大排檔小炒 (華發大廈)

Open Now

Now Closed

大排擋小炒 [⭐️⭐️⭐️⭐️✨]Looking for a dai pai dong in CWB? Check out 大排擋! I love how this place is relatively “cleaner” than your ordinary dai pai dong. This place was super packed on a weekday night; that’s what you know the food is good 🤩🤩 I fell in love with the beef cubes 🤤 the meat 🥩 was suuuper tender and evenly sauce. Not to mention their corn 🌽 was super delicious - I had no idea 椒鹽粟米 was a thing. Definitely recommend checking this place out - I’ll be visiting here very soon 😍🤍 .🌟🥩 蜜薯牛柳粒 ($128) 🥦 西

想搵個地方食小菜。見到呢間小菜價格適中。決定試一試佢。魚湯蒜子浸時蔬。時菜都有幾多款可以揀。菜心新鮮冇渣。份量兩三個人食剛剛好。魚湯好濃郁似係自己煲出黎。可以當湯飲。😋豉汁蒸魚雲。有一整個大魚頭斬件。蒸嘅火候幾好魚肉嫩滑。調味惹味得黎唔會過咸。淨食唔駛送飯都得。拔絲咕嚕肉。見到差不多枱枱都有叫。果然冇令人失望。咕嚕肉炸漿唔會過厚。肉質柔軟唔會硬。酸甜味唔會太搶好開胃。👍椒鹽九肚魚。相比之下較為普通。外表炸得夠脆。但炸漿調味較淡。如果加重啲椒鹽味會較好。當日好彩到達時間尚早。見到好多枱俾人book哂。所以想食都係book定穩陣。😎

港島區唔多大排檔既選擇 今日同朋友黎左呢到有冷氣嘆住食小炒～ 地點灣仔近銅鑼灣好方便 餐廳六點先準時開門 我地兩條友叫三碟都夠晒爆 因為真係份份都夠大份足料！醬王茄子牛仔骨($138) 用鐵板上 不斷噴煙夠晒熱辣辣🔥 牛仔骨都有五、六舊 茄子吸晒個醬汁超入味 不過整體偏重口味 送飯會比較好🍚黃金脆鮮魷 ($128) 可能我地差唔多第一二檯點單 感覺鮮魷炸得唔夠透徹 而且冇想像中脆 整體略嫌唔夠鹹香 有待進步～ 可能都係食椒鹽會好啲拔絲咕嚕肉 (108) 門口大大隻字寫係招牌 當然要試下⋯ 等左好耐先到 似乎係師傅等左好多order先一齊炒 導致每一碟份量好唔平均 味道酸甜ok 不過完全冇紅椒青椒同洋蔥菠蘿既香氣 我地個碟連菠蘿都冇哈哈🍍 豬肉整體選材偏瘦 所以好容易比較硬身唔夠鬆化 有少少失望⋯

公司附近有間大排檔風味嘅餐廳，餐廳都有大排檔嘅感覺😆都好熱鬧咁，適合大班人聚會😍見到好多枱都叫左啤酒🍻飲下輕鬆下☺️🌸前菜係涼拌青瓜加小木耳😎夠開胃🤓🌸拔絲咕嚕肉E款係餐廳招牌菜，味道酸酸甜甜，咕嚕肉炸得外脆肉嫩，肥瘦均勻🥰仲有青椒同鮮菠蘿😍🌸乾燒蝦油粉絲煲粉絲用蝦油拌香🤤食落熱辣辣好有鑊氣😍仲有粒粒蝦仁同椰菜絲😋用黎配白飯一流👍🏻🌸土魷蒸肉餅肉餅唔會太膩，土魷蓋滿肉餅嘅上面🤤

作為一個港島人如果無去過以下哩間小炒店可能會俾人笑都唔定🙈不過我同男朋友都未食過所以早幾日就決定book枱試下當日八點先去都係愈來愈爆場☺️------------------------------Asahi Beer 🍺 鑊氣小炒當然要配啤酒🍻先夠爽用埋雪凍左既戰鬥碗黎飲無得輸----------------蜜薯牛柳粒🍯🐮💛小店既招牌菜接近每枱都例牌一定會嗌👍🏻鑊氣十足牛柳大大粒但唔會韌蜜薯食落夠淋但邊皮係香脆😋----------------------------啫啫蝦乾🦐時菜煲時菜有幾款選擇我地就揀左係屋企少食d既通菜蝦乾食落甘香配搭埋肉碎一齊食☺️好惹味----------------------------拔絲咕嚕肉🍖炸皮唔算好厚而且多汁好送飯👍🏻甜甜酸酸絕對開胃

想食大排檔風味 但又唔想坐街邊😂終於比我搵到間鑊氣十足既小炒店呢度環境乾淨企理 岩哂同屋企人黎食🤭見到好多招牌菜 都試左幾款 完全無失望拔絲咕嚕肉 $108真係食到啖啖肉 外表仲要脆醬汁甜酸適中 勁開胃 果然係必嗌乾燒蝦油粉絲煲 $128一出枱已經極香蝦油既味道 仲要熱辣辣有滋滋滋既聲音😆將蝦油炒津菜、蛋同粉絲 送飯一流不過食到底就會有小小漏 黃金脆鮮魷 $128呢個大癲 啲咸蛋黃沾滿左成碟魷魚 真係起哂沙點解可以脆卜卜得黎 魷魚又夠鮮嫩雖然極度邪惡 不過真係食到停唔到啫啫蝦乾時菜煲 $98呢個完全係惹味之選 又係好香🤤同埋好多時食芥蘭都覺得好苦同好硬呢度既芥蘭全部都有刨過 淨係比啲翠綠嫩口既客人食 果然好有心思除左銅鑼灣 灣仔都有分店 2間分店開得咁近仲要平日都好多人幫襯 你知佢咩料啦😂

呢度既氣氛好正, 餐牌既菜式都好多選擇😍 係銅鑼灣呢度食咁夠鑊氣既野真係超正, 除左冇室外座位之外其他野都同大排檔冇分別超有氣氛😌拔絲咕嚕肉🍖($108)熱辣辣炸到脆卜卜既咕嚕肉炸粉錢薄身食到啖啖肉😍 仲有大量清甜既菠蘿, 三色椒同洋蔥一齊炒超夠鑊氣, 不愧為呢度既招牌菜🤤西蘭花炒鮮魷🥦($128)西蘭花炒完都仲好翠綠爽身, 配埋鮮魷熱辣辣超好食同好新鮮😍金牌臘味煲仔飯(細)🍲($148)新鮮整既煲仔飯出到黎仲係滾緊, 打開蓋已經聞到好香既呢煲細既兩個人每人都食到臘味香, 食落有好多脆脆既飯蕉真係忍唔住食多幾碗😍 雖然呢個係細, 但係都有5中碗, 份量非常之多👍🏽呢度既菜式相當足料同夠鑊氣, 我地係星期一去都勁多人, 所以去之前最好訂位先呀😚

最近天氣開始涼左，好啱食熱辣辣嘅炒餸，果日就去左銅鑼灣一間人氣大排檔，餐廳出名各款鍋氣小炒，仲有生猛海鮮、煲仔飯等等，而且份量都唔少，好啱一班朋友一齊去食👍‣ 金牌臘味粒煲仔飯（細）($148)上菜有驚喜，估唔到細份都咁大煲，食材亦好豐富，有臘肉、膶腸等等，而且仲有店員即場幫手撈勻，見到有唔少飯焦😍食落好香脆，火候啱啱好，味道唔錯，值得推介😋‣ 拔絲咕嚕肉 ($108)作為幾乎必嗌嘅招牌菜之一，果然冇令人失望！咕嚕肉色澤新鮮，炸得好香脆，重點係好掛汁，真係做到拔絲嘅效果🥰糖醋汁味道亦唔錯，唔會太甜，同樣份量都唔細，推介推介😍！‣ 大排檔小炒王 ($128)賣相睇落好有鍋氣🔥韭黃同韭菜既色澤好新鮮，配料好豐富，有魷魚乾、蝦乾、菜脯、腰果等等，食落口感豐富爽口，味道唔錯，份量亦細，總體質素唔錯，值得推介😝餐廳環境裝修好企理，座位都幾闊落，服務上菜都好快手，態度唔錯，重點係食物水準好高，想食炒餸嘅朋友就不能錯過啦😜💰Total: $428 ($214/pp 已包括10%服務費)📍大排檔小炒灣仔駱克道405-419號華發大廈地下(到訪分店)灣仔天樂里2-4號金豐商業大廈地舖

好耐無食大排檔，見呢間兩間分店都喺灣仔，口碑應該唔錯，所以就揀放工黎試下。黎到6點鬆啲已經勁多人😱，雖然叫大排檔，不過座位同普通餐廳其實差唔多，坐落唔逼🙌🏻又乾淨企理，加埋大排檔特有既嘈雜背景聲好有feel😂。落完order即叫即炒，大約等15~20min就有得食。🔅蜜薯牛柳粒 ($128)黎大排檔其實主要都係想食呢道菜😋。大大碟相當足料，有滿滿既牛柳粒🥺。薯仔炸到外層好脆，沾埋蜜糖好惹味🤤，如果再多啲薯仔就正🥺。🔅黃金脆鮮魷 ($128)鮮魷炸得酥脆又夠晒爽口，個人最鐘意係炸粉唔會一路食一路跌😝。鹹蛋黃味濃而不膩😋，份量仲要勁多😳，好抵食👍🏻。🔅拔絲咕嚕肉 ($108)咕嚕肉炸粉唔厚，炸得啱啱好，肉質夠嫩唔鞋口👍🏻，啖啖肉，唔似出面酒樓有時入面淨係得肥肉😎。醬汁酸酸甜甜，送飯一流🥺。💬Overall每道菜大份夾抵食，食到好滿足🤩，涼住冷氣食大排檔小炒真係perfect🥳，好適合一大班人聚會，啤一啤🍻。

《勁鑊氣之選🤤》———————————————-#大排檔小炒 🔥-呢間位於銅鑼灣嘅人氣大排檔，啱曬行完街去食飯，有不少有鑊氣嘅小炒，仲可以舒服涼冷氣咁食到大排檔風味，坐得舒舒服服😌-🐂 蜜薯牛柳粒呢款係餐廳嘅其中一款招牌菜，薯仔粒炸得好香脆，加入蜜糖，一夾起仲會牽絲添🍯 黑椒牛柳嫩滑多汁，一啲都唔韌😙-🦐 乾燒蝦油粉絲煲熱辣辣咁原煲上枱，炸炸聲咁滾起，超正😍 蝦油好鮮味，撈埋落啲粉絲、椰菜同蛋絲度，索晒啲蝦鮮味，份量十足，直頭可以當主食咁食😝-🦑 黃金脆鮮魷鮮魷爽口彈牙，外皮炸得脆香，上面有香濃嘅咸蛋黄香，非常邪惡，惹味得黎唔會好膩☺️-⭐️價錢參考：（另收加一）蜜薯牛柳粒： $128乾燒蝦油粉絲煲： $128黃金脆鮮魷： $128🍌抵deal 指數：7/10💰人均消費：$200

Encore餐廳！大排檔小炒！之前已經介紹過一次，因為太掛住佢地既薑蔥焗桶蠔煲，今次同媽咪再黎食🥰🥰水準依舊，果然冇令我失望！服務態度都好好，超推介！♥️..▫️ 【薑蔥焗桶蠔煲】⭐️⭐️強烈推介⭐️⭐️之前黎已經食過一次，水準依舊！香氣十足，鑊氣強勁！同媽咪都好鍾意呢一款菜色，而且桶蠔夠晒大隻，其實食一兩隻已經好飽肚！大隻厚肉，處理又乾淨，食落去滿足感爆燈！非常惹味～而且一點腥臭味都無，d蔥段吸晒香氣同精華，yummy！大力推介！😍..▫️ 【椒鹽九肚魚】⭐️⭐️強烈推介⭐️椒鹽九肚魚表皮酥脆，魚肉還嫩如豆腐，簡直係內脆內軟，而且炸得好乾身，整體不錯！🥳整體味道幾好，如果再椒鹽多一點就更加完美了！送啤酒係一流選擇♥️😍充滿香港風味可以一試..▫️ 【醒胃黑醋骨】😍醒胃黑醋骨酸酸甜甜，配飯都幾惹味，黑醋汁包著排骨，醬汁晶瑩亮亮的！肉質唔柴口，帶點半肥瘦，整體都唔錯🫶🏻

大排檔小炒位於駱克道嘅大排檔小炒，交通好方便，地鐵站過嚟都係10分鐘內就到。大排檔嚟講佢嘅裝修都算好新淨。今次同朋友嚟食坐張細枱，但係都好闊落，放到4個餸以上，店員們都好有禮貌，抵讚☺️👍🏻值得一提佢哋叫啤酒嘅話係用戰鬥碗飲，好有特色😜同朋友都好肚餓所以叫咗幾個小菜，全部都好好味。😚就算唔係叫招牌小菜都咁好味，我相信其他小菜一樣咁穩陣👍🏻拔絲咕嚕肉真係做到有拉絲效果，就算放耐咗入口一樣都係好脆，甜酸比較調教得啱啱好，絕對係我食過最好食嘅咕嚕肉之一😋魚香茄子煲茄子好腍好入味，個醬汁好香濃，仲有種出面比較難食到嘅鑊氣，可以送到好多碗飯食😋黃金脆鮮魷外層炸得好脆又好薄，仲有大量嘅流沙鹹蛋黃醬，真係好有驚喜，分量仲有好多😋脆炸BB鴿外皮好脆，雖然係BB鴿但係啖啖肉，一隻兩份真係唔係好夠喉🤤

=======:::========🥰地道撚手小菜🥰位於駱克道嘅地道大排檔 充滿港式風味 環境乾淨舒適 深受街坊歡迎 （冇去過啲咁乾淨嘅大排檔）-🌽椒鹽惹味粟米 $78粟米香甜新鮮 配合椒鹽 格外惹味開胃 適合餸啤酒-🍗大漠風沙雞 $168/ 半隻雞皮非常脆口 食落卡卡聲 雞肉亦都好新鮮幾嫩口，我同朋友都爭住食-🥓拔絲咕嚕肉 $98咕嚕肉炸得好脆 配合特製酸甜醬汁 非常正宗 撈飯食好好味-鍾意地道廣東菜嘅朋友真係不容錯過！-📍大排檔小炒 (銅鑼灣)銅鑼灣駱克道405-419號華發大廈地下A號舖

之前同朋友嚟食過一次 一直念念不忘 忍唔住又揾朋友再嚟💛如果你想揾間小炒黃得嚟又好食好有鑊氣嘅 就一定要嚟呢度大排檔小炒喺銅鑼灣駱克道近鵝頸橋 另外仲有一間分店喺灣仔 食物選擇都有好多 海鮮/豬牛雞/菜係基本 如果想食再地道啲嘅野都仲有煲仔飯/炸大腸呢啲比你揀🤪▪️ 脆炸BB鴿分開四邊 share嚟食就啱晒🥢外層勁脆 肉都幾多汁 而且一啲都唔油 好犀利👍🏻本身配咗淮鹽同豉油 不過我哋覺得就咁食都已經好夠味▫️ 黃金脆鮮魷一食即刻嘩出嚟😍醎蛋黃起晒沙 味道濃郁 雖然邪惡 但真係好鬼好食 鮮魷口感又夠爽口彈牙 而且又係做到唔油膩 要比💯▪️ 拔絲咕嚕肉一嚟到即刻試吓係咪有拔絲效果先😆真係有嘅 呢度嘅咕嚕肉一直好受歡迎 質素真係好高 無乜肥肉 甜酸度啱啱好 而且每一件都好脆 就算食到尾聲 咬落去都仲有咯咯聲㗎▫️ 魚香茄子煲用砂煲上菜 一直保持到個温度🔥呢個應該係我食過最好食嘅魚香茄子 好有鑊氣 夠晒醎香 送飯一流🍚真係停唔到口小菜份量全部都唔少 我哋兩個人叫咗四樣嘢 係有少少過分嘅🥹不過飲埋酒 加埋一都係$500多啲 真係好抵食

👍🏻 薑蔥桶蠔煲上檯時煲內發出滋滋聲 可想而知 一定好夠熱同獲氣🔥桶蠔隻隻都屬於巨大型 有我半隻手掌咁大喔🙈薑蔥調味一定唔會輸 桶蠔熟度剛好！非常嫩滑 有鮮味之餘 又食到醬汁香✅👍🏻 大排檔小炒王去得大排檔緊係叫小炒王 小炒王鑊氣十足 韮菜加埋炸魷魚🦑、蝦乾、銀魚仔等做配菜 非常濃味 送飯好正😎另外份量都好足 我見每一枱都有嗌！注意事項⚠️- 每檯會有一小碟收費小食 非常開胃🤗- 餐廳經常有人龍排隊 想食就先向餐廳訂坐