大排檔小炒 (華發大廈)

Open Now

Now Closed

大排檔食黎食去都個幾間，最近去朋友介紹依間，話同同事食每一道餸都好好食🤣食完覺得又真係幾高質！🍍拔絲咕嚕肉 $108依個咕嚕肉不得了😳勁大舊而且炸皮超薄啖啖肉🫢放咗一陣再食都好脆！忍唔住食咗半碗飯😆🥢鼓油雞 半隻$168隻雞原煲上😍鼓油甜甜哋～肉質嫩得黎又入味！雞皮仲保留住一層雞油，正呀！！🦐乾燒蝦油粉絲煲 $128粉絲煲一黎到就炸炸聲，連隔離枱都一齊驚訝🤣粉絲用蛋，蝦肉，肉碎同菜一齊炒～係底仲有d麵焦勁香口😋好夠穫氣好好食！‼️今次本身想食白鱔煲仔飯點知無賣🥲下次要再黎食！

今日同朋友行街，去到一間位於銅鑼灣嘅人氣大排檔小炒，啱晒行完街去食飯，有不少有鑊氣嘅小炒，仲可以舒服有冷氣咁食到大排檔風味，坐得舒舒服服，感覺就像細個在街邊的大排檔一樣。首先我和朋友兩個人，選擇了三道菜三色蒸水蛋非常經典的一道菜，賣相不錯，水蛋蒸得啱啱好，非常滑，配上豉油在面上，味道不錯，送飯一流👍🏻豬膶浸時菜首先，我們揀了白菜仔，一塊塊非常肥美的豬潤，十分邪惡，加上蒜蓉，非常惹未☺️招牌拔絲咕嚕肉最後一道菜，是最美味的一味，豬肉炸到外脆內軟裏滿酸甜醬汁，拔絲力十足，份量仲要很大，非常可口，推介大家一試。😚可以在環境乾淨企理嘅大排檔真係可遇不可求，最重要鑊氣非常有水準🤘🏻

今次在銅鑼灣大排檔小炒食晚飯，第一次黎感覺幾好，氣氛熱鬧，炒野夠鑊氣，menu選擇非常多，花多眼亂樣樣都好吸引。油麥菜炒牛肉，油麥菜清新清爽而且非常入味，牛肉大大片相當有份量，肉香夠嫩炒得夠香， 芡汁調味剛好唔會太咸。蒜香蔥仔骨炸得幾香口，食起黎蒜香味好惹味，排骨帶軟骨幾有質感，肉質幾新鮮。瑤柱蛋白炒飯份量大碟，碟底無乜油夠爽身，控制油份量剛好！飯粒夠分明帶爽身， 翠玉瓜粒，蛋白， 瑤柱碎夠香口！非常滿足。而且外賣還有9折更加抵食！非常讚呢。

近排好想食中菜，又搵嚟一間好有鑊氣嘅中菜舖頭叫得大排檔小炒，小菜當然炒得有鑊氣，星期六日同閒日都好快滿座，相信一定係呢度嘅食物質素非常之高，先會吸引咁多人，我都覺得自己認識得佢太遲，因為呢日食嘅所有食物我都好鍾意🦪薑蔥桶蠔煲💰$208一共6隻，全部大大隻食得好爽，蠔味重，好鐘意佢嘅薑蔥炒得好香好夠味🉐🍯蜜薯牛柳粒💰$128小菜必食薯仔牛柳粒，薯仔超好食，外脆內軟，入面係腍到有化開嘅感覺，索晒黑椒蜜糖汁好惹味，牛柳粒好腍，基本上冇乜筋位好易咬🉐🍲乾燒蝦油粉絲煲💰$128哇哇哇，呢個真係超正！一定一定要食！一上枱就聞到好香好濃郁嘅蝦油味，粉絲炒得好乾身，蛋炒得好香口，蝦肉仲要粉嫩爽口🉐💰$516/2ppl🚩大排檔小炒 (駱克道) (銅鑼灣) @daipaidongfried 📍銅鑼灣駱克道405-419號華發大廈地下A號舖

✔️拔絲咕嚕肉 $108好難得可以食到真係脆皮嘅咕嚕肉🥹 醬汁嘅甜味同埋酸味亦都啱啱好 大家嚟到一定要試👍🏻✔️黃金脆鮮魷 $128呢個亦都好好食😝 炸皮唔厚 而鹹蛋黃味極濃 魷魚亦都新鮮彈牙☺️✔️乾燒蝦油粉絲煲 $128呢個餸炒得超級有鑊氣😍 粉絲朔晒所有醬汁 而且亦都唔會太鹹～ 加埋椰菜、蛋、蝦同埋肉碎真係好惹味🥰✔️鐵板黑椒豬手 $188呢個份量極多🤩 建議有三四個人先好嗌🙈 豬手外皮q彈軟淋 內層啖啖肉🤤 而且一啲都唔柴 配上好惹味嘅黑椒汁 推薦🥳✔️大排檔小炒王 $128呢個反而有啲失色🥲 個炸魷魚好硬 最尾淨係可以食到啲韮菜😔

店入非常滿座，等了大約半小時終於有位一試這間人氣煲仔飯店！椒鹽脆鮮魷 (7/10)：魷魚食落彈口惹味。金莎黃金四季豆 (6/10)：一心想食鹹蛋黃炒四季豆，點知它是原條炸。做法似是天婦羅，炸漿則不是。 或者蔬菜炸落偏索油，整體偏油，但香口。喜歡炸物的人會喜歡呢！金牌臘味粒煲仔飯 (6/10)：這個份量應該夠二至三人食，飯焦質地適中，拌勻幾香，整體臘味粒偏少。環境設施 (6/10)：人很多很熱鬧呢！舒適的大排檔。服務質素 (7/10)：員工盡力安排座位。回頭率 (6/10)：較適合一大班人來食，可以試到更多小菜。

好耐無吃大排檔、今次特登卜枱嚟懷舊吓🤪由於系星期日關係、晚上進餐分開二輪，頭輪6点吃8点交枱，尾輪就8点吃，無限交枱時間呱。訂咗食第一輪、未夠6点去到，見到歺廳烏燈黑火，仲以為去錯地方添！原來。餐廳係準時六點鐘先開燈及安排入座，入座後就嗌了小炒王，菠蘿拔絲咕嚕肉，椒鹽鮮魷同埋田雞煲仔飯。菠蘿拔絲咕嚕肉，咕嚕肉質地軟冧，不愧招牌菜👍小炒王，真係有D失望，蒜心比較硬，食落有渣，可以不用点。椒鹽鮮魷，鹹度適中好好味，不錯。田雞煲仔飯，味道偏淡，飯又做唔到粒粒分明，失望之作。總括嚟講呢餐飯好壞參半，味道一般般啦！

/ / 港 島 良 心 小 炒 選 擇 / /對我嚟講, 想食小炒要考慮嘅除咗味道, 最好就係環境同食物要乾淨🤌🏻( 但一定有人話咁唔夠風味 )呢間 #良心小店 大排檔小炒就唔錯係銅鑼灣同灣仔都有分店晚市熱鬧之餘, 店員嘅服務態度都幾好價錢都貼近九龍價, 食物質素又𝘖𝘬𝘢𝘺 !⊱ 蜜薯牛柳粒 ( ᴴᴷᴰ 128 )呢間嘅薯仔牛柳粒同出面價錢差不多薯仔同牛柳份量比例差不多一比一最𝘭𝘪𝘬𝘦每一舊薯仔同牛柳都沾滿蜜糖薯仔外脆內軟, 牛柳又夠嚼勁, 食到無停口✨⊱ 乾燒蝦油粉絲煲 ( ᴴᴷᴰ 128 )份量大大煲, 味道稍弱, 我自己就覺得普通啦⊱ 芥末沙拉骨( ᴴᴷᴰ 108 )呢到嘅芥末醬後勁都幾強, 平均咁分布係肉上面沙拉骨肉質比較淋身, 整體配搭都是我杯茶✨⊱ 椒鹽脆鮮魷 ( ᴴᴷᴰ 128 )椒鹽鮮魷都幾爽口彈牙, 炸衣勁薄但椒鹽味就唔太重～

天氣轉涼 令人超想食煲仔飯🥰 不過有名嘅大多數都係要排長龍🥺 好彩大排檔小炒有得訂位 煲仔飯價錢相宜  大排檔小炒王夠鑊氣👍🏻 雙冬羊腩煲識落暖笠笠 羊肉都算嫩口😚  海鮮記住要訂位嘅時候留定 如果唔係去到就冇㗎啦 不過鮑魚就真係偏細隻 椒鹽嘅煮法出嚟變咗豆膶咁細粒😅  📸 蒜茸粉絲蒸蟶子($70/隻) 雙冬羊腩煲 ($368) 大排檔小炒王 ($128) 煎封一夜鮮($168) 椒鹽鮑魚($50/隻）

年紀大咗，愈嚟愈中意食大排檔小菜同打冷，成班人圍埋食飯啤啤佢🍻，真係好爽🤣 港島區大排檔相對比較少，多數都喺熟食中心內，今次就俾我哋喺銅鑼灣搵到間乾淨企理嘅新派大排檔❗️餐廳喺銅鑼灣同灣仔各有一間分店，銅鑼灣分店舖位好大，仲設有獨立房，大時大節同親戚嚟食飯都得👨‍👩‍👧‍👦 餐廳光線充足，環境好乾淨，店員都好有禮貌同我哋推介招牌菜🤣 食物份量都幾大，為食妹貪心，2個人叫4個餸，食到捧住個肚走🤰🏻😂~~~~▫️拔絲咕嚕肉 ($108) ⭐️8/10招牌菜拔絲咕嚕肉，內外兼備，打卡真係有拉絲效果📸，味道亦不錯👍🏻 每舊咕嚕肉都裹滿醬汁，酸甜適中，撈🍚一流. 口感外脆內嫩，肉質軟腍，如果再多返啲肥膏位就更滋味🤣.▫️黃金脆鮮魷 ($128) ⭐️8/10每次食小菜/打冷都必點椒鹽/黃金鮮魷🤩 呢碟黃金炸鮮魷每件都裹滿咸蛋黃，外皮略嫌厚咗啲，但係炸得酥脆，唔會過油👍🏻 鮮魷彈牙，又唔會韌， 密密食停唔到口，超邪惡但係又無辦法抗拒😍.▫️脆炸BB鴿 ($68/隻) ⭐️8/10好耐無食乳鴿了，細個同屋企人去酒樓食飯，我媽一定會叫俾我哋食☺️ 1隻BB鴿有4件，2個人食啱啱好✌️🏻 乳鴿煮法原來會先以滷水醃製再油炸

今晚朋友介紹一間銅鑼灣中式菜館，門口大大個醒目招牌方便易搵，仲寫埋招牌菜式係門口👍 入到去店舖設備簡潔，仲有多間獨立房間，供客人聚餐，私隱度高🫶🏻 餐牌選擇多，仲有煲仔飯推出😍 實揀到心頭好😋🌟拔絲咕嚕肉$108果然名不虛傳，超高質😋 賣相好吸引，真係每一件都拔絲，咬落卜卜脆，熱辣辣，肉質鮮嫩多汁，份量唔少，好得👍🌟蒜子火腩白鱔煲$188又一驚艷之作，白鱔鮮甜美味，肉質彈牙扎實，味道啱啱好，好惹味，連煲底白菜仔都索晒汁好冧甜，值得推介🫶🏻🌟脆炸BB鴿（隻）$68一上枱己聞到好香乳鴿味，皮脆肉嫩爆曬汁好juicy🫶🏻以上菜式唔需要等好耐，即叫即炒好有鍋氣又惹味，相信好快再encore,仲有好多小炒想試😍😍

經過附近，記起識食朋友曾經推介呢間小店，食小炒最夾緊係配啤酒🍻order 完後店員即刻奉上戰鬥碗😎cheers 🍺椒鹽田雞$148椒鹽鮮魷、九肚魚就食得多，田雞唔係度度有得食😋 每隻田雞髀都肉厚飽滿，粉漿夠薄，唔洗被迫食炸粉❗️外層脆口，啖啖肉好滋味‼️金牌臘味煲仔飯 $148/細諗住食小菜，冇諗過煲仔飯咁出色❗️Order細size，黎到唔講以為大size，足夠3人食～開蓋即傳來誘人香氣♨️只有臘腸、潤腸、臘肉、蔥、豉油，材料簡單🍚但整得好就一啲都唔簡單‼️臘味要油分充足，讓米飯吸收後口感更香軟、飯香更濃～煲仔飯底部飯粒色澤微黃，鍾意佢脆口之餘唔係成塊飯焦咁硬🥢鹹香臘味跟微甜豉油起了提鮮作用✨飯底油潤帶微脆，嚼起來溢齒留香😋正白胡椒蝦煲 $188蝦肉結實肥美，炒得乾身❗️蝦殼夠薄而且脆卜卜，吸收了白胡椒味道，惹味香口‼️

超鍾意食有冷氣嘅大排檔🤣 銅鑼灣都有好選擇啦😍呢間係出名雙餸飯每日都大排長龍 因為佢哋本身嘅餸就好出色💁🏻‍♀️ 想食到最新鮮嘅出品就建議堂食⸜( ´ ꒳ ` )⸝♡︎❣️拔絲咕嚕肉 $108每台都叫嘅咕嚕肉 個糖醋汁真係啱啱好 no1白飯殺手🥰粉漿夠薄夠脆 入面係啖啖肉‼️ 食得出揀咗好啲嘅部位 唔會全部都係瘦肉🐖❣️乾燒蝦油粉絲煲 $128CLS超級勁好食‼️ 人生食過最好食嘅粉絲🥹睇住佢上枱嘅時候仲滾緊 個汁慢慢收到乾晒😱超級香 會引黎全場目光🤣 自己撈勻粉絲蛋椰菜 控制到粉絲有少少燶好好食₍ᐢ⸝⸝› ̫ ‹⸝⸝ᐢ₎係一定會為咗佢返去食 包你回味無窮🤣❣️蜜薯牛柳粒 $129大排檔另一名物🫶🏻 牛柳唔韌又足料🐄薯仔炸完再包住蜜糖係好正🥰 有萬發影子🥳

放工同朋友去左依間大排檔小炒環境乾淨企理係新式既大排檔餐廳一黎就上左個前菜係手拍青瓜配雲耳都幾惹味嗌左招牌拔絲咕嚕肉真係有少少拔絲既效果咕嚕肉外脆內嫩醬汁酸酸甜甜好開胃之後係啫啫蝦乾時菜煲連煲上食極都仲係好熱辣辣今日既時菜係通菜調味有少少辣同通菜好夾最後重頭戲係金牌臘味粒煲仔飯侍應好細心會幫手撈埋配料有臘腸同潤腸粒，仲有椰菜仔食落有少少飯焦，味道唔錯整體食物水準唔錯難怪平日夜晚都座無虛席建議大家想食可以訂定位先

銅鑼灣人氣大排檔，平日依然座無虛席、人聲鼎沸🔥 餐廳擁有時尚裝修風格，環境乾淨企理，餐牌上有形形色色既大排檔菜式，由小炒、鍋物、水煮魚，煲仔飯等等，數之不盡～ 熱門菜式拔絲咕嚕肉，外層炸粉唔會過於厚實，内層嫩口多汁，醬汁酸甜適中，惹味開胃🥢 椒鹽脆鮮魷，炸得鬆脆爽口，椒鹽口味配上醋汁，別有一番風味～ 其餘兩款煲類，鑊氣十足，粉絲乾爽入味，令人食唔停口～ 總結而言，餐廳屬於新派大排檔，但保持左食物應有既水準，非常推介三五成群，岩曬想一大班人既聚餐既飯局！