小草十八怪

Open Now

Now Closed

喺旺角油麻地附近行街之後就諗起呢一間好似好多人裝修又好企理嘅餐廳-小草就係咁我哋就入咗去試吓呢間嘢我哋嗌咗一個沙嗲牛石鍋米線（好似有六樣餸：牛肉、牛丸、牛柏葉、牛肚和金菇）一上枱就熱騰騰，仲要有啲泡泡喺上，直程係滾上！！ 食落口好濃郁嘅沙茶醬沙嗲味，有啲似沙嗲牛嘅升級版，仲要啲餸勁豐富。牛肉好滑，所有餸菜都好好味！如果鍾意沙嗲牛嘅朋友真係要嚟試一試。另外我哋叫咗一個石鍋飯，有啲似係煲仔飯咁。嘢食上枱嘅時候有姐姐幫你煮，等10分鐘之後就可以食到熱辣辣嘅石鍋飯。我哋叫咗臘鴨，滑雞石鍋飯，加咗一蚊轉蟹黃湯。 我想講啲滑雞真係好滑，啲臘鴨就有啲鹹，但佢佢本身就係鹹嘅，我應該更正佢係有鹹香味先啱。 佢啲飯係粒粒分明加上之後沈上嘅蔥粒，真係好好味。其實佢係一個冇飯焦嘅煲仔飯。好好味另外我就點咗鴨屎香檸茶，佢個杯大到乜咁。唔使就住就住，簡直係爽！我哋仲加咗個粟米串，不過不失，都幾好味嘅。整體好味，可以入去食多次。

同老細去見客，諗住求其食啲嘢。去到油麻地見到有間光猛又闊落嘅餐廳。睇個樣經濟得嚟又有少少特色，而話不說就入去食。樓底超高感覺好舒服，啲枱都間到好闊唔會好有壓迫感，你知有啲茶餐廳間到好似伸隻手就可以夾到你啲嘢食咁。講返食物，我哋叫咗幾個小食，一個石頭鍋飯。先嚟一杯飲品，超巨型大大杯，有啲畀佢嚇親。九製陳皮炸雞，呢個炸雞好滑。仲有個蝦膠釀豆卜，唔係炸粉一堆，蝦有蝦味，抵讚！仲有個蒜蓉燒生蠔，夠鮮，有蠔味大大隻，有驚喜，抵食！煮食係海皇湯蟹肉石頭鍋飯,呢個係職員喺你面前即刻落啲熱湯去滾熱個飯，應該係話煮熟啲米。蟹肉唔算多，百零蚊收晒貨。最出色係佢個湯飯，飯好爽唔會太腍或者太硬，飯焦亦都唔多。過海皇湯個尾啱啱好入曬。

米線控朋友帶我黎呢間平民小店 話可以自己DIY落手煮 幾新奇本身主打石鍋米線 而加餐牌仲更新左 有埋石鍋飯等等 更加多元化第一步係揀配餸 選擇超過40款🙂‍↔️六款或以上就可以揀自己煮 當然都可以要求廚房直接煮好原鍋上每樣餸份量唔算多 所以叫6款或者9款都食到店員會比個石鍋你自己落餸 石鍋非常高溫 所以好快就煮熟之後就倒湯 好快就滾 🍲呢個時候就即刻倒入麵 基本上一鍋熱辣辣嘅石鍋米線就完成！成個過程好快又幾好玩 湯底都有幾款 今次揀左個豬骨湯 味道清清地 仲有蟹黃湯 幾鮮甜 配拉麵即刻變左日式食法米線幾有咬口 店員話係雲南直送手工造 所以無咁易斷 又更彈牙🍜

琴晚收到政府嗰張報稅單 即刻慳妹上身 慳慳地食餐好啲嘅 原來都唔係冇選擇😋==============================𝐅𝐨𝐨𝐝 𝐋𝐢𝐬𝐭📌☺️首先整返幾度串燒開一開胃先🍆燒茄子 呢個好食唔使講嘢 啲蒜蓉多到鋪滿咗 嗰個孜然味簡直係一絕🐙燒章魚酥 切開咗一粒粒非常之細心 咬落去唔使用牙齒開 爽口彈牙 而且有辣度可以選 啱晒鍾意食唔同辣嘅朋友🌽燒粟米粒 特別之處佢係用糯米粟 咬落去煙煙韌韌非常好食😍🍜自選石鍋米線 首先佢有好幾樣湯底俾你揀 好似沙嗲啦酸辣湯等等 我就揀咗沙嗲 非常之惹味香濃 揀咗三餸 牛柳 蘿蔔 雲耳 完全係吸收咗沙嗲嘅精髓😍🍱臘腸滑雞荷葉飯 呢間餐廳特別之處唔係淨係食米線 竟然荷葉飯都有得食 仲要經濟實惠份量一啲都唔少🥰🍓草莓檸檬飲 呢一間嘅飲品又係推介 佢係大杯到匪夷所思 你當係出邊飲嘅凍檸茶杯嘅兩倍 食辣嘢有陣時就好驚好快飲晒 所以慳住慳住飲 呢杯就真係爽啦唔使就住就住😂

小草十八怪搬咗新鋪行完玩具店過對面就係好方便。睇吓menu 發覺原來多咗好多菜式。石鍋米線自選好多款配料自選石鍋米線六餸 餸叫咗蟲草花、腐皮、翡翠苗、椰菜花、新鮮豬肝、鯛魚片配番茄湯好入味。米線食落有彈性唔易斷有口感。原來店員話餐廳啲米線係雲南直送既手工米線所以特別好味。籠仔荷葉飯棉花魚肚蟲草花蒸雞荷葉飯熱辣辣岩岩蒸起，蒸雞嫩滑，籠仔飯味好香。仲好多蟲草花正呀。加配咗個自創九制陳皮炸雞。脆口食落真係有陳皮味好特色。二人海陸拼盤有雞肉、牛肉、章魚鬚各兩串串燒惹味剛燒起。酸辣藤椒鳳爪酸酸辣辣好開胃既小食。特大桶裝凍檸茶夠哂喉凍頂烏龍茶都好大杯

之前試過旺角分店，今日行過油麻地，睇到佢開咗新分店，餐牌仲轉咗，咁一定要試試啦。餐廳好大，裝修得幾靚，晚市full咗8成，好旺下。芬達同話梅金桔檸檬熱飲，熱飲入口淡淡檸檬香，後味會有少少話梅味，成杯飲品唔會好甜。涼拌青瓜雲耳，前菜好大一份，青瓜同雲耳都鋪滿咗。醬汁偏酸甜，加咗蒜蓉辣椒，食落酸甜香辣好惹味。五花肉串同章魚須，串燒火候掌握得啱啱好，五花肉少少焦香唔會覺得油膩，章魚須爽口彈牙唔會覺得韌。少少辣椒孜然粉調味已經足夠，好正宗嘅內地燒烤味道。蒜蓉粉絲燒海蝦，海蝦大大隻有6隻，上面鋪咗秘制蒜蓉醬，同下面粉絲娃娃菜撈埋一齊，勁好味。海蝦好新鮮，蝦肉鮮甜彈牙，全部食曬已經好飽。石窩米線，今次揀咗六個餸同香濃番茄湯。米線用石頭窩送上來，可以一直keep到溫度。米線係雲南直送嘅手工米線，食得再耐都唔易斷，好彈牙TIM。六個餸最鐘意食封門柳，牛肉好薄切，透過石頭窩熱度煮熟佢，牛肉好軟嫩好好味。

(小草十八怪)座落油麻地熱鬧市集裝璜新穎，座位空間寬敞，店員有禮貌招呼週到。店主推陳出新研發新款美食，務求令客人食得開心，而且店舖採用雲南直送手工米線在烹調上更上一層樓。👍👍❣️石鍋生滾番茄湯海鮮米線~石鍋能保持蕃茄湯温度，濃郁鮮甜湯頭加上海藻和海鮮鮮甜味，店舖採雲南直送手工米線嫩滑，口感煙韌❣️瑤柱蒜蓉海鮮荷葉飯~荷葉用包裹方式讓食材蒸煮過程保持柔軟嫩口感。米飯吸收瑤柱、蒜蓉、海鮮香味。海蝦爽脆，魷魚彈牙，魚肉、帶子鮮甜嫩滑😋❣️九製陳皮炸雞~炸雞外脆內軟，入口鬆化，配上秘制九製陳皮醬，微帶陳皮香味，酸酸甜甜特別開胃醒神❣️蝦膠釀豆卜~蝦膠外脆內嫩，帶有鮮甜美，爽口彈牙與豆卜口感完美結合。❣️紫菜天婦羅炸先咬一口紫菜天婦羅炸魷魚鬚，感受到酥脆的外層和鮮美的紫菜味道，接著咬一口魷魚鬚，享受到柔軟嫩滑的口感和魷魚的香氣。

經過油麻地，見到一間餐廳，名字得特別，內裡環境廣闊，樓底高，坐位闊落，裝修彼有特色，牆上還有霓虹燈及食物插畫。食物選擇亦很豐富，包括無火生滾石鍋煲仔飯、石鍋米線、籠仔荷葉飯、小食、串燒…等等。😋餐廳使用QR code點餐，是日選擇：1️⃣蒜蓉金菇粉絲奄仔蟹荷葉飯🍽奄仔蟹鮮甜肉質，蒜蓉、金菇、粉絲、蟹肉結合在一起，加上荷葉的香氣，每口米飯都充滿了豐富的味道。3️⃣石鍋米線🔸沙嗲湯底🔸䈑筍、唐生菜、鯛魚片🔸伊麵🍽用石鍋可保持溫度，熱辣辣。新鮮䈑筍、爽脆唐生菜、鮮美鯛魚片，而伊麵吸收了沙嗲湯汁，美味非常。3️⃣九製陳皮炸雞（跟餐加12元）🍽外層金黃酥脆，陳皮香氣和風味融入炸雞中，很獨特。4️⃣流心白茶芋球🍽淡雅的茶香，香甜的芋頭，中間流心內餡，外層皮薄酥脆，層次豐富。5️⃣章魚鬚串燒🍽質地柔軟，口感彈牙。6️⃣五花肉串燒🍽薄薄小片，肥瘦均勻。7️⃣雞翼串燒🍽味道濃郁，內裡還有肉汁，小小辣，很惹味！8️⃣話梅金桔檸檬熱飲🍽酸酸甜甜，令人開胃，促進消化。9️⃣玫瑰洛神花果熱飲🍽玫瑰花香、果香結合，清新感覺！

星期六中午行過，見到有位直入坐低，望下餐牌原來食石鍋同米線嘅，但見到有荷葉蒸飯又想試下，等了大概15分鐘就送到檯面，我以為臘腸蒸雞飯會有一條細臘腸，但只係有幾片好薄嘅同第一次食到冇乜臘腸味。。。冬菇都係冇味同埋未切個定。。。咬開比較硬。。。雞件食落又冇乜味。。。唔通要食原味？只係聞到少少荷葉味，至於環境，啲射燈好刺眼。。。個環境你唔想坐得耐。。。但係快食個午餐。。。冇所謂。

好少餐廳有籠仔荷葉飯，經過見到menu 加圖即刻心心眼。餐牌畀人感覺好有特式，又石碢又籠仔，今次品嚐咗一石碢米線和一籠仔荷葉飯。沙嗲生牛石碢米線 $78：料係足，有肥牛、封門牛肉、牛丸、牛栢葉、牛肚、金菇，但無味。比人感覺沙嗲湯底還沙嗲湯底，所有材料零入味。唯一讚係石碢上，成程都熱辣辣。瑤柱蒜蓉海鮮荷葉飯 $75：荷葉的味道並未充分體現，缺乏香氣。相反，蒜蓉的味道相對較強烈，佔據了整個菜品的風味。如果您喜愛蒜蓉，這道菜可能會符合您口味。金華火腿湯浸娃娃菜 (+$9): 大量金華火腿絲，夠味。九制陳皮炸雞 (+$12): 夠脆，配上陳皮粉，酸酸甜甜。整體一般，反而加購食物好過主菜。

全港首創無火自煮石窩煲仔飯！❤️.餐廳價錢非常親民，不到$100的價錢已經可以點多一個非常好吃的煲仔飯，選好配料後，店員還會親自在客人面前煮，加一蚊就可以轉蟹黃湯，令煲仔飯味道昇華，當日選擇了臘腸、帆立貝、滑雞，非常豐富😋加HKD18再有特大手打檸檬茶🫶🏻🫶🏻🫶🏻.石鍋米線質素都非常高，米線由雲南直送，口感爽滑，六款配料也不過$80，非常抵食串燒味道非常惹味，推薦章魚鬚，爽口彈牙，蒜蓉蒸扇貝也很好吃，蒜香味十足.九制陳皮炸雞略帶甜味，外皮香脆，肉質鮮嫩❤️.📍 小草十八怪 (油麻地)油麻地彌敦道525-543A號寧大廈地舖

今天想同大家分享的是一家位於油麻地地鐵附近既「小草」餐廳食物種類都頗多🤗地道又美味😋🦀石鍋生滾蟹黃湯羔蟹仔米線😋湯頭鮮美濃郁，原隻羔蟹新鮮😊配料有豬肚、枝竹和芫荽、腐皮、金菇及芽菜☺️而呢度用左雲南直送手工米線，唔易斷仲好有彈性添🥰棉花魚肚蟲草花蒸雞🐣荷葉飯，鮮嫩雞肉好滑又入味😬香氣四溢蟲草花加埋荷葉香慘入米飯中😋好好食🤤雞軟骨串燒選左中麻小辣😊口感爽脆☺️原條燒茄子🍆燒得入味軟嫩🙌搭配上麻辣特色粉😬入口讓人垂涎三尺，非常美味😍蝦膠釀豆卜脆中帶鮮😬口感特別😍讓人回味無窮🤗另外還有套餐加$15就食到嘅自創九製陳皮炸雞👍食落甜甜地外酥內嫩，炸得剛剛好🥰飲品叫左桶水果香檸茶，清涼解渴🫶熱洛神花玫瑰茶花香四溢☺️酸味味好解膩😁

今晚同舊同事聚舊🩷🩷🩷試左起油麻地既米線🤩🤩🤩佢地換左菜單，有好多選擇😆😆😆朋友叫左十八座小鍋生滾米線L2:材料好多，夠晒豐富😆有雞肉、腐皮、雲耳、鯛魚片、芽菜、韮菜🐤🐟🌱🌿湯頭夠入味，清甜👍🏻米線滑溜👍🏻👍🏻用左雲南直送米線，不易斷，有彈性好大碗🍜🍜性價比夠高！🤪🤪🤪🤪我自己試左十八座小鍋生滾米線L6:一樣夠晒豐富！😜😜封門牛柳、鯛魚片、溫泉蛋、海蝦、蟹柳🐙🦀🦞🪼好有水準！😋😋😋另外叫左串燒拼盤：燒得好惹味！而且夠香口、脆卜卜😎😎😎仲叫左個陳皮炸雞🐤🐤🐤：炸得金黃香脆，有陳皮粉既香味！👍🏻👍🏻👍🏻👍🏻小草十八怪（油麻地店）地址：九龍彌敦道525-543A號寶寧大廈地鋪#油麻地美食 #米線控 #性價比高 #美食 #香港美食 #聚腳點 #地道美食

心思思想食米線，首選是小草十八怪。最愛它的石碢生滾米線，食到尾都仍是滾熱的。而且米線耐煮、不易斷又有彈性。最怕連鎖店的米線不是煮得太腍就是太硬，這款雲南直送的手工米線的確不同。今日叫了自選6餸（$72）。紅燒牛肚、梅肉片、冬菇、蘿蔔、娃娃菜和鯛魚片（+$6）。全部都好好味，牛肚腍滑入味、鯛魚片爽口彈牙。.另外叫了土魷馬蹄香菇肉餅荷葉飯（$62）肉餅軟硬適中，加入了馬蹄及香菇帶來豐富的口感，土魷粒則加在白飯中，令白飯除了吸收了肉餅的油香外還有一層海鮮的鮮香，很好吃。此外還叫了點小食和串燒。蝦膠釀豆卜（$38）九製陳皮炸雞（$34）如果你喜歡香口食物，這兩個小食一定能滿足你。豆卜反轉釀入蝦膠，炸完之後超級脆口，蝦膠又彈牙。用九製陳皮來調味的炸雞有淡淡的陳皮香味，頗特別。紅柳羊肉串（$18）燒椰菜花（$18）餐廳有兩種羊肉串，記得叫較貴那一種，特別鮮嫩無渣。椰菜花有兩串，抵食。一桶水果香檸茶（$36）大大桶，好抵飲。茶底是手打檸檬，無苦澀味。還有橙片、蜜瓜粒和西瓜粒，有得飲又有得食。

路過彌敦道見到呢間裝修得光猛開揚而樓底又高嘅店舖，望入去仲有好多卡位添；原來朋友之前响度食過都覺得幾好食，而家仲轉左新餐牌，有好多新菜式添，所以入去試下😋原來佢哋嘅煲仔飯係用石鍋，所以無需生火，已經可以煮熟食物，咁得意當然要試下😝🥢無火生滾石碢煲仔飯三拼$76叫咗臘鴨髀、棉花魚肚及冬菇，師傅即席將啲生米及餸菜逐一放落個石碢裏面，加水冚蓋，等十分鐘就可以食得；揭蓋一刻臘鴨香味撲鼻而來，飯粒軟硬適中，煲底亦有少許飯焦，食到最後個飯都係熱辣辣，好正👍🥢自選石鍋米線(6餸)$72可以選擇自己煮或者店員煮，我哋咁懶梗係店員煮🤭湯底揀咗酸菜魚湯，酸酸辣辣啱哂我哋口味；餸菜方面揀咗蘿蔔、腐皮、萵筍、紅燒牛肚、溫泉蛋及新鮮豬肝(4件)+$4，蘿蔔嫩腍多汁，牛肚入味夠腍，豬肝新鮮，溫泉蛋質地亦剛好😋；發覺佢哋嘅米線有彈性又唔易斷，多口問啲侍應，原來係用雲南直送嘅手工米線🥢蒜蓉錫紙娃娃菜$48焗到熱辣辣，非常惹味，勁香蒜蓉及牛油味，除咗娃娃菜之外裏面仲有芽菜、唐芹、洋蔥及粉絲🥢章魚鬚(2串)$28好香孜然味，辣度亦剛好，章魚鬚質地Q彈好趙頭🥢牛肉串(2串)$26牛味濃又惹味🍹鴨屎香檸檬茶 跟餐+$18大大