小聚嚐鮮

Open Now

Now Closed

加拿大返黎香港兩星期，諗住同屋企人做節食餐好既，朋友介紹左呢間，講到好好食，一於去試下，點知一試有驚喜，完勝預期，屋企人大讚😆頭盤先黎個冰鎮鮑魚，入口彈牙，鮑味鮮濃，必食之選聖子同樣新鮮，肉厚鮮甜荔枝蝦唔止係打咭必點，而且好好食，外脆內鮮茶葉雞，肉嫩，茶味深入雞肉，出奇地非常配合東星班餃好味之餘夠創意，屋企人都覺得好有新意除左呢幾味，其他菜式都好出色，而且menu上仲有好多推介菜式未試，下次返香港一定會再黎

朋友相聚，訂咗係黃埔新開既小聚嚐鮮一試難忘，菜式種類極多，樣樣都好好食第一度菜係冰鎮鮑魚，招牌菜式，酒香勁入味，好值得叫根住係聖子，非常鮮甜，一定要試仲有荔枝蝦球同東星餃，一上檯已經好吸引，擺盤好靚，好岩打卡，味道都係冇得輸蟲草雞湯同雞泡飯好濃好香雞味，個泡飯仲有脆米加係上面，口感好好成班朋友都食得好開心每道菜都好用心，擺盤靚又好味服務亦都好好值得推介

第一次寫食評，學下試下寫先表姐剛剛係紐約番黎，佢30年無番黎啦，聽食唐餐，我地一大堆姨媽姑姐、有大有小12人想搵個企理地方，同埋精緻既野食，就係Openrice search到呢間.起碼有一半菜式我出面無食過，佢地讚不絕口，梗係啦… 揀左好耐架.. 呢度有樣野唔好，個Menu太多太多.. 係連私房菜都好幾板… 有選擇困難症既朋友唔好黎..最出色要講既係服務，伙記見到小朋友會主動出動BB椅，態度又好，好笑容d野食都好食d la野食方面，我見好多人影荔枝蝦球同冰鎮瀨尿蝦，應該係鎮店，但係我覺得東星餃呢碟先別致，睇樣已經贏左。😋😋下個月應該好啲，可以揀少十幾個餸，係八十幾個餸再揀… 同埋如果可以唔駛訂就更好啦，有啲要早2日訂先有～少貴，不過對得住個價錢。

同朋友相聚嚟到黃埔天地嘅美食坊食嘢，星期日中午時段人流都幾多，但未至於要排隊等候。叫咗幾款經典點心。首先有山竹牛肉球，用牛肉、馬蹄、蔥、陳皮等調味料製成而成，再放喺腐竹上。牛肉球口感嫩滑，偏軟唔爽，喜歡。燒賣有四小件，食落煙韌，冇咩粉感又無雪味，魚味都突出，一人一粒差唔多。好食嘅叉燒包皮要夠鬆，肉要夠嫩，呢度都做到。醬汁鹹香不膩，份量適中。醬皇蒸鳳爪都有特色，吸滿甜甜嘅醬汁，肉質脆彈，好惹味，配飯一流。鮮蝦腸唔算好透薄，但入口幾滑身。裏面個蝦仁都幾好食，配埋豉油食，唔錯。炒飯好大一碟，足以大家食。飯炒至粒粒分明，乾身，有鑊氣。

和兩位好友相聚，喺黃埔區想試新嘢，就試吓呢間外觀睇落唔錯嘅中菜館，試了推介嘅冰鎮南非鮑魚伴糖心蛋(鮑魚鮮味彈牙，糖心蛋正)，冰火魷魚(秒殺，相都影唔切，惹味不過辣架)，泰式瀨屎蝦(拆埋肉，正！)鬼馬咕嚕肉(肉幾入味，油炸鬼就嫌佢唔夠脆口)，蝦多士(油炸居然唔肥膩，蝦膠好香滑)～～整體感覺不錯，坐得算舒服，侍應態度又唔錯喎，唔明啲菜式有乜佢哋都有問有答！

同個朋友下晝經過紅磡諗住去搵嘢食，結果去咗太興諗住食個燒味飯傾吓偈，但係想食嘅燒肉同埋燒鵝都冇晒，所以就走咗去隔離試吓新嘢。地點方面完全冇問題，黃埔地鐵站走出嚟，行過對面馬路上一層樓就係，呢間鋪以前應該係左鄰右里，總之都算係交通方便。舖頭望落去亦都乾淨企理。我哋本來話下午茶，但係結果都叫咗幾多嘢嚟試吓。先係基本嘅叫咗個蝦餃皇，蝦餃嘅皮食落去好煙韌亦都唔厚，裏面嘅蝦亦都好新鮮，大家都覺得係水準以上。亦都嗌咗個鮮蝦腐皮卷，整出嚟嘅形狀比較偏薄，但係重點係咬落去仲係熱，同埋啲腐皮係趣嘅，裏面嘅蝦亦都冇問題，所以都覺得好食。另外仲有個黑金流沙包，呢個可能好多地方都有得食，雖然質素完全冇問題，不過因為好多地方食過類似嘅嘢，所以冇乜特別感覺。我哋又叫咗一個佢哋推介嘅細龜招牌家鄉炒米，呢個真係有驚喜，一來啊出嚟嘅份量好大碟，最重要嘅係炒米粉味道啱啱好，啲米粉唔會黐埋一齊，炒得好鬆，但係又唔會好油膩，真係要俾個讚。最後仲有叫咗一個蔥花炸兩同埋一份冰火魷魚，蔥花炸兩最驚喜嘅係裏面嘅炸兩係脆嘅，真係脆咗隻，另外佢俾咗豉油同花生醬，但係要問佢攞先至有辣醬同埋甜醬，味道真係可以，不過份量就少啲。另外個冰火魷魚

見呢間新開，於是叫個外賣試下。聽職員介紹叫咗初戀咕嚕肉。午餐跟個白飯，咕嚕肉酸酸甜甜，沒有肥肉不多，保有肉汁。味道正常，餸菜量不算多，但能夠吃飽。另外午餐加錢叫咗杯茶走，問題就開始了。杯奶茶見到已心知不妙，好似咖啡咁色，應該加唔夠奶。職員阿叔見我懷疑，大聲極力同我講係咁樣一定夠甜。返到公司去攪勻杯奶茶，飲咗都只係有茶的苦澀。我好聲好氣打電話去問解決方法，個阿叔反轉頭話我嘅問題，佢冇問題，茶走係咁，叫我好心唔好投訴，仲想cut我線，最後發晦氣話一係攞返嚟換之後cut我線，語氣好激動。其實因為真係好難飲，又加錢買，我決定攞返去。一入到個阿叔好勞氣咁搶過杯奶茶，話俾杯普通奶茶我，我怕佢加料，叫佢俾多啲煉奶俾我就算。其實客人反應食物問題又話返個客轉頭，咁樣真係倒自己米，只能講呢間冇下次。

上星期同朋友去黃埔試新嘢，book左VIP房，方便gathering。呢間新餐廳，菜單有心思，擺盤好靚，食物都好有驚喜，值得推介！見其他食評都推介蝦多士、冰鎮鮑魚同泰式拆肉瀨尿蝦，三道菜都超好味呢，鮑魚好新鮮，瀨尿蝦都啖啖肉。荔枝脆蝦球同清蒸東星球伴星斑餃我覺得係❗️必食❗️擺盤好靚，味道都好出色！胡椒豬肚雞湯都係重點推介，好足料，味道好濃郁，每人飲左兩碗呢！😋😋另外仲叫左招牌細龜炒米粉，芝麻脆皮雞、豉椒聖子配煎腸粉，全部都好好味呀。整體黎講，海鮮新鮮，好多心思菜，價錢都合理，餐牌好多選擇，下次想再去試埋其他菜式😋

試新嘢！今次朋友喺澳洲返嚟，難得齊人開飯，我哋包咗間房。房間好闊落，啲嘢好新淨。食物質素同埋都有驚喜。值得推介。我最鍾意佢個胡椒豬肚湯，啖湯好濃，好香。豬肚夠爽，胡椒味適中，好暖胃。冰鎮南非鮑伴糖心蛋 - 滷水味伴隨有輕微清酒香氣，夏天食非常清新！章紅魚三食 - 刺身、雞湯灼、酥炸腩骨。魚夠新鮮，三種都好食。個人比較鍾意酥炸腩骨送啤酒一流👍荔枝脆蝦球 -造型好Ig able🤣 熱辣辣上碟，外脆內爽，正。糯米釀雞翼，手工菜，唔係度度有✌🏻紅燒三層肉，啲肉真係好肥，鍾意食肥肉嘅啱晒。雖然唔膩，但人多叫比較好。鮑魚雞粒石鍋飯，炒飯粒粒分明，石鍋上有飯焦，又香又脆。

同屋企人食晚飯試下呢間新開中菜，好食呀！會有下次！↓初戀鬼馬咕嚕肉，賣相特別，原來有油炸鬼喺入面。↓招牌奶油蝦多士，多士鬆脆，比出面多左煉奶↓細龜招牌家鄉炒米，幾煙韌又好味，原來細龜係廚師個別名🤣↓跳舞黑金獅子頭，即係墨汁獅子頭，一直座熱住，好味。（佢剪開之前我未影相😝）仲有幾個冇影相🦑冰火魷魚，好爽🍅鮮茄魚腐浸菜苗，個湯好甜，魚腐好林，索哂啲湯🧆黑椒土豆爆豬豚肉，啲肉質好爽瑤柱蛋白炒飯同魚香茄子正常發揮食完唔覺口乾👍🏻👍🏻不過等埋單就耐左少少😅

最近去開黃埔，發現美食坊開咗間新嘅中菜館，入去試一試，竟然有驚喜！我去嗰日係平日7:30pm，一開始唔算多人，八點左右開始滿座，同啲夥計傾開先知道，原來佢哋目前試業中，另有一間店舖起土瓜環。首先佢個餐牌，好多種類嘅嘢食，當中有唔少我哋想點嘅都需要預訂，我哋咁好彩有人cancel咗，試到其中有兩款。除咗家常便飯，亦都有啲創新嘅菜式同埋比較貴嘅燉湯同海鮮。今次我個人覺得比較有驚喜嘅係泰式拆肉瀨尿蝦、川日凍蟶子王、海苔准香白飯魚、太爺茶香走地雞。食瀨尿蝦唔使拆殼✌🏻，蝦一定新鮮，因為唔新鮮嘅賴尿蝦一拆殼就變水。蝦好鮮味，加上少少泰式醬，成件事好清新。川日凍蟶子王，有驚喜，我第一次食呢種煮法，有少少花椒味，蟶子好爽，夏天食好開胃。☺️白飯魚口肉，加埋海苔一齊炸送啤酒一流👍茶香走地雞，雞煙燻，帶茶葉香味，味道偏甜，但係雞皮薄肉亂，唔錯🙌🏻

前身係左麟右李，跟住改咗名叫做滋味小廚。幾個月前執咗而家又開返，變成另一批成員同埋廚師。翻新咗少少裝修，裝修就唔太特別。嘢食就相當有驚喜！本身住喺黃埔當然有乜嘢新嘢一開，就即刻去試食。先講個招牌炒米粉，我諗係我喺香港食過最好味嘅炒米粉！好香好有心機，食到底都冇油，蛋香四溢，米粉爽口，屬於必叫。跟住有一個好特別嘅舊式屋企餸，我諗而家啲媽咪或者工人姐姐都好少煮；就係爆漿窿邊蔥油荷包蛋。聽落平平無奇，但係好有懷舊感；食返童年回憶都抵啦。再加上面頭嗰啲蔥油超級香。另外試咗香妃雞，真係雞有雞味；大家不妨試一試。另外佢啲湯都好好飲，試過胡椒豬肚雞湯相當濃郁；另外亦都試咗佢個例湯⋯⋯係蓮藕湯好有水準90分以上。仲試埋佢個濃湯勾翅、$198幾抵亦好濃郁，勾翅就OK啦咁嘅價錢。都推介你一試的。