份量都好多，奶茶又好夠茶香，好飲！

喜歡吃台灣菜的朋友有口福，葵興的台式料理——大公雞🐔，實惠又好味😋同朋友happy Friday 就緊系食好西啦，咁岩係葵興搵好野食，想食台灣野不如試下大公雞🐔正宗台灣款式菜式樣樣齊，我們一行四人點了真係好多經典美食：主食：1. 士林半筋半腩麵2. 麻辣蒜香🧄牛肉麵3. 香煎豬扒肉燥飯4. 台式雞比古早肉燥飯小食：1. 椒鹽魷魚酥🦑2. 寶島鹽酥雞3. 肉燥油麥菜4. 脆炸大腸飲品：1. 奶蓋奶茶2. 珍珠奶茶3. 龍眼冬瓜茶4. 杏仁霜食物質素方面，小食炸為主，份量多堅香脆可口，岩曬鍾意食香脆嘢既朋友，特別脆炸大腸同魷魚酥真係必食。主食份量都多，實屬台灣口味，配搭台式飲品，就是正宗味道。

一間位於葵興的台式餐廳，KCC商場一樓的位置，在角落的位置，附近就有洗手間。入到去，原來間鋪入面好大、都有好多座位。我地揀左一份台式半筋半腩飯，一份四寶手工麵。台式半筋半腩飯有各4塊既筋和腩，牛筋炆得都好腍，而牛腩就唔會太腍，肉同筋腱都恰到好處。飯既份量都夠多。四寶手工麵有（牛腩、牛筋、雞中翼、大腸）雞中翼正正常常、大腸啲油脂都去得乾淨，整體都唔錯。飲品奶蓋朱古力及仙草奶茶。奶蓋朱古力既奶蓋甜甜地，朱古力味夠濃。仙草奶茶既仙草份量有半杯咁多，而奶茶都正常，唔會太濃或太甜。另外叫左兩份小食：古早味滷水豬耳和黃金香酥排骨，豬耳炆得太腍，令肉和軟骨的口感奇怪，而黃金香酥排骨好大塊，炸得夠香，又唔會干。