廈門風味阿珠小吃店 (Closed)

這裡就是老好清香, 聽火、子二兄說, 人沒變, 食品沒變, 質素沒變, 只是招牌變.首先不得不提是那個什麼土荀凍........讀者門應該會留意到本人不吃沙蟲, 第一隻, 原隻吞, 不知其內涵; 第二隻, 咬開一半......問火龍兄這是什麼.....蟲子也...... 不過, 已經食了,吞了, 沒辦法, 難道要吐嗎... 食埋佢最實際. 亦應驗到, 有時東西令你產生嚴重抗拒時, 可能只是因為賣相不佳而令人產生之心理作用而已. 不過, 下次若一人來食, 自己不會點.一個阿扁什麼的, 廈門扁食, 不是因陳前總統而命名. 小小丸子, 有點像雲吞, 皮薄, 肉甜. 阿Q說這樣把陳前總統吞下, 大快人心.五香卷, 又是貌似蟲蟲的食物, 沒有鑽研裡面是什麼, 加上酸蘿蔔, 香脆可口.香芋盒, 已經full, 只食半個, 炸香的金黃表皮, 芋香瓢瓢, 裡面菜肉香餡, 各人都感後悔之前吃了一大碗麵.夜了, 三男慢步出土瓜灣道, 南瓜繼續 "上上上" 沒有出現. 有巴士到了, 又是回家的旅途.

6-12-2008阿媽係福建人, 細個時每星期到佢「娘家」食飯及 gathering, 間中親戚會整一味叫"loon bia" ("loon" 音「輪門切」), 字譯「潤餅」) 0既0野食, 其實即係薄餅卷, 餡料 (e.g. 冬菇, 紅蘿蔔, 肉絲...) 自己落, 而 d "hor ti" ("hor" 音「可」, "ti" 讀「提」字的普通話音; 字譯「虎苔」, 即呈粉狀的, 炒過的海苔) 永遠因為太搶手而唔夠分, 不過後期無 regular gathering, 就無再食過呢隻餅了... 而近期0係雜誌見到蔡瀾先生的專欄 (http://www.hkextra.com/news/fullmag/view.php?mag=next&issue=978&site=11921275), 見到呢度竟然有 "loon bia" 供應, 拉了屋企人0黎試試.- 五香卷: 又稱「雞卷」(音近乎「貴庚」, 哈哈!), 但正式的餡料並無落雞肉的, 只係馬蹄及五香肥豬肉, 捲入腐皮內再用網油炸; 呢度的就係「台灣街頭版」i.e. modify 了, 用腐皮包住的餡料就真係落雞肉 -_-", 食落

今日下午到師傅那裡前, 先來此店吃東西. 此店的位置其實算偏僻, 比較難找, 沿著落山道找了十多分鐘才找到. 店內食客不少, 裝修欠奉. 坐下後看了餐牌, 又看看其他食客點的食物, 決定試試招牌沙茶米粉, 配廈門扁食和鯊魚羹.端上來時只見一碗橙紅色的東西, 上面有青菜和像雲吞一粒粒物體. 一粒粒雲吞物體原來是廈門扁食, 吃起來皮很薄, 肉味重, ok; 鯊魚羹有點像鯪魚肉, 味道有點像平時吃的魚蛋. 沙茶醬其實不少, 辣多於沙茶香, 米粉較"鞋口". 服務方面也不及之前的食客所講的殷勤, 而且可能阿姐不太聽得懂廣東話, 落單也有點"論盡". 食物也不見得特別出色, 不過, 一試無妨.

2008.10.04 (六) 收工三點又到搵食時間，去外婆土瓜灣故居緬懷一下及拍照，順道搵搵鄰近可有忍世美食，核發現此店於美景街。店舖不大僅容納廿人，步入店內零食客並不驚訝﹔因我倆旺丁，坐不久食客陸續有來的情況已是司空見慣。可能是零食客的關係吧，老闆娘笑面相迎有問必答，我們要了兩碗沙茶湯麵，說明多沙茶醬，老闆娘也樂於應允。單拼﹑雙拼同价 $22 加餸每款 $4 ，豆漿可揀 $6/杯 或$10/支 (約兩杯)，不過味道清淡沒豆香也不甜。主揀了福州魚丸及廈門扁食，我也揀了扁食及肉燕餃廈門扁食是老闆娘介紹，樣貌與味道像小雲吞，肉燕餃爽口皮薄肉質重，福州魚丸似凍肉店的魚蛋，外層魚肉質感鬆軟，內層豬肉香滑味道不錯。吃罷了油麵再看看湯底，依然很吸引 點了一客香芋盒 $11/三個，外形其實跟普通的奶黃包形狀無異，因油炸而變得金黃鬆脆，內層是芋蓉，核芯是九菜碎﹑冬菇粒及肉碎等，即叫即做的香芋盒熱辣辣香脆可口，來者必食。

閩南人敘居之地，舖則有雜貨舖兼賣生果蔬菜，小店得靚姐一人打理。周末，約了兩位行家來這裡掃掃餐牌，見大家未到，就先行拍下寫小店寫照。為人熟識的地道小吃土筍凍外，也不少得蠔仔湯羹、豬雜湯等福州平民食品，更吸引的是蔥油麵及福建傳統的扁食，是一種用麵粉造成的麵糰，一般是配湯及佐料吃。看著靚姐打理廚部，每日的工作離不開替豬肉拌勻醬汁，在蠔仔上下些薯粉增添滑口感，煉蔥油、烘蝦米，炒韭菜搓泥芋球，一整天就是忙著這些「濕碎」功序，一些賣不起錢手作小品，但她卻自得其樂，趁有空檔就與熟客仔閒話家常，對於偶這檯混吉客，亦有問有答，想吃起鍋邊粉，她說這裡不會做，又聽了一些故事，是個老實人。奧運期間來貨較從前嚴格，土筍凍、網油春卷都沒有，分別點下蔥油拌麵、香芋盒、特色春卷，想吃清湯豬雜，惟行家想吃沙嗲味，最後要了沙嗲豬雜，連想吃的扁食亦因人太少沒叫下。靚姐每日都會煉蔥油，主要用來拌麵線，也不錯，蔥油、烘香的蝦米、練油後乾蔥及青蔥粒等配料舖面，一目了然，醬油、蔥油墊底，靠著麵線餘溫，蔥油香很著跡，與配料伴起來吃味道很豐富，蔥油不及西灣翁記味道澎湃，要再添加才夠味。畢竟是少數願意花功夫煉油的麵家，是值得一試的。靚姐

今日專程去牛棚藝術村睇 黃家駒 展覽. 所以就揀左呢度同男友食晏. 夏門食品.未試過嘛..起初 叫了一個蠔仔 +醬爆魚丸 沙茶米粉. 已經講左 at least 3 次油面要米粉. 但最後都係黎左油面.. 算嘛. 肚餓 照食可也. 表現一般啦...另加夏門 Spring Roll.( 唔係炸的) 有兩款香菜inside. 講真我食唔出咩料..但係食味就唔錯. 另加五香卷. 一上檯個刻我以為俾錯 因為個樣 好似燒鵝頸..哈哈. 好濃味的肉. 男友話好食囉..sorry 我都食唔出 係咩料...試過問阿姐. 不過佢 好重鄉音.. 聽極唔明.In conclusion. 表現一般. 不過 好重人情味..

燒咗成日BBQ，乜嘢豬扒雞翼牛丸都放晒落肚，兩口子飽到唔想行去街市買餸煑飯。不料來到夜晚，小弟已見肚餓，不甘心求求其其落Jusco買嗰D就嚟過期嘅劣等魚生，於是情願冒雨跑去買碗沙茶麵線好過，既較便宜又更美味....麵線配料任君選擇，當然不會叫普通嘅魚丸牛丸，就來個蠔仔及偏食，再加多條上次食過水準不錯嘅春卷，夠數矣...老闆娘即叫即煑，拎到返屋企打開時仲係熱辣辣嘅。先喝一口湯，味不夠濃香，亦不太夠辣，有點兒失望；再吃一口麵線，淡而無味，明顯地麵線並唔係與沙茶湯同煑，只係先淥起麵條再淋上大量沙茶湯，於是結果就係"麵線還麵線，沙茶還沙茶"，兩者尤如水溝油，咁點得 ?蠔仔勝在份量足，但算不上肥美，且有點沙；最好的係偏食，即係福建style小雲吞，包得細細隻，以豬肉餡為主，食落口感彈牙且頗鮮，跟肉燕餃水平可謂不相伯仲...春卷依然有水準，醮上甜酸醬而食，一大條轉眼間清晒....慶幸自己選擇冇買嗰D二等sashimi...

自從易手之後,對新主理人始終有點信心不足,說來也有大半年沒光顧.就順道經過時,以九秒九速度鯨吞一碗沙茶麵.眼見老板娘在包雲吞,小指頭大小,非常可愛,就選了蝦仁及小雲吞作配料.雖然是沙茶湯底,可是以小弟怕辣而言,仍可以接受,蝦仁是雪貨,而且size細小及蝦味輕清,下次可以不要.反觀小雲吞,雖然並非什麼四六比,三七比,而是純豬肉而已,但奇怪地肉質爽口又肉味濃,多口一問老板娘,是故作神秘.........>_<以味道而言,是跟上手分別不大,而且有更多小菜及特色小食出現,至少土筍凍是經常供應.上手主理人是福建好清香的傳人,小弟曾多次力邀弄一圍福建菜,但不得要領,實在有點失望,不過今次與主理人溝通後,她亦初步答應了,希望下個月可成事罷!

無心插柳之下,與土荀凍再會.土瓜灣唯一福建小吃店"老好清香",闊別多時的土荀凍再度上市,只售$3一隻.見到有此味,即刻問問店員係咪真係有架?)店員係呀?你要幾多隻?)我三隻啦,打包丫唔該.)店員三隻打包多得滯,不如堂食啦.)我又好.)堂食只吃三隻土荀凍,感覺如混吉.之前來過多次,也例牌一碗麵/羹再拖幾味小吃/蠔餅等等.但看見店員也沒有所謂,似乎是我又再將件事情複雜化.土荀凍size如朱古力般的式,難怪只售$3,不過賣$3一隻,會否蝕本?這度小吃,始終製作煩複.面頭塗上辣椒醬,帶點刺激,用來帶出土荀凍的味道.內裏的沙虫爽脆可人,係沒有甚麼味道.北角的閩南小館的土荀凍,做得比她更好.不過在物以罕為貴之下,仍然要一吃再吃.

好好味，d 侍應姐姐又好nice，我地(我同男友)問佢有乜好介紹，佢唔會乜都叫你買，佢會話，我覺得咁多你地夠架啦，唔夠先再叫啦。超體貼。我地叫左鹵蛋+蠔仔面$20個鹵蛋好好味，好入味，實實地，有少少鐵蛋既質感。d蠔仔又好正，不過有一兩粒有沙~不過d面線有d淡春卷$8麻麻地，入面有d雪choi五香卷$8超好味，有d酸羅白比你送~~~芋頭盒$10佢即炸，好好味，熱辣辣，入面好香，不過有d滯有樽裝汽水飲tim，不過要$6

奴隸獸還記得兒時所食過的廈門料理，非常非常懷念。主人終於在土瓜灣找到了此食店，希望可以撫平奴隸獸的「為食情懷」。奴隸獸點了：- 五香卷（HK$8一件）：外形不復當年，但味道還OK。- 春卷（HK$8一件）：只是外形似廈門春卷，味道卻相去甚遠。- 香芋盒（HK$10三件）：芋蓉太甜。- 魚丸燕皮餃餛飩沙茶麵（HK$24）：燕皮餃毫無魚鮮味，奴隸獸大感失望。餛飩就細細粒，主人覺得好易食。雖然如此，為了五香卷，主人與奴隸獸偶然經過還是會光顧。

常言在家千日好, 不過近來樓上裝修日鑽夜鑽, 無日無之, 加上家中有人嗜鬥吵, 搞得我頭痛欲烈,非走不可.其實已時值傍晚, 該找吃的, 所以出走都為餐安靜晚飯.再走到土瓜灣, 且越走越落, 到一條不知名小街, 見到老好清香, 記得多年前於雜誌讀過它, 不過當時覺店太隔涉而未曾到坊, 是次見裡頭無人, 便隨便座低.發現餐牌上有蟶子麵線, 大喜, 皆因早日先跟朋友提到年前的蟶子如何甜美, 即時點了一碗.亦點了芋盒.自己未試過這菜系, 一試又覺好熟悉.麵線才端上, 頓覺味道似曾相識, 原本是以前常吃的潮州炒麵線的麵香.芋盒吃落有些似咸水角, 當然健康多. 那芋蓉外層的甜味, 又如反沙芋頭.好, 也該評味道的優劣.麵線乍看是非常的糊, 不過吃一撮, 又不如想像, 麵線有香味, 湯亦充斥這味, 但對蟶子些許失望. 蟶子量不少, 不算太細只, 不過全無蟶子的甜美, 間或夾帶些砂.而芋盒味道已於前述, 個人十分喜歡. 裡頭的韭菜清甜味也叫突出, 天該快轉涼了吧.

香港地福建人眾多,為何連像樣的福建菜也沒有多一間?年前炮台山的閩江春結束之後,似乎在一海之隔,土瓜灣美景街的老好清香,要獨個兒身負"保家衛國"之重任.年前已轉手,土荀凍已沒有,其他如五香條,沙茶麵,當歸麵線等等,仍然供應.這一天要個聖子麵線,福建系的麵一向偏去杰撻撻.麵身就淋劈劈,似吃著糊仔,不過這是福建特色.聖子不算大隻,肉質亦爽甜.湯底沒有其他派系的濃烈,味道比較淡口.再來個五香條加芋盒兩度小吃,剛剛好.同湘菜一樣,福建系在香港不成氣候,何解?

太座好友到訪新居，開餐，費事行咁遠，順步走去美景街一吃福建小食....最終因為太肚餓，叫到一檯都係，"小"吃卒之變咗"大"吃..太座極愛吃佢哋嘅燕肉餃，點名一定要食。嚟個沙茶燕肉餃大腸蠔仔麵線，沙茶醬感覺冇上次食咁濃，稀咗D，失望；燕肉餃維持水準，皮薄而煙韌，餡亦鮮；大腸夠淰，冇異味；蠔仔夠多，依舊食得過...蠔煎入面蛋嘅部份煎得有點過老，不過又係勝在蠔仔份量幾足，醮上甜多過辣嘅辣椒醬，極開胃，都算食得過...春卷極出色--- 用上薄薄春卷皮包入十多種餡料，淨係包都講功夫同心機。一口咬下，食得出有蝦米、多種不知名嘅蔬菜、蠔仔、肉碎及醃蘿蔔絲等。求證老闆娘，原來仲有紫菜絲添，將所有配料煮熟後切到碎碎，然後再用春卷包住，大大條只賣八大洋，仲要係好食添，超值...炸芋盒有鹹有甜，當晚叫咗個鹹嘅。以韭菜肉碎作餡，一口咬下，熱辣辣，芋茸有點甜，配合鹹嘅餡料，一鹹一甜，自己就頗喜愛，但太座就麻麻哋...炸米粉冇添加配料，嚟個清炒，炒得頗乾身，OK...再加碟焯生菜同豆漿，埋單你估係幾多?一百大洋有找...食到翻肚都係位位三十多大洋...絕對係土瓜灣大部份食肆嘅特點--- 價亷夠飽肚(雖未至於間間都

以往在臺灣，很喜歡吃那裡的蚵仔麵線，杰杰濃濃的，配上蚵仔及幼幼的麵線，不是大大碗份量的，全是小瓷碗份量，殊殊數聲就幹掉，真回味麵線及蚵仔的味道。記憶之中在香港很少嚐過麵線，而幾次看食評都說這裡的沙茶麵線不錯，故是日經開土瓜灣，就來這裡試試。過了午飯時段，整間店舖都沒有客人，隨便找個位置座下，就來份腩肉大腸蠔仔沙茶麵線及香芋盒。兩者都是即場制造，尤其是香芋盒，故都要乾等一段時候。福州廈門出名沙茶醬，反而沒有飄蕩過海到達寶島，故那裡很少沙茶配麵線，而這裡濃濃的沙茶醬色澤，濃油赤醬，賣相很是不錯。麵來到，聞不到濃烈的沙茶味道，已經打了折扣，嚐一口麵線，幼幼滑滑粘粘的，頗為正宗，但沙茶味道不濃，淡淡似的，若這標榜沙茶湯底，又好像不濟。腩肉及大腸都是滷制，同一味道，是福州廈門的做法，炆得腍腍淋淋，還是鍾情彈牙口感的；蠔仔數量頗多，大中小尺寸都有，新鮮美味，烹調亦沒過火，又沒有沙殼，似乎點選蠔仔麵線穩妥一點。香芋盒剛炸好，啖下不會滿口油，乾乾的，不錯；外面用芋泥包著韭菜、冬茹、菜甫…，味道估計得到的，沒舍驚喜，還是鍾情芋角多一點。嚐過的沙茶麵及香芋盒味道都是一般，應該有其他更美味的食物有待發現。招