富盈火鍋雞煲專門店 (Closed)

點左第二貴嘅安格斯牛小排放題星期五晚都只係人均$300左右地方大 坐得鬆動燒烤+雞煲邊爐食材比一般火鍋放題優質海鮮任點 支裝啤酒任飲食足三個鐘服務ok 無漏單亦唔會好似兆萬上面啲放題咁趕客走太抵食 一定會再去

雞煲、火鍋、韓燒都算冇得頂，海鮮無限供應，蝦🦐非常似樣，連鰻魚都有，鮑魚東風螺帶子所有海鮮無限量供應，今晚食3號餐，最主要食安格斯封門柳和西班牙黑毛豬，一邊打邊爐，一邊就韓燒﹏當然韓燒肉類最好食，鰻魚非常出色，鍾意食鰻魚嘅朋友一定冇蝕底。食足三個鐘﹏啤酒有多款，坐位又舒適﹏整體嚟講有80分﹏美中不足係抽風系統差少少﹏對眼真係有啲唔舒服，所以扣咗分。地方乾淨﹏侍應有禮，攞支香檳🍾️上去都幫我雪。一定要試﹏

最近有鋪雞煲癮搵下搵下搵到依一間見有齊雞煲，打邊爐同韓燒就黎左依間一試Book左夜晚19:00去到見到已經有好幾枱食緊我好快亦都揀左3號餐唔夠5分鐘個雞煲已經到左店員亦有提示要等8-10分鐘期間要3分鐘左右兜一兜佢店員亦都拎左兩隻鮑魚過黎雞煲味道還好唔會食到有雪味，肉質亦都嫩滑既依樣完全估唔到韓燒方面我主要係燒海鮮，有蝦，扇貝，火箭魷，龍躉個人幾鍾意食嘅，雖然唔係新鮮但唔會有任何異味，蝦同火箭魷都幾爽甜扇貝亦都好味嘅個人幾推薦羊架好香好好食不過不少少唔係太鍾意落單方面永遠寫嘅數量同出嘅數量都唔一樣我明白到可能因為怕客人會點太多有浪費食物嘅機會但要不停係咁寫紙，其實同樣浪費牛方面我覺得物有所值嘅咁嘅價錢有嘅嘅質素咁多款我都好滿意因為太花多眼亂，又雞煲又韓燒太忙，無影到出面其他野打邊爐同韓燒嘅食物種類都多嘅仲有一啲前菜，熟食(例如雞腳)值得一讚嘅係，由入坐到食野過程中店員都會好主意收碟，見到牛油紙開始燶又會好主動咁去換落單後每次食物都好快到但重點黎了由入座起計兩小時，佢臨尾會提前20分鐘提你叫你落埋單但係比兩張佢，佢又唔會受我寫既數量佢又唔比足，我比兩張又唔受依樣都可以接受既我最接受唔到既

食物正常 價錢平 cp值高 有打邊 雞煲 烤肉三合一但服務差到不得之了。侍應十問九唔應 ，特別係男果個 嗌食物嗌得多個侍應會同你講，食晒先嗌。好啦甘嗌少啲 又會俾説話你聽。因為要佢行幾轉。問下打邊爐啲湯點分。就搵手指指住張紙。？！啞的嘛？埋單果陣明明話仲有廿分鐘。叫我地慢慢食。埋左單想叫野食 。叫極都無人黎 然後出去搵人就話截左單。所以唔上野食。真係性價比幾高都無用。以後都唔會幫襯。如果你只想求飽又唔介意受氣可以一試。

first time going to the korean bbq and the workers were super friendly and nice there, they even helped us cook some of the food and told us how to cook them faster !

訂座時香港已有很長時間沒有本地確診個案, 所以心思思出街食嘢,今次就選中旺角的富盈火鍋雞煲專門店, 食番個午市放題.之前的$108兩小時韓燒火鍋放題已調高價錢到$128一位, 眼見吃3小時的$138放題只多$10, 但已包括雞煲任食, 計落這個$138放題性價比最高, 所以我們都係選這個餐慢慢食.我們12時到達, 同場還有2位阿叔, 都係食$138放題, 咁大個場一開始就只得4個人, 即使後來也只多了3枱客人, 人客少, 抽氣通風情況唔錯.由於是開鋪後的第一批客人, 所有食物都擺放得很整齊, 外觀質素也不錯.若不想食物被人摷亂, 食午市第一輪係最理想.雞煲添加了1次, 食小辣都好味, 係略為咸咗啲.至於韓燒最鍾意食多春魚, 豬頸肉和菠蘿, 其他食材都普普通通, OK嘅. 而邊爐就主要煮菜來食以便去油膩.呢一餐最特別係有好多款式的飲品, 我盡量試多幾隻, 好好玩.至於甜品以青蘋果味Jelly最好味, 食落的質感似雪得好凍的青提子,因為細細盒, 我總共食咗8盒.因為慢慢燒, 真係食足3個鐘, 12:00-13:00 時只有1個侍應, 好在當時只有2枱客, 服務都OK.後來變成1男1女, 都

今天放工週未輕鬆，約了一位朋友在旺角午餐，一起行街旺角到晚上，朋友回家，我繼續下埸，訂了晚上7時枱同舊同事這間吃，選這間，少見可火鍋+雞煲+韓燒，價錢不算貴，待應安排我們4個人坐張寬倘卡位座花膠雞煲+附送刺身花膠好有口感，雞嫩滑，好香麻辣味刺身細片，但不失海鮮味火鍋+韓燒火鍋湯底皮蛋芫莤，好鮮甜菜味紅腸，芝士腸，司華力腸好有腸味，香腸皮爽脆龍蝦丸，魚皮餃爽滑，香蝦味同魚味生蠔算大隻，很有海水蠔味韓燒豬肋骨，牛舌，美國極上牛頸脊大件厚身，好有咬口感，香肉味西班牙黑豚肉，美國雪花肥牛片片簿簿，肉身霖同滑口

之前已經食過幾次夜晚，感覺唔錯，因為我想食燒肉，男朋友想食邊爐，所以前日去食咗個lunch放題，揀咗雞煲、邊爐、燒肉個種。一坐低就問食唔食雞煲，要咩辣等，因為男朋友唔算太食得辣，所以叫咗小辣，等大概5分鐘就會上咗雞煲，同時佢會開兩邊爐，咁就可以食住燒肉等雞煲熟。中途老闆娘？同一個男員工都有幫我哋搞下雞煲，同埋同我哋講大概7分鐘後食得，7分鐘後，我夾咗一舊細啲嘅雞，老闆娘就即刻行過嚟同我哋講細啲嘅雞熟曬，但大件嘅可能未熟，所以等多陣好啲，都算幾貼心。因為我好鍾意食牛同魷魚，所以即刻出去夾咗一碟，放中間個行個款牛好好食！都幾有牛味，咁應該都唔係貴戰嘢嘅，但不論打邊爐定燒都ok，魷魚有一款係切咗一格格，個款燒完真係冇味，要點醬先好食，想食口感嘅可以夾，想有味嘅就食咖喱個款啦。其他嘅肉我都冇乜點食，因為我都只係想食牛。但係！！！！！男朋友夾咗啲三文魚，食落係"叔"嘅，因為我唔食三文魚，所以我都唔知咩味，但之前夜晚去食，同行嘅人都唔覺有咩問題，咁就可能係因為食午市嘅人唔多，所以冇乜點加到嘢食，所以放耐咗。講下雞煲同邊爐先，強烈建議，食到譚仔5小辣嘅都叫中辣起，因為小辣真係差咁啲嘢咁，又唔係話佢唔

食物一般, 裝修尚可.服務態度極差！時間一到會即時搶走曬你所有餐具！當時係午市放題, 周圍都有好多空位！當時我食緊雪糕, 佢話：“你哋夠鐘要走喇！”我：“食埋雪糕就走.”佢竟然拎住條抹枱布"撟"埋隻手企喺隔離, 唔出聲望住我！我拎起啲嘢同佢講:"你係咪抹枱？”佢抹完黑面走咗.兩分鐘唔夠, 另一個侍應過嚟, 佢又係話：“你哋夠鐘要走喇噃!"我好大聲同佢講：“有冇搞錯呀？係咁催！乜嘢服務態度呀？”起身走人！從來未遇一間服務態度咁惡劣嘅食肆！

網上見到呢間餐廳有好多人讚好，主要都係講佢性價比高、食物款式多，環境又相對唔錯，喺今時今日嘅香港地嚟講算係抵食之選。6:30p.m.一去到，發現已經有好多食客，仲要果晚係星期三晚，加上時間尚早，而餐廳又係樓上鋪，所以完全估唔到有咁多人，證明餐廳真係有好多捧場客！我地獲安排坐喺野食區隔離嘅大枱，2個人可以佔有一張6座枱，坐得闊落嘅感覺率先俾左我一個非常好嘅印象！佢有2款食法，火鍋+韓燒或者雞煲+火鍋，無論你揀邊樣，都可以滿足一次過食2種料理嘅願望~我地最後揀左前者，韓燒同火鍋食物都係任拎，另外仲有熟食區，野食款式超多，又排列得相當整齊，而且最重要嘅係，食物平均質素甚高，尤其係韓燒嘅牛排同串燒物，超級入味，比我想像之中要好食得多！最後，不得不提佢嘅飲品同埋甜品區，對於一間價位偏低嘅火鍋店嚟講，呢一間提供嘅飲品種類算係非常之多，一般嘅汽水、涼茶、檸茶呢啲全部有齊；另外有雀巢雪糕杯、豆腐花同啫喱，想食甜品嘅你就一定唔可以錯過啦~~

以價錢黎講CP值算ok，多選擇，雞煲火鍋加燒肉都係230左右。野食一般般，有啲醃肉甚至望落唔太新鮮掂都冇掂。最大問題係有個員工態度極惡劣，係未真正過鐘既時候一口咬定話夠鐘然後以命令口吻所有客人即刻拎齊個人物品走，態度好少少係咪會死？我地全部人基本上都停晒手冇諗住再攞野食，剩係食埋手頭上既甜品，但佢咁既態度，我連杯雪糕食唔落就走，費事睇佢面色。總之，我唔會再返黎幫襯，亦唔會建議任何食，食完背脊骨落寧願去第二間。

超級滿足的午餐120分鐘(韓燒+火鍋)，每人$120。超抵食。食物選擇也算多，有少許熟食(麥樂鷄，魚蛋，豬紅)，冷盤(涼伴青瓜，泡菜，木耳)。粉，麵(出前一丁)。一般火鍋料~肥牛，豚肉，丸，魚片，青口，魷魚，牛柏葉。烤肉~鷄肉得2款 ，牛條，豬扒，腸仔，雞軟骨(建議mix埋蒜蓉炒烤來食)。飲品~也好多選擇如下火飲品菊花蜜，雪梨水。可樂(正常同 zero) ，七喜, 啤酒，韓式飲品。甜品~雪糕也有好多口味(朱古力，vanilla, 香芋，mango, 紅豆)+豆腐花。火鍋湯底~要自己添加。其實，服務員都算有禮貌。

近排開始凍又係打邊爐食雞煲嘅好時候，今次專程去咗富盈火鍋雞煲打邊爐食雞煲同埋韓燒。入面地方寬敞，二人枱都超大張可以同時放韓燒爐同埋火鍋雞煲，枱同枱之間都好闊落。食物係自助形式自己任攞，而且款式多到數唔曬。首先先食雞，雞肉夠嫩滑而且味道夠惹味，有微辣食到停唔到口，之後就打邊爐。另一邊就繼續開始食韓燒。 肉類有牛肉、豬肉、羊肉、午餐肉等，海鮮有魚塊、魷魚、青口、蝦等等，亦都有各式各樣嘅丸類，例如牛丸、魚蛋、貢丸、龍蝦丸、墨魚丸等等。當然，蔬菜及水果區亦都有，唔同款式嘅菇類亦都有，熟食亦為大家準備。食咗個幾兩個鐘，又係好滿足嘅一夜。

富盈火鍋雞煲專門店又聽朋友講又有一間雞煲火鍋放題同韓燒放題1個價錢3種食法雞煲入面啲雞同配菜都好夠味 仲可以無限加雞中辣我都覺得可以接受唔會太辣佢地都夠惹味而且醬汁吾會好鹹, 令人食唔停口記得要煮10分鐘左右韓燒最緊要係有海鮮仲有菠蘿生猛海鮮有小扇貝海蝦紐西蘭青口蔬菜類都好新鮮, 食材選擇都好多甜品有泡芙，日本啫喱及山水豆腐花同雪糕。服務超好的，姐姐都好好禮貌呢一間應有盡有，一定有一款啱你心水價格都算優惠,9點後仲有宵夜價!正阿

上網睇到呢間專食火鍋韓燒放題嘅餐廳 好抵食呀！一個價錢可以食晒韓燒雞煲同埋火鍋~~一於叫朋友一齊嚟試下餐廳好大喎，又好多六人枱~ 就算我哋兩個人食都係坐六人枱，坐得超舒服！啲嘢可以亂擺 唔使二百蚊就可以食曬韓燒雞煲同火鍋，真心抵呢度係自助形式拎嘢食，有勁多食物選擇！！ 佢嘅好處係拎到返去你想烚又得燒又得，隨自己喜歡食物好新鮮，海鮮仲有冰雪住添多款肉類選擇~~蔬菜及水果區…仲有前菜同炸物潻先黎一鍋雞煲，份量啱啱好，我哋兩個人完全夠食，唔會太多又話唔會太少~~雞煲醬汁香濃帶微辣，雞肉嫩滑可口一個爐一路食雞煲，另一邊就可以食韓燒， 食完雞煲加湯就變打邊爐啦飲品方面又係好多選擇，有幾個大櫃飲品任揀~~呢道仲有甜品食丫！！有泡芙，啫喱，豆腐花同埋雪糕~~最鍾意佢個草莓啫喱，勁好味