廈門風味阿珠小吃店 (Closed)

試過呢間食店兩次食物唔錯, 第三次介紹同事一齊再去, 點知就出左事.......自己叫一個聖子米麵湯, 湯底好鮮味但好多油, 米粉一般, 聖子內有點沙(可能係碎殼), 整體上唔討好. 另外五香條好多油, 失左水準, 香芋盒水準穩定. 同事叫左個牛腩麵, 湯底唔多油, 幾好. 服務方面, 待應姐姐仍然好有禮貌, 不過仍然係錯漏百出, 只係簡單叫四個食品, 前後攪左成十分鐘, 仲要同我地覆單2-3次. 攪到我地真係有d頭暈.環境方面, 今次真係有d不滿, 其實唔關店主事, 因為格離台有幾位朋友, 開左支中國烈酒猜起枚來.細細的食店, 旁邊有人大大聲的猜枚真的不好受, 速速食完走人, 出門口時真係有d耳嗚......

午餐時再試廈門小食~ 叫左"招牌沙茶麵", 同車仔麵的食法配料差不多, 油麵麵質一般, 湯料就幾香辣, $15包兩款配料, 再加料就$4一款, 魚片幾鮮味, 鮮蝦仔好細隻, 牛筋腩十分淋~一時貪食再追加小食飲品, "五香風沙雞翼", 五隻瘦雞翼仔, 只係一般, 炸得幾香, 不過無咩肉唔討好. "甜芋棗", 有d似係炸芋蓉, 一客五隻幾香口, 不過似乎係香芋盒好味d~ 飲品叫左"凍豆醬"可惜無豆味.服務態度幾好, 不過同樣係溝通有問題, 要好有心機去order, 同一款菜最小要同待應姐姐講兩次.

板聚時聽焚化爐兄, 提到美景街一間廈門食店, 其實就係我辦公室左緊, 好奇又就腳, 所以同朋友去試一試~馳名五香條(一條$8): 似係用腐皮包住d肉, 馬蹄, 菜, 蔥等等, 味道唔錯~香芋盒(3粒見圖$10): 似係芋角+咸水角咁上下, 不過餡料豐富. 有冬菇, 豬肉, 枸菜等等, 食香口幾討好~ 招牌粽($9) 一般, 幾多油幾肥, 內埋有一件肥豬肉, 同一大隻冬菇, 隻冬菇幾香!鴨蛋煎蠔餅($25): 自己好少自蠔餅, 因為都幾多油下, 佢地都整得幾吸引, 賣相唔錯, 蠔仔都好多下~整體食品唔錯, 五香條同香芋盒比較突出, 下次會試下佢地d粥炒麵, 服務算幾好, 不過侍應姐姐有d 粗心大意同健忘~ 每個菜我起碼同佢講2-3次先落到單. 兩個人食左$64, 平靚正!

竟然連呢間咁細既舖都有,一於等我介紹下先,呢間舖有一特色,好多菜都唔知,要問老闆娘至有其次,價錢平平平(好多都係$20)左右再者福建菜都有好多變化(好似有一味叫涷筍,其實係一條條沙蟲乾以果涷方式黎做,但係女仔食都幾恐怖)其實味道真係唔錯,只不過味精好似多小小個人喜歡沙茶麧,鯊魚粥,炒米線......