宏發燒臘飯店 (Closed)

啱啱喺隔離睇完醫生，好想食海南雞但係附近好似冇好野。諗住求其買個油雞飯都應該唔會死錯人。點知隻雞仲老過你太嫲。其它大部份係骨。叫咗佢比多啲薑蓉冇俾到。連條菜都老到咬唔開。整體非常難食。總之下不為例。報告完畢。

行過銅鑼灣宏發燒味店，見到佢有個新口味麻辣雞， 今晚本小姐又肚餓就決定行入去試下！都算幾抵，因為呢一個麻辣雞可以跟套餐價，連埋一個例湯或者係1杯熱飲都只係49蚊宜家啦啦聲俾啲圖你睇下先先呢個例湯，花生雞腳湯， 食落有少少味精應該係雞粉味，但好彩唔會太鹹，對我黎講有味又唔鹹第二樣上既係瀨粉其實原本佢應該係麻辣雞飯嘅，但係我呢就比較鐘意食瀨粉，所以呢就轉咗瀨粉唔要跟飯佢哋轉米粉同奶粉，全部都唔使加錢㗎，照舊都係49蚊主角終於出場喇麻辣雞。。。 其實呢個賣相就真係非常之得開頭都以為佢會成隻雞都係有麻辣嘅，點知原來佢地只係係隻雞上面鋪個麻辣醬我覺得呢個醬其實就一啲都唔麻辣，仲帶點少少甜甜地辣辣哋啦🤗 如果你地唔係真係咁渴求一定要食麻辣嘅話，呢個出嚟好食嘅食材係新鮮嘅一啲都唔孤寒，仲好大舊添唔會孤寒仲好滑Tim.. 起碼有啖啖肉俾你咬，你都知啦，銅鑼灣地舖租好貴㗎佢哋冇偷工減料都算係咁以上開飯食評，係本小姐食完既食後態

前排同朋友係銅鑼灣行街買衫，一齊食個晚飯，就揀呢間燒味鋪食，因為太耐冇食啦。以往食既都係街市買既，叉燒通常好硬好甜，雞肉好“un”，一d都唔滑，不過呢度都食過幾次，外賣燒鵝說算返到屋企都一樣咁肉嫩多汁。今次食叉雞飯，雞岩岩好熟，有人怕生，但係因為煮得岩岩好熟先會有嫩滑既肉質，如果怕生既人就唔好要求嫩滑。叉燒就超新鮮，因為肉既紋理都仲睇到，非常清晰，而且本身蜜汁做得好，甜鹹平衡，大家都要去試試！順帶一提，雙拼只係$46咋

extremely rude waitress and service. the food quality is horrific. the store was empty when two of us walked in, the waitress pointed us to a round table which was not clear from the previous customers, we asked to sit anywhere but there, but the waitress refused and asked us sit the watching her clean up when we were sitting right if front of the dirty dishes and table. afterwards we order a bbq pork rice and a bbq pork with roasted chicken. I asked for more Ginger and onion oil. and the waitre

我今日去咗宏發燒味茶餐廳買燒味飯，收銀個個員工態度勁差問多句都要黑口黑面，仲要喺度話返轉頭叫我可唔可以一齊講埋飲咩，話每次都要問一次，其實做得餐飲業就係要問顧客食咩飲咩，到翻轉頭話顧客唔啱，已經好多次係咁，就連對上一個客人都睇唔過眼要鬧收銀員工，雖然用不雅用語去鬧，但係我又覺得個客話得啱，依家你問多一句會死嗎？仲有一次就係我企係距面前距都可以唔理我，坐係度㩒電話唔去服務我，呢啲係應有嘅態度嗎，可以當我唔係度咁

是日去捐血，想食個飽飯！腦海忽然浮起宏發燒味飯！正值中午黃金食飯時間，內裡十分擠擁。下單後送上速度挺快捷！價錢偏昂貴，不過偶爾食一食都可以接受。雙併燒味飯(燻啼+燒肉) - 飯粒濕潤不乾身，配上送飯一流的薑蓉食，叫做不過不失。燻啼肉質厚身晶瑩，啖啖肉！燒肉外皮香脆，但肉質較咸身。凍奶茶 - 茶味及奶味均告淡淡。不太合心意～

点了個半肥瘦叉燒飯，來了條80%肥的，問可否換，非常冇禮貌地寸我，之後幫我換了條100%瘦的，NEVER COME AGAIN.不要給second chance. bad service.

點了一個單併油雞飯，給你的是油雞的不明部位，看似雞肋，但未見過如此無肉的雞肋，皮的脂肪多得放不下口，連想吃皮都難嚥。只給你掌心左右大的疑似雞肋，斬成八件，夾雜著厚厚的脂肪、骨、內臟、不足5%的白肉....我禮貌地向服務員：「請你望下件雞，真係冇肉...」她看了看：「雞背。」我望著她，她看著我，她看似完全沒打算幫助我，更帶點不想負責的態度。她說：「咁你想點？」我呆了一呆看著她。「你應該之前就講唔要雞背或者其他部分，師傅有咩就斬咩。而家睇下師傅斬唔斬俾你，不過佢而家好忙！」她就去做她自己的工作，但我沒看見她去跟師傅要求。我非常失望地把僅餘5%的肉挑出來吃連飯吃，盡量不浪費食物，就離開了飯店。最後那位服務員都沒有再交待。心就在想，為何香港的食肆是這樣？我們為人服務只能做到這樣嗎？香港人在香港的城市，人人有自己的崗位、各自的責任，各盡所能，社會定能和諧。縱然各有難處，互相幫助、配合亦能解決問題。令我失望的是，連人與人之間基本尊重都沒有，我們如何共創美好未來。今天吃了一頓香港人的恥「肉」。

今日屋企冇飯開，就係公司附近約埋同事食埋飯先返屋企，去左平時lunch見太多人都好少去食既宏發燒臘餐廳一入去就見到靚靚既燒味好吸引，地方雖然唔算大，但都坐都舒適！我地叫左燒鵝飯，燒鵝都燒得好靚，一d都唔燶外皮燒得好脆，肉質好嬾滑，好有肉味啖啖肉，大大碟餸又多飯又多，份量十足！熏蹄油雞飯，賣相一睇已經覺得好食，分蹄肥瘦比例岩岩好，肥既位置整得好爽口，肉質少少鹹幾好味，油雞一d都唔肥，皮仲有d爽口，又冇雪藏味，雞肉好嬾滑，味道亦調得唔錯，配飯既薑蓉師傅切得蔥花彊粒好幼細，撈埋d飯一齊食，真係加倍令人覺得開胃！ 餐茶配既凍華田同熱菜蜜不過不失！呢度燒味真係區內食過既數一數二！

行完崇光百貨，買完化妝品之後，個肚有啲餓，行過附近有間燒臘鋪，都好特別喎，駱克道裏面竟然有間燒臘店，價錢都ok，就入去食啦，食咗個乳豬切雞飯， 好快就有，乳豬都幾脆皮喎，同埋啲肉都幾嫩，至於個切雞，就算唔點薑蓉醬嚟食，都好入味，我最buy嘅就係個飯,鼓油汁就非常鮮甜，飯吸收曬豉油汁嘅香味，特別好食

返正前當然要食個靚飯啦！唔想幫襯大集團就要去下啲細鋪啦！無意中去左呢間食燒味飯！叫左個叉燒燒肉飯！黎到個樣好靚！女仔最岩既瘦叉燒！色香味都有！燒肉個皮好脆！我形容呢個飯係高級版燒味飯！食咁多肉當然要食返啲菜啦！加左少少叉燒汁！食落甜甜地！好味！價錢雖然貴少少，但能夠支持小店！

好多人會話燒肉係男人的浪漫孤陋寡聞的我一直都不得而知既然咁講，倒不如我話女人的浪漫係叉鵝飯哈，其實係我自己認為🙈🙊今日因為有野做又要自己一條友貢出來銅鑼灣說實話倒是不太情願但最終又出來，忙到夜晚，唯有找間餐廳食個一個人的浪漫見食燒味，又心癢癢入內，而且可將飯轉我愛吃的漱粉，順理成章入來惠顧一下環境好乾淨，地方寬敞，坐得舒服由於過了吃飯時間，所以人流少了，加上我一人就比較易找位子我個人點了這個套餐，叉燒拼燒鵝漱粉，套餐送油菜一碟，加HKD4可轉凍飲油菜新鮮爽脆，不過如果可以稍腍一些則更好，畢竟有時愛吃燒味的長者吧燒鵝味道十分好，肥瘦圴稱，皮好香好好食叉燒好香，半肥瘦，但我個人比較奇怪，喜歡吃全瘦的，所以儘管好吃我也沒吃掉全部，口感亦軟硬適中，同樣味美瀨粉平常好少吃到，當然要一吃，粉唔會煮得*爛，反而爽口，而且完全滲有燒味香氣，好吃而且湯不像平常吃到的落了好重的調味料，吃後亦唔會有口渴感覺凍檸茶小冰真的小冰，而且茶夠濃，檸茶味道很不錯整體飲品，食物質素不錯，定價亦不高但卻有如此味道，很好

如果要我選可以代表香港的食物，除了有魚蛋粉和蛋撻外，那一定還有港式燒味。適逢有朋來自遠方，一定要帶他嘗嘗本土的味道。想吃燒味，其實快餐店也有，可是快餐店根本吃不到燒味的精隨，要吃當然就要吃傳統的燒味店，那才有本土的特色呢！這間燒臘店之前已經吃過數次了，就是喜歡這𥚃裝修蠻新的，環境四四正正，乾淨整潔。我們晚飯時候七時多到達，店內已經差不多已經坐滿了，起初需要搭枱，但後來有兩枱人走了，還沒有出聲之制，服務員已自動走來幫我們轉枱。餐牌有蠻多選擇的，除了一般的燒味外，也有特色燒味如乳豬，燻蹄，海哲，燒排骨等，如果鐘意食髀，更可以選擇原隻髀飯，款式應有盡有。價位從單併的40多元到100多元也有，豐儉由人。牆上和menu 也印有大大張的圖片列出各種燒味，看到也垂涎三尺，看到每一樣也很想吃呢。最後我們為了想多試幾款，我們分別也點了綠色有營套餐，因為有湯有菜外，而且可以自選雙併燒味。燒鴨燒肉飯 $63整碟份量很大堆頭，每件肉也切得厚厚的，很有口感。燒鴨皮帶有光澤的顏色，帶有油香但並不油膩，富有肉汁，再配上酸酸甜甜的酸悔醬，非常開胃。由於我選的是普通版的燒肉，並不是燒煵骨，所以靠邊的位置是偏廋的，而中間

話說今日嘅午餐諗住嚟試下呢間燒味飯，一入到嚟坐低見到d餐牌都算貴，我哋四個每人點咗四個雙拼燒味，一拎到嚟我個叉燒燒肉米粉，唔係分開上，全部浸咗係個湯米入面，都唔緊要，我哋叫d侍應俾個蔥油我哋，跟住再叫佢拎多個，跟住個侍應竟然答我哋一叫就一次過叫曬，佢仲話如果我哋叫四次，佢米要行足四次，跟住我哋聽完O咗咀囉，嘩，咩服務態度吖，離曬普囉，唔會再有下次

今日男人忽然話想食燒味，好吧，今晚晚餐就去燒味飯店吧，我又可以偷閒不用煮飯了！最就近的燒味飯店就是這間，先生點了乳豬拼燒腩肉飯$98，但我不太吃飯及紅肉於是我點了個綠色有盈套餐，有雙拼、有菜、有飲品或湯，聽落不錯。雙拼我選擇了燻蒂和貴妃雞，不吃飯所以要了瀨粉，飲品加$4要了凍檸茶。瀨粉大碗湯很清，但菜不是一碟上而是放在粉上。貴妃雞雖是雞脾，但肉有點韌，欠缺雞味。幸好燻蒂還算不錯，脂肪不多而肉多，肉質入味易咀嚼。本人亦愛吃燻蒂的皮，彈牙亦因為少脂肪而不油膩。這燒味套餐盛惠 $78，位於銅鑼灣來說算是合理。