大排檔小炒 (華發大廈)

Open Now

Now Closed

銅鑼灣夜晚要搵下大排檔啤啤佢 都唔一定要去鵝頸橋街市嘅😌 駱克道大排檔小炒都係高質選擇😍店內乾淨企理 坐得都幾舒服👍▫️拔絲咕嚕肉 ($108)小菜種類好多選擇 見到門口大大隻字寫住拔絲咕嚕肉 無理由唔叫啦😂 咕嚕肉好厚肉基本無多餘嘅脆漿 咬落去外脆內軟 醬汁唔會太酸 夾起真係有拔絲感👍 一絕！▫️大排檔小炒王 ($128)小炒王送飯一流 最鍾意佢啲韮菜花 菜甫惹味得黎又爽脆 仲要碟頭夠大 呢個配埋啤酒 你都咪話唔爽😍▫️蒜子火腩大鱔煲 ($188)離遠已經聽到炸炸聲 一上枱香味撲鼻熱辣辣大鱔煲 白鱔好大塊好多肉☺️好夠鍋氣👍 個底仲有豆卜白菜仔 好出色

2023.02.26其實我心底都帶點麻甩系所以我都幾鍾意食大排檔天氣咁凍當然要搵番間室內既大排檔😂所以今次揀左呢間銅鑼灣鵝頸橋附近既室內大排檔餐廳座無虛席👏🏻好有氣氛🎉而且超多小菜款式選擇🤗仲有煲仔飯金黃食😍如果想啤一啤🍺仲有經典戰鬥碗享用🍻今次叫左三個小菜同一碗白飯🍚兩個人開心Share🥢食到飽一飽都只係4百幾蚊👍🏻前菜 $5有酸酸甜甜既青瓜粒🥒花生🥜雲耳🖤開開胃👐🏻拔絲咕嚕肉🌟$108係佢地招牌菜之一🌟即叫即炸🫶🏻每一舊咕嚕肉都沾滿酸酸甜甜既醬汁🧡外層炸到剛剛好唔會太厚既炸粉👍🏻而內層肉質嫩滑🐖煎封一夜鮮🐟 $168金黃色既外皮脆卜卜💛魚肉口感結實保留到魚既鮮甜味💙金莎黃金四季豆 $98炸到金黃色既鹹蛋外層既四季豆💛多了脆口咸香既味覺🥢送飯一流🤘🏻絲苗白飯 🍚 $12大大碗🍚兩個人分享連三個餸無得輸💯

點樣食推介✨⭐️坐得舒服嘅大排檔小炒⭐️⭐️銅鑼灣大排檔⭐️大排檔小炒地址：銅鑼灣駱克道405-419號華發大廈地下A號舖🍖蜜薯牛柳粒 $128 (7.8/10)係市區食飯又想食大排檔同坐得舒服少少有得涼冷氣黎講，大排檔小炒的確係唔錯嘅選擇，定期都會黎食一次🤣 注意：依度訂位得6-8同8-10嘅時段選擇食薯仔牛柳粒嘅主角一定係薯仔！佢地嘅蜜薯炸得金黃色食落夠香口，蜜糖都落得好重手，淨係食蜜薯已經夠開心🤣🤣，而牛柳粒份量同味道就正正常常啦～🍖鐵板乾鍋爆腩片 $108 (7.5/10)平時食開必食推介餐牌裡面嘅乾鍋爆生腸，係灣仔分店食陣胡椒味係好刺激鼻得黎又過癮，生腸係勁爽口，配上蓮藕等配料係爽上加爽，銅鑼灣店就比較mild d，啱唔食得辣嘅朋友仔，腩肉索左d乾鍋醬都ok好食，不過no1一定係非生腸莫屬🫶🏻🍖黃金脆鮮魷 $128 (7.5/10)炸過嘅魷魚配上滿滿嘅鹹蛋黃係膽固醇之鬼(´･Д･)」，好彩份量唔算多，兩個人食會超級膩🍖金銀蛋肉碎白菜仔 $98 (7.8/10)個湯有陣奶香🥰，配上白菜仔嘅甜令到個湯好好飲，仲有皮蛋同鹹蛋嘅鹹香味～～-回頭指數: 🍧🍧🍧🍧 (滿分:🍧🍧🍧🍧🍧)好坐指數

Encore餐廳！大排檔小炒！之前已經介紹過🤗今次試吓其他菜式，點知叫咗三款都咁好食，果然冇令我失望，超推介！♥️.▫️ 【鮮茄肉碎魚湯浸時蔬白菜仔】$98⭐️⭐️強烈推介⭐️⭐️完全估唔到咁好食，奶白色魚湯好好飲，好濃厚！音樂好舒服，而且除咗有肉碎、蕃茄，仲有大量雜菌！加上白菜仔夠晒甜！整體超級滿意，大力推介！😍..▫️ 【蒜子火腩白鱔煲】$188⭐️⭐️強烈推介⭐️非常驚喜嘅一道菜色！一打開煲過香噴噴🥳鑊氣超強勁！白鱔炸過走油，肉質鮮嫩，非常新鮮！味道惹味十足，配埋火腩，真係冇得頂😊必叫之選..▫️ 【拔絲咕嚕肉】$108⭐️⭐️強烈推介⭐️呢一款拔絲咕嚕肉都唔錯！完全做到拔絲效果，味道酸酸，甜甜的確開胃🤗而且咕嚕肉肥瘦均勻，咬落啖啖肉，每一舊咕嚕肉都完全俾醬汁包圍，加埋菠蘿🍍令人更回味

掛住呢度嘅煲仔飯🍚可惜今次又慢左…賣晒🥲鐵板乾鍋爆腩片 $108鐵板上枱發出吱吱聲響，未食已經傳來陣陣香氣🤤除了腩片，還有蓮藕、西芹、青、紅椒、木耳等配料～醬汁濃郁惹味，而且辣度帶勁🌶️ 辣得過癮油鹽水大蜆 $108蜆肉都幾多，味道鮮甜🍄有埋蔬菜、粉絲配飯一流啫啫蝦乾油麥菜 $98油麥菜新鮮爽脆🥬跟鹹香蝦乾好夾🦐唔使成日配豆豉鯪魚🫢味道偏濃，口感唔會好油膩瑤柱蛋白炒飯 $108蛋白炒飯超大碟，飯粒、瑤柱乾身，簡簡單單配埋其他惹味餸菜就剛好❗️嘉士伯 $36

一行5人訂了8:00入坐叫了10樣食品，食品遲遲不上枱，上枱後是凍的，好似食冷盤一樣，最好笑係啲食物都未食完佢就推架車埋來問你係咪唔要啦幫你收呀⋯⋯原全O嘴，可以不用再來，廚房佬出嚟完全冇戴口罩，無下次。

有朋友仔問香港區有冇啲坐得舒服又氣氛好好嘅大排檔嘢食，我最近同朋友仔食過一間喺銅鑼灣嘅，感覺都唔錯，可以推薦俾大家！呢間舖頭位於銅鑼灣謝斐道地舖，地點位置一流，約朋友食飯絕對唔使驚搵唔到。舖頭主打各類型嘅港式大排檔風味小炒，而且飲酒嘅話更加有戰鬥碗提供，同朋友飲返兩杯真係啱晒！今次本身想同朋友仔嚟食佢哋嘅煲仔飯，不過因為生意太好賣晒嘅關係，所以我哋都叫咗其他小菜試吓。椒鹽脆鮮魷入口粉漿唔會好厚，而且肉質都好QQ一咬就斷開，脆卜卜咁最啱就係送酒。拔絲咕嚕肉係佢哋其中一個招牌菜式，佢哋將咕嚕肉嘅醬汁炒到有絲嘅效果令到醬汁充分包裹住炸肉，咕嚕肉嘅脂肪含量比較低，入口啖啖肉，亦都冇咁有罪惡感，值得一試。菜心炒牛肉嘅牛肉超大片，CP值極高，而且佢哋嘅菜心入口都好爽脆，送飯絕對一流。總括嚟講呢間餐廳，我覺得質素都好好，好適合約埋三五知己一齊一路傾偈一路食，大家如果去開銅鑼灣一定要試吓！

🍺 大排檔小炒 🍤同老人家食野真係好難諗又要好食又要岩口味又要坐得舒服最好就係黎個大排檔小炒重點係有埋冷氣食得舒舒服服金莎黃金蝦 $188味道唔錯蝦大隻 蝦肉幾爽口配埋鹹蛋黃味 食到停唔到可惜份量太少啦薑蔥魚雲煲 $148熱辣辣又夠鑊氣 唔錯椒鹽九肚魚 $128炸粉都薄 魚肉唔會散曬見到老人家都食得幾滋味豉汁白鱔煲仔飯 $188發現我無影到相但必需講勁足料 又大煲差唔多裝到6-8碗飯但個味都好正呀每粒飯粒都吸曬啲味美中不足係印象中個底冇乜飯焦Btw佢地有落場時間架如果一大班人去食記得打電話問清楚呀

大排檔小炒.椒鹽九肚魚食剩指數：0/100而家唔係成日見到九肚魚呢度九肚魚炸得幾香魚肉好鮮嫩椒鹽都唔會太咸點喼汁食好夾如果大碟啲就更好~.拔絲咕嚕肉食剩指數：0/100咕嚕肉啖啖肉炸得脆又唔算油膩個汁酸酸甜甜拔絲係佢個汁黏稠度剛好唔太稀水準比起一般茶餐廳好.金莎黃金涼瓜食剩指數：0/100一開始仲諗住係簡單既咸蛋黃炒苦瓜點知原來都有處理過咸蛋黃混合左個脆漿苦瓜變得好嫩另外苦瓜唔會好苦加埋外皮脆漿幾蘇脆(唔同咕嚕肉果種).整體嚟講呢度有冷氣乾淨企理不過就多人d,最好book位同埋有時要等耐d~

銅鑼灣地道小炒推介🙌🏻經常都大排長龍 餐牌上有多款小菜可以選擇有煲仔飯,海鮮,家禽類,牛肉豬肉等每款都好有香港大排檔風味 🇭🇰🌟沙爹金菇牛肉煲用砂煲上 夠哂熱辣辣🔥肥牛好嫩滑帶沙爹香氣加埋金菇,粉絲,芽菜,菠蘿等用黎送飯真係一流🍚🌟金莎黃金四季豆四季豆好酥脆 每條都沾滿咸蛋黃 夠哂香口🌟拔絲咕嚕肉招牌菜之一 🙌🏻咕嚕肉炸到外脆內嫩 非常酥脆配上酸甜濃郁既芡汁同清新解膩菠蘿🍍酸酸甜甜非常開胃😋

.放工後黎左大排檔小炒食飯，好多人好熱鬧，好似以前係大排檔食飯既感覺。門口左右貼左餐廳招牌菜既字，好有氣勢😆我地本身想叫煲仔飯可惜當晚冇，就叫左招牌菜之一<拔絲咕嚕肉>，即叫即炸，熱焫焫上枱勁有鑊氣🤤每舊咕嚕肉都沾滿甜酸醬，外面炸得剛好而且炸粉唔厚，入面肉質仍然夠嫩，啖啖肉冇肥膏，味道偏甜一啲，同埋夾起真係有拔絲😮👍🏼另外叫左<金沙黃金蝦>🍤蝦有開邊先炸，炸到夠脆連殼食都冇問題，聞落有咸蛋香，味道唔會好咸，蝦肉新鮮唔嚡口。菜就叫左<大排檔小炒王>，份量巨多，味道唔錯，呢到係用炸魷魚片炒，唔同出面用鮮魷，幾特別，呢碟送飯一流😁呢到上菜都快，周圍環境氣氛好熱鬧，三五知己黎飲下啤酒食小菜吹水都幾好👍🏼

大排檔食黎食去都個幾間，最近去朋友介紹依間，話同同事食每一道餸都好好食🤣食完覺得又真係幾高質！🍍拔絲咕嚕肉 $108依個咕嚕肉不得了😳勁大舊而且炸皮超薄啖啖肉🫢放咗一陣再食都好脆！忍唔住食咗半碗飯😆🥢鼓油雞 半隻$168隻雞原煲上😍鼓油甜甜哋～肉質嫩得黎又入味！雞皮仲保留住一層雞油，正呀！！🦐乾燒蝦油粉絲煲 $128粉絲煲一黎到就炸炸聲，連隔離枱都一齊驚訝🤣粉絲用蛋，蝦肉，肉碎同菜一齊炒～係底仲有d麵焦勁香口😋好夠穫氣好好食！‼️今次本身想食白鱔煲仔飯點知無賣🥲下次要再黎食！

今日同朋友行街，去到一間位於銅鑼灣嘅人氣大排檔小炒，啱晒行完街去食飯，有不少有鑊氣嘅小炒，仲可以舒服有冷氣咁食到大排檔風味，坐得舒舒服服，感覺就像細個在街邊的大排檔一樣。首先我和朋友兩個人，選擇了三道菜三色蒸水蛋非常經典的一道菜，賣相不錯，水蛋蒸得啱啱好，非常滑，配上豉油在面上，味道不錯，送飯一流👍🏻豬膶浸時菜首先，我們揀了白菜仔，一塊塊非常肥美的豬潤，十分邪惡，加上蒜蓉，非常惹未☺️招牌拔絲咕嚕肉最後一道菜，是最美味的一味，豬肉炸到外脆內軟裏滿酸甜醬汁，拔絲力十足，份量仲要很大，非常可口，推介大家一試。😚可以在環境乾淨企理嘅大排檔真係可遇不可求，最重要鑊氣非常有水準🤘🏻

今次在銅鑼灣大排檔小炒食晚飯，第一次黎感覺幾好，氣氛熱鬧，炒野夠鑊氣，menu選擇非常多，花多眼亂樣樣都好吸引。油麥菜炒牛肉，油麥菜清新清爽而且非常入味，牛肉大大片相當有份量，肉香夠嫩炒得夠香， 芡汁調味剛好唔會太咸。蒜香蔥仔骨炸得幾香口，食起黎蒜香味好惹味，排骨帶軟骨幾有質感，肉質幾新鮮。瑤柱蛋白炒飯份量大碟，碟底無乜油夠爽身，控制油份量剛好！飯粒夠分明帶爽身， 翠玉瓜粒，蛋白， 瑤柱碎夠香口！非常滿足。而且外賣還有9折更加抵食！非常讚呢。

近排好想食中菜，又搵嚟一間好有鑊氣嘅中菜舖頭叫得大排檔小炒，小菜當然炒得有鑊氣，星期六日同閒日都好快滿座，相信一定係呢度嘅食物質素非常之高，先會吸引咁多人，我都覺得自己認識得佢太遲，因為呢日食嘅所有食物我都好鍾意🦪薑蔥桶蠔煲💰$208一共6隻，全部大大隻食得好爽，蠔味重，好鐘意佢嘅薑蔥炒得好香好夠味🉐🍯蜜薯牛柳粒💰$128小菜必食薯仔牛柳粒，薯仔超好食，外脆內軟，入面係腍到有化開嘅感覺，索晒黑椒蜜糖汁好惹味，牛柳粒好腍，基本上冇乜筋位好易咬🉐🍲乾燒蝦油粉絲煲💰$128哇哇哇，呢個真係超正！一定一定要食！一上枱就聞到好香好濃郁嘅蝦油味，粉絲炒得好乾身，蛋炒得好香口，蝦肉仲要粉嫩爽口🉐💰$516/2ppl🚩大排檔小炒 (駱克道) (銅鑼灣) @daipaidongfried 📍銅鑼灣駱克道405-419號華發大廈地下A號舖