小瑪哥米線

Open Now

Now Closed

#fafafoodblog粉麵 #fafafoodblog灣仔 🍴山珍氣鍋雞 88 蚊🐥有筍 雞肉 山竹 氣鍋雞好香甜既湯底🍴金牌三寶米線88 蚊酸辣湯底 豬扒 大蝦球 炸醬🦐🐖豬扒同炸醬另上 炸醬好夠肉味 香辣惹味 豬扒煎得好香 帶 d香芧味 仲有彈牙大蝦 湯底 酸辣得黎夠清 湯都飲得 正🍴鮮菌蕃茄湯底米線72 蚊有爽口既腐皮 肥味既辣肥腸 同辣雞柳🔥🐥 蕃茄湯幾香甜 仲有好多野菌增加食米線時既口感 正#蕃茄 #酸辣 #米線 #豬扒 #肥腸 #炸醬 #蝦球Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#小瑪哥米線灣仔莊士敦道211號地下 ab鋪~~~~~~~~~~~~#fafafoodblog #為食花太郎 #fafafoodblog灣仔====================

平時為求方便，通常都係食一啲大型嘅連鎖米線店，偶爾都會想食一啲之前從未食過嘅米線店！今次喺灣仔見到呢間傳承咗三十年正宗風味嘅小瑪哥米線，好似好吸引咁，真係要嚟食返碗先～🌟氣鍋雞套餐✨招牌氣鍋雞(兩位)湯底濃厚，飲落去每一啖都令人感受到果種雞肉經長時間熬煮嘅鮮美，感覺滋補！雞件嘅肉質亦保持到鮮嫩多汁，不愧為餐廳嘅招牌菜之一～✨召通醬雞翼(4隻)召通醬嘅味道好特別，甜甜哋又帶有微微嘅辣味，令到啲雞翼都變到好惹味～✨香茅豬扒香茅豬扒份量多，每一舊嘅肉質都好軟腍，仲帶有香茅嘅獨特香氣，令人回味無窮～✨金牌小鍋湯米線湯底酸酸辣辣，夠哂惹味！最特別嘅係湯底入面嘅酸菜係餐廳自家秘製嘅，另外仲有少量肉碎、芽菜等等去增添口感，米線口感軟滑～✨豬骨清雞湯米線呢碗米線賣相看似好清淡，但一飲落去就會感受到湯底嘅鮮甜，味道好有驚喜，真係啱哂啲平時唔食辣嘅朋友仔～✨山水豆腐花豆腐花入口嫩滑，都有一股淡淡嘅玫瑰香氣～✨玫瑰冰冰粉冰粉入口有一種冰涼嘅感覺，仲有陣陣嘅玫瑰香味～不得不說，店員嘅服務態度好好，下次來灣仔一定會再嚟幫襯～

作為米線愛好者，當然要捐窿捐罅搵正嘢，經開灣仔當然唔少得小瑪哥米線~ 涼伴金耳：第一次食，可以用新奇有趣嚟形容，要凍食配豉油wasabi，食落似日式刺身，實際上竟然係菇類~ 爽辣魚皮：香港唔係太多地方有得食，真係爽脆，仲充滿骨膠原，超正㗎~ 辣腩肉雞翼鮮菌蕃茄湯米線：辣腩肉必點，味濃肉質爽，配搭米線係絕配~ 雞翼鮮菌豬骨清雞湯米線：雞翼入味，米線滑身，湯底清甜小店經營，除左米線好食，亮點一定係小食，選擇非常多，唔想去主流米線舖同人迫，呢間就好唔錯

臥虎藏龍嘅一間米線，真心誠意推介！去開灣仔嗰頭嘅會展睇show 順便就喺灣仔附近搵嘢食，經過見到呢一間廣告話老字號嘅米線餐廳就入咗去試吓，寫到明傳承30年嘅風味，果然真係名不虛傳！我特別推介呢度嘅兩款菜式，包括係佢嘅米線同埋砂鍋雞～ 米線湯底非常之濃郁，而且好順口一啲都唔會令人覺得好口渴食落去味精味都比較少！佢嘅金牌小窩米線湯底好惹味，我叫咗四個餸，包括餃子花枝丸炸醬同埋腩肉！幾款餸菜都味道唔錯～另外特別想推介佢嘅砂鍋雞，雞湯非常之濃郁，而且味道好香甜，有別於喺出邊食到嘅砂鍋雞呢度食得出係真材實料！小食方面，我仲叫咗個昭通醬雞翼，呢個味道我未曾食過！但係我覺得都好香，而且炸雞翼揸得好鬆脆加埋面頭嘅芝麻令到成個雞翼更加香口！總括而言，呢一間嘅米線舖絕對值得一試，以為佢嘅外表平平無奇，但係食落真係好有驚喜

鮮菌蕃茄湯米線 💓💓💓💓湯底用咗新鮮蕃茄熬製，酸酸甜甜，非常開胃😛揀咗辣雞肉，非常入味，肉質嫩滑😆辣辣地非常過癮配上木耳同墨魚丸，口感豐富🤍金牌小鍋米線 💓💓💓💓仲試咗金牌小鍋米線，加咗香茅豬扒，係一大亮點😍🙌🏻肉質鮮嫩！再加咗魚蛋同冬菇，兩者都增添咗湯底嘅味道，餸菜都好豐富❤️玫瑰冰冰粉桃膠💓💓💓💓😍清新又唔膩，桃膠口感滑溜，搭配玫瑰味，真係完美嘅結尾！😆🙌🏻

收工係灣仔想揾啲快靚正嘅餐廳，就嚟試咗好多人推薦嘅呢班米線！🔸金牌小鍋湯米線+四餸($79)加咗魚豆腐、生菜、炸醬、蝦球，叫咗小辣湯底，湯底香辣惹味，每樣餸份量都好多，特別想推薦蝦球同魚豆腐，蝦球大粒爽口，魚豆腐新鮮完全冇雪藏味，另外炸醬亦有分碗另上🔸滇池酸菜魚米線($78)加咗鴨血、萵筍同雞肉，米線質地滑身，酸菜魚米線魚片份量多，口感滑嫩，另外雞肉帶有肉鮮味，非常出色🔸昭通醬雞翼店員推薦嘅小食雞翼好值得一試，係其他米線店舖好少見嘅菜式，醬汁惹味，裹粉薄身，雞翼入味🔸雲南糯米香茶茶味香濃，飲落有米香味的餘韻

今日去完按摩，懶懶地唔想去買嘢煮嘢食，打算叫外賣，諗起小瑪哥，之前都想試食，一於就叫佢。上網落單大概半個鐘就到，嚟到啲嘢都仲係熱嘅°我叫咗金牌三寶米線，要咗小辣，配料有炸豬扒，爽口大蝦球，同埋辣肉醬，小食就叫咗辣味金奬涼白肉，同昭通醬雞翼，飲品我就叫咗鹹檸七，解吓熱氣，另外甜品就試吓佢嗰個玫瑰冰冰粉°首先講碗米線先，要咗小辣，其實一啲都唔辣但好夠味，豬扒嚟到可能時間關係，淋咗少少，肉質一般，有少少嚡，炸醬就一嚿嚿肉碎黐埋一齊，好夠味，大蝦球就真係好爽口彈牙，個昭通醬雞翼，炸得好香口個醬汁好似麵豉醬蒜蓉加埋一齊，好特別，另外金牌涼白肉就一般，薄切腩肉略嫌太肥，鹹檸七就唔使多講＇玫瑰冰冰粉有少少桂花味，甜甜地用嚟解辣一流。

呢間上網都好多好評，所以一定要泥試呀，好多人上網都推介佢哋呢個米線舖嘅汽鍋雞好出色，非常專業嘅水準，所以一定要泥試呀，估唔到真係驚喜，冇失望，真係要推介俾多啲嘅朋友去試吓呢一間米線，同埋個氣炸鍋，但係必叫㗎，而且經濟實惠，而且所有食物都係Lala，新鮮即叫即整，非常好食，而且個雞湯都係好香濃，好足料，有雞有鮑片有香菇，真係飲完都亂粒粒，非常好飲呀，而且好有健康養生嘅感覺，所以食咗一次就精神沒落，而且佢哋嘅米線都好好食，有唔同嘅湯底選擇，有鮮菌蕃茄湯底仲有豬骨味湯底，都係入口即溶，米線都非常彈牙，好食呀，而且我覺得我都好好呀，而且環境衛生都好好，食得好安心，而且好舒服好闊落，都幾啱朋友一齊嚟啊，而且地方非常乾淨，真係滿分👍👍👍

之前吃太古番工，有留意👀開果頭好似有間主打四川菜既餐廳好正！今日喺面書搜索一番後發現，原來灣仔呢度有間同佢關連既小瑪哥米線舖，所以唔好睇少呢間米線舖，除咗米線外，仲有唔少川菜，例如酸菜魚、玫瑰冰粉等🥰我同朋友二人叫咗一客二人餐😀 好好味！ 二人餐內有一盅氣鍋雞湯，一客前菜，一客主菜，和兩個米線或飯，仲有兩客甜品或飲品。當然唔想食二人餐既，都可以淨叫米線🍜撈麵等，都係七十零八十蚊有交易😍😍喺灣仔呢度算好抵食！餐廳裝修唔錯，有梳化位，感覺上都岩同朋友黎聚餐😌傾下計😀 待應態度好好，見我地兩個有啲忙坐耐咗都無打擾😉氣鍋雞湯係必叫👍🏻👍🏻- 飲得出真材實料！ 湯料方面除咗雞，仲有菌和荀類，我地有食番啲雞都仲好嫩！ 😀食埋佢多啲營養😂😂前菜叫雞翼，一客有四隻，好惹味！ 我地叫咗白飯，配搭米飯黎食，非常好👍🏻主菜叫咗酸菜魚，真係好有川味😊😊 魚片都普遍幾大同厚肉，但有小朋友既都要注意，小心有骨😌甜品既玫瑰冰粉唔錯，食完辣野再食口冰粉，唔同感覺😆小瑪哥米線 (灣仔)灣仔莊士敦道211號地下A-B號舖

好吃，爱吃，下次还来吃！这里的米线，真的是在云南省外吃到的最接近云南口感的米线了！油鸡纵也非常正宗还有昭通酱鸡翅，原来小时候一直喜欢的酱叫做昭通酱，太好吃了，老板能不能单独卖酱啊！

最近系灣仔發現左間幾抵食嘅餐廳，除左單點，仲有2人套餐tim~環境都好舒服，座位好寬敞！呢度有個氣鍋雞好特別，用左瓷器砂鍋上，好搶眼啊😍必點item👍🏻雞肉口感都幾嫰滑，味道系濃濃嘅雞湯，但無咩雞油😍十分養生健康！昭通醬雞翼❤️$28/3隻，呢款都系呢度嘅推薦菜式，雞翼烤得外皮脆口，沾上香辣嘅醬汁😋好惹味！嘶嘶皮蛋💜 一份只系$26 好抵食～充滿香辣味，食得十分過癮😂愛吃辣之人要點啊😆

同朋友去左灣仔，咁岩行過見到佢地有個氣鍋雞套餐豐富又抵食，咁就決定試一試。個套餐就有小食、氣鍋雞、主菜、主食同甜品。頭盤方面，見佢個昭通醬雞翼好似幾特別所以就揀左佢。雞翼食落好入味得黎唔會太咸，比起一般出面口味，今次食落有少少豆瓣味反而幾夾雞翼。同埋有個細節位，佢地D雞翼入面唔會見紅，睇得出佢地解凍方面無馬虎，值得一讚。之後到主角氣鍋雞。一黎到已經聞到好香嘅雞湯香味，色澤金黃得黎，湯表面無太多嘅油脂。個湯飲落足料無味精，同埋湯料有竹笙、草菇同大大件嘅雞，而家好少見有舖頭咁蝕底比咁多料。主菜我地揀左酸菜魚，因為知道我地唔食得太辣，店家都好好咁幫我地調細個辣度方便我地食用。酸菜魚湯底唔咸，味道岩岩好，唔洗係咁飲水。同埋佢地D魚肉爽口無骨，可以大啖大啖食勁正。仲有，佢地仲唔洗加錢幫我地加寬粉底，唔洗驚食唔飽。主食我地揀左白飯同鮮菌蕃茄米線。米線湯底有好濃嘅蕃茄味同無味精，真材實料，食落好有阿媽煲嘅蕃茄湯味，屋企嘅味道。甜品方面，我地叫左玫瑰豆腐花同玫瑰冰冰粉。兩款甜品食落都好清新消膩，我比較鍾意冰冰粉，因為除左玫瑰，佢仲有淡淡桂花香，加埋冰糖，一啖接一啖好快就食哂。食完依次之後，朋友都話好掛

今次係第一篇係講今朝小豬話要食麵，俾咗幾間佢揀之後結果佢揀咗氣鍋雞。間舖頭嘅員工態度唔錯，食物嘅種類都唔少。我哋叫咗個氣鍋雞set, 個氣鍋雞同細個食嘅味道差唔多，前菜有黑木耳同青瓜，個酸菜魚味道幾適合香港人食，唔太辣而且香氣足夠，去碗白飯就正。小豬食嘅米線都幾好味，感覺佢有遷就一般香港人嘅口味。最後用玫瑰豆腐花作結尾。今餐幾好，之後會再嚟食過。小店值得鼓勵

呢間餐廳已經有多年歷史，之前同朋友嚟已經食過一次，今次食過返尋味再食多次！召通醬雞翼 - 喺呢度嘅王牌前菜之一，醬汁入味,雞翼肉質柔軟多汁,令人忍不住食完一隻又一隻！而且冇咩辣味小朋友都食金獎涼白肉 - 肉質嫩滑,沒有過多調味,讓食材例如蒜蓉豉油豬肉，本身的香味展現得淋漓盡致。氣鍋雞 - 雞肉肉質鮮嫩,在高溫氣鍋中煮出香濃的湯汁,已經隔走啲油好細心花枝丸、魚豆腐豆花炸醬撈米線 - 係呢間餐廳嘅王牌！綿滑的豆花搭配好滑的米線,炸醬汁唔算好重味精，但係又夠晒濃味，肉碎粒唔算好多肥豬肉，撈埋一齊食，口感豐富。花枝丸鮮嫩多汁,魚豆腐中規中矩,肥牛、魚蛋鮮菌蕃茄湯米線 -蕃茄湯底都幾濃味，而且味道唔假！唔會好似飲緊茄汁咁！肥牛肉質鮮嫩,魚蛋Q彈爽口清爽檸檬茶蜜語水果茶 水果茶夠晒健康

呢間「小瑪哥米線」餐廳嘅裝潢設計簡約大方,坐落灣仔一帶，價格親民，令人好感。首先,來到呢度試左佢地嘅氣鍋雞二人餐，當中有：「招牌氣鍋雞」，雞肉鮮嫩多汁,氣鍋雞係保有濃濃雞湯甜味,配合佢地獨特配料,係好好嘅味覺體驗，亦有屋企飲湯感覺，好窩心。而「涼拌金耳」呢盤涼菜係招牌菜之一，係金耳雪凍後切厚片，既開胃又養顏,搭配日式醬油同芥末汁，好似食緊刺身咁！非常適合夏天食用。另一道推薦就係「金牌口水雞」,肉質細嫩,皮脆汁多,辣醬突出唔同嘅口味層次,好夠味!至於「金牌小鍋米線」呢,麵條Q彈甜脆,再加埋辣肉湯濃郁鮮美嘅湯底,好味！二人餐另一碗係「豬骨清雞湯米線」,湯頭清爽味道香濃。飲品方面,「凍水果紅茶」則清香爽口,都係夏天消暑必飲嘅好選擇。食完辣一定要叫返杯！