嵐本 (Closed)

叫左個$65的椒鹽豬扒飯，非常之差的體驗-飯又濕又軟，飯量極奇少，食完好似無食-豬扒冇特別又冇乜味-菜都無條最後送咗個啫喱，但竟然個底有啲黑色嘅污糟嘢黐住，衛生情況十分之差最衰我唔記得影相，完全唔值65$之前食過佢嘅蛋治係ok，但估唔到午餐水準竟然咁低

同兩個女午餐，隔離排長龍唔想等，試吓呢間，蔥油豬扒賣相一流，豬扒厚切好軟淋好味，豬潤米不得了，湯底好香酒味，食完暖笠笠🥰奶油脆豬好好食，老闆好隨和店員都好和氣，一間好有人情味嘅店👍🥰

下午茶必吃組合：奶油豬、奶醬豬 + 凍檸茶週末下午和老婆外出吃下午茶，去咗我哋屋企附近嘅嵐本。我們原本打算一個叫沙律、一個叫豬仔包share吓，但係老婆大人點都唔願意割愛同我分享豬仔包，所以惟有各自叫一個食，不過我要奶油豬，佢要奶醬豬，所以佢終於同意可以share下，一人各半件。飲品就一定要以佢哋正到爆嘅凍檸茶，茶夠濃，小甜剛好。離開前收到阿仔電話，叫我哋外賣下午茶給他，點知又係要豬仔包！豬仔包絕對係佢哋餐廳嘅其中一樣鎮店之寶！因為下午茶關係，今次冇叫到蔥油豬扒，呢個亦都係我大力推介嘅好嘢。

上次跟朋友來這間小店吃過晚飯，覺得食物質素很好。我們和老闆娘好好傾，我們見小店面積不大，隨意問一問能否晚上包場，怎知道她一口答應，願意為我們安排了這一餐自訂私房菜。我們一共點了10餸加1甜品，有以下的菜式：1. 黃金鮮魷 +椒鹽鮮魷 2. 籠仔荷葉蒸蟹飯3. 蒜蓉粉絲扇貝4. 蒜蓉蒸蟶子5. 白灼蝦6. 酥炸大腸 7. 煎焗豬鞍 8. 鮑魚蠔皇雞9. 上湯粉絲什菜煲10. 干扁四季豆11. 法式焦糖燉蛋其實樣樣我都很喜歡，因為菜單是我們自己訂製。當中我的最愛是蠔油鮑魚雞、籠仔荷葉蒸蟹飯、蒜蓉蒸蟶子和很多地方都吃不到的酥炸大腸！鮑魚雞好入味雞好滑，糕蟹加大蜆蒸飯飯很鮮香，炸大腸加上甜酸汁很開胃。當晚良朋歡聚，大家高興得不得了，一來食物質素非常高水準，加上又係包場，大家可以好輕鬆（其實係好嘈）歡渡過一個美好的晚上。我覺得小店能夠做到這樣的水準真的很難得，老闆娘很好溝通，在自訂菜單的過程又有耐性，提醒我們當季有什麼好食材，坦白講以每人$500這樣的價錢能夠做到這樣的水準，仲要加上係包場，我只能說是物超所值。我們一行眾人決定以後每一、兩個月都要聚一次，能聚就多聚，這種包場安排實在太方便和合適我

平日都有行經過呢一間餐廳，講真門面就真係唔係太吸引，所以之前都冇去食過。後尾有次lunch同事話我聽佢哋啲嘢食唔錯，可以試吓，我才第一次去食。我覺得和附近嘅餐廳比較來說是幾優惠的，性價比很高。早幾日晚上OT的時候落去買咗外賣食，發個原來晚餐和午餐的menu唔同的，我點咗個魚香茄子配老火湯+白飯+凍檸茶才$$67，這個價錢在附近搵唔到。重點都係食物的質素唔錯，魚香茄子不油膩，老火湯真的沒有味精，講真原本對杯檸檬茶不會有特別要求的，但係飲落又覺得真係比附近的茶餐廳比較好飲啲。我在等外賣的時候，發現都幾多人晚上過嚟買外賣，另外也有幾多人叫餃子，我下次有興趣試吓。總括來說我覺得這餐廳值得推薦，我會繼續幫襯。（不好意思，吃快了忘記拍照）

以前一直以為餐廳不做晚市，最近行過發現原來最近已經延至晚上和週日下午。星期五晚放工過去食飯，原本只是打算快吃碟頭飯，怎知道小菜的水平完全超出我們的期待！各樣海鮮都很新鮮，我們叫了蒜蓉粉絲蒸扇貝、白灼蝦、薑蔥炒肉蟹，另外再點一味鮑魚雞，真是每道菜都有驚喜！鮑魚雞很入味。我們不想吃白飯，所以最後叫了一個奶油豬吃，完美結束Friday night 。好開心找到多一個晚餐的好去處。😄另外，今晚小店坐滿人，老闆娘服務殷勤又友善，我很喜歡這種親切小店的氣氛。☺️👍🏻

午餐時段，炮台山周圍的餐廳都很擠擁，這間嵐本也不例外，在門外排隊等了大概10分鐘才能夠進去，老闆會在你排隊的時候幫你先點餐，我點了蔥油豬扒火腿蛋飯配熱飲，豬扒如圖所顯示都是厚切大大份的，適合愛啖啖肉的食肉獸，那個蔥油其實並不是沾有太多油，主要以蔥味來襯托豬扒的味道，飯的份量是一碗左右，但對我來說加上一隻蛋、一塊火腿和大大份的豬扒，吃完已十成飽了。$54算幾好吃和抵吃，作為打工仔的午餐，算是快靚正。

看見半島冰室排長龍，所以決定來隔壁的嵐本試試下午茶，我門二人點了蔥油豬扒火腿蛋飯，鹹牛肉蕃茄多士，熱奶茶，凍咖啡。估唔到樣樣食物都好細緻，多士烘得好脆，鹹牛肉蕃茄亦都未到非常好，奶茶也沒有令人失望，特別推薦豬扒飯，豬扒係厚切非常juicy，好好味。其實我覺得嵐本覺絕對可以同半島相比。service 方面，老闆娘非常友善細心，耐心介紹，另我們感覺賓至如歸。最後仲嗌多兩份外賣比屋企人食，下次一定會再嚟。

炮台山 嵐本 - $62紅酒燴牛腩飯牛腩非常新鮮，啖啖散發牛香，有些腩位入口即溶。紅酒汁加入鮮茄，又酸又甜，很開胃。蘿蔔絲，椰菜絲撈汁也不錯，椰菜轉薯粒會更加出色。一定會回頭的菜式，可遇不可求。😍

午餐趁有空時早少少去搵餐廳，見到有間嵐本，就入去試試。我就叫左個常餐，雞扒麻辣撈面配奶油脆豬炒滑蛋。真心要比like個奶油脆豬同炒滑蛋。脆豬夠脆但又5會太硬。微暖加上煉奶既香甜，真係正。個滑蛋好似入口即溶甘，好正。蛋香味十足。但到正餐時，反而就失色了。首先雞扒係大塊，但霸左成個碗，無位撈。而撈面個醬，就真係好一般，麻辣既特色5多食到有。係有辣既，但同普通自己落辣油又差不多。而個醬又帶5到惹味既效果，反而鹹味同調左味既雞扒相撞，就撈5起我既食慾。

朋友推介炮台山站附近的小店「嵐本」，午餐點了「蔥油豬扒火腿煎蛋飯」，這是食客要求每天也有的午餐。大大塊豬扒碎上，厚切即煎，沒有soda粉味，保留了豬扒的質感，肉汁豐富，配菜有火腿煎蛋，大滿足。蔥油撈飯配搭十分好，不太油和不太咸，套餐份量足夠，女孩可以叫少飯，下次還會再來。

支持小店在付近工作 都經常幫襯環境舒服 唔迫 又唔使排隊推介生炸雞脾炸著條塊皮炸到岩岩好 無晒肥膏 脆卜卜 好香脆 味道偏淡 重口味朋友可能要加d鹽薯條亦夠粗西多士走花生醬我唔鐘意食花生醬 有得走實在太好極邪惡既西多 炸得好香 麵包鬆軟 老板娘仲加左舊大牛油個人覺得點綀奶俾糖漿更好味蕃茄湯牛肉/牛利米粉係用新竹米粉 比起普通米粉更滑 蕃茄湯亦加左南瓜 令湯底無咁酸 比加糖更健康紫薯麥皮加左紫薯 顏色好靚😂呢個岩晒唔想食咁heavy既早餐又唔使鮮奶麥皮咁悶肉醬意粉

喺附近返工，食飯黎黎去去得嗰三間好食，嵐本係其中一間。同事鐘意食隔離半島，講真，嘢食係非常好，但我自己覺得半島嘅節奏太快，食嘢有少少壓力，有時候想靜靜地食個飯，俾自己休息吓，我就會黎嵐本。香港生活節奏已經快到嚇死人，如果食飯都要好急，真心會覺得好大壓力😗。呢度嘅餐牌好簡單，早餐、午餐、常餐、下午茶，唔會花多眼亂，最適合我呢啲有選擇困難症嘅人。而且呢度嘅姐姐會好貼心咁話我知有乜揀：火腿腸仔定餐肉？炒蛋定煎蛋？多士定奶油豬🐽？總之你就算唔識字，都可以喺度食到自己想食嘅嘢(不過唔識字就唔會睇到呢度哈哈哈🤣) ！今日黎食午餐，例牌要咗我最鐘意嘅蔥油雞扒撈麺🐔！超大塊厚雞扒，嫩滑又 juicy，加上蔥油嘅香味，食到停唔到！啲麺嘅軟硬度都啱啱好，完全唔知廚師點做到。通常想食奶油豬，要去大家樂下午茶先食到，但喺嵐本，早餐或者午餐都有得食！！我鐘意又香又脆嘅奶油豬仔，返咗半日工，黎一絲甜甜嘅煉奶，生活就係需要多一點點甜，先有動力撐埋下半日 ❤黎呢區返工幾個月，慶幸有呢間小店，照顧咗我一日兩餐，真心推介俾大家，不過我有少少私心，希望唔好成日咁多人，因為我唔想等太耐 LOL 😆

嵐本係炮台山其中一間幾多人食嘅餐廳，價錢唔算好貴，但質素認真麻麻。.呢日我食咗佢哋嘅葡汁雞球飯（ $52 ）。.葡汁嘅椰汁比例頗多，所以食落算香滑，但啲雞球煮得太耐，所以冇晒肉汁，食落又有雪味。.而且佢唔連蔬菜，所以變咗啖啖肉，唔balance。

炮台山好多嘢食，我個人最支持小店。呢間嵐本位置唔多，但係坐得好舒服，老闆娘都好好服務同態度，重點係啲嘢好好食。午餐每三日轉一次餐牌，日日黎食都唔會厭。同事揀咗滑蛋叉燒飯，同旺記有得揮！蛋好滑叉燒好夠味。另外常餐就好抵食，叫咗一個雞扒撈麵，雞扒好大塊，蔥油好多，如果雞扒嘅汁多啲就好了。常餐仲有跟炒蛋同奶油豬，炒蛋真係好滑好好食，奶油豬就差啲，比較林，好似放咗好耐咁。但撈麵主食係好食嘅。另外其他同事叫咗3號同4號午餐都係扒餐嚟嘅，份量都好多，食到大家下晝做嘢都好眼瞓🤣🤣👍🏻