川味美食

Open Now

Now Closed

次次去都一定揀紅薯粉少醬，健康之餘，少醬有調味，但又唔會太肥，減肥之選。同埋佢配料充足，有花生、芫荽、炸醬、芽菜等，齋叫一碗紅薯粉都只係$25，已經好飽肚，或者加$6/7加餸，平靚正，唔夠辣檯面仲有辣椒醬可以自己加辣。堂食流轉快，裝修之後環境更舒適。

我宜家諗起都覺得好嘔心😅應該每個人都會覺得好嘔心😅呢度嘅衛生環境簡直令人作嘔😅今日2022年4月19號，大約1點幾去做外賣自取四碗面，一碗幹撈米線，三碗湯紅薯粉，結果得一碗幹撈紅薯粉俾啱咗，三碗紅薯粉變成一碗米線，一碗拉麵，一碗紅薯粉，仲要啲料都俾錯，都已經唔係第一次咁😅之後碗紅薯粉就嚟食完，發現有隻甲甴係湯底😅點啊，俾嚟補充蛋白質啊😅？嘔心爆，仲要係食下食下飄上嚟，面入面有隻甲甴係咪離譜咗啲啊😅仲要係拎出嚟賣嘅，啲客食出事邊個負責😅？我自己都唔知會唔會食出事，一世都唔會再嚟，衛生環境真係嘔心爆😅

以前食川味都係學校打電話叫畢業之後都冇再食過今日心血來潮想尋回中學嘅青春叫左碗紅薯粉($27)加豬頸肉(+$7)同肥牛(+$7)加多一支豆漿($6)係中學嘅味道 依舊好大碗唯一唔滿意係啲啊姨既態度會再食👍🏻👍🏻🙄

寒冷既晚上, 唔想煮飯, 於是同老公去四陂坊睇下有咩外賣買。因為凍, 想食辣辣地既野。於是我揀左川味美食。第一次食川味食, 原來有湯同熱拌, 薯粉都有3 個粗度。今次我揀左無湯熱拌紅薯寬粉, 係最粗果隻薯粉。加左2 個餸: 冬菇同牛丸。店員問我要咩辣, 我話想要少少辣。埋單$32, 好抵! 後來諗諗下牛丸想轉紅腸, 店員二話不說即刻同我轉左。等左大約10 分鐘就有得拎了。 返到屋企, 一打開, 滿滿的一碗。冬菇好入味, 又大舊, 紅腸就薄左D, 薯粉真係好粗身。但係個汁好辣, 辣到食唔到, 同埋好鹹, 又鹹又辣, 真係食唔落, 最後食剩一半。

一次去荃灣諗住去吃馳名已久的米線，但看見長長的人龍排隊，轉戰其他地方食米線。在轉角見看見有一排小店。其中一間便是川味這間川味美食。雖然小店只有六張枱，而且在疫情下很少機會能夠搭枱。一進去便比Menu上的價錢吸引了，米線或薯粉只售23 蚊每樣餸只+4或5 蚊,我隨口嗌了通菜豬頸肉，而女朋友就叫了腩肉豬肚。來的是是大大的一碗米線，雖然叫了小辣，入口十分10分濃烈，口腔充滿濃濃的酸辣勁味10分過癮，雖然餸嘅份量唔係話超多，但係卻剛剛好。食完碗米線之後係10分滿足而且飽肚，睇返買單唔使$70超平！係平民美食！係用餐期間我見到好多人買外賣，所以係一間好忙碌嘅小店。下次經過會再來吃。

難得黎到荃灣，見到哩間好多人等外賣嘅小店，主打紅薯粉，身為紅薯粉愛紅者緊係要試下啦同其他紅薯粉唔同，哩度除咗有正常size仲有紅薯寬粉同中寬粉，係香港黎講真係比較少有！薯粉可以配酸辣湯，或者熱撈。紅薯寬粉撈豬頸肉海帶龍蝦丸 $34咁大碗配三個餸都唔洗$40...真係超抵食🤑熱撈嘅配料有花生、肉醬等，好惹味！花生香脆可口，每個餸嘅份量都好多，海帶結爽，豬頸肉好入味，龍蝦丸就白灼嘅要配埋啲熱撈汁一齊食先有味。重點係紅薯寬粉嘅口感真係超得意，好煙un，好粗身，同埋掛住啲肉醬一齊食係好配搭，一試就愛上！

平時去開荃灣如果自己一個肚餓，都會去依間川味食嘢。一點因為本人鍾意食米線， 二來佢又唔係貴但又好食。依間如果係夏天我會食撈幼薯粉+3個餸。冬天就食酸辣米線加3個餸。次次去依間食都會叫紫菜同雞翼，因為佢啲雞翼炆到勁淋同勁入味，紫菜就個人嘅喜好😂食過喺荃匯同深水埗個2間，都係鍾意呢間多啲😋😋同埋依間會比起我食過另外兩間會平啲。因為而家仲係啲餸$4同$5。其他個兩間已經係$4/$6/$8/$10不等一個餸。但係我係依間食大概都係36-50左右（如加埋豆漿）。美中不足就係豆漿冇無糖。

今天經過川味美食，想說好耐沒食過就進去了。我叫了湯幼薯粉，薯粉的份量比以前少一半，味道亦...唉！令人失望。服務......有嗎？不加料就給白眼。反正我不會再去食

第一次食撈米線，以為會唔夠湯唔夠味，但啲汁分量岩岩好，每啖都好滋味！碗底有些芽菜，撈均後熱力都讓芽菜剛好熟透，面頭有些麻辣醬，花生，芫茜，好惹味！餸方面選了腩肉、海帶、豬肚、豬腸。豬肚豬腸顏色很淺以為唔入味，但又唔係喎，乾淨冇腸臭味，肥瘦適中！海帶好闊厚厚的，還打了個蝴蝶結，超巨形，好得意！腩肉同外間的有不同，佢係一啲肥肉都冇，但又唔會乾柴柴，而且超入味的！整體都很滿意，吃完還不會口乾，下次想試下湯米線！注意店子很少，都是快食快走類型呢！

黎荃灣按摩前去醫一醫肚先忽然想食以前常食的熱拌紅薯粉，記得讀書在荃灣補習，一放學就同埋同學仔黎呢度食晏，所以由小食到大，可以話充滿讀書時的回憶。有湯同撈粉揀，不過我偏愛撈粉類，出街好怕食湯米粉米線，我一定會濺到件衫周圍都係，好麻煩！除非我個日著左深色衫喇😂😂所以我唯有放棄湯取其撈粉方便！唔止咁，撈粉呢度都好出色！紅薯粉更是必點！無湯熱拌紅薯寬粉加配大腸，魚腐同雞肉絲加上大量秘制炸肉醬，花生，芫茜撈埋一齊，酸酸地辣辣地，十分開胃無湯熱拌紅薯中寬粉，中寬薯粉較滑，我個人必點腩肉，海帶，腩肉夠惹味，連埋薯粉一齊食，吸收曬腩肉汁的精華，仲有脆卜卜的花生粒加分唔少！好味！偶爾會想念川味閣的熱拌薯粉，不止它的美味還有讀書時的回憶！

我一直都好中2食川味加,呢間第一次食系8前年,哈哈一食就食左甘多年啦,對於中2食辣既我,最中2叫 痳中辣,朒肉阿吾該D朒肉會好多加,仲有D薯粉都會有好多,嘿嘿,真正既平靚正就系到啦!太幸福啦,哈哈,重點系又平又抵食,點可以吾成日食加!拿...比你地睇下D相先~~~~包你睇到留口水^^

這所四川粉店可算是湯底正、配料正，而且價錢以現在的物價水平是超值。這次點了一碗酸辣炸醬紅薯粉條 ($18-)，再加上了一枝豆漿，選料選了貢丸、豬頸肉及肥牛。先說湯底，湯底夠酸，再加上辣味使整個湯底十分香，同時沒有破壞酸味。再說配料，貢丸只是普通貨色，沒有太大特別。可是豬頸肉及肥牛十分好吃，豬頸肉不太硬，而肥牛十分彈牙，同時這兩樣配料十分多，所以每次光顧基本上必選這兩樣配料。環境方面，這兒座位狹窄，桌子小，是一種「快吃快走」的格局。餐廳服務可以接受，舉手示意即有人為你下單，而且上菜快。

今次叫1碗撈幼紅薯粉~ 配料蘿蔔,腐竹,好耐無食得咁清啦~要求多蔥~~ 很多腐竹,非常滑~份量多!!蘿蔔有3大件~很巨型呢~芽菜無之前多得咁誇張呢~唔會好干,很QQQQ另外姐叫左1碗湯粗紅薯粉,配雞絲,,生根都好似好正咁~~送外賣的速度也是很快~不過係落單果個職員SERVICE麻麻

中午時段去食lunch, 第一次去食, 店舖較細, 不能容納太多人. 由於不食辣的關係, 所以湯底只有酸酸的味道. 幼紅薯粉好味道, 好容易咬開, 而且好大碗, 食到好飽. 湯底唔會太咸 蘿蔔好淋牛柏葉好爽口紫菜就一般每樣餸3-4蚊, 好抵呀 唯一不好就是冷氣唔夠凍, 食到出哂沖

腩肉湯幼,中麻辣，粗粉好嚼口，但如果可以剪短少少，食落會方便d…有時真係一條食左落肚...腩肉：肥瘦適中….而且好入味…湯底：唔算係濃湯﹐但中辣係岩岩好，真係先麻後辣，食完有少少口喝…但都正常既!奇怪是原來這間是沒有油菜供應，如果可以好似深水埗那間有油菜，飲食便可更均衡~!