廟街小食

Open Now

Now Closed

廟街小食 #油麻地 #廟街呢間位於廟街嘅串燒店都幾多人排隊，最特別之處就係佢哋甜甜地嘅特製沙嗲醬。7串 $8x 雞脾、雞肉、雞軟骨、豬頸肉、羊肉、牛肉、豬大腸其實講真啲肉嘅質感一般，有少少霉霉地，而且豬大腸都有啲沙，不過佢哋嘅醬汁的確幾好味，而且我炭火燒得都幾香，價錢適中，所以吸引左唔少人幫襯。如果真係要揀嘅話我會推薦雞軟骨、豬頸肉、同埋羊肉。其他嗰啲都比較鞋同埋硬，尤其係牛肉。味道:3.1/5性價比: 3.3/5

來香港第一天連「廟街」是什麼都不知道就來嘗試了，坐落在馬路旁的小巷，一展燈和圍起來的人很快吸引了我的目光。晚上蠻受歡迎的，有很多人在等，排隊不算有秩序，（但其實大多數人都已經點餐完畢），要自己趕快卡位，和老闆口頭點餐，之後也要自己注意你點的是否好了，會問辣度。選擇非常多樣化，能想得到的幾乎都有，價格也平實。這次點了雞中翼，外皮烘烤得有硬度，加上特製的醬料，我第一次吃到這種口感和調味，蠻新奇也覺得不錯。

夜晚行過廟街後邊嘅鴉打街見到有一間串燒店有好多人圍住排到埋去見到原來係好似以前煎釀三寶咁自己拎之後交俾店員佢就會比廚師放喺爐上可以見到佢嘅選擇都好多而且價錢唔貴都係$10內就有一串份量亦都唔少我叫咗一串雞腎同由魷魚鬚佢會將消好嘅全消放入一兜沙嗲醬入邊食落口都算好味嘅但係好可惜廚師笑得唔夠熱只係喺度上面燒兩下而且同佢poster上面嘅係好唔同佢只係一個電爐唔係炭爐如果咁岩行過冇嘢做都可以試吓嘅始終佢價錢咁平都唔可以要求啲咩

老闆好趕住燒，趕住收錢，趕住做下一單生意，結果燒嘅時間唔夠，正確來講應該喺翻燒嘅時間唔夠，唔熱嘅燒烤請問好味得去邊？！你想做多d生意冇人怪你，但請注重食物質素同尊重下食客，求其整翻熱當燒烤，有d離蒲lor.話曬都喺俾錢買，你預先炸熟或煮烚熟無怪你，但翻燒你都要燒得夠熱先得ga,唔熱邊喥有香味？一味淨係識收錢！求其放上個炭爐碌兩下當燒烤，咁邊個都可以開檔la,d食物冇燒烤個種香氣仲叫乜燒烤檔？！失望！

又係順路尖沙咀行番去屋企，又係突然好想食酸齋。以前其實試過有次又係咁，突然好想食酸齋，不過通常齋鋪係唔平，而且份量通常都多。被我搵到呢間係四季煲仔飯同一條街，輝記隔離，有間賣小食，原來有酸齋賣。6蚊有5定6舊，味道超好味，佢甜酸嘅比例唔錯，而且好林，呢個係極力推介。

朋友接我放學，叫定串燒做宵夜等我我都罐第一次食燒豆腐，真係估唔到咁入味❤️一試便愛上💋雞全翼仲要燒到咁香脆，加埋秘制既沙嗲醬，真係食唔停口咖！雞軟骨緊係必叫之一啦😂😂

廟街小食此店專賣串燒，仲要用碳燒出來的串燒，今時今日嘅香港，已經小之又少了。大多數串燒店都是用電爐，因為多數店主會怕熱，又怕中一氧化碳，又怕加碳，所以唔用碳爐，冇小時候的味道。此店就只用碳爐，回憶即時返曬嚟。推介：好多好多，大部分都好食。我最喜歡食雞腎，雞翼尖，雞軟骨，雞肉，牛肉等等。此店有自制的沙嗲汁，分大辣，小辣同唔辣。見相，你可能以為好多辣椒果碗係大辣！噢⋯⋯你錯了，果啲是小辣咋，大辣係見唔到辣椒的。食過就知，真係好辣啊⋯⋯不過，好好味！

好耐都無黎過廟街，呢檔老字號串燒仲係道！價錢都係咁抵食！最重要係好多選擇，胃就得一個攪到心大心細，好多都想食🤦🏻‍♀️最後都只係叫左腎同雞軟骨，腎燒到有啲硬同乾身，不過外皮好夠脆。連腎都脆，雞軟骨就緊係更脆啦❤️一串真係唔係幾夠喉！佢既少辣沙嗲汁都好野味👍🏼

榕樹頭的那一邊廟街，煲仔飯林立，也有不少小食及地茂小店，這裹有間串燒小店，已開業了很多年，一直賣串燒，水魷魚等，其獨突的辣汁為自家調教，味道有唔辣中至大辣，大辣汁也頗辣，所以我間唔中幫襯。位置： 在油麻地鐵站行數分鍾就到，與輝記車仔麵同果汁店連成一線，有不少都行過黎買些串燒同吃環境： 請有心理準無備，環境欠佳，店舖沒有裝修，簡單擺出食物，串燒爐串燒燒不停。因距離渠位近，會聞到渠口異味，要有心理準備。像去了泰國街頭小吃。食物： 質素平平，但獨有醬汁好好味， 所以必配上醬汁最好味，但有不少選擇，串燒，魚蛋，水魷，酸齋，豆腐，撈麵，豆腐，多春 魚。食物價錢約8蚊1串，價錢算抵食。個人偏愛其燒冬菇，有4件。是次點了以下食物：司華力腸： 腸仔舖主會切很多都，除了受熱更平均，吸附醬汁也特多，燒起來更易燒得香脆，也看足火喉，通常川燒都火燒得焦香，外脆唔燶。燒炸豆腐， 師傅一開2變成4件， 烤得外皮鬆化記得記得加甜辣醬，頓時有吃臭豆腐般的風味！燒茄子件， 有4大件，但因炸後才燒有點油， 但8蚊4件價錢又好吸引， 點茄子更可把辣汁沾滿！ 其他食物之前食過炸水魷魚， 大大塊！ 炸魚蛋6蚊5大粒也好抵食，

廟街以售平價貨品的夜市才聞名，有各式各樣物品售賣。還有相士攤位及唱歌表演，曾有不少電影都在廟街取景。當然也有不少美食。某日行經廟街，發現有間小食，口癢買來食，發現又幾好食喎價錢不貴，8元一串買了芝士腸及雞中翼。才16元，芝士腸好重芝士味，外皮好香好脆，而且8元有5條，價錢抵食。雞翼也很嫩，多汁味鮮，8元2個算親民價錢。很平很好食的小食。這種傳統風味希望可以一直保留下去，代表住香港的過去劧歷史。值得支持。

幾年前嚟過，一直念念不忙佢嘅串燒。眼見伙記都唔咸唔淡嘅廣東話，諗住都應該係大陸風味為主嘅串燒，以為係重慶麻辣孜然果啲……點知……係我最懷念嘅港式沙嗲！因為依檔串燒嘅味道完全係小時候街邊走鬼檔嘅果種沙嗲味！好香花生嘅沙嗲汁，有得揀小辣，中辣，大辣。絕大部份嘅串燒都只係$8/串，有啲係$6/串，有啲$10/串，除咗好食，仲好抵，喺出面已經食唔到依個價錢同味道，當日再食，食咗魷魚，豆腐，雞肉，雞軟骨……豆腐：外脆內軟，仲好細心切開，分開兩串，方便食用魷魚：有少少un,但可以接受嘅，仲咬得開，未至於會un到吞唔到卡住喉嚨噎親果啲雞肉：好入味，我最怕食到雞so味，佢醃得好好，冇出事雞軟骨：都燒夠乾嘅，又多粒雖然地方污糟，但我覺得真心好食，大家得閒經過就去支持下啲小店啦

好幾年無光顧，特意走一趟。除左雞腎咬唔開之外，其他食物都幾好。粟米識得斬件，幾細心。醬料望落去有三款。我揀左小辣。有少少花生醬的味道。性價比高，款式多，可以一試。

個幾月來日日行鬼咁遠先有巴士搭，好在發現了這間勁好味的「廟街小食」，咩都抵番晒！呢幾日巴士又改左我本應唔使再去油麻地，我都係照行去，因為實在太好食喇！個人最愛燒雞肶($15)、燒雞全翼($10)、燒雞中翼($10)&燒羊肉($8)，入晒味燒雞翼我鍾意食嘛。早幾日見有大條秋刀魚($13)，又係正到爆，呢類雪藏魚難整得好，哈，呢檔野又竟然燒得咁好食，入味唔乾柴又唔腥，我食到冇晒醬叫佢添又快手，正！仲有加分位係佢有幾個烤爐，唔使點等好快有得食，今晚嘆完燒豆腐($8)&燒雞翼尖($6)，條秋刀魚就啱啱燒好喇！食到忘晒形完全忘記身處油麻地鴉打街，忘形嘆緊之際有幾件洋妞問我Can U speak English? How much呢呢呵呵咩咩差，即指住老板話He can speak English，咪鬼阻住我食好野嘛！咱們係國際之都香港喎，邊個香港人唔吹得幾咀粵英普先得架。 日日食好味燒烤串，實在都好驚爆瘡，貼住就有檔即搾果汁，買杯潤潤先，$18蚊夠大杯生果新鮮冇腐味，正！

每個人的一生，總伴隨著無數的挫折，重點不是你受了多重的傷，或是有多痛，而是你能不能振作起來，要是選擇放棄的話，之前所做的一切就會完全白費，同時一個名為遺撼的怨靈將纏繞往後的人生。到最後，就只能帶著一份黯然離開這個世界。而我遇過一間非常有毅力的小食店。它的名字叫「勁回味」。起初與它相遇是於尖東，奇異的甜豉油配以炸燒買拼薯條，是我對它的第一印象。可是過一段時間再去，卻發現不止是本來常去的機鋪倒閉了，就連「勁回味」也不是昔日的「勁回味」，雖然名字不變，但它已經變成了一間壽司店了。當時，我的確以為它已經完蛋，但一次經過油麻地，卻發現又有一家「勁回味」，連忙上前問一下老闆娘，才知道原來它從那邊搬了過來。可是今次經過卻又發現它消失了，本來想再嘗一下它的炸燒買的我，只好無奈離開。眼見它的倒閉，我確感到非常茫然，心想為何常常也倒閉，難道它有惡運纏身嗎？也罷，逝去之物莫再追。向好的方向看，一想到只需轉個角，就能到達一家不錯的串燒店，心情便有好轉。豈料去到那家店，才發現原來連它也有異樣。只見整家店如一分為二，左邊就是我所熟悉的串燒店，而右邊則富有「勁回味」的風格。看到此情景，我不禁笑了一笑，心想：「咁都得