小明珠

Open Now

Now Closed

今日晏就約咗個中同去藍田食飯，諗黎諗去兩個港女都唔知食乜好😂 行過呢間小明珠見到佢入面d裝修好古色古香，好似係古裝劇會見到嘅餐廳咁😂 我地二個又係中菜控，所以就好自然咁走咗入去坐底咗，個侍應姐姐勁有禮貌咁問我地想食乜，仲同我地講乜嘢好食 (可能姐姐好得閒😂) 食上海菜 例假都係個幾樣啦；小籠包、醉雞呢d唔洗講，我地2個女仔又唔嗌得多野，所以叫多2個麵就算，但全程姐姐都勁nice😍餐廳最緊要緊係食物嘅味道啦！第一個小籠包 $38 俾足四隻又大又多汁嘅小籠包你😍 平過好多大型連鎖店，但味道絕對可以比美佢地!!! 朋友等唔切，一黎到就即刻放入口，d汁真係爆曬落枱面😂真係唔係講笑，非常推介大家去試下醉雞$28 唔好睇佢細細碗，其實都好多下!!d酒味又濃 真係雞有雞味，酒有酒味😍d雞又唔會話太肥，又無話太瘦搞到好乾咁，可以話物超所值!!鮮蝦水餃酸辣湯麵 $48 勁鐘意食辣嘅人一定要試下佢地個酸辣湯麵😍 2種味都好夾，食完真係成頭汗！最大意就係唔記得走芫荽，好彩姐姐換過過無芫荽俾我清湯五香豬手薯粉我朋友勁鐘意食薯粉，所以就嗌咗佢😍 朋友對呢碗薯粉都好滿意，仲話豬手好夠味，但清湯就有少少咸!值得一提

好耐冇見過e位好朋友，所以相約一晚喺藍田食餐晚飯傾下偈聚下舊！朋友話附近有間食川滬菜嘅拉麵店d啲嘢食都幾好味，所以約咗上星期嘅某一晚一齊食個便飯。到咗呢間餐廳門口已經見好多人兼且座無虛席食緊嘢，我哋喺門口等咗大約三四個字先至有位，打開個餐牌都有好多選擇，心大心細都唔知揀乜好，因為餐牌上太多嘢食係我好鍾意食嘅！首先叫左一碗韭菜鮮蝦水餃面，麵底爽滑韭菜爽口鮮蝦嫩滑同多汁，招牌小籠包直頭即叫即蒸熱氣騰騰攞出嚟肉汁香濃，啲汁仲咇曬出嚟叫做皮薄餡靚真係冇贊錯，小食方面揀咗炸雞翼炸到好鬆化好香口，皮蛋拌豆腐特別得嚟又好好味，豆腐好嫩滑皮蛋好新鮮好好味，我哋仲叫咗杯豆漿同東瓜茶飲添！

很久沒有與住在藍田附近的朋友見面,這次相約於在其住所附近的小店--小明珠來個聚餐;根據Openrice大神的地圖指引,從藍田地鐵站出來後只需幾分鐘的腳程就來到了食店,朋友已在安座於內;簡約方便的小店設計,燈火通亮,冷氣俱足,佈置上已盡量遷就了長而窄身的店面來擺放餐桌椅,有些窄但也不算擠逼,坐下來的感覺還是較好;外面下著雨,店員不時用地拖來吸一吸地面水氣,好讓經過的人不易跣腳;不時有食客與店員打招呼,這種窩心舉動很多時是小店的人情味所在;至於食物選擇頗多,但在此店一定要嘗試民間特色--小明珠小籠包;美其名曰小籠包自係特色,皮薄多汁,肉餡彈滑,喝其湯汁已知十分有功架;但估不到另有驚喜的--牛牯地伴牛𦟌;牛牯地是種野菜,店家用醃製過的來伴滷水牛𦟌,放點辣椒油,能吃到牛牯地爽脆彈牙的質感,而吸收了牛𦟌的滷汁香味及有辣味加持,更添層次!當然牛𦟌的肉味豐富,亦夠綿滑,滷汁入味,吃起來口感很好!口水雞的辣汁調校得很好,雞肉盡情地吸收了之後,令人吃得過癮,本身爽滑的雞肉,在辣油與雞皮的助推下有更佳的口感,讓味蕾興奮,額上冒汗!最後來個澱粉質食物的收結--麻辣魚塊薯粉(中辣);蓋了一層紅油,其辣度絕對有

之前通常去啟田街市搵食，今次就過左黎對面一間小明珠食上海小籠包。周五晚上坐無虛席，勁多街坊幫襯。超過20幾款冷盤、小食供應。仲有多款湯麵、客飯餐。還有涼麵！兩個湯麵餐分別叫左杯冬瓜茶、另一杯凍豆漿。冬瓜茶有驚喜、清甜不膩。招牌小籠包 $38/4隻 小籠包湯汁飽滿，肉餡足料調味好夠。醉雞中翼 上海扁麵 $42店家特意將醉雞翼切開兩份，令雞翼更能滲入酒味。鹽酥雞扒擔擔麵 $48厚切雞扒共5塊。雞扒上面灑上七味粉再淋上泰式辣雞醬。雞扒炸完入面肉依然嫩滑。擔擔麵湯底超級濃稠，肉碎很多。麵質偏幼，掛汁力超強，每條麵條都掛滿擔擔麵湯汁。

今日與先生到藍田辦證件，順便行下藍田，及食個晚餐。現在天氣比較熱，食飯好似覺得太乾，當然想食點有水份的粉麵，所以揀了這間舖面雖然不是很大但是名字很可愛的小明珠。餐廳雖然不是很大，但裝修企理整潔。餐廳都比較多款式，當然會有飯，有冷盤小食，有四川酸辣麵、上海酸辣湯麵、四川擔擔麵及川滬拉麵、小籠包及生煎包...等等，價錢平民。花雕醉雞$43花雕醉雞，上枱已聞到淡淡的酒香味，金黃的雞皮，見到已給人嫩滑的感覺，入口果然肉質嫩滑中帶著酒香，味道果真不錯。招牌小籠包四隻$38小籠包雖然細細個，但皮薄多餡，味道很鮮。豬扒擔擔麵$48豬扒擔擔麵有: 木耳絲、豆腐、冬菇絲...等等，豬扒與湯分開上，令豬扒可以保存外脆內酥軟。湯底很清甜，麵條帶煙煙靭靭，連湯一齊食，很美很可口。酸辣魚片米線$48我喜辣，所以要了個酸辣魚片米線，湯底酸辣度剛剛好，米線軟滑，與酸酸辣辣的湯底齊食，很是惹味。魚片份量比較多，肉質嫩滑。餐廳價錢平民，粉麵套餐還可以跟一個冬瓜茶，𨍭豆漿加$8，真是非常抵食。

觀塘收工 啲餐廳都食到悶悶地 我地就轉戰藍田好想食上海菜 咁啱地鐵站出口附近就有間上海菜館我地坐底就先點酸辣湯雞扒薯粉以及酸辣湯水餃薯粉味道上酸辣平分秋色 酸香開胃 辣得過癮而不嗆喉豆腐干 木耳 竹荀絲 等配料非常有咬口薯粉煮至通透 而且煙韌彈牙 雞扒酥炸成金黃色 外脆內軟 肉汁依然鎖緊於雞肉之中 面層淋上甜酸醬 淨食香口 浸落酸辣湯又有另一種滋味水餃內有紹菜併豬肉 大粒之餘鮮甜爽彈 好夠食我地再追加招牌小籠包以及上海名物冷盤醉雞中翼前者揭開蒸籠已經聞到香氣 薄薄嘅外皮 咬開肉湯就傾湧而出 鮮肉被湯汁包圍 加上即叫即製 新鮮滾熱辣 一口一隻 滿足度直達💯後者係開骨雞中翼 花雕由雞皮滲透至雞骨 雞肉嫩滑夾雜香濃酒香 酒香恰到好處並無搶去雞翼自身鮮味 加上冷盤可為內身帶來涼快感 越食越滋味 係暑熱時必點小食兩杯冰凍冬瓜茶係酸辣麵套餐所贈送 香甜而不膩估計我地去咗藍田嘅街坊飯堂 眼見店員姐姐同食客都熟絡就咁比我地誤打誤撞都食到好野 睇黎都係有食神運😂

食上海野我就最鍾意啦前排同朋友喺觀塘食左哩間上海店既主店，一食就愛上左原來藍田都開咗間新嘅分店，走嘅風格同觀塘唔同，藍田哩間係行小店路線，温馨既感覺今日帶爸爸黎食Menu依舊好多選擇我同爸爸兩嗰人嗌左「酸辣上海麵」配炸雞扒，「牛肉生煎包」「五香牛展」「醉雞」「豆漿」「冬瓜茶」首先兩款前菜一啲都唔馬虎，有驚喜的。「五香牛展」有6,7塊每塊都好入面，而且好厚切，伴底既青瓜C都好多，岩哂鐘意食青瓜既我「醉雞」份量真心多，啲雞肉入埋味我連啲汁都飲埋，好采未醉既「酸辣上海麵」配炸雞扒，我最愛食，因為酸辣湯嗰味真係好正宗，豆腐，木耳C，豬肉C好足料，酸辣程度好岩我口味，至於嗰炸雞扒新鮮炸起，又唔會好油淋淋，讚！「牛肉生煎包」有四個，性價比高，牛肉份量又係好多，嗰包煎得相當脆口，爸爸最鐘意

又到星期五，約左朋友來到藍田打波，打完波梗係要醫肚，誤打誤撞來到了"小明珠"。餐廳位於啟田道，由地鐵站上黎只係需要幾分鐘，相當方便。招牌小籠包 :一籠有四件，外皮好薄，夾嘅時候要非常小心，內裡爆多汁，味道好鮮甜，一人兩隻真係唔多夠喉。 生煎包 :生煎包即叫即煎，外皮煎得香脆，內餡肉嫩多汁，好味道。酸辣湯雲吞麵 :酸辣湯不嬲都係我最愛，份量都幾大碗，上海麵入口彈牙，雲吞皮薄，菜同肉比例唔錯，配埋酸辣湯味道好夾。湯麵餐附送冬瓜茶，加８蚊可轉豆漿，豆漿味道唔太甜，豆味濃郁。豆沙鍋餅 :一碟有八件，細細塊一口一件剛剛好，豆沙鍋餅煎得夠脆，中間嘅豆沙唔會太甜，做甜品岩岩好。埋單每人80蚊，非常抵食，算係值得支持嘅小店。

突然想食小籠包同擔擔麵🤤, 隨便search下揾到li間川菜menu滿足哂我地嘅願望. 細細間店乾淨企理, 坐滿哂人都唔會坐得太迫.>招牌小籠包 (HKD38)細心姐姐提我地攤一陣但又唔好攤太耐先食, 因為剛蒸起嘅小籠包爆汁起上黎實辣親個口. 等左陣夾起係滿滿嘅湯汁, 一口食哂, 皮薄餡靚, 招牌菜的確好味.>台式鹽酥雞扒麵 (HKD45)鹽酥雞扒同麵分開碟碗上, 雞肉咬落外層酥脆無比, 夠哂台式. 雞肉嫩滑, 而碗麵更有菜, 葱提味, 勁飽肚呢.>雲呑擔擔麵 (HKD43)揀個有餸嘅擔擔麵大家可以食多樣餸, 雲呑皮fill滿菜+肉非常足料, 仲好大粒添. 擔擔麵味道驚喜: 一般嘅食店會好重嘅花生醬味, 而li碗係辣度十足, 令人一口接一口想呷哂嘅湯底, 麵質柔軟而唔會一夾就斷, 勁有風味.>豆漿 (+HKD8)只係加HKD8就有一杯豆漿, 凍豆腐甜甜地好飲.

這天太座要到藍田開會，問我有沒有興趣去等她會後去逛街兼晚飯，事實上，歷史為鑒，除非有特別事，否則都是出現為上策。來到藍田，她已在站外等我，逛了附近商場的A超市，買了些醬料、水果和蔬菜，其實我們家附近也有一間，我真不知道這間有甚麼分別，也許夫妻間大家多些溝通是好事，不要每事都去衡量經濟效益。購物後，要找家館子吃飯，就在對面街已有一列小店，在我盤算吃泰式豬手還是其他時，太座的腳步似乎已作出抉擇，走向這間吃小籠包店子。店子只得十來個位，座位頗擠迫，但差不多坐滿了人，我們安排坐集角位，沒法子，店舖租金驚人，若是座位寬闊，部份租金必轉嫁到食物售價上，顧客看見售價便掉頭走了！吸引太座進去，想必是其合理售價，那麼座位擠迫也是理解。點了花雕醉雞，真幸運！是雞腿部位，酒味非常非常濃郁，也滲進了雞肉內，在酷熱的天氣來一口冷冷的肉，感覺超涼快！小籠包是老闆娘推介的，說是該區做得最好的，皮不是我吃過最薄的一種，但餡汁多是事實，還很熨嘴，點些醋吃卻又真是不錯！太座點了鹽酥雞擔擔麵，台式的鹽酥雞炸得很香口，與麵分開上的，以免浸腍，鹽酥雞扒，外層酥脆，鹹香的口味，肉質軟嫩，不太油膩，而擔擔麵的湯底是紅紅的，較適合喜

今日行過藍田見到有間上海野好似幾正，好抵，大約$40就食到一碟上海菜。廢話少講我同朋友兩個人好肚餓，一叫就叫咗五點嘢。$48雞絲粉皮好好食，花生味好濃，粉皮青瓜同花生醬嘅比例啱啱好，不過青瓜可以再fresh 啲！仲有個花雕醉雞$43啲雞好滑醉雞嗰個酒味啱啱好。性價比勁高👍👍小籠包$38 不錯，非常多汁，上菜時熱辣辣！😘仲有個$43招牌雲吞擔擔麵，呢個湯底好正，辣辣地加上有少少花生味，個職員同我講係傳統擔擔麵才會加花生醬，唔怪之得同平時食唔同！🤩最後$45紅燒牛肉麵一樣係湯底唔錯, 麵好食！🥰總括而言極度推介雞絲粉皮同埋花雕醉雞🤗小明珠性價比好高，想平食上海野首選😋😋

Competition is fierce for food at Lamtin, there are so many good eateries on this stretch.Obviously, Little Pearl has to compete with the Thai joint next door as they do some captivating noodles and Hainan chicken.Little Pearl has two joints, this one is smaller and does not serve the full menu like Kwuntong.The seating is extremely cramped, you are literally sitting back to back to someone.In terms of food, I was quite surprised because the dandan noodles were really tasty, the broth was how it

我經常都要係藍田轉車, 今日好肚餓, 所以想係呢個轉車中間點食個麵, 一行山地鐵站就已經有個無限多野食既街市, 但因為都冇得坐既關係, 所以冇揀到, 跟住都見到譚仔同譚仔三哥, 開埋係隔離, 好誇張, 但難得一場黎到就梗係食下D小店, 見到呢間上海麵既舖頭, 客似雲來, 而家好多都好似好熟既街坊, 仲有好多人點外賣, 睇黎味道不錯!!我地叫左一人一個麵再加1個前菜, 當然唔小得, 我每次去呢D鋪頭一定要叫既小籠包!!雞絲粉皮 $48份量好足, 花生醬同芝麻醬混合體~天下無敵!!招牌小籠包 $38小籠包一定要趁熱食, 但太熱又會整親條利, 呢個上枱等左唔夠1分鐘, 溫度岩岩好, 但我第一粒就失手啦, 因為真係太多汁, 我一咬已經滴到條褲, HAHA, 好味好味!! 第二粒我會小心D, 個湯幾好味, 個皮就硬左小小。水餃擔擔麵 $45朋友既擔擔麵食有點辣, 但食食下又好似冇咁辣, 水餃大大隻, 湯底濃郁!酸辣豬軟骨麵 $45我既豬軟骨麵就不得了啦, 3件豬軟骨都勁大件, 真係食到好飽, 我覺得個湯底可以再酸D同再辣D, 冇問到可唔可以揀辣度, 有興趣既朋友可以問下, 講返個豬軟骨, 個味道

咁岩同朋友去咗藍田行街，經過見呢間上海嘢好似幾抵食，佢隔離有間譚仔，不過都食到悶，就入咗去試吓隔離間麻辣米線，餐廳叫小明珠：食物❤️❤️❤️ 最推薦嘅食物係炸雞翼，小籠包，豆沙鍋餅，冬瓜茶我諗其他炸同焗嘅嘢都會幾好食，反而米線個湯底唔夠麻辣，其他嘢食正常。份量❤️❤️❤️夠飽，份量正常，唔算好多但亦都唔算少服務❤️❤️❤️❤️我見呢間餐廳都幾多熟客仔幫襯，侍應姐姐都幾有禮貌，仲會同啲客人寒暄下環境❤️❤️❤️街坊生意餐廳，格局一般，但有卡位，我見佢觀塘仲有間分店，應該會靚啲價錢❤️❤️❤️❤️普通價錢，樣樣都係幾廿蚊，加埋都係$300左右，上海野嚟講算幾抵食總括嚟講，我最欣賞佢個豆沙鍋餅同炸雞翼，不過豆沙鍋餅唔係周圍都有，所以我覺得嚟呢度最值得食豆沙鍋餅，炸得好脆又新鮮出爐。#小明珠 #小明珠川滬菜 #lamtinfood #hkfoodie #hkfoodieyiki #hkfoodieblogger

今晚外賣咗一個豬扒擔擔麵，麵嘅份量多到不得了，湯底非常濃，花生醬味可以再濃少少就完美，炸豬扒粉唔算厚，不過有進步空間，可以再鬆軟啲。外賣自取仲有折，好抵食。會再幫襯。