小鍋霸 (Imperial Kennedy) (Closed)

小鍋霸😘😘😘食唔厭鍋霸之霸晚上路過西環北街大馬路旁、被門面的柔光吸引住、從窗外望內、裝修整潔、「小鍋霸」無限時吃到飽火鍋店！*Prime Grade牛肩胛肉及西班牙無激素豬肉片套餐$298*美國Prime Grade極上牛頸脊及西班牙伊比利亞黑毛豬套餐$398*極上Prime Grade霜降牛小排及西班牙伊比利黑毛豬$498*15種湯底選擇+70多種火鍋配料、so crazy 😜 😝配所有台式特飲任飮+movenpick雪糕一杯或其他雪糕一杯！$298@Prime Grade牛肩胛肉及西班牙無激素豬肉片+田園蕃茄濃湯牛肉涮涮鍋、湯底超多料、牛肋條、蕃茄🍅、豆卜、雲耳、粟米🌽、香濃濃蕃茄、清香帶甜酸、刺激味蕾、提升食慾😋😋牛肩胛肥脂分佈均勻、紋理清晰、牛肉淋軟、牛味濃郁、口感豐富、無激素豬肉片、同樣高質、肥瘦均勻、一様嫩滑、火鍋配料🈚️🉐️輸、高質素、又新鮮、鮮蝦彈牙、清甜鮮味、海魚入口即溶、貢丸、蟹籽丸、彈口有嚼口、豬肉餃、餡料脹卜卜、味道yummy yummy 😋 、配台式飲料任飲、好大杯、又吃又飲！最後甜品名牌雪糕、夠晒🈵️足一百分💯***午市套餐供應....抵食👍🏻👍🏻#西環#火鍋#無

日日都好勞累食返個養生醉雞涮涮鍋底補補身啱晒湯底已經有雞件、紅棗、木耳、粟米夠晒清甜滋潤食得霸氣就係呢度嘅宗旨點霸氣？冇限時就係至讚😉唔係話食到好多肉～點咗價錢最相宜嘅Prime Grade牛肩胛肉餐雖然話係最平～但個牛肩胛肉好靚油脂分布均勻適中重牛味 涮一涮就食得點咗唔係好多地方有嘅有骨魚皮老實說我都係第一次食原來好食過平時薄身嘅魚皮咁多好有口感仲點咗牛栢葉、萵荀、唐生菜、娃娃菜啲菜洗得好乾淨，而且份量好慷慨啱晒我呢個菜控鮮枝竹記住涮一涮就好食喇如果唔係勁快溶晒大蜆、生猛海蝦、帆立貝啲蜆真係勁大隻食落冇沙好鮮味啲蝦先係重點！勁 大 隻 又 爽 口 彈 牙每次嚟三隻 我不停refill啲蝦食多啲真心值回票價好少有任食打邊爐會比咁大隻蝦手工韮菜餃啲餡唔會太多 韭菜嘅份量比肉多係我最鍾意嘅比例飲品係手調嘅～好有誠意最後仲雪糕送添

星期四晚🥰都想同朋友食好啲，佢嘅火鍋放題都好受歡迎，仲有臺式飲品可以無限任點！✨我哋今晚試咗288😋一位嘅Prime Grade牛肩胛肉，西班牙無激素豬肉片放題。🤩牛肩胛肉都好新鮮，🥩而且有雪花嘅紋路，食起身好香。👍海鮮類都唔可以錯過，🐟有多款是日精選海鮮，鮮魚片🥢會幫手起咗骨，食得更方便。🦐生猛海蝦口感彈牙，墨汁墨魚滑，🦑花枝滑，煮起身飽滿。帆立貝，🤓深海魚柳，非常新鮮。#buffet

冬天凍冰冰，繼上一個post同大家介紹潮汕特色火鍋店，今次介紹呢間餐廳如果大家係大胃王🤤或者希望有個空間chill一chill同朋友傾住計咁打邊爐😎都絕對要嚟一試👍🏻 一個價錢就可以食足10個鐘 唔想食咁耐嘅 7:00之前走仲有八折添（我哋就食足七個鐘🫣）湯底🥘湯底方面有15種選擇，比較出名嘅係藥膳椰子雞湯同埋台灣養生醉雞湯。但係我哋今次就揀咗比較傳統嘅台灣古早牛肉湯底，湯底幾好飲牛肉味都唔錯👍🏻肉類🍖肉類方面我哋揀咗Set A，Prime Grade牛肩胛肉及西班牙無激素豬肉片。牛肩胛肉油花都幾靚，而且係薄切，食落去幾有牛味👍🏻配料🥗配料方便足足有60多種選擇，包括自家製肉餃，各種各類流心醬爆肉丸，台灣炸物，各式各樣嘅火鍋配料同埋蔬菜，選擇多到我哋七個鐘頭都食唔晒所有🤣飲品🥤飲品嘅質素同埋選擇絕對係亮點之一👍🏻唔單止有茶餐廳提供嘅港式檸茶奶茶、檸檬可樂七喜。仲有比較特別嘅台式飲品，例如水蜜桃紅茶、朱古力說香奶茶等等🤩甜品🍦甜品方面Movenpick雪糕一杯，都有幾隻口味可以揀。

呢一間台式火鍋店，見到上網有好多人話可以無限是任食，食足兩三餐都得😂餐廳唔算話好大，所以相對比較少人，個環境都清靜好多，同班friend一齊嚟傾偈就好適合啦！呢度有成十幾副湯底可以選擇，我就叫咗個醉雞湯底，啲雞肉好大舊，就算滾咗好耐啲雞肉都好滑身。個人認為佢嘅牛肩胛肉唔錯，任食牛豬肉嘅質素來講，而且每片都食得幾厚身，性價比都算高！而最欣賞係佢哋呢度有自家製嘅手工餃，一啲都唔伏。而佢呢度嘅丸類喺其他餐廳都好少見到，佢嘅三星蔥貢丸我自己都食咗四粒😂仲有奶油南瓜包，南瓜味超香而佢嘅墨汁墨魚滑都好值得試吓，你呢度除咗食肉之外，真係可以試吓去其他嘅火鍋配料

台式小鍋霸好好味的小鍋霸！係西環呢間火鍋放題，次次經過都好想食！今次同朋友一齊試左，好好味！好多台式食物同飲品，好似去咗台灣感！火鍋配料又多選擇，揀左$388一人的套餐，有美國極上牛頸脊，西班牙黑毛豬任食！仲有好多種湯底可以揀，好多養生湯底，試左養生蟲草桃膠雞，好淸甜又滋保，好美味呢！配料最中意台灣腸，各種手打丸，同埋新鮮蔬菜，最後仲每人送一杯哈根達斯雪糕，好正呀！落單全程手機落單，上菜又快，呢間可以encore 哦！

今次係第二次同男朋友食小鍋霸，我地都唔係住港島，專登一齊山長水遠來到西環食。我地今次揀左菌菇養生湯底，真係無敵足料，好多菇，菇吸晒湯底嘅味道，超級好味。跟住又有幾件大雞肉。我地叫得最多嘅就係蝦，真係無敵大隻，好新鮮，好香甜，啖啖肉。跟住就係叫魚，都係好鮮甜。D自家製餃子用料足，香濃黑松露芝士味😋😋😋。仲有好多其它野食揀。最後沒人一個雪糕，我地都揀左甜筒。好豐富好滿足食到。最後指定時間前離座有折頭。

秋風起, 最好就係打邊爐, 今晚同朋友黎到堅尼地城的小鍋霸打邊爐, 貪佢哋無時限, 食到夠飲到夠為止先撤退, 唔洗限時趕頭趕命, 舒服好多。多款湯底供選擇, 當然係有辣有唔辣, 火鍋配料掃及飲品 QR code自己叫, 視乎牛肉質素定價, $288、$388同$488不等。湯底 : 養生姬松茸什菌涮涮鍋湯底以菇菌為主要材料, 目測有雞件、桂圓、姬松茸、舞茸、雞髀菇、鮮冬菇、其他菇菌、紅棗、洋蔥、杞子、雲耳、 粟米及油揚等, 湯底冇乜油, 開始前飲左半碗, 好清甜, 菇菌味道好濃郁, 呢個湯底滋陰潤燥兼有養生。$388 極上牛頸脊頸脊套餐推介食物     1.有骨魚皮 ~ 用上黃鱔皮, 炸得乾身又脆口, 連骨都脆卜卜, 補鈣質一流, 朋友至愛。    2.西班牙伊比利亞黑毛豬 ~ 肥瘦平均, 口感帶點爽及脆, 肉質爽滑微彈, 自己食一盤都唔覺油膩。    3.美國Prime Grade極上牛頸脊/美國Prime Grade牛肩胛肉 ~ 兩款肉一種偏向有咬口, 牛肉味較濃郁, 另一款半肥瘦口感就油滑啲、香口啲。    4.西班牙無激素豬肉片 ~ 西班牙無激素豬肉片瘦一點, 肉質結實。   

💖冬天一定要食火鍋，bookmark左呢間火鍋放題一排，今日終於黎食！佢地最吸引嘅係無限時，而且肉類嘅質素聽講唔錯，幾抵！1⃣️無限時吃到飽套餐🍲 $388💖佢地嘅吃到飽套餐有3個價位，成人一位$288到$488不等。我地要左中間價位嘅$388，可以任食各款豬牛雞肉、任飲台式特飲等。下面係我嘅推薦👇🏻：🔸肉類🥩💖佢哋主要係任食4款肉類，當中必食✅美國prime grade極上牛頸脊同✅西班牙伊比利亞黑毛豬，前者肉質鮮香又軟嫩，配上麻醬、醬油食好香🤤；後者入口香軟，同普通豬肉係next level😎。另外仲有牛肩胛肉同西班牙無激素豬肉片，呢兩款口感會較厚實、有嚼勁，肉味濃。每碟大概有6塊肉，而且上碟同收碟都好快手，唔錯👍🏻。🔸火鍋配料🍡💖推薦佢地嘅✅手工黑松露芝士豬肉餃🥟，黑松露香煮完之後更突出。另外推薦✅台灣燕餃、✅墨汁墨魚滑🦑、✅豆皮響鈴同✅奶油南瓜包🎃，全部都足料好味😋。配料有差唔多70種選擇，搞到我咩都想試。佢地嘅份量合適，唔會好多，可以試多啲唔同食物，又唔驚食太多食唔落肉。🔸湯底🥣💖有19種，我地要左清香嘅藥膳椰子雞🥥，湯底有滑雞件、枸杞、龍眼、蟲草花、豆卜、粟米、洋蔥、蕃茄等，好

宜幾日突然勁凍呀，去開堅尼地城搵食見到宜間火鍋店勁多人，出面仲寫住無限時任食喎，攞到位梗係唔好放過啦。7點前離座或8點半後入座仲有折添。餐廳有3種套餐既選擇，任食既肉係唔同既。我地今次就食中間價錢既美國Prime Grade 極上牛頸脊及西班牙伊比利亞黑毛豬套餐。除左任食宜2款肉，仲有美國Prime Grade 牛肩胛肉同西班牙無激素豬肉片都係任食既。剩係湯底都有成15款選擇，花多眼亂我地最後選擇左養生蟲草花桃膠雞涮涮鍋。見到個湯底勁足料，有雞件，紅棗，粟米，油豆腐，桃膠同大量蟲草花。開始食火鍋之前飲一啖湯，味道清甜，充滿蟲草花香，雞件嫩滑，感覺真係好養生。因為實在好肚餓，我地就一開始就用QR code落哂4款肉先。Prime Grade牛肉質素有保證，無論係牛頸脊定牛肩胛肉質腍得黎都好香牛味，而且唔會話好肥。黑毛豬都唔錯，一樣好腍身。除左肉類，其他火鍋配料仲有蔬菜、餃、丸等等都好多選擇。不過我地掛住食肉，剩係食左其中幾款。足八吋長巨蟹棒真係好大條，爆漿濃芝牛丸係爽彈牛丸咬落去有熱辣辣既流心芝士湧出黎真係好滋味。台灣豆皮響鈴勁大件，炸魚皮當然唔少得。海鮮都有幾款選擇，海蝦大大隻又新鮮，

又到一年一度最適合打邊爐嘅時候 台式任食暖身好選擇～～～天氣凍凍地就想打邊爐😊，呢間台式火鍋店開咗唔係好耐，成日都見到好多人排隊。難得今日早收工，同大舊撐吓枱腳！～～～餐廳以木製顏色做主調，樓底夠高，感覺清新，唔會有個侷促感。呢度放題係無限時，啱晒我呢啲食得慢又想食多啲，可以慢慢嘆🙌🏻～～～呢度一共有十五款湯底可以選擇，我哋揀咗惹味嘅藥膳沙茶牛肉涮涮鍋，香濃嘅沙嗲味同食材好夾，有少少花生碎，基本上唔洗再沾醬油已純好夠味。我哋選擇左中間價位嘅放題，主攻美國Prime Grade極上牛頸脊，呢款肉充滿牛味，口感爽滑，果然係打邊爐必備！另外配料都唔少㗎，生猛海蝦、帆立貝、火灸芝士丸、花枝丸、蘑菇芝心堡、台灣鴨血、午餐肉、足八吋長蟹棒、方形魚腐、鵪鶉蛋、鮮魚片、紫蘿蔔、鮮枝竹、羽衣甘藍。。款款任點任食，仲有台式飲品任飲添！我哋特別order咗好多轉海蝦，大大隻，每隻都大概有15 cm長，厚肉，烚完好爽口，令人忍唔住一隻接一隻。～～～小鍋霸 (Imperial Kennedy) (西環)西環卑路乍街80號Imperial Kennedy地下6號舖

秋風起。又係食打邊爐既好季節了！這間小鍋霸無限時吃到飽任飲任食套餐，性價比相當高，環境乾淨，食材用料又好，岩哂d大胃王又鐘意食火鍋既朋友。某些時段仲有優惠，而套餐有3種唔同級別，當日選了$38set, 已經覺得好高質！10多款湯底之中就選了藥膳椰子雞涮涮鍋，泡泡為椰子精華，湯底夠香帶點藥膳香味，雞件夠嫩滑而且啖啖肉。美國極上牛頸脊，雪花紋理平均帶色澤紅潤！味道重牛香，入口夠嫩。再包住香葱，蒜一齊食！層次更加昇華，必點之選。黑毛豬都幾夠肉嫩，食起黎都夠香！肉質夠細嫩，上台時整整齊齊賣相幾好，胃口大增。大大條蟹柳啖啖肉夠味道，好enjoy這種清新味道。鮮蝦夠新鮮而且size都幾大隻！熟後蝦呈現橙紅，蝦頭位置帶有蝦膏！濃郁夠香，蝦肉緊緻夠爽彈，真係用料新鮮。飲品方面夠多選擇，什至有即沖台式特色飲品，非常多元化又唔會死甜！剛火夠味，當然亦有汽水，會有埋一片片檸檬，相當細心。最尾有雪糕供應，大牌子雪糕，好味好味。整體餐廳用料高質！有得任飲任食無限時，期待再和朋友一齊再去呢。

朋友新搬入堅尼地城 housewarming附近請我食埋飯 地鐵站附近一兩分鐘就到，這家小鍋霸台式吃到飽無限時 🤩🤩一於過嚟試下無限時嚟講真係好吸引👍👍分三款唔同嘅套餐288 388 488 ，第一次試，試個中間價位，極上牛頸脊套餐鍋底選擇都十幾款，而且仲有好多特別嘅鍋底添揀左藥膳沙茶牛肉涮涮鍋湯底，非常有誠意！一上臺 沙嗲 香味 撲鼻 ，鍋底亦非常足料，三大條牛肋條令到湯底更加香🤤🤤Prime grade極上牛頸脊🥢一上枱非常有驚喜紋理 清晰，牛脂均勻 厚度 比起平時真係有幾倍厚，這個口感最好，牛肉淋軟，牛味濃郁👍👍真係食唔停口 沙爹配牛肉永遠都係咁match😬😬西班牙伊比利亞黑毛豬肉片 同樣都係高質貨 🥢🥢肉香林軟，而且好嫩滑 肥瘦均勻😋😋仲有其他配菜都非常高質🥳🥳而且好花心思 超大 新鮮海蝦 爽口彈牙，鮮甜！放題嚟講真係好少食到咁新鮮，仲有時日海鮮🦞卜卜蜆脹卜卜非常鮮甜，不斷encore😂😂當然要食埋鴨血、牛栢葉 ，仲有自家製飲品😌😌成十款，柑桔檸檬非常清新解油去膩😍😍最後食埋甜品 就真係飽到上心口，可以同朋友慢慢食，慢慢傾，完全冇時間限制真係最值得讚👍👍下次再試埋唔同價錢嘅套餐

呢幾日天氣突然急降❄️，最啱就係打邊爐🥘～收工梗係約埋好朋友食好西，大家都係港島區之友，就黎到西環依間小鍋霸。店舖係最近開張無耐嘅分店，主打台式吃到飽嘅養生火鍋，我地揀咗 $388美國極上牛頸脊及西班牙黑毛豬套餐～打邊爐最緊要個湯底，我地今次就揀咗藥膳椰子雞湯，湯底蘊含10多種藥材，再加入大量椰漿，味道鮮甜，雞肉富椰香又嫩滑。依到有齊過60款配料、牛肉及海鮮等，多款台式飲品都係任飲。雖然話就話任食，每款食材都好高質，好似牛頸脊油花分布平均，肉質較有咬口！牛味香濃，入口即溶。而海鮮類嘅海蝦同鮮魚片，都非常鮮甜，每隻海蝦🦐大大隻～最後，每位入座均送一杯雪糕等，有得揀Movenpick雪糕、dreyer’s甜筒haagen dazs雪糕等，真係好滿足😊😊

今次已經係第二次幫襯啦，上次試左花膠桃膠湯底。所以今次試左蕃茄雜菇湯底，一上枱已經好勁既蕃茄味，足料同埋叫左388既套餐，d肉絕對唔呃人，新鮮，唔會似出面既放題甘梅同埋真係叫幾多會比足，所以大家唔好一下叫太多，唔好浪費食物值得一讚係個豬肉，好爽口，夾有小小油脂味，必試！呢個係西班牙伊比利黑毛豬😍同埋呢到既餃子同丸都好好，個人推介韭菜餃同南瓜丸，兩款都好香，同埋個南瓜丸入面好多南瓜蓉架🥰蝦同蜆都好抵食，蜆仔熟左脹卜卜，仲有小小海水味，蝦🦐身唔梅，爽口大隻，仲要有膏，最正係無限時，可以慢慢食同傾計。野飲都好大杯，大大杯好滿足架😚最後就有埋甜品埋尾，好滿足！有機會一定會再食