宏發燒臘飯店 (Closed)

今日又去咗宏發燒味食午餐。好肚餓，坐低即刻叫個叉燒切雞飯黎試下。唔夠兩分鐘，真係唔夠兩分鐘，一碟飯同凍檸茶已經上到檯面。會唔會太快！又係咁大碟，正呀！最鐘意食呢度既燒味，份量多，肉質靚。今次試佢個叉燒，一入口，好肥美，而且見到係好多叉燒，厚切架！好香好好味！食到叉燒好滑，唔會老，同埋味道唔會太鹹，好有細個食燒味既味道。再試下切雞，雞肉煮得岩岩好，一d都唔老，好滑，好耐冇試過咁樣既味道。雖然外表冇乜特別，但一入口就知道佢個功夫去到邊。正呀！雞肉好香，肉質整到好似海南雞咁滑，但係又有切雞既味道！而且成碟飯仲好熱，食完好暖好滿足！呢間係我鐘意既燒味餐廳！好既燒味，特登黎食多幾次都冇乜所謂。keep 住d質數呀！

有日收工屋企又冇飯食就出左去銅鑼灣食野順便行街, 一條友想快食又突然想食燒鵝所以就走左入街邊一間燒味鋪。門面幾光猛。入面都唔迫夾, 幾好。原隻鵝脾米粉 ($88)個餐本身是鵝脾飯, 不過可以轉米粉。 因為做左成日野, 唔想食飯咁乾文文。鵝脾同米粉分碟上, 成個感覺當堂高級左。 米粉都算稔, 湯底就一般, 始終人地主打賣鵝哈哈!至於燒鵝就真是好正, 個皮好脆, 而且啖啖肉, 不過佢地啲燒鵝略嫌肥左少少。 而且有幾條菜心食下, 算是咁啦!凍檸茶 ($9 跟餐價)一般啦, 茶味偏淡, 講完。去廁所果陣偷望左個廚房幾眼, 發現原來啲鵝是佢地間鋪自己燒, 唔錯

除了翠華，發現另一個快吃之選－新開張的燒味店，又可以一過叉燒癮。裝潢新簇，企理乾淨。從門外可以看見吊著燒味的架子，射著超強的燈，色澤、肉質、肥瘦，一清二楚。店內佈置整齊，牆上掛著各款燒味飯的圖片。即使搭枱，座位夠寬闊，餐桌之間有相當距離，空間感不錯。餐牌列有各種燒味，還有個綠色有營套餐，有雙拼配飯／湯麵／河粉／瀨粉／米粉，油菜和例湯／餐飲。雙拼的選擇有指定，反正有叉燒就好了，便點了個套餐。燒排骨叉燒飯份量夠大，叉燒有7-8片，燒排骨有5-6件。叉燒少肥偏瘦，放入口第一個反應是，太甜了吧。蜜糖味很甜，是輕飄飄的甜。燒得未夠，蜜味欠濃稠，表面亦沒有微焦，未夠硬得跟肉質形成對比。雖然偏瘦，但肉質不嚡，有嚼勁而帶點腍，連著少少香口的肥。慢慢咀嚼，蜜糖跟肉質平衡，配合少少肥的油香，還可以。燒排骨骨多肉不多，味跟叉燒差不多，也是不夠火喉，欠風味，還少了脂肪部份的油香。伴碟的菜心和套餐的菜心都清甜爽脆。白飯可以，不會乾得頂胃，也不過腍，算是剛好。以燒味店而言，環境算是不錯，服務也可。燒味一般，叉燒不嚡口是基本，可以燒得更香。份量夠大，是方便快捷、吃得舒適的選擇。

今日好忙，路經銅鑼灣，已錯過了午飯時間，無意問發現繁華商業區地鋪竟然有間燒臘飯店。不同的燒味井然有序地排放，好吸引！雙腳已自然地進入店内。店內裝修簡潔、干淨，牆上只掛上各式燒臘的圖片。最後決定對自己好D，點左燒腩骨拼乳豬飯十凍檸檬茶。嘩！份量十足！首先吸引我既係骨腩，金黃色外皮鬆脆，而帶骨既腩位肥瘦適中，肉質軟腍。而乳豬雖然外皮香脆，可能唔係腩位，肉質好味但太瘦，非本人所好。如怕肥之人一定大喜。

今日去咗銅鑼灣，行到2點幾提早食個下午茶。見到sogo後面有間燒臘鋪，啲燒味勁香，雖然價錢比較高。但唔理啦，銅鑼灣貴租正常嘅，出面又咁熱，就食呢間啦單雙拼嘅燒味飯係同價嘅，我見有海蜇食，又心思思叫咗三拼飯最後叫咗個叉油雞拼海蜇（$46+$38=$84），真係第一次食咁貴嘅燒味飯，不過食完就覺得係值嘅！碟飯到咗，一見到咁大碟就心知不妙，唔記得叫少飯～海蜇另上，夠晒凍！叉燒同油雞都好有光澤先講叉燒，叉燒好香口，不過就偏瘦咗。下次再食可以叫半肥瘦都得，厚切好有口感～如果更多叉燒嘅汁就更正啦油雞係雞脾位，大大件都有成5嚿好入味，肉質夠嫩，有雞味，不過有少少碎骨。燒味飯個飯底都好緊要，淋上豉油，再撈埋啲薑蓉，真係勁好食個陣油香味真係不得了，平時我少飯都會食唔晒，但對住咁好食嘅薑蓉撈飯真係停唔到口最後無叫少飯只係食剩幾啖，結果飽足全日海蜇好夠凍，爽口彈牙！而且好入味，如果係辣嘅會更惹味食完出到門口先見到原來有下午茶餐，論質素都算平。仲有綠色有營餐，跟油菜

是晚收工家裏沒有煮飯，經理仔只好自己一人吃吧，女朋友又沒有空，真傷心～最近看到公司附近開了一家新的燒臘店，心血來潮的我很想吃個燒味飯呢！來個男人的浪漫！宏發的店面很易記認，黃底紅字的招牌帶點懷舊，店鋪光猛闊落，有卡位也有圓枱。看一看餐牌，有一個綠色有營套餐。餐包兩種燒味，另配油菜一份，還有餐飲。六十三元在銅鑼灣這地方來說也算是不貴的了～我要了油雞叉燒飯。很好運，竟然是雞脾的位置，啖啖肉真有口福！叉燒七分瘦，不怕肥膩。表面佈滿蜜糖，燒得有小許焦香，卻又不會過了火。而且肉質也很嫩，一點都不韌，很入味。油雞用上雞脾的位置肉質十分嫩滑，而且肥瘦適中，雞味也很濃郁。由於叫的是油雞，吸收了甜甜的豉油味，伴上熱辣辣的白飯 很送飯呢！附上的油菜是菜心，菜心也很嫩，分量很足。有時候工作在外，很少機會能吃得健康，有點菜蔬落肚實在感到開心不少。一個人吃完一餐，突然很想念女朋友一起吃飯的吵鬧，要多抽點時間見見她呢！

今日一個人係銅鑼灣行街做個毒自宅女，點知乜收獲都無，真係喊出嚟。咁好啦，野買唔到，飯都係要食嘅！有時我都覺得自幾傳統咖，會中意食下中式野，今晚就食個高級燒味放縱下啦～宏發燒臘就係銅鑼灣嘅後街，近住c出口！係呢個旺期有間燒味店其實都幾出眾～一個人食就食豪啲，見佢雙拼都一樣價，就要咗燒鵝燒腩骨瀨粉，試多款丫麻！份量都幾十足咖，兩款燒味都有好多件下。先講燒鵝，肉唔肥，唔韌亦都。帶有濃濃嘅油香，皮燒得好有火喉！燒鵝嘅汁仲沾咗落個粉到，令粉都有啖啖嘅燒鵝油香。而燒腩骨同樣係呢到嘅招牌之一呀！燒腩皮好脆，肉嫩味香。味道唔會好鹹，而且都唔會燒得過乾，肥瘦仲好適中。瀨粉係我細個好中意食嘅一種粉麵，多數都唔係咁易食到。粉軟硬適中，吸咗燒味嘅味道好入味。配上幾條菜，中和翻啲肥膩嘅感覺！仲叫咗杯凍朱古力，食燒味有得飲，感覺都幾新鮮xd雖然稱唔上係平同抵，但係銅鑼灣嘅旺區，可以食到有水準嘅燒味都好難得喔！

今天自己見客後，發現宏發燒味在銅鑼灣開了分店，没想到也人山人海，等了兩分鍾，終於找到一個門口位置坐下來!二話不說叫了一個招牌乳豬拼燒鵝飯，再加十二元要了一個西洋菜老火湯，再加上我最愛的凍檸茶!首先來了乳豬燒鵝飯，乳豬脆卜卜，皮薄而肉很香又軟，燒鵝一点也不肥，又香又濃，口感一流! 西洋菜老火湯真的夠火喉，豬琤肉又軟，真的煲得爐火純青!凍檸茶祇加9元，全個套餐祇不過一百元，己經可以嘆到咁正乳豬餐，真的超大滿足了!

在銅鑼灣這個熱鬧市，想吃什麼就有什麼，這間不合心水就去下一間，用「總有一間在你附近」來形容就最合適不過。 其實我本人就一向比較念舊😌對於懷舊傳統的事物愈來愈重情！覺得這類型工業是非常值得保留及發揚光大！而且，屬於香港的本土文化，正一步一步被年月吞噬，如果等到所有傳統技術流失後再去了解就太遲了！ 放工後與朋友一起來到宏發燒臘飯店用膳，宏發其實在很多地方都有分店🙌🏻🙌🏻🙌🏻足以證明他們的人氣也相當高！食客每次食完都會再次光顧！因為宏發是以「心」去做燒臘！ 食燒臘必備的醬料三寶：黃芥末、酸梅醬及乳豬甜醬！😋😋😋😋三種醬料味道完全不一樣，配合不同燒臘可以帶出不同層次的口感和味道！ 其實我一向比較少很腩骨，但在朋友極力推薦下，我點了這個乳豬拼腩骨飯 👀👀👀等我試試先 絕對不能小看這碟燒味飯，貌相雖然簡單平凡，但一吃便知龍與鳳！😏😏😏一碟好吃的燒味背後包含了燒臘師傅多少的心酸、努力、時間、辛勞，汗水才研制而成！ 外皮烤到金黃色，香脆無比，咬下去基本上完全無肥膩感覺，整塊燒肉配合脂肪跟肉的比例，可說是完美的黃金比例😱😱😱我花名是一個「飯桶」，無飯不歡😂😂😂🙌🏻我最愛就是燒臘飯

話說好耐都冇食燒味啦，今日趕住做嘢，喺附近咗個燒味晚餐。由於一支公，梗係享受一個人的浪漫。叫咗個燒味餐黎食。估唔到咁好食，真係物超所值。叫左個燒腩肉乳豬飯。腩肉真係好香滑，肉質唔乾，仲保留住入邊既水份，而且個味好香，唔會太鹹，因為成日食既燒腩肉都係好乾好乾，而且好鹹，但呢度既腩肉係我食過最好食既腩肉！啲肉嘅質感好滑好好味。乳豬一入口又唔會太油，之前都好驚食燒味飯係因為好多餐廳既乳豬都好油膩，食完有陣豬油味係個口到，但呢度嘅乳豬整得岩岩好，而且份量都多，啱晒我呀！食完一碟已經好飽好滿足！完全估唔到呢間燒味係咁好味架！食咗咁多間燒味，我諗呢間真係可以真正代表香港嘅真燒味！下次午餐想食燒味，一定會再嚟呢度食。

逢星期三都要趕上堂的關係，大隻仔話想食燒味，一黎快捷；二黎夠飽。 在鬧市中尋找燒味店的確比較少有，紅黃的招牌令我留意到。門外更列明元朗風味及現場燒製，決定去試下！清晰可見滿佈新鮮的燒鵝、叉燒、燒鴨、豉油雞、紅腸、貴妃雞等。 店內有一位年輕帥哥作打點，他介紹餐牌上的食物。食物種類繁多，而且餐牌以中英解釋分外貼心。 如果有外國人前來都不怕擔心，英文餐牌已突破傳統的燒味。在牆身有一個精選飯餐「燒肉飯」＄46奉送例湯、或啡茶而凍飲加＄4。另外阿華田、好立克另加＄3「全日供應，不設時段」。怪不得在夜市中會有學生哥前來進食。 餐牌上列出綠色有營套餐$63，套餐可選兩款燒味；可配飯/湯麵/瀨粉/米粉。憑餐可免費送一份地，例湯或熱飲一杯（凍飲加＄4 ，特飲則另計） 同一份餐牌列明燒腩骨乳豬飯＄88 平時燒肉食得多；燒腩骨比較少見，決定點這個餐試試它的威力。一上枱$88的確有點份量，大隻仔食佢一定夠飽啦！見到咁吸引，忍不住都食左1/4添；乳豬皮燒得脆身夾有少許脂肪勁美味。燒腩骨啖啖肉配上芥末令人津津樂道。飯的份量都算多，微硬添上甜豉油非常美味。 綠色有營套餐選了燒鴨及叉燒瀨粉配熱杏霜。

銅鑼灣乃潮人shopping 勝地之一，行行下突然經過一間燈掛滿燒肉燒鵝油雞的櫥窗，在射燈照射下，金光閃閃很吸引，於是便跑進去了！很愛燒臘師父在當生招牌，大大力斬料手起刀落幾聲，很有氣勢！呢個格局又真係幾有味道的。餐牌非常清晰，題外話是呢度還真是很乾淨沒有油淋淋的感覺，企理整齊，而且店長還很細心地替我們每項食物續一推介。叉燒燒肉飯＄46大大碟呢！！食燒臘，識食既一定係食燒肉！！一來到即時搶先試下件燒肉皮，睇外表已經高分，咬下去卜卜脆shot shot 聲！正！而下層燒肉肥瘦分明，甘香有肉味，尾部又不會咸，做得剛剛好。蜜汁叉燒，本人是叫瘦叉的，平時都好習慣瘦叉是又干又韌又鞋的，今日相當驚喜，叉燒肉質又軟又滑，表層硬度燒得剛好蜜糖味洽好，不會太杰。乳豬燒鵝飯＄80嘩！！大碟到呢！！呢個價錢絕對超值！！乳豬皮也是脆卜卜的，夾埋下層的瘦嫩乳豬肉食，簡直天作之合，肉質鮮嫩又不咸，火喉控制得非常好。燒鵝也做得非常合口胃，肉味很出瘦肉夾什着小許燒鵝油份，很香人。值得一提的是伴飯的豉油有少許甜度，是師父特制的，令整個燒臘飯咸中帶甜味道中和了許多。例湯+蔬菜（+17元）蓮藕湯，味道很好沒有添加味精但仍有

午膳時間在銅鑼灣試了一間新開的燒臘飯店「宏發」，與相類似餐廳比較，宏發裝潢明顯較新淨及光猛，舒適度亦可接受。來得燒臘飯店，目標當然是一眾燒味。翻看餐牌，吃一碟燒味飯也要五六十元起，只能嘅嘆現在的舖租人工實在高昂。筆者要了一碟乳豬叉燒飯，燒味份量合理，乳豬肥瘦適中，皮脆肉嫩，但調味稍稍鹹了一點。叉燒選材偏瘦，鬆軟感合理，肉香不俗。跟飯散點凍飲只需 $9，這杯凍奶茶味道中規中矩，以燒臘飯店的水準來說已可接受。

For tourists visiting Hong Kong, I think this would be a great place to go because the menu has English and clear pictures.While the English and pictures were good, the service was a bit pushy because they kept recommending this dish and were hurrying me to order.Anyway, as they rushed me, I ordered the roast suckling pig and pork belly which I thought were ribs because in Chinese it was laam gwut.The pork belly was a bit too lean for my liking while the pork belly was too fat compared to other

同男友落銅記餓餓地而為食ge我被呢間宏發燒味吸引住咁就行咗入黎 發現同出面標ge價錢不同，原來堂食貴外賣幾蚊不過算啦 個價錢都ok ge 叫咗燒肉拼叉燒！ 見到咁大碟即刻覺得抵曬！燒肉有啲肥膏，但我覺得呢個比例先係最好味瘦的肉都好滑皮仲要勁脆叉燒勁滑個叉燒汁甜甜地好味道！個飯濕度適中秘制汁霖埋係面真係勁好味完全無後悔入黎食佢仲比咗隻鴨脾我男友tim 個脾唔算肥，皮又香口呢間真心食得過！