寶湖茶餐廳

Open Now

Now Closed

寶湖茶餐廳，位於北角炮台山蜆殼街7號福利樓地舖。 已經食過好多次了， 因為以前公司在附近，所以午餐都會與同事一齊來這裏。午餐🍴 ～ 忌廉汁蝦球意粉$55、蛋牛治$29、茶走。 ▫️忌廉汁蝦球意粉 ～ 味道正常發揮。 ▫️蛋牛治 ～ 蛋牛治厚切， 餡料豐富。 ▫️茶走 ～ 上台的時候倒到成支木棒和碟都是奶茶， 味道普通，煉奶唔夠。 好多年前已經食的茶餐廳， 間中返到北角都會再食， 因為附近沒有多選擇😅。🏷️溫馨提示～ 整個用餐體驗均屬個人分享意見， 只作參考😊。

今日係星期六，好早起咗身。唔知做咩好，就落街嘆個早餐啦。本身仲喺度煩惱緊，今日食蜆殼街嘅寶湖餐廳，新釗記定係紅葉冰室好。點知乜都唔使揀，新釗記同紅葉冰室今日都冇開門😂。入到寶湖餐廳，唔知係唔係因為隔離兩間茶餐廳都冇開門嘅關係，入座率達九成。睇吓個Menu先，都有好多唔同款式可以選擇。我揀咗個熱香餅配珍寶腸（因為呢個款式好似係其他茶餐廳比較少見）配熱奶茶。熱奶茶夠熱夠滑，好飲。熱香餅佢擺左啲牛油，煉奶同埋花生醬係一邊，茶多茶少可以自己控制。至於珍寶腸，估唔到又幾有質素。雖然冇人趕我走，但見有人係度等位，食完即刻走，唔好阻人做生意先。埋單$38。

🍞西多士🍗炸髀 🍗滷水雞髀🐷脆皮豬扒包🥤紅豆冰🍍菠蘿冰🍋凍檸茶呢間都係上網睇人推介佢地嘅🍗所以襯番工前有啲時間去食個下午茶先番工特別推佢地嘅🍗炸髀同🍞西多🍗如video 所見 雞皮薄脆程度有如薯片一樣 雖然冇一層層脂肪但絕對唔會冇肉汁 同樣juicy入味調味簡單 就咁食就係傳統嘅味道沙律都唔好以為佢hea 喎加入咗南瓜 薯仔 蘋果 沙律醬等溫度夠晒冰凍 夏天食好開胃❣️🍞西多會跟大枝糖漿俾你自己調味 牛油固定夾心部份係花生醬自己好鐘意 都係必食😌😌跟餐可以加牛油粟米係回憶呀❤️❤️❤️唔想咁熱氣可以食滷水雞髀凍檸茶就正常發揮紅豆冰係行健康路線 唔會死甜🐷脆皮豬扒包佢塊麵包真係做到脆皮用咗類似豬仔包嘅🍞豬扒厚薄適中 但整體略覺沙律醬唔夠豐富食落會有啲dry 搵日想食埋佢嘅lunch 唔知咖哩好冇味呢呢間茶記唔算好多位而且長期爆場 唔想等位記住避過lunch hour 去‼️

星期一到星期五，是多勞都未必多得既日子，所以，許多時，工作午餐都係慳慳地算。而家，真係好間唔中先會吃好西當獎勵自己。這次，尋找午餐的我走到來蜆殼街。這一條街，食肆林立，有平，也有貴，當然，亦有中等價錢的食店。第一次來我周圍看了一轉；第二次來我也周圍看了一轉，兩次既決定都係覺得頹頹地食好了。而我既頹選擇就是《寶湖餐廳》。第一次來，就是因為被午餐餐牌上的粟米肉粒飯吸引住了。當我坐下不一會，一碟充滿了粟米醬汁，味道帶甜，爽脆中又有肉粒襯托的飯餐就在我眼前。簡單味道好，令我可以用鯨吞的速度，去完成這一個飯餐。當然，也能夠深深體會到好味道。改日，又行到來蜆殼街搵地方食飯了，結果，又是《寶湖餐廳》吸引到我。是日看中了榨菜肉餅飯。用的榨菜，好明顯是預先切好一條條的，真空包裝的那一種榨菜，而這一種榨菜配上肉餅是絕對的夾。以前大學時，我就最喜歡用榨菜蒸肉片。有肉汁，又易入口，沒有投訴的空間。兩次來都覺得天氣熱，所以都叫了凍檸茶而不是奶茶。喝得出這兒的茶味夠香，檸味，甜味都有，卻沒有搶走茶的味道，很是好。兩日都吃到好飽，頹頹地又一餐，就是我本人的工作天日常。說真，簡簡單單，平平地食個中午飯，頹頹地既茶餐廳

最早留意寶湖茶餐廳是在新冠疫情於2020年漫延初期，留意到寶湖最先引入隔板將餐桌分隔，老板和員工對消毒清潔特别用心，心諗“食得安心”所以偶然光顧。及後發覺它有很多街坊捧場粉絲，客似雲來，必定有成功的原因。寶湖高水準出品以各款早餐，下午茶餐為主缐，價錢實惠，性價比高。單看它做一份跟餐的牛油多士，多士烘得焦香均匀，認真製作。咖啡奶茶更是招牌之作。我不用出差的日子，每逢周末必會到寶湖報到，每次的水準都保持穩定。老板娘潮著引人注目，待客有禮，敬業樂業。除半島茶室外，寶湖必屬當區另一推介。

在物價狂升的環境下，這裡依然本著良心經營，老板伙計都敬業樂群，得到街坊支持。平常的早餐，通粉煮得軟硬適中，煎蛋脆邊軟心，多士香脆，咖啡濃香夠熱，＄30，我是多多要求，走火腿，走油，咖啡☕少奶，店員不厭其煩，一一做齊。結賬時還不忘說多謝支持，謝謝幫襯。👍

炸雞脾，係茶仔來講係必備。但奇怪的係做到好食好像很難，例如三多做炸脾已經出哂名。寶湖係一間天后與炮台山之間既街坊茶記，自從7年食過炸脾後，還未有找到比佢更滿意的。今日下午茶準時2點去到叫外賣，前面已經2組客人等。對如呢間街坊茶記，疫情好似對佢影響唔算特別大。炸脾拎返屋企後，依然皮脆肉滑，一口咬下去的清脆感，很難找到匹配之物。很多茶仔一係太過火，一係就皮少，再唔係就肉嚡。寶湖既炸脾炸得香口已不過火，乾身而不油膩，加上波浪薯條，配上足料紅豆冰，一絕也。為此做返半小時circuit，也是值得。這份滿足感，盛惠37大元，超值。

鍾意幫襯小店，支持下小店，感受下香港既人情味，免得比大集團壟斷。難得今日放假，自自然然就訓到自然醒，岩時間就去食個下午茶。寶湖雖然係街坊茶餐廳，但係好多熟客，成日都好多人。佢啲出品係幾唔錯。今次同老公一人叫左一份邪惡熱香餅，熱香餅好鬼香好大份，加埋花生醬、煉奶、牛油，滿足程度當lunch食都得！佢既牛油、煉奶同花生醬都落得好大方，一啲都唔孤寒！我老公啱啱去完美國返黎，朝朝食熱香餅，都係要返黎食。佢話外國無呢種食法，所以無論你係土生土長香港人，定係外國回流都推薦一試喔～

星期日朝早過到黎搵地方食早餐，行行下見呢間特別多人就入去一試，款式都幾多，價錢都合理。叫左個C餐羅宋湯牛肉螺絲粉+火腿奄列，個羅宋湯飲到最尾有D 辣，個奄列正正常常，整體唔錯，雖然多人都坐得好舒服。D 待應態度都幾好，最怕忙得滯做到黑口黑面，比錢要受氣，幾好食都要諗諗。食完見到人地叫熱香餅餐+魚柳，下次會試下，2塊熱香餅見整得幾靚。

第一次朝早去北角做嘢，唔想遲到，諗住去到附近至食早餐，行過求其搵間茶餐廳，見早餐有選擇又唔貴，就入去囉。內裡是一般茶餐廳格局，坐卡位都ok舒服嘅。早餐揀咗:茄汁豆配豬扒+奶茶唔駛等好耐，好快一陣已經有得食，豬扒大大件，茄汁豆量多。茄汁豆像 “是蜜味”，唔錯。豬扒入口鬆軟無渣，表面煎得有少少焦香，雖然帶點鬆肉粉味道，都可以接受嘅。奶茶正常，無特別驚喜，覺得$33一個早餐，食到飽飽質量ok，要求唔高算係咁啦。

今日同同事試呢間lunch , 上菜好快! 好有效率午餐的窩蛋牛肉飯好多肉醬呀😋味道帶點甜甜的! 肉碎都好多, 不會只有汁, 不錯! 我喜歡自己搞勻個窩蛋, 肉醬同飯, 咁我每一啖飯都有味啦跟餐可選湯或茶, 屬區內抵食茶餐廳

我每朝都食佢，熔熔地嘅芝士十分香濃，而方飽是用煎pan慢烘的，吃起來比多士爐弄的較軟熟，而瑞士雞亦撈丁亦係必食菜式，雞亦入味而不會過咸,麵亦不會太淋，一句講曬食過會上癮。

lunch跟一個同事來這間環境比預期的差,較逼~坐得不太舒服服務態度一般,但其實對於茶餐廳來說是可接受的食物上菜時間較快這點值得加許我點了個芝士海鮮繪伊麵,$42,略貴,但味道不錯~~芝士味略淡但配料頗多同事點了個魚香茄子飯,$31,但她說一般, 除飯外其他一律是涼的。2個餐都有中湯那湯比我預期的好

一睇個標題就知，卡路里唔野少。不過，好不好吃在絕大部份情況下，都跟熱量掛勾啦。又，至少口口聲聲要減肥的同事B，隔天就點了這個﹗算我見識少，我真的從未在茶餐廳吃過這種東西。我們的茶餐廳，果然是博大精深啊!這個烏冬基本上與酒樓晚市會吃到的芝士龍蝦伊麵底同出一轍，而事實上這味芝士撈是可以選配伊麵的。海蝦很有水準，超彈牙，其香氣跟龍蝦球也沒差多少﹗而它芝士汁(醬?)是多到爆瀉的，多到可以給帶飯的同事撈白飯吃 (而我真的有這樣做，同事主動要求的，不是我想害減肥的朋友呀)。當然汁醬是理所當然的泛著些少油光啦。強烈呼籲炮台山的街坊、上班人士，以及全港想增肥的朋友留意這家店與這道菜哎呀，忘了說價錢，$36+牛油厚多(店家額外送給你的澱粉質與卡路里，不過用來點芝士醬吃的確是很OK)+熱飲

間茶餐廳雖然細細地，真係好抵食，以此價錢有此食物質素，今時今日都幾難得。推介以下食物︰早餐︰熱香餅+吉列魚 ($21) ==> 兩塊大大件的熱香餅配炸到香噴噴的魚柳，11:30前到可以當午餐食tim...午餐︰碟頭飯 + 中湯 ($30-35)，d 飯有d 硬之外，其他都ok... 每日有幾款選擇，一定有一款係咖哩xx !中湯︰用料十足，好味, 最緊要無味精!凍奶茶︰正!下午餐︰記得要試魚柳包、咸牛肉/午餐肉潛艇