太極樓京滬飯店 (Closed)

其實打邊爐 都唔會要求d乜野 其實都係個爐同個湯底唔好出事就已經ok 但重點係兩樣都難得地出事先死本人於2月4日晚上與女友到太極樓諗住天氣咁凍 打個邊爐暖一暖個身 一開頭就揀左個蕃茄薯仔湯底 但點知湯底一到 只見到一盤加左幾舊蕃茄同薯仔既清水 所以就向一名服務員問過究竟 並且要求換過個湯底(曾經食過並唔係咁 係真係蕃茄薯仔湯） 點知個店員既回應 我地一向蕃茄薯仔湯底都係咁樣上 拒絕換湯底既要求 仲叫我地同經理講 之後我地就向經理投訴 但經理既回應竟然係叫我地夾多幾舊蕃茄去煲 首先我地係打邊爐 唔係煲湯 但遭到兩次咁既回應同拒絕都冇辦法 只好自行到附近既超市買湯包 希望感覺唔好係用滾水打邊爐就算 但之後就到個爐出事啦 個爐火力根本冇辦法將所謂既”蕃茄蕃仔湯”煲滾 所以要求店員換gas 點知個店員就話仲有好多gas 咁我就話 咁即係個爐既問題啦 就要求換爐 但一樣遭到拒絕 並回應:個個爐都係咁嫁啦 最後等左半個鐘 湯底依然未滾 只好再要求另一店員換爐 才得以解決問題 但個一刻 已經嬲到冇哂胃口經過今次既經歷 完全係貼錢買難受 明白週末係非常繁忙 但唔代表可以咁樣對待顧客 唔期待打邊爐有

8:00入場混亂，阿姐忙呢樣忙果樣，分別3個人叫佢都唔理，等咗幾乎10分鐘都未有籌好啦，再等多10分鐘，終於有位了。入座後，又等多10分鐘先有人黎舖枱同拎張order紙。行去自助雪櫃，d嘢幾乎無晒，今天無花膠有d失望，不過算啦，以前d花膠都唔好食。自助醬料又幾乎無晒，8點零啫，唔洗吓話過10分鐘去行1轉，終於添返d. 論到講食物質素，有幾樣明顯唔係好得，包括：雞枊、墨魚滑牛都ok嘅，不過不失。叫咗滑雞但無黎，以為漏單，但見隔離枱走時，剩低一大碟雞無食過，唔知係難食定係大晒鬼啦，攪到我地想試吓有幾難食都唔得，香港人真係好浪漫！

做完正經野，當然要食返餐好味道啦，我地入左青年廣場覓食，見到有3間唔同款式餐廳，有日本菜、西餐同上海菜，我地最後係揀左上海菜，因為見個餐幾抵食，又多選擇，就入黎試啦我地一坐底就問我地飲咩茶，揀左普洱，之後就揀左個二人餐二人餐分別有一款自選涼菜、兩款小菜、一款點心，配豆漿或咖啡☕️白飯要另外加錢醬蹄味道唔錯，做前菜幾岩，味道食落唔會覺得唔會重口味，調味得剛好跟住，到鮮肉鍋貼（3隻）出場啦，依個反而無太大驚喜，因為同一般出面上海包點買ge差唔多，皮都唔會太厚，下次反而想試食狗不理或者其他幾款甜品到兩款小菜出場啦，有紅燒獅子頭加麻婆豆腐，兩款餸菜都好好‘送’飯獅子頭個茨汁比較‘杰’身，但個主角-獅子頭食落唔會太咸同肉質‘老’，所以尚算接受到麻婆豆腐，依個好難食得出個汁係自己調味定市面醬料包，所以不過不失，好食ge，重點唔會太咸啦，豆腐好滑，整體唔差中間想講下，我地俾張午餐紙職員時，佢地無話我地知餐配飲品，都係聽到隔離檯叫豆漿先知，依點覺得職員較為唔細心，不過佢地都好好話我地知豆漿有分熱同凍，所以服務方面加分啦，同埋會見我地食得七七八八，都會送碟飯後果俾我地加上環境坐得幾舒服，地方夠大，似飯堂咁

中午約朋友在柴灣食飯而又想傾吓計, 青年廣場4樓也是一個不錯的選擇! 我來過太極樓一次, 這是第二次。餐廳樓底極高, 幾乎有兩層樓高, 落地玻璃窗的透光度很好, 有自然光, 感覺舒服。 同層的餐廳都已轉手, 但太極樓仍然存在, 總有他優勝之處。昨晚才吃完自助餐, 這天中午本來想吃少一點, 但見到二人套餐實在好抵食, 亦有我喜歡的菜式可以選, 便決定要二人餐。 先來一客小籠包(4隻), 肉質鮮味又有汁, 皮也做得薄, 最重是即蒸熱騰騰, 好味呀!醉雞的份量算很多, 食店一般都用雪雞或凍鮮雞, 因此也沒有太大期望,  雞肉質地及酒味都OK!這個酸辣湯真是有驚喜, 似足四人份量, 兩個人每人要食3碗, 材料都很足, 最可惜是不夠熱!糖醋排骨也大碟, 酸酸甜甜都不錯呀!套餐還送了兩杯豆漿, 又有中國茶, 埋單只是~$160, 以這個價錢, 食物質素OK又大碟, 還可以慢慢傾計無人趕, 真的算是很超值了! 

是日中秋節，同舊同學一齊黎做節，雖然無左平時既特價套餐，但係我地都趁呢個機會叫左個四人餐再另外單點食物。最特別既一樣菜係水煮魚，係呢度都係第一次叫，上菜時大家都哇左一聲，因為賣相呈紅色，面頭鋪滿辣椒，相當嚇人，同行既朋友覺得好辣，不過本人覺得入口只有少少辣，建議店方可以俾客人揀唔同既辣度，咁就可以迎合唔同口味既人。不過份量方面比想像中少，魚同粉皮都唔多，每人都分唔到三塊魚，如果可以俾多少少或者加D薯粉咁就完美啦。

閒日放假同兩位長輩柴灣掃墓後食晏，佢哋揀咗青年廣場的太極樓，我哋係第一枱客嚟到啲工作人員仲食緊飯。三個人點咗四人套餐$258另茶芥加一每人約莫一佰蚊鬆啲，十分平份量亦足不過就一般水平低少少喇。冷盤我哋要咗牛𦟌同豬腳，量多雪味亦多，可能啱啱雪櫃攞出嚟，所以肉質口感好硬好嚡下。主菜㰓菜四季豆，豆莢爽脆咸淡適中。獅子頭就麻麻哋，水份多肉質過軟，老人家啱食，所以兩個長輩話晤錯，我就過多廿零卅年先識欣賞。糖醋魚塊，魚塊冇雪味，口感唔錯，不過菠蘿居然完全沒有味道很奇怪。小吃原來比較好食，生煎包餡料有肉汁，個底都脆，算係咁。小籠包d皮有點乾，餡料尚可有肉汁，唔係太差。餐後仲有幾嚿橙送同埋四杯飲品，我哋已經開咗茶其實飲唔落其他嘢，所以外帶，工作人員都好友善幫手包走。長輩話下次試客飯，卅幾蚊加茶芥加一，仲平過脆華，可以諗下。

今日放咗工，3點幾未食野，決定去食返個下午茶享受一下🥄去到柴灣，想食中餐，就選擇了在這個青年廣場4樓的太極樓。👨🏻‍🍳佢星期六都有下午茶餐，睇下個餐牌先....最後我選擇了嫩雞煨麵配鮮肉生煎包煨雞煨麵：都幾大碗下，麵好軟身，我喜歡的口感！有菜有雞肉都幾好食，不過個湯我覺得咸咗些，如果清返一點，會更健康更好味道鮮肉生煎包：有2個，熱騰騰的、下面脆脆的口感，唔錯；肉的分量都適中，不會太多；唯一是比較多油了點，碟上一片油加3蚊仲可以加飲品

是日嚟到柴灣青年廣場，對面有個唔知咩商場，地下有間百佳，諗住上商場睇有乜嘢食，一踏上條扶手電梯，一陣熱氣攻落嚟，香港都好少商場係咁，整體係唔覺佢有冷氣，繞場一週，食店就係一般嘅連鎖食店，所以我選擇返回青年廣場六樓試 " 太極樓 " , 叫咗個二人套餐，散叫咗個蜜汁方煺，鍋貼，套餐中嘅黃金蝦球，包住蝦嘅原來仲有一層" 厚硬實 "嘅炸漿，裡面包住隻好難先揾倒嘅蝦仁仔😰 👎 ，套餐嘅其他食物都勉勉強強，至於個蜜汁方煺，真係中伏到極，造型已經 cheap , 竟然砌d罐頭菠蘿伴碟，四片無火煺香味又乾身嘅甜火煺😣 淨呢樣要收 $ 150 , 埋單 $428，深圳萬象城試過一間好食過佢唔知幾多，不過已忘記咩名😌 香港呢間點值呢個價，呢世都唔會試第二次，最尾嗰幅圖，就係我地挑完隻蝦仁，剩餘嘅厚硬實炸漿 😡

為左呢間野第一次打食評! 因為真係從未遇過服務態度有如此差的食店!話說我地8:15落單, 見8:40都仲未有得食就問其中一個阿姐, 佢話廚房啲電腦出問題呀, 跟緊架喇!到8:45, 眼見唔係喎...周圍遲過我地黎果啲人都黎哂食緊喇喎!?之後搵左個衣著看似高級少少既同佢講我地等左半個鐘都未有野食, 佢就入左廚房睇, 之後又出黎好似想搵返我地張單, 我懷疑佢地係落漏單!查實就算你係落漏都算, 正常都會同客人請聲唔好意思, 而家叫廚房即刻整返俾你~~佢地無主動過黎交付不特止, 當我又再問阿姐究竟跟成點??佢竟然唔理我行去其他枱, 仲話""我都理唔到咁多架!""大佬呀! 真係火都黎! 你理唔到咁唔通我理到? 我係咪要自己入廚房問? 你要我等左咁耐其實我只係想要個回應, 要個交代, 我唔洗你道歉, 但你煮緊又好, 你唔做我生意又好, 究竟而家咩情況, 你都講聲丫~~! 我係咪要等到你打烊有就有無就無咁呀?!之後我講哂粗口行出門口, 佢地聽到見到任何野都完全無理會過!究竟呢間野係咪做生意架??? 我懷疑我撞邪!

無估到餐廳名，又飯店，又京滬，好駕勢咁，估唔到仲差過街邊啲上海點心！設於柴灣青年廣場，環境尚算ok，望下望下，下午茶， $25 一個面一個點心，好抵喎， 不如試下啦。點知......其實仲有$7茶錢，都ok la。最唔ok係，水餃、雲吞、小寵包，全部整定煲到霉哂！唔好同我講下午餐，一分錢，一分貨！

今天老細心情好，所以特別早放去食午餐，今日去咗太極，因為幾位同事話食得多日本魚生和西餐，今日佢哋話要食中菜喎，我們沒有訂枱，但12:30pm 去到仍有位，我們叫了套餐再加少許點心。冷盤有醉雞和上海烤麩，主菜有腰果雞丁，咕嚕肉，上海粗炒，太極小籠包，生煎包。　全部點心上枱都非常新鮮。我們開了兩壺茶，坐低傾計談公事一坐坐了個半小時才埋單，埋單個姐姐話有咖啡或豆漿附送今次真係有驚喜，估唔到食中菜也有餐茶附送，我們叫了熱咖啡及熱豆漿今趟是非常滿足的一餐，下次一定要再來！

最近睇到朋友Group chat介紹太極樓好正，我就同女友講去試下啦，女友第一反應係太極樓麻麻地之嘛，因為佢以為係食小菜，但原來有邊爐做晚市，$148既價錢食到新鮮食材，自問我把口都夠尖，但真係掂，小為人知既邊爐聚腳點，身為廚師都讚好，有新鮮竹蝦，安格斯肥牛，我鍾意既鵝腸，豬粉腸，皇帝菜，全部都有心機上碟，剩係個竹蝦都值回票價，兩小時任食得確勁，每次點餸都好快送到，絕無減少份量之類。注意：2130後會減慢補貨總之諗唔到食咩既時侯，就去下啦。

這間京滬菜味道不算十分正宗，但菜色尚算可以。餐前小食都應有盡有。蒜蓉青瓜、酸辣木耳略嫌不夠辣。烤羊肉可是一大驚喜，皮烤得很脆，肉質肥瘦適中，不會太乾或羶。怕羶的朋友也可一試。砂鍋雲吞雞也不錯，雞肉不會太老。雲吞皮薄，數量適中。少人食可叫半隻雞。小籠包正正常常，沒多大驚喜，不過餃汁略為不足。喝酒的器皿頗為特別，是用冰了的碗子，飲起來有一種古代英雄的感覺。坐的位置寬敞，加上客流不多，的確是家常便飯的好去處。

睇麥兜午餐的故事， 笑到眼淚水直流， 以為現實那有可能發生， 不過就發生在太極樓😅朋友突然話想食上海野， 所以就左附近找， 找了這間我地看見餐牌有菜飯，酸甜魚柳， 獅子頭，紫豆漿， 不過去到點菜時，侍應生就同我到講返麥兜午餐的對白， “要菜飯 ”我地說“無菜飯”侍應生回答“咁有咩飯？！”我地問“無菜嘅飯， 即是白飯”侍應生回答叫左幾碟不同的菜都係咁樣嘅回答， 最後我地用麥太口吻問， “咁究竟有咩食呀？”侍應生就答：“有白飯、 宮保雞丁滑蛋炒蝦仁、小籠包、豆漿、豆沙窩飯”咁我地就答：“咁點這些啦！”白飯：好大碗，兩個人都夠辣宮保雞丁：一點也不辣， 雞丁份量ok滑蛋炒蝦仁:韮菜超多， 蛋唔太滑，蝦仔數量一般， 不過味道ok小籠包: 皮薄，肉汁多， 好味，不過醋都唔記得俾， 要要求才有😅豆漿： ok豆沙窩餅:好厚的皮呀！豆沙餡量及味道一般， 不過超多黃糖

前日(26-7-2016 Sun) 晏晝同爸爸,老公探完病後搵o野食,打電話開老公o既男友人IN邊o度有好o野食?佢答新翠花園商場人多,有排等位,叫我o地去青年廣場4樓,冇乜人唔使等.好的.於是帶爸爸同老公行,我o地o黎到,有三間o野,一間西餐,一間板長壽司,一間食上海菜.老公話有爸爸o係o度,都係食上海菜啦,於是行o黎呢間.我o地坐低後睇餐牌,只有套餐(套餐o既餸唔係咁o岩爸爸食)同小菜餐牌,老公話有點心,我答餐牌冇.於是佢問侍應攞,拎到o黎,原來重有平啲o既套餐.於是我o地就要$133.00o既二人套餐,揀o左:1. 美味燻魚炸得幾夠,但薄身,覺得唔夠,汁o既味道偏甜,但OK o既.2. 紅燒獅子頭有兩個獅子頭同雜菌伴碟,獅子頭好鬆軟,汁o既味道好濃,送飯食就o岩ｏ岩好.3. 奶油律白津白煮得好腍,奶油味不太重, 呢個比較清淡.4. 天津狗不理3個呢個包得好靚,而且熱騰騰,食落,五香粉味道幾濃,不過內裡肉汁唔多.套餐包兩杯鮮豆漿或意式咖啡,我o地要o左凍豆漿.凍豆漿夠冰凍,好正.而佢又唔太甜兼飲到豆味,唔錯. 而爸爸點都要食飯,於是另外叫碗白飯,我都食啲.食完原來有生果送,呢日送