富運快餐店

Open Now

Now Closed

由十幾歲果陣，做漫畫鋪叫外賣，果陣重叫緊豬頸肉煎蛋飯😂😂😂到而家食到自己行上去食，分別就係唔駛點等囉，以前好餓果陣一定會叫佢個雜扒飯咖哩汁加蛋😂😂😂呢個飯到而家我都會叫因為真係好那抵食，講真呢個價重要係旺角食到都已經係奇蹟😂😂我敢講我食過既所有雜扒飯，都無呢間咁誇張，連埋凍飲無記錯都係五十二蚊，重有例水呢個價，旺角喎大佬，重可以1個飯頂最少2餐，係唔健康架啦，要健康自己煮啦頂一係要健康既唔好食雜扒飯😂最後一句，呢到個火腩飯都好食😂

本身諗住試食佢個午餐，但見到原來有大大碗湯飯食，二話不說便落單了。今次叫了冬瓜豆腐金銀蛋肉片湯飯，跟餐包例湯，如湯飯食食下唔夠湯都可以倒過去。湯飯的豆腐、冬瓜、肉片都好足料，湯有咸蛋味之餘也加麻油調味，我個人都滿意這味道，也食得夠飽，下次經過會再食😋。

冇辦法, 當日落大雨, 費事周圍搵, 求其上到熟食市場, 隨便搵一間, 食一餐, 結果... 唔係好掂。叫咗個「當日快餐」<乾炒豬扒牛肉河> (走牛肉), 加熱奶茶。 我估我「走牛肉」呢個講法太過唔正常, 佢哋接受唔到, 結果嗰碟嘢嚟到, 肉嘅份量非常少, 而且係一啲碎濕濕嘅豬扒「粒」, 咁樣係冇辦法滿足到我食得飽嘅。 個河粉其實味道ok嘅。但好多一粒粒黑色嘅鑊燶, 應該係個鑊洗得唔乾淨。送嘅例湯, 飲咗兩啖, 冇飲喇, 唔識形容。熱奶茶, 尚算可以。(冷/熱飲都需要加$3。 自己冇睇清楚, 失策, 早知飲凍嘅。)餐具污糟; 侍應邊食煙邊工作。我唔會再嚟呢度喇。

十二點半去到已經人頭湧湧叫左個快餐3是汁涼瓜火腩排骨飯個汁野味涼瓜唔苦但有涼瓜味火腩皮夠脆口好熱夠哂惹味大大碟飯 餸又夠多三十二蚊連例湯旺角區算抵啦加餐飲凍熱都係三蚊下次會試佢九菜蝦仁叉燒炒蛋飯

其實係去錯街市，但又唔係好夠時間，見佢$31，有湯有飯有熱飲，都有唔少人食緊，就決定試下。講真，整體質素唔係差囉，分分鐘好食過某d茶餐廳。但當然要舒服位，冷氣，佢就無架啦，座位係圓櫈仔，夏天對西裝同事黎講都比較熱，不過我覺得黎買返公司食或者快食都係好唔錯。個湯唔係得水，係有豬肉同瓜。叫左朱扒雞扒腸仔飯，煎豬扒大大塊，雞扒就類似台灣鹽酥雞扒咁，出奇地皮幾脆，加埋黑椒汁，都幾滿足同行同事叫左個好似星州炒米(唔太記得)，熱辣辣上檯，睇起黎好有鑊氣，佢話味道唔錯結論：以食物價錢來說係抵食好食，但自問身光頸靚就唔好勉強，如果好似本人同位同事都比較貼地慳錢，或者係時間唔夠，本人都大力推介

同太太行旺角，本想同太太吃好一點的，可是女生們有街行便可，對食的要求不高 (主要是想盡量把時間留在行街上)。她想輕快的食，不想多花錢在食物上，我決定帶著小妮子上來花園道街市，感受一下旺角的大排檔。以前的我一個人來過食小炒，太太第一次上來，人山人海的令她嘩然。名氣大的妹記，仍然未有緣拜訪，因為每次經過的時候都是晚上，相信我也要找一天一早出旺角，才能感覺一下妹記的世間情。而晚上的我們，太太的要求就是簡單同快，看見了一個充滿碟頭飯的 menu，太太停下腳步來，讓我尋找這一個花園道街市的隱世味道吧。 這一家小店，堂食客應該不多，看看江湖味十足的員工，已知道這一檔東西是以做外賣為主，因為店在街市，坐擁幾張檯，才有幾個併給客人，食個快餐走。紅燒豆腐飯，是簡單的豉油茨汁加豆腐加飯，汁美飯就美，整體的味道就是易入口，好容易令你食飽，正常的走油豆腐，正常的豉油味茨汁，幾條菜，簡。 豆腐火腩飯，源出一物，都是茨汁加豆腐加飯，多塊隔夜燒腩肉而已。燒肉其實是過鹹的，不過這樣的豉油茨汁加豆加腐燒腩肉加飯，味道上得刑中和，也是可以，