小瑪哥米線

Open Now

Now Closed

夜晚黎到呢間 小瑪哥米線 為左佢既氣鍋雞而黎架😬 上網睇到有人介紹呢間米線舖嘅湯好出色 咁就要黎試下啦～ 見到必點招牌山珍氣鍋雞啦😋 米線都有唔少湯底同埋配菜選擇 仲有唔同既小食同埋涼菜 氣鍋雞 $88必點！熱辣辣成個燉盅咁上枱😍 好香飲落好濃郁 入面好足料 有雞、鮑片、香菇、竹笙～凍凍地 飲完成個人暖笠笠 好好味😋 召通醬雞翼 $25因為呢個醬而好奇想試下係咩味 雞翼好入味 啲肉脹卜卜 煮得啱啱好👍🏻 鹹鹹香香幾好味😋 跟餐叫左兩杯野飲凍檸茶同凍豆漿 豆漿甜度適中 不錯😌 金牌小鍋湯米線叫左雞肉同埋牛肉兩個配菜 兩樣都有好多呀 雞肉唔柴 牛肉大塊有牛味 呢碗湯底叫左小辣 酸酸辣辣好開胃😋 金牌小鍋湯米線呢碗就叫左麻辣雞肉同埋竹笙呢兩個餸 麻辣雞肉好滑好入味😋 竹笙吸哂酸辣湯好正！呢碗叫左中辣 食得辣既一定會覺得好正好過癮🤣 整體來講 呢間小瑪哥米線 環境舒適 店員服務不錯 食物質素不錯 一定會為個氣鍋雞再黎😇

今晚係灣仔覓食見到openrice都多人讚呢間餐廳嘅氣煱雞天氣凍凍地就想飲下d熱湯🍲就決定入去試吓推介呢個熱辣辣的招牌菜——山珍氣煱雞$88個湯好甜好濃郁嘅雞湯香味😋😋😋😋😋唔覺有味精超級正👍有幾件雞肉、竹笙同埋菌類如果可以大煱d就好喇😚涼拌魚皮$48呢個都係我至愛🥳唔係咁多地方可以食到所以如果餐廳有我都會點魚皮好爽口好好食辣辣哋好惹味鍾意食辣野既朋友啱曬🙌🏼熱玫瑰蜜糖甜度剛剛好👍唔會好甜非常潤喉餐廳係間小學隔離非常之近灣仔地鐵站A3出口店舖座位寬敞舒適店員服務態度又好nice上菜亦好快整體感覺都好舒服😌好良好😊其實餐廳仲有多款米線同小食選擇下次再試埋佢同地再食氣煱雞

環境4分：响電車站隔離，位置非常方便。卡位好坐，夠寬敞，光猛又唔嘈，可以畀四分。衛生5分：有紙巾同搓手液，自助區有飲用水自己斟，不經人手，地方乾淨衛生，畀五分。服務 5分：用QR Code點餐，非常方便，服務員快手快腳唔囉唆，態度十分之好，服務滿分。味道5分：1)    跟餐菊花蜜好甜好潤，加三蚊非常抵飲。2)    豬骨清雞湯米線要左四個餸，分別係魚豆腐，雞翼，菜同冬菇。雞翼好腍，魚豆腐好鬆，唐生菜好爽好新鮮，冬菇就好軟熟，米線夠滑。3)     氣鍋雞好足料，雞湯好濃，入面有幾舊雞，連埋Ｄ雞肶菇好入味，好味到幾啖就清曬。4)     紅油水餃一客半打，皮薄餡靚，唔辣但惹味。5)     金奬涼白肉都係一客半打，肥瘦分明，爽口唔嚡好味道。抵食5分：百零蚊一個人有足料雞湯同四餸米線加兩個小食，仲連杯熱飲，非常抵，五分。

喺香港食米線，來來去去都係連鎖嗰幾間。 今日試咗呢一間新嘅米線覺得佢嘅味道唔會好人工化。 個味都唔錯。首先係啲麻辣腩肉竹笙小鍋湯米線，真係夠辣夠香！啲腩肉煮得啱啱好，唔會太腍，加埋竹笙嘅清香，竹笙吸咗麻辣嘅汁，食落去好過癮！氣鍋雞就係依一間餐廳嘅主打，個湯好清甜，仲有好多材料。 雞肉啱啱好熟，肉質嫩滑。 蒜泥白肉亦係一道唔可錯過嘅菜式，白肉煮得好嫩，蒜泥嘅香味好濃郁，一啲都唔油膩，好開胃！清潤菊花蜜清涼解渴，唔會太甜。再嚟就係啲蜜語水果茶，清新唔會太甜，啲水果都係新鮮嘅，又有火龍果西瓜菠蘿橙，好解渴 PS 解辣一流！最後就係召通醬雞翼，啲雞翼煮得好香脆，醬汁入味，好適合當啲小食。總括嚟講，鍾意食米線嘅我覺得幾值得一試！ 價錢又親民，而且啲配料都好多！

今日去會展行旅遊展，行到夜晚七點幾去搵嘢食，最後行行下見到有氣鍋雞，以為會好貴，點知原來係灣仔都有平民價，咁就即刻決定食佢啦，餐廳裝修走簡約風，座位好闊落，坐得好舒服餐廳主打食米線同氣鍋雞，地點同環境都好啱同朋友食飯傾偈見到佢有二人氣鍋雞套餐，店舖推介嘅都有得試齊，所以我哋就揀咗個二人套餐，喺灣仔黎講，呢個價錢好親民頭盤小食我哋揀咗涼拌皮蛋，少少辣好開胃，皮蛋冇苦澀味，加上佢辣醬加咗麵豉，味道好易入口之後就係我最期待嘅氣鍋雞，雞嘅份量好足，仲有配料竹笙同菇，最驚喜係佢個湯好濃好好飲，而且冇味精，飲咗完全唔會覺得口渴我哋兩個人好快就清晒成煲湯米線我哋試咗兩個唔同款，金牌小鍋湯米線辣度同酸味唔會太搶，唔想食太過辣同酸嘅朋友好啱食，想食清清地嘅就食豬骨清雞湯米線，我哋試晒兩個都覺得好有水準，連湯都飲埋碟哈尼牛肉真係有驚喜，外表好似唔太靚，但食一啖之後就想講唔好比佢外表呃左，牛肉調味恰到好處唔會太重手，而且煮得好冧，入口唔使點咬就吞得👍🏻真係要推介甜品揀左玫瑰冰粉，賣相好靚，味道清香唔太甜，冰粉本身冇咩味，主要係糖水調味，但控制得好唔會太甜，而且唔係用個d玫瑰香精味，好值得一試

餐廳主打汽鍋雞，我就點咗個汽鍋雞套餐。前菜點左金耳，從來未試過呢款素食，質感非常特別，，煙煙韌韌好香軟，味道好鮮，沾埋Wasabi同豉油，質感真係非常似三文魚刺身。再上汽鍋雞湯，好大盅，入邊好多材料，有菇菌類、雞件、竹笙等等，湯底好濃郁，性價比高。昭通醬雞翼，熱辣辣香噴噴上碟，雞翼大大隻，好多芝麻鋪面，雞皮超級香脆，醬汁好濃郁，入邊雞肉飽滿多汁，好好味，叫左2碟。滇池酸菜魚，魚片鮮甜，好滑好嫰，湯底酸酸辣辣好開胃，入邊仲好多伴菜，有芽菜、薯粉、雜菜絲等等。金牌米線，湯底香濃，有少少辣味，好大一碗，米線彈牙，份量非常多。鮮菌蕃茄米線，份量好足，好多蕃茄同菇件，湯底香香酸酸好醒神。玫瑰冰粉香甜，有濃郁嘅玫瑰香味，冰粉爽爽地，大少少彈牙，好好食。玫瑰豆腐花，豆腐嫩滑，加上香玫瑰。

今晚冬天忽然想食下雞湯麵, 於是便去了這間餐廳吃晚餐.哈尼牛肉: 個醬汁好特別, 少少酸又好似少少辣, 幾開胃, 幾特別, 牛肉又唔會韌, 幾好食.昭通醬雞翼4隻: 呢個又唔算辣, 雖然餐牌上有辣椒圖案, 但食落我又唔覺得辣, 都幾好食, 昭通醬個味都唔錯, 平時比較少食這種味的雞翼.招牌氣鍋雞 (一盅) : 個湯真的非常好飲, 好正!! 冬天咁凍, 飲雞湯暖笠笠就最好了, 雞湯非常鮮味, 非常好飲, 裡面還有很多雞肉.雞肉好鮮嫩, 好滑, 好正, 有雞味, 幾好食.我同朋友最後都飲哂d雞湯, 因為真的很好飲.豬骨清雞湯米線: 米線好香滑, 湯底都幾好飲, 不錯.雲南黑糖紅棗薑茶 ($10): 冬天咁凍, 飲薑茶就岩哂, 暖身, 加埋紅棗, 更加養顏, 不錯.金牌小鍋湯米線: 湯底好香濃, 幾好飲, 個味都特別.

小瑪哥米線 地址: 灣仔莊士敦道211號地下A-B號舖電話: 呢間好出名架，估唔到開到來灣仔，女朋友話凍想食熱辣辣架野暖身，同佢來食氣鍋雞，湯水飲下健康又令身體保暖$238二人餐，包括了小食、主角氣鍋雞，主菜同飲品/甜品。個氣鍋雞好養生滋補，有雞肉件，口湯甘甜呈淡黃色，是雞皮的黃油都滲進湯中！小食金獎涼白肉，重蒜泥味！主菜有幾款，有牛、豬扒、雞，酸菜魚皮旦雞是手撕雞加皮蛋拌辣醬，如果喜歡皮蛋，個組合意外地幾好食，個汁又下飯小瑪哥米線 地址: 灣仔莊士敦道211號地下A-B號舖電話: 呢間好出名架，估唔到開到來灣仔，女朋友話凍想食熱辣辣架野暖身，同佢來食氣鍋雞，湯水飲下健康又令身體保暖$238二人餐，包括了小食、主角氣鍋雞，主菜同飲品/甜品。個氣鍋雞好養生滋補，有雞肉件，口湯甘甜呈淡黃色，是雞皮的黃油都滲進湯中！小食金獎涼白肉，重蒜泥味！主菜有幾款，有牛、豬扒、雞，酸菜魚皮旦雞是手撕雞加皮蛋拌辣醬，如果喜歡皮蛋，個組合意外地幾好食，個汁又下飯米線要了小鍋湯米線（$10）。落了酸辣湯有酸菜芽菜入面，個湯好開胃另外有一個白飯做主食物跟餐有2款甜品，分別時山水豆腐花同玫瑰冰粉，兩款

今次約左朋友仔3pm食個Tea😋份量都夠價錢唔貴～ 如果平時都幾岩一個人😃事關好友大食小花都黎呢度食幾次，她都話夠食，其他人應該無問題，一定夠食，鍾意食辣既朋友可以考慮食皮蛋雞或酸菜魚😋😋😋😋如果想清清地就可以選個菜菜雞湯米線～ 都幾多配塔可選，飲品方面都係包一杯，如果想傾計呢度都幾好，起碼唔會好似好趕咁～ 我地坐左個幾鐘傾計，都無乜壓力，咁當然繁忙時間見到有人等位既話，自己都識做唔會阻人做生意～

屹立三十多年既太古「阿詩瑪壹菌」由以前做開既氣鍋雞,小菜同正宗雲南米線轉營為新派既米線店餐廳保留左拿手菜氣鍋雞, 將正宗既過橋米線簡約成以家流行既配料米線黎到當然要試下氣鍋雞套餐200幾蚊已經兩個人食到好飽, 套餐包一個前菜, 一個氣鍋雞, 一個主菜, 兩份主食再加兩份甜品/飲品金獎涼白肉口感清爽而唔肥膩特別鍾意白肉係有厚度, 咬口特別豐富再配搭惹味酸辣既蒜醋汁招牌氣鍋雞製作原理係利用底鍋燒水令蒸汽從汽鍋「氣嘴」湧入鍋中用冷凝效應產生出純淨的蒸餾水來熬製雞湯, 所以煲出來既係原汁原味雞既精華香氣仲要完全無味精添加都可以咁濃郁雞件經過長時間煮但一D唔老滇池酸菜魚湯頭味道好平衡,酸度同鹹味都恰到好處辣度大概係5小辣湯底除左魚片仲有萵筍仲有少量薯粉魚片好滑,份量亦都好足鮮菌蕃茄湯米線米線可以再加配料睇顏色就知湯底好夠茄味, 而且仲有D茄蓉金牌小鍋米線辣度都係大概5小辣, 唔食得辣既要注意了米線係幼身, 唔會因為吸左湯變粗個款口感唔會太淋, 軟度適中湯底酸菜非常惹味玫瑰冰冰粉個人口味黎講覺得有DD偏甜, 冰粉同涼粉非常相似, 口感也很接近. 但顏色係透明的

之前去過太古嘅阿詩瑪一菌，對佢個氣鍋雞念念不忘，知佢係灣仔開左，特登黎試下。佢夜晚氣鍋雞套餐勁抵食，238蚊有前菜，主食，氣鍋雞，2個米線同甜品。用qr code 落單。小食叫左麻辣魚皮。魚皮薄脆，比較爽口，香但唔辣，非常開胃。食左陣已經上氣鍋雞，一上見佢煲到d雞湯好黃已經覺得有d料到。雞肉都幾多件，雞湯滋味濃郁，仲有d竹舜，菇，感覺好健康養生。個鍋外型都幾特別，2個人係share一個大鍋。主食叫左酸菜魚，魚肉鮮嫩，湯汁酸辣開胃，配上粉條同酸菜，味道更加豐富。 都好多魚肉。金鍋米線d米線爽滑，湯底似平時雲南小鍋米線，食完已經好飽。最後，叫左玫瑰冰粉。冰粉質地細滑，甜甜地又清涼。估唔到兩百幾蚊咁多嘢食，好有驚喜。舖頭姐姐好親切。

第一次食這間店，當日天氣很冷，北風呼呼，入到鋪頭見到二人套餐是石鍋雞，馬上心動。選了一份涼拌小菜，一碟燜牛肉，兩碗主食（湯麵），和兩碗糖水（玫瑰冰粉）。涼拌小菜：我們叫了魚片，超級脆，雖然有少少辣🤤，但完全止不住手。量很多，2個人要吃完也要很久。氣鍋雞：等了一會，熱湯終於上桌，迫不及待舀上一碗，濃濃湯汁，一口下去，不止能暖胃，還能嚐到湯料的鮮嫩，有雞肉、香菇、竹笙等食材。湯汁調味濃郁但不鹹🤗，也沒有參雜任何水份。主食：我們一份叫的是麻辣米線，另一個則是番茄湯米線。米線很嫩但不會軟爛。湯汁也十分濃郁☺️。牛肉：看名字不知道是怎樣的做法，但是吃起來的味道也不差，牛肉不柴，依附在肉塊上的醬汁也不會過鹹🥰。搭配米線，也能夠豐富口感和味覺😋。玫瑰冰粉：外表很好看，雖然天氣很冷，但是和冰涼糖水也很搭😍，糖水清甜無負擔，還有一些山楂等可以解膩。作為結尾不錯！🤤

一向都好鍾意食米線嘅我，會不停咁發掘香港有邊間食米線下一站好食，我都會去試吓，近排見到好多朋友都推介我去食灣仔嘅呢一間米線小店，所以我咁鍾意食米線，一定要去試吓，佢呢度有最出名嘅招牌汽鍋雞，聽講好養生健康之選，仲可以補氣去，趁而家冬天咁凍，真係要去食返個米線同出名嘅汽鍋雞補補身，點知一試就愛上咗，真係冇介紹錯啊，我鍾意食米線嘅朋友，同埋想補下身，呢一個招牌嘅汽鍋雞真係冇介紹錯，一定要去試吓，之後個人都好似舒服咗，而且呢一度仲有酸菜魚食，我不嬲都好鍾意食酸菜魚，呢度嘅魚湯好濃郁，魚好彈牙，分量十足，而且賣相不錯，真係好抵食呀，都幾經濟實惠喎，而且呢度仲有唔同嘅配料，配埋個米線真係一流呀，而且呢度有唔同嘅小食選擇，個蒜蓉白肉，真係要來試吓，因為佢有好多嘅蒜蓉，加埋啲蔥，賣相不錯，而且皮薄餡靚，真係非常好呀

今日好開心同我屋企人去咗試新嘢，估唔到搵到響灣仔嘅一間米線餐廳，超級好食，非常之高質素嘅汽鍋雞食，仲要用了十足，飲完碗湯成個人暖笠笠，而且佢哋嘅雞湯好龍尾，同埋好足料，所以真係物超所值啊，而且我哋都試咗佢哋嘅涼拌木耳，好似刺身咁，好爽口，服務員話得呢一間餐廳有獨一無二嘅涼拌木耳，加埋豉油，真係好似食緊壽司咁呀，真係好特別，非常推薦啊，而且呢度嘅氣鍋雞都非常好食，加埋唔同嘅米線，有得選擇唔同嘅配料，真係唔錯，而且佢哋嘅甜品係山水豆腐花，超級好食呀，豆腐花非常滑，而且佢哋仲有一個玫瑰涼粉，凍冰冰，佢買個米線真係一流呀，可以即時降溫，非常可口，你餐晚餐真係好豐富呀，而且呢度嘅服務非常好，有獨立廁所，非常乾淨，唔使出去迫市區，所以呢一間餐廳真係一定要泥試吓

今日放咗工之後，天氣非常寒冷，我想去附近食一間熱辣辣的米線，上網搜尋，就搵到呢一間好多朋友推薦嘅小瑪哥米線店，非常方便，喂鮮魚灣仔站A出口行兩至3分鐘，就會搵到，好啱一大班朋友，情侶，放工人士去食呀，而且環境衛生好好，好乾淨，服務非常好，而且呢度性價比高，我哋叫咗個二人汽鍋雞套餐，又有煮食，有免費甜品，仲有頭盤，餐廳侍應，熱情咁主動來推介食物，笑容親切，有賓至如歸的感覺，而且氣鍋雞，真係冇令人失望，完全好入味，個雞湯非常好飲，而且用了十足，真係響市區出面都搵唔到，睇得出廚師好有心思，仲有好大量嘅雞了，真係好好飲，非常之適合響咁凍嘅天氣下，成個人都暖笠笠，所以食得好開心而且佢哋嘅米線都係好大碗，有唔同嘅配菜揀，都係非常好食㗎