川味美食

Open Now

Now Closed

每次想食薯粉都會諗起呢間川味美食😝淨係會食撈紅薯粗粉個人認為湯粉冇咁好食湯底比較淡🥹- - - - - - - - - - - - - - - - - - -🐼 秘製醬汁撈紅薯粗粉配蘿蔔、豬頸肉紅薯粉軟硬度適中 有咬口 蘿蔔清甜冇渣豬頸肉本身有醃製 唔會冇味🤤

今次叫嘅小鍋米線入面有豬頸肉、生菜同埋通菜，豬頸肉唔會好靭，亦都唔會過份多油脂，同酸辣口感嘅米線搭配都幾惹味。加埋生菜同通菜，會多咗脆口感同清香，令成碗米線無咁寡淡。

打電話過去俾姐姐大鬧 :好煩啊 再收線真係撳咗10分驚訝，純粹問咗一句幾點開門都可以咁惡唔建議去食不能想像去到點樣俾人鬧？之前食開其他訓練都OK但係唔明白點解深水埗呢間態度可以咁樣？

一嚟到深水埗，就好想喺啲細舖頭食碗雲吞麵+炸兩，再加多碟混醬腸粉！不過今日既路程第一間見到既係川味，而我本人都好鍾意食呢類米線，諗都冇諗就衝左入去試下味啦！餐牌上好多秘制XX，講到咁一定要試下啦！就黎個秘制撈米線！我叫左小辣，D辣醬就喺碗邊，如果唔撈，就唔辣。我發現其實小小已經好夠D炸醬好夠味，有鹹有辣，雞絲唔會太韌吞唔落，D墨魚丸亦唔會太粉，整體評價唔算太高，但係都食得下！

8月21日夜晚8：30左右,我同老婆到深水埗川味食嘢！两碗撈拉面和一碟才！令我太高興有東西送小蚊！之後叫樓面睇！結果取消一碟才！之後有一碗撈拉面又有嘢送，有腳有翅膀的小動物！又叫樓面自己睇下是什麼！佢可以問我地食飽未，如果食飽可以找下有冇小動物，也可以取消，這是什麼邏輯？教我不用比錢可以食飽的方法！！！事實真的有蚊在食物裡？可以怎樣解決？當冇事發生！繼續食？

-深水埗大把嘢食，突然之間想食四川紅薯粉，又嚟咗呢間店，呢度主要賣薯粉同埋米線。酸辣炸醬紅薯粗粉湯底配豬骨濃湯，湯底就冇乜特別，點咗微辣，好鬼酸，呢度嘅微辣完全唔辣，主要靠炸醬嘅辣度，辣度唔夠變咗得酸，係你自己加辣椒醬，如果湯底有更多層次會更好。豬頸肉夠肥，味道都唔錯，炸醬都夠味。薯粉方面，都夠煙靭度，但係呢個寬度唔係我最喜歡嘅，幼粉係螺旋形嗰隻唔係好啱我口味。聽聞酸菜魚都幾好食，下次可以一試。平平哋食一餐可以行，但係香港更好食嘅米線/ 薯粉店多的是。-

這幾年也算這家常客了，內地人想吃個辣的麵選擇也不多。這次真是被氣笑了。要了麻辣的撈拉麵，麻辣醬裡面的花椒都是碎的，而且居然吃到嘴裡是沙子的感覺，或者其實我吃的真是沙子？然後吃了不到5min，我吃麵快，還有最多30秒就能吃完，來了新客，就一定要我換座位，坐我側對面的大爺人還沒開始點單啊！換他很簡單啊！或者你等我不到一分鐘啊。我說等我一分鐘我吃完，服務員就拿著我的碗去其他台了啊，要不要這麼牛B? 你一個內地人裝聽不懂普通話是麼？我是一句話也沒說，馬上就起身付錢走了，但是這家店我是永遠不會再來了。88了您哪，祝您生意興隆，笑口常開哪！

平時其實有食開，平時態度都好一般，食碗麵唔要求得多，今次外賣，打單個時唔記得分湯，等佢打完先記得，補多句分湯，即發我脾氣…咩料，講真可以同我講聲落咗唔方便咪算囉，跟住我見佢發曬爛渣，我都算唔洗分，點知佢仲要繼續係到我分湯唔一早講，呢樣嗰樣…火都黎，外賣都唔要，以後唔會再食

Intro: 其實香港都有唔少雲南米線嘅選擇，而呢一間就出名專賣紅薯粉，以個人認為撈麵嘅系列更加惹味，而呢度嘅價錢都係$50內，多數叫嘅餸都係腩肉、雞絲同豬頸肉，份量仲幾多～___________________🍽 秘制醬汁撈紅薯幼粉+雞絲+腩肉💰 30+8+6 ⭐️ 8/10✍🏻 成碗撈薯粉配料好多，除左叫嘅餸外，仲多左花生同辣肉醬；✍🏻 雞絲比較鞋口，但撈出黎嘅效果唔錯；✍🏻 腩肉冇乜肥肉，帶點辣，雖然切得比較薄，但勝在份量多，肉質唔韌；✍🏻 紅薯粉嘅份量都多，口感幾彈牙，真係好夾呢度嘅肉醬同花生。___________________🏠 川味美食📍 深水埗福榮街60號⭐️ 8/10___________________

對面車仔麵太多人 趕時間見到四川野就入左 諗住都係普通四川野點知叫左碗撈拉麵 頹到嘔 仲衰我我自己係屋企煮 d汁冇咩味 個拉麵又好淋 好似全部用滾水淥完求其撈d汁咁 總括來講難食😅

今次叫左個酸菜魚米線外賣返屋企食。外賣加1蚊，收銀姐姐仲問要唔要分開裝，咁問得，當刻梗係答分開裝既。 不過收左錢先知，原來如果分湯同麵裝，又要加1蚊。最後埋單$58+$2=$60。分量夠哂足，大大個麵，酸菜同魚既分量都好夠。味道都ok!正正常常又一餐。

上次吃過，又來到附近，不禁想起可以吃川味跟朋友直接就過來了這次早一點，人還不是很多，沒有等位上次吃幼粉不錯，這次換點了面嚐嚐面很粗哦，個人還是更喜歡幼粉，面份量倒是很大，很飽腹總體來說，實惠

去鴨寮街買東西，路過這家店，順便吃點東西店鋪老舊，不太大，人多等待了一會兩個人入座看著價格，真的很便宜，也是朋友喜歡的酸辣口味餐酸辣炸醬紅薯幼粉，沒有加多其他，幼粉口感還是不錯的，一大碗份量足這一份加了腩肉

我冇諗過一食完個外賣要俾劣評，心裡面滿哂粗口！今日真係好想食粗薯粉，用app叫外賣。之前買過最高辣度係大辣都覺得唔夠辣，見到大辣後面有麻辣，揀左呢個，落左單。去到舖頭等外賣，阿姐話未收到panda嗰邊嘅order，唔緊要，我等陣啦，其間問左問阿姐，大辣同麻辣邊一個辣啲？阿姐話唔知，因為佢唔食得辣，佢少少都覺得辣，然後兩個人喺度唱雙簧。到佢收到我張order，佢問我，你唔係想食辣啲咩？你落單要左麻辣喎！我話係呀，我係落左麻辣。阿姐即刻起哂鋼，質問我：咁你又話大辣唔夠，但你落麻辣我地只會做麻辣小辣架咋！我聽到呢番說話即刻著燈！我咪話：Panda得大中小辣同麻辣，我唔知你地有咁樣分喎！我話你照做麻小辣啦。阿姐即刻卸膊，話呢個係app問題，唔關佢事！ok我當真係唔關你事唔熟個apps嘅item，但唔使咁樣佢一言你一句，兩個阿姐喺度自辨。我話，咁個apps得呢幾個choice，我唔知咪問你地囉！唔使拗。其實已經幫襯左幾次，之前我都唔知呢度啲人態度差到咁！睇到最近出嘅食評都係劣，原因係態度。已經冇服務架啦，連對答都衰到咁！深水埗區有啲餐廳老闆同職員係好有性格，但呢間舖嘅員工唔係有性格，係真心衰格！

外賣明明再三強調要走辣，但最後都係比左中辣我。服務員反問係咪要中辣嘅時候我仲要再講多次，要走辣，落單時態度懶散，一邊傾計一邊落單，下單嘅時候差唔多重複講左三次佢先落完，但最後都係比左中辣