天祥飯店

Open Now

Now Closed

聽爸爸提過，話深水埗有間【天祥飯店】既小炒好正宗好地道，於是今日o係出糧既日子就帶媽咪兩個試下吧。我哋叫左「黑椒豬手」、「豉椒炒蜆」、「椒鹽九肚魚」等等呢幾味餸。先講講個「黑椒豬手」先，黑椒味極濃，豬手炆得入晒味不特止，仲要煮得好"林"，我同媽咪都食到停唔到口，忍唔住咁叫左兩碗白飯。「豉椒炒蜆」-  粒粒原隻新鮮蜆肉，用豆豉、辣椒絲等配料一齊炒，蜆肉爽口彈牙，香口至極。「椒鹽九肚魚」- 外脆內軟，椒鹽炸得好平均，連魚骨都可以食埋，啖啖肉既感覺真係令舍滿足。爸爸真係無介紹錯，所謂「家有一老，如有一寶」真係無講錯的。大家有時間真係要去試下喔。

氣溫忽然驟降，呢個時候最岩就係食支竹羊腩煲，聽朋友講話深水埗有間叫【天祥既飯店】，餸菜夠晒地道正宗，唔好講咁多，食左先好講。點知真係無令我哋失望，羊腩炆得好有入味，而且好"林"唔痴牙，支竹係我個FRD既挈愛，佢係無竹不歡的，每一塊都索晒羊腩既味道，落埋生菜落去烚仲更加夾到震，真係食到停唔到口。朋友話想食炸大腸，連我本身唔食內臟既都忍唔住食左半碟，大腸洗好干淨，炸到個皮好脆口，有點食緊燒乳豬既感覺。酥炸生蠔，新鮮生蠔夠晒肥美，加上粉漿較得好，再放入熟油之中炸至黃色，入口滿鋪層次感，真係好顯大廚既功架。如果有朋友黎自海外，真係可以盡地主之宜，帶佢哋黎試下，包佢食到咀郁郁。

揸車落到深水埗想話去愛文新，嘩！咩事呀！噤多人㗎！再睇睇，有吉枱又唔安排人客坐，吉枱唔少喎，成四五圍喎，攞咗籌明明有枱又要客等，轉場過對面！反正未試過天祥，即管試試！炸子雞係心頭好，叫咗半隻，椒絲腐乳炒通菜，豉椒炒蜆，就係咁多。首先要讚係服務態度啦，老細笑面迎人。另外今次極有大排檔風味！我坐張枱開係馬路上，香港有幾多大排檔可以開枱係正馬路？以前住長洲，得閒會落東灣摸蜆，d蜆極之大隻肥美，天祥嘅炒蜆相比之下當然失色，但無計啦，來貨問題唔關天祥事，論味道的話絕對惹味，蜆雖然細隻但嫩滑。炸子雞皮脆肉嫩唔肥無失望，掂！坐得街邊大排檔，有得必有失，好鬼熱囉！PS:多謝你陪我食街邊大排檔！(^_^)❤❤❤

麻甩佬聚會，去食小炒飲啤酒一樂也。訂咗19:30枱，遲咗10分鐘到老細已經安排緊walk-in 客入座。好彩最後都可以入座😅我哋一班麻甩佬坐咗響室内，因為店內不大而大多係大枱所以有點迫。小棠菜窩貼，有驚喜！啲菜粒好有囗感，味道不錯。丨丨薯仔炆牛柳粒，肉質鮮嫩又有鑊氣，好味西湖牛肉羹，不過不失，份量好大👌男人的浪漫，火腩大鱔煲。兄弟們覺得火腩多啲話送啤酒就更正以時價25兩，呢碟成$250，不如叫兩個普通小菜仲好。整體嚟講都不錯，有好多其他餸菜都想試，下次再去。

大排檔炒嘢 入鋪坐有冷氣 很隨便冇裝修冇制服 環境算乾淨 有氣氛麻甩佬招呼親切禮貌 服務周到價錢唔算平 份量足 鑊氣夠 上菜快 焗魚腸 ~ 砵仔上 面香脆 內較濕 冇油條魚腸多魚潤少 碎 粉絲蒸旦咁 冇魚油香蠔餅 ~ 蠔仔煎旦 不及廟街質素半煎炸 豉汁炒蜆~ 夠火喉 蜆新鮮冇沙 略扁甜 炸子雞~ 香脆酒樓飲宴菜 虾片鮮炸脆口唔算大隻幫襯誠惠 $260炸排骨~ 就係炸排骨 冇乜配料香味八珍豆腐 炒通菜 芥菜豆腐魚頭湯……即制 出緊煙夠熱上枱 有飲有食 叫太多食唔切 滿足

係香港食咗咁多唔同國家既食物,日本既,韓國既,西餐等,都想食下啲香港地道野。係今日,終於係深水埗搵到間本地地道既大排檔啦。今日10個人,食咗8道餸,個個都棒住個肚走。第一道係蘇炸生蠔,一人一隻大大隻,配沙律醬一流。第二道菜為清蒸扇貝,好足料,比我去西貢酒樓食個啲更加大隻,更加鮮味。第三道係炸子雞,好大隻,味道十足,雞肉滑,淡淡肉。其餘個啲分別為瀨尿蝦,2個菜及一人一個靚仔,個個都話食個返尋味,下次要再黎

吃這餐晚飯的時候，我不期然想起了你，孟飛，雖然我很久少數食文章給朋友，但有幸你成為我文中的主角，因為來到天祥吃一餐很美妙的晚飯後，我在想有沒有一天能和你在這裡吃一餐晚飯，讓你感受到什麼是香港獅子山下的精神。 天祥，位於深水埗的大排擋，對於住在港島東的你未必認識，但這個地方的香味味道，那努力不懈，奮鬥的精神，是你不會在現今的餐廳多見的。 三十幾度的天氣，愛文生和天祥，Uncle一路喜愛想試一下這些大排檔食平，食鑊氣，食火喉，食風味，食那些只存在於舊時才有的精神。 為什麼這些鐵皮檔會沒落？因為冇人會咁辛苦想大熱天時對著火頭做事，做廚應該去酒店或做壽司師傅易溝女又有型，邊會有人咁，你試下同人講你係愛文生做廚，人地會即刻覺得你一身油煙味。 孟飛，就等如你工作常偷懶，應該話你係練精學爛，你看我做了十一年還沒有病假又勤力工作，天天學習，你還覺得可以懶嗎？你說想升職，你有附出努力嗎？ 這裡的地方是舊，是大排檔風味，不過還算感覺幾乾淨，這裡上至廚房，下到侍應的伯伯，全是白頭，六十有多的伯伯，在這等環境熱辣辣還努力工作，你坐在銀行冷氣房還出去每天食五支煙以上，你說你不是很有趣。 我們大家坐下已覺

A friend brought me here late last night & we had the most authentic old-school style Chinese food. Will definitely come back & bring my friends visiting HK to come. But you do have to like sitting on the streets & in a what-it-seemed a ghetto neighborhood to enjoy this kinda food.

喉痛失聲但病住都要食好西！這間位於深水埗的大排檔我想食左好耐架啦！上次聖誕假期中午去到仲要好慘咁摸門釘…搞到我更加期待今日去食……其實是曾住深水埗的新朋友S推薦的老早之前便說好了帶我去食鼓汁炒蜆和腐乳通菜不料，到了約定的今天我們雙雙病倒了，不宜吃熱炒小吃，我便想不如吃蒸海鮮類，所以一坐下我便問靚姐姐有無蒜蓉蒸扇貝，點知靚姐姐話有魚蝦蟹瀨尿蝦蟶子，就係無扇貝只好點蒜蓉蒸蟶子…通菜不是當季也沒有…只好點蒜蓉唐生菜…說說用餐環境，就是我心目中的路邊攤啊！方形摺枱開在馬路邊，上面有著啤酒廣告的水壺裝著熱茶，還有小啤酒杯、一個盛髒水的膠盆、一卷廁紙…身後便是備料和熱炒的帳篷，師傅們有的在白煙騰騰的煮，有的在備料，來回穿插，生氣蓬勃…我們是六點左右來到的，雖然還未到高峰時段，但也有五、六枱在吃了。也沒有等了很久，大約15分鐘便上菜了。我地一見到碟熱騰騰的蟶子，即刻嘩左出黎，足足12隻仲要隻隻填滿蒜泥和蔥花光看的便知道好好吃了，我急不及待夾了一隻一口吃了！嘩，稔得黎又完全甩殼，鮮甜飽滿，真係食到我笑出來啊！錦上添花的是它的粉絲底，不難想像吸收了全部海鮮精華，食落口簡直令人暢泳於海洋之中哈哈哈。碟唐生

今日同朋友去食飯....朋友介紹話哩到唔錯咪嚟試試....但....我絕對唔會再來....1）豉汁煎釀三寶 $85 8件～（迷你版）個汁係無味嘅2）家鄉焗魚腸～果皮同薑味極重3）BB 鴿～真係極 BB4）蜜椒薯仔牛柳粒～牛肉太老5）黃金鮮尤6）豆豉鯪魚油麥菜

間唔時都會黎食下飯 今日生日飯又決定黎呢到 食物好有獲氣 朋友特別中二佢個辣酒花螺而我就最愛椒鹽鮮魷店主會記得你系邊個 食開咩 又會推薦你今日有咩好食咁 我覺得好好 因為呢家既香港好小餐廳做到衛生同環境的話 同一般大排檔差唔多 但唔會話好熱瀨尿蝦好好味 夠香炸子雞 皮脆肉滑乳鴨後來掛住食都唔記得影相2個辣酒花螺1個腐乳通菜1個聖子

朋友介紹，不妨一試，點了三個餸，菜圃煎蛋（煎炸好香），姜葱蠔（好好食），鹹蛋土魷蒸肉餅，煎蛋同砵酒蠔呢兩個餸做得非常出色，非常之夠鑊氣，但係個蒸肉餅就麻麻哋，完全冇肉味！

天祥對面 就係“愛文生”“愛文生”旋風火水爐 夠勁夠熱結果獲氣碟碟爆燈天祥未試過 就幫襯下味道相當唔錯 火候剛剛好“愛文生”有85分 天祥都有75-80炸子雞 外脆內軟肉剛熟魚腸 必需快食 唔係會腥 送飯一流黑椒薯仔牛柳粒 送啤首選 最特別係椒鹽鮮魷 竟然有少少黑椒係面夠竟係 炒完黑椒薯仔牛柳粒唔記得洗獲定係呢個係天祥特色我傻傻分不清楚 

早個多月約朋友大排檔吹水飲啤酒, 但是發文生令我好生失望。三個小菜, 結果沒一樣可令人滿意, 所以這次再約吃的朋友, 已迅速改到了對面天祥。上次在愛文生的那篇都寫過, 這兩家店像是有默契的交替 - "十年河東, 十年河西"。上一次去天祥相信也真的有十年了! 只知兩家店甚有淵源, 但詳細的來龍去脈已不記得了! 不過十年前我來, 相信餐牌菜式也都改變了不少。就連主打菜式都好像有點不同。但是喜歡的是其廚房依舊, 還是覺得比前更有生氣。廚房有人氣, 坐在旁邊, 聽到"洪洪...洪洪"的聲音, 甚有感應。聽到不停的落單點菜, 甚有街坊味。先來個"對面台"的招牌菜式 - 黑椒薯仔牛柳粒, 唔怕貨比貨。先不說切功, 都是同樣的馬虎, 但是最起碼走油走得脆香, 薯仔不會大而無當。牛肉粒有醃過但不誇張, 黑椒味濃正好平衡。然而"燒"豬頸肉。老實說, 一點燒的感覺都沒有, 從邊旁乾的程度來看, 明顯是炸出來的。可是內裡也不算乾, 依然有豬頸肉間肥間瘦的脂香質感。另一樣補救的, 是加上些蜜糖, 令所謂"燒"的說服力大一點。兩個人, 三個菜, 不過份, 最後來個蒜茸豆苗。沒有驚人的味道, 只想求多吃想蔬菜。整

親友約食飯，天氣凍凍地去食羊腩煲，共三個人再食天祥大排檔，室內無位唯有坐外邊無須等位，都唔算太凍。今次點了：1. 羊腩煲(細) - 瓦煲上，細細煲正符合心意可以叫多幾味菜，一試水準不俗，羊肉夠稔不羶，配上支竹/馬蹄/蔥/花菇等，非常惹味，好食。2. 雞油豆苗 - 豆苗當灶，夠嫩無渣，炒得火候剛好又入味，好食。3. 煎讓三寶 - 有豆腐/茄瓜/尖椒，與普通街邊檔分別好大，豆腐外皮脆卜卜，茄瓜尖椒亦不會太熟，不錯。4. 黑椒薯仔牛柳粒 - 相當有份量，薯仔面脆卜卜裡面軟滑，牛柳粒仍有口感，黑椒味滲入薯仔同牛柳粒，好好食。5. 豉椒炒蜆 - 今次蜆比較大隻，豉椒味夠香，蜆肉今次無沙，不錯。三個人叫5味菜其實相當飽，另外叫啤酒要即時付款。整體天祥小菜不但款式多而且水準不俗，大排檔環境有風味。