大豐澳門翠苑餐廳 (Closed)

今日放假出開去，緊係食返個靚早餐先啦，正所謂一日之計在於晨，啪個豐富早餐人都醒神啲！不過早餐嚟嚟去去唔係大x樂就係大x活，食都食到厭，今次就食返啲香港特式- 茶餐廳。呢間茶餐廳有一樣秒密武器一直都好吸引我幫襯，而家賣個關子先，轉頭再講。例牌野啦，炸菜肉絲米粉+餐肉煎熟蛋！米粉無咩味好啖口，要落兩滴辣椒油調下味。涷啡好好飲好香濃，透心涼！重點嚟喇，呢個奶油脆豬真係世界級好食，即叫即烘，唔似得第二啲鋪頭咁個豬仔包又硬又實！

Tdy just went to work in 青衣Randomly walked in the restaurant for breakfast The environment is large and staffs are enough However food isn’t as good as expected The bread is dry The noodles isn’t cooked enough with the beef being too old The milk tea didn’t have strong taste of tea Overall, food wasn’t good However, the staffs are nice there and serve the food quickly The location is convenient

年初四晚來到大豐澳門茶餐廳，發覺啲價錢牌上貼了很多小label，原來全部加晒價。見到呢個没有小貼纸仔，心諗咁好，冇加價喎，就叫咗呢個餐，誰不知張單來咗，竟然係60蚊，問過先知都係新年加價，加到60蚊也即係話加了15%

有一種早餐叫做歐陸式早餐，係港式茶餐廳入面最高級的早餐，今日襯住要去仔仔幼稚園睇聖誕表演，就忙裡偷閒去茶記食早餐。我同老婆分別叫左雞扒同炸魚柳兩個歐陸早餐。早餐入面有太陽蛋、煙肉、茄汁豆，仲有半片多士，唯一分別係雞扒定魚柳，魚柳炸到變成吉烈魚柳，外皮金黃鬆脆，咬開入面雪白魚柳成片狀，而且好嫩滑。雞扒煎到好香口，外皮金黃色的炸雞，入面雪白的雞肉仍然保柔軟多汁。再加杯茶餐廳獨有的「茶走」，一份歐陸式早餐就正式煉成。

聽到廚師腸即將要破產，嚟到青衣呢間快餐去懷念一下 ，叫咗個快餐香茅豬扒腸仔飯 ，羅宋湯跟餐熱奶茶。食物質素普普通通，一般快餐店質素，個豬扒應該係用梳打粉處理過，食落比較合稔身沒有味， 廚師腸就保持正常水準，比較值得一提嘅反而係佢個餐湯，個餐湯好濃足料好傑身，飲落去有羅宋湯應有嘅酸味另外奶茶係沖得好滑同埋好夠熱 。黎到嘅時候已經過咗午飯時間，坐咗喺個4人卡位冇人搭枱，都尚算舒服 。侍應落單上菜都好快手。價錢尚算合理。

澳門大豐坐落於青衣灝景灣商場的茶餐廳，我地一家大細時不時都會幫襯，今日襯課外活動後就過黎醫肚。貴妃娘娘叫左海南貴妃雞套餐，朕叫左貴妃雞魚湯泡飯，格格同小阿哥就食烏冬。先講朕的魚湯貴妃雞泡飯，我就鍾意佢個奶白魚湯鮮甜，加入莞茜、絲瓜、秀珍菇，成件事好夾。貴妃雞浸入個湯裡面，魚湯吸收埋淡淡雞油香，鮮味再昇華到另一層次，每次食呢個飯朕都會飲埋個湯。絲苗米浸湯後粒粒飽滿，非常易入口，故每當朕龍體違和嘅時候都必定要食呢個泡飯，飲完個湯成個人暖笠笠出一身汗頓時感到渾身舒暢。如果想食滑雞，就要試呢個海南貴妃雞飯。雞肉滑一滑，配埋個白飯清清地真係洽度好處（唔似得出面用油飯咁油膩），仲有醃過的酸蘿蔔絲好開胃。至於個照燒雞扒手打烏冬分量十足，蕃茄蘿仔洋蔥濃湯配以爽滑的手打烏冬，仲有炆到好淋的牛腩肉，營養價值高，最岩成長期嘅小朋友。仲有大大塊日式照燒雞扒，好香口。美中不足係由於塊雞扒碎上，令肉汁流失，食落有少少乾。澳門大豐一直做街坊生意，以價錢平質素高作招徠，深得朕心，值得長期支持！

媽媽話唔煮飯，唯有幫襯茶餐，選咗附近澳門大澳茶餐廳。晚市時段要等位，餐牌內中西式，湯飯等有很多選擇，後點咗晚市套餐，清蒸一尾沙巴龍躉，可選一款小茶，加$40 點多一碟炒菜。一條沙巴龍躉有成斤多重，幾鮮味。鎮江焗豬扒都有份量，甜酸味道啱啱好味道。椒絲腐魚炒通菜炒得有獲氣。仲有二大碗白飯，二份例湯，二人套餐有三人份量，算得上唔錯。

今晚約咗朋友在青衣澳門大豐食晚飯開餐，因為要拿拿聲食完個飯就想去睇阿根廷第一場世界盃比賽，我同個朋友就叫咗一個沙巴龍躉二人餐，價錢合理條魚好新鮮，另外依個套餐到包左一個中湯及一杯飲品，最終我哋都每人平均食咗＄100人頭消費，茶餐廳來講青衣澳門大豐餐廳都算係茶餐廳信心之選，價錢合理之餘，環境都OK，有幾部大電視可以睇到新聞直播，住喺青衣嘅街坊不妨黎依一度開餐啦。

前排ot夜收工，反到青衣無乜嘢好食，突然諗起呢間收好夜，所以揀左食佢。可能都夜，11點幾，好多餐都無得食，最後叫左個泡飯，易入口又感動無咁油。叫左個蠔仔泡飯份量都好大 ，蠔仔數量都好多粒粒粒都幾肥美。味道偏咸同多味精，愈食愈口渴，蠔仔食落有些腥同多沙。好在配淡淡地既飯，中和反個咸味，所以都ok既。對於晚上無乜嘢食既地方，呢度都算係幾好選擇，有冷氣同坐得舒服，唔洗熱住食。份量都夠飽，醫肚一流。價錢方面都正常合理，50幾元。

食物質素每況愈下。海防米線應該包括肉碎、蕃茄碎、芹菜碎和蛋，食材雖然平，但以前他們會把混合肉碎滿滿鋪在米線上，在沒有胃口時吃很不錯。炎炎夏日，想吃些容易消化的東西，所以叫了這碗海防米線。一看到這碗米線，連最後的胃口也沒有了。得幾舊蕃茄，幾粒肉碎，芹菜幾乎看不見，何況雞蛋。一個餐剩惠$51。完全不合理！同火記投訴，他攞走碗米線走埋一邊用叉叉幾下，放回我們枱上說加多幾粒肉俾你。隔了5分鐘，攞一小碗乾爭爭的肉碎掉在枱上，好似俾狗食咁，我立刻叫他收回。這種服務態度和對食客的不尊重，影響了本地的飲食業，所以有假期港人都令願出外消費，好過在香港食垃圾仲要受氣！😡

喱間位於灝景灣的大豐，我間中都會嚟食吓。是日我又同d老友嚟食吓野。呢度圓枱卡位都有，當然卡位好坐好多。我地三條友，坐喺卡位都幾舒服。睇吓d餐牌，都真係幾多野食，睇左陣我地叫左三樣野食。呢個XO醬三絲炒腸粉，又真係幾特别，唔係道道有得食。配料都幾多，有义燒、鷄肉、火煺、紅蘿白絲、芽菜、唔辣嘅紅椒，葱、韮王、同埋一d細蝦米，當然重有主角腸粉喇。炒得都幾野味,但如果d腸粉熱多少少就更加好。呢碟馬拉盞炒意粉就一般左d，馬拉盞有冇？有，係一粒豆豉咁大，豉油落得太多，偏咸，油亦落得太多，唔多健康，間中食一次都ok嘅。農夫包係呢度嘅代表作，咖喱牛腩農夫包我食過好多次，今次都有叫。上枱用錫紙包住，解開就聞倒香噴噴嘅咖喱牛腩味。農夫包外皮都幾脆，牛腩亦幾稔唔韌，我地係叫小辣，啱啱好，好好味，農夫包配埋牛腩食，真係佩服原創澳門人嘅心思。侍應d制服都幾醒目，但多d笑容會更好。食物價格比一般餐廳畧貴，但平均水準都ok嘅。

青衣城二期新開，碰啱有電影想睇，時間又啱啱好，所以放工就勇闖青衣城睇戲兼食飯啦睇完已經十點啦，大部份都店舖都收咗檔，連附近長發譚仔都收咗檔友人表示平時飲奶茶咖啡都會揀呢間夠香濃，既然有小菜食就不如去試下蝦乾肉碎炒芥蘭，碟頭夠大芥蘭用幼芥蘭，唔會老同爽口肉碎同蝦乾份量都幾多，惹味，送飯一流友人叫咗焗飯，萄汁香濃，份量又夠多，有洋蔥青椒等配菜，就算唔再叫碟菜都夠食的而且確杯奶茶夠香濃，比其他茶仔更優勝，幾好，嚟青衣可encore

又來啦！因為真係好鍾意食呢間！海南雞飯$55雞嘅份量都唔少，OK！仲幾嫩滑，但係美中不足係唔係真正嘅油飯，係帶有鹹味嘅飯。不過性價比算唔錯，仲有一杯餐飲＋1個湯添！你鍾意就係食...蕃茄薯仔牛腩味螺絲粉$43加$8就有豬扒包個湯係超濃郁，雖然番茄湯由茄膏調味，但係味道真係不錯，牛腩份量雖然唔算多，但係薯仔非常入味！超讚嘅係豬扒包，因為個豬仔包係烘得超脆，個包入邊嘅牛油已經完全溶為一體，個豬扒仲要係厚切，入口鬆化。仲包一杯嘢飲添啊！身為青衣人，絕對推介呢一間茶餐廳！

青衣好似好多嘢食，但係其實好多都唔係幾啱心水。 但係好鍾意食呢一間嘅茶記，勝在夠多元化。仲有卡位坐，算坐得幾舒服。同阿爸阿媽食咗個晚市精選套餐$148可以揀兩款小菜再加＄38炒多碟菜小菜選擇好多，差唔多成30款 。食物分量以二人餐來講都幾夠食，今晚嗌咗兩個小菜，三個人都食唔晒。個炒菜雞煲同埋個咕嚕雙拼，味道不過不失，最緊要係每碟菜上枱嘅時候都係熱辣辣。其實呢間每次水準都好平均，所以我哋一家人好鍾意呢度。特別要讚下杯奶茶，係用咗西冷紅茶葉，真正嘅又香又滑。

今次呢間餐廳講真唔係特別話好好食，但家住青衣既小弟已經覺得係青衣區內勝在水準比較穩定既一間茶餐廳！今日同家人黎下午茶選擇了咖哩牛肉飯及厚切豬扒火腿旦飯凍O茶，先講咖哩牛肉飯，入口正常既咖哩汁味道，少少辣但又甜甜地，牛肉幾淋而且須然係下午茶但牛肉既份量絕對唔會少咗喎，起碼超過10片牛肉，而薯仔又入味而厚切豬扒飯絕對係貼題，真係厚切大大件，食落就知係即叫即煎炸，而且豬扒唔似有D餐廳咬入口係完全冇味只靠表面醬汁其實平民茶記唔需要話一定要似一級餐廳既功夫既，比番應有既味道而且能夠保持穩定既水準咪已經夠做囉！美中不足係呢度同其他茶記一樣，人多，伙記手腳快四圍轉，落單聲浪氣量十足，所以想靜靜地傾吓計都難，所以食飽就立即走人了