Video
9-min walk from Exit C2, Cheung Sha Wan MTR Station
continue reading
Telephone
69238928
Payment Methods
Above information is for reference only. Please check details with the restaurant.
舖頭在公司附近開了一段時間, 第一次幫襯, 感受都唔錯。3個人叫了3款做午餐.1) 回鍋肉 + 菜飯 +豆漿 $40 (做到香辣, 惹味, 肉有肥膏及瘦肉, 咬落口感相當之好)2) 上海炒粗 + 豆漿 $34 (少少甜既口感)3) 京葸炒牛肉 + 菜飯 + 豆漿 $40 (京葸好香, 牛肉一般)下次要試下食雞先得.... 價錢唔貴, 好抵食, 味道亦好味.如食客對招呼/服務/裝修有要求的話, 可能不太合適。呢度街坊小店, 地方淺窄及座位很少. 午飯時好多人等位。
continue reading
呢區上海菜不多，尚小館這間小店算是滄海遺珠。午飯時間，好多學生幫襯。因為價錢平。仲要幾好味。望望餐牌，客飯餐只是三十餘至四十餘。可以揀菜飯或白飯。另外亦可揀粉麵，目測最多人叫的是菜飯。口水雞菜飯餐($40）似模似樣，雞有四份一隻，菜飯大大碗，仲配嘢飲作為响中環打工多年既人看到這樣的性價比高的廉宜飯堂，真係感動到想喊！你話味道係咪驚人地好？當然不是。不過雞肉都算滑，肥油少。醬汁有花椒香味，惟層次感少咗啲。相對之下，醉雞較好吃，因為雞吸酒味，較入味。菜飯用的目測是小棠菜，仍然青綠，入口清爽，味道不錯。後話長沙灣深水埗一帶好多小店，近期逐一發掘 ，屢有驚喜，呢間價錢有驚喜。服務方面，阿姐比較惡，同埋好鍾意食食下叫你起身調位。介意服務的話，要留意一下了。
continue reading
今日年初二，屋企唔想煮飯，就我去咗我哋平時成日去嘅尚小館。呢間小館嘅路線係平民住家上海菜，便宜嘅價錢，清清淡淡嘅菜式，啱晒媽媽嘅口味。今日叫嘅係鎮江骨($38)，上海炒年糕($42)，紅燒獅子頭($42)同埋蔥爆牛肉($48)，加叫兩客菜飯同豆漿($15)。另外，新春期間每樣小菜係加$5，但仍然係免加一嘅，埋單盛惠4個人＄220。鎮江骨係我哋嘅至愛。酸酸嘅鎮江醋喺未上枱之前已經聞到。上菜嘅時候夠熱，啲肉煮到好淋又夠入味，酸酸甜甜好醒胃，有入口即溶嘅感覺，有適量嘅肥肉。雖然係咁，似乎未煮成鎮江骨之前已經出過油，所以成個餸唔會太肥膩。用墊底嘅生菜係新鮮灼熟嘅，新鮮爽口。上海炒年糕比較失色，稍欠鑊氣。年糕唔夠入味，芡汁亦都唔夠鹹。菜炒得太過耐，睇落唔再脹卜卜。紅燒獅子頭有驚喜。切開發覺原來裏面有一隻滷水蛋(唔怪得佢咁大舊)，雖然係一反傳統，但係個滷水蛋熟得啱啱好，而且成隻都非常入味。講返獅子頭，肥肉同豬肉嘅份量夠均勻，食落軟熟而且豬肉食豬有豬味。炸過嘅獅子頭唔焦，火候預得啱啱好。平時我屋企住家製獅子頭會落埋馬蹄，不過呢度就冇，稍欠口感，不過獅子頭呢啲始終唔同人唔同做法。至於蔥爆牛肉，味道夠香口，送飯啱啱好。蔥就夠香夠鮮啦，但係牛肉嘅肉質有啲差，係製過嗰隻，唔係新鮮牛肉嘅質地。呢度嘅菜飯係唔錯嘅，油嘅份量唔多，食落仍然夠香口，小棠菜亦都夠青綠夠新鮮。我哋每次嚟都會叫菜飯唔叫白飯。小提示 ：想叫菜飯同豆漿一定要一齊叫，散叫就唔抵㗎啦。總評就係，平民嘅價錢，住家飯嘅感覺。有時屋企懶得煮飯洗碗，落嚟食係可以嘅，不過餸要識叫，只叫拿手菜。
continue reading
放假遲起床，已到了下午茶時間，便到屋企附近搵食，見這間門外的下午茶菜單吸引，價錢便宜，即入去吃個下午茶 / Brunch😅菜單選擇滿多。最後點了套餐A: 口水雞 + 上海麵 + 豆漿。🍗口水雞，即叫即切，皮滑肉嫩帶鮮，原以為是四川的酸辣口味，原來是上海的鹹辣風味，加特製的麻辣醬及豆豉，辣度溫順易入口，辣中帶麻，香口惹味!😍🍜上海湯麵，即叫即煮，麵條粗幼適中，質感柔韌，口感爽滑，湯底清香醇鮮，佐以口水雞同吃更滋味!🥛豆漿，冰涼止渴，富豆香及微微的甜味，甜而不膩，健康味美~這店的花雕醉雞及口水雞皆分量十足，香口惹味，吃得齒頰留香，有空再來平歎下午茶 ~🍽
continue reading
上兩個星期中午試下呢間尚小館。呢到環境麻麻, 一坐落去張櫈先發個天花板滴水我坐左近門口嘅位, 到門一開一合, keep住一路食都覺得好熱。之後唔知係唔係太多人, 落左單好耐, 旁邊遲過自己點菜嘅人都上哂菜, 都未輪到我超級肚餓咁等左起碼20分鐘。就上左呢個醉雞脾米線。個米線好唔合格, 個芯硬硬地咁, 好明顯係未煮夠時間就上。至於個醉雞脾, 雞脾肉身幾嫩滑。可惜佢個醉雞啲酒醃得唔夠入味, 有少少浪費左隻咁嫩滑嘅雞脾。不過就呢個價錢黎講, 呢隻醉雞脾都係值得一食
continue reading