強記大排檔

Open Now

Now Closed

在新香園食評中, 提到同事推介我食新香園, 但她朝朝去食的, 卻是強記! 原因係佢好食又抵食! 夜晚的強記我吃得多, 其雞是出無其右, 十分出色。 可是, 早茶叫我走到咁遠去飲? 落雨濕濕下走到強記, 叫了鮮牛蛋治及凍鴛鴦。 飲品先來, 真是不錯又夠力的一杯茶! 茶啡味香濃, 奶味不過份, 也不太甜, 好少餐廳唔叫少乜少物又沖到杯咁靚的茶! 食物本身水準也不錯, 是幾足料, 蛋又煎得幾靚, 是有蛋汁的。 我是幾喜歡, 認為比新香園好吃。埋單15元, 只是我在偉強吃件蛋牛治的價錢。 真抵爆!在去程路上, 撞見資深飯客, 寒暄過後, 佢悠閒地去休息, 而我仲要為那天打拼, 真羨慕!

年幾前成日都去深水埗買羽毛+珠仔飾物配件,無意之中發"強記",次次都係下午茶時段去食,之前不論坐街邊食西北冷風或者炎熱暖風,我都會去tea一tea我就一定食西多士+雞亦+凍奶茶,西多士係落煉奶(夠哂甜,我鐘意),雞亦炸到脆卜卜(係即刻炸架),l凍奶茶夠濃,唔會好淡,lee個組合真完美老公食豬扒腸仔蛋公仔麵,雖然好熱,但係都要叫熱野食,佢煮麵都有一手,d麵煮到剛剛好,唔會好硬或太"林",豬扒都夠味,又唔會細細件怕熱都食

由早到晚也為人民服務的大排檔,在基隆街的":強記",是其中之一員.晚上供應大排檔菜式,早上就為大家奉上三文治,餐蛋麵,咖啡或茶.沒有晚上的火光熊熊,早上的大排檔,人客仍然不少.早餐選擇也是ABC作代號,吃麵最為飽肚,但又不想要自己都整到的餐蛋麵.還是要豬扒蛋麵.跟腿治同熱奶茶.強記的麵底用福麵,湯底也是用福麵的湯包,物盡其用.煎豬扒不是很厚,吃落鬆化有肉汁.都有水準.奶茶用玻璃杯上,味道麻麻,奶多過茶.見其他人也是喝凍飲,我就仍嗒一口熱奶茶.喝到大汗疊細汗,名乎其實囉苦黎辛.

今朝又要落深水埗做嘢,順便揾吓野食.記得有食友提過基隆街與南昌街交界有個大排檔,於是開始美食之旅第一站.傳统街邊大排檔己經不多,唯獨深水埗仲有唔少,除咗石硤尾街同耀東街外,原來呢度都有.雖然係大排檔但都算乾淨,就算隔籬整緊路都唔覺汚漕,坐底即叫鮮牛旦治($8)同奶茶,坐響個厨對面睇著佢整,見佢整完一份又一份,生意好好又多外賣,附近D鋪頭一開門D伙計就走過嚟幫襯.等咗一陣终於有得食,熱辣辣要等多一陣至食得,牛肉大塊又好滑但係無乜肉味,不過唔會有梳打味,旦炒得好熟無旦汁但係唔會鞋,適合D怕食生旦嘅人.唔想同新香園比因為各有所長,呢度係用慢火嚟煎旦所以時間耐D但又唔燶.新香園應該用猛火所以條邊係脆嘅,兩樣都無所謂,好食就得啦!

吃過了通粉後，帶著緩慢的步伐一直往南昌街南行，試圖找那間做得不錯的蛋牛治大排檔。到達後看到只有寥寥數個客人在進食，在猶豫之際決定問一下阿姐看看自己是否找對了店，細問之下原來蛋牛治的牛肉可以選擇滑牛或咸牛，我當然選擇了滑牛了。一般食友在吃蛋牛治時都會選擇烘底的正路食法，不過自己則覺得沒有烘底的麵包可以某程度上吸收了滑蛋和牛肉的汁液，比起脆口的感覺，我是傾向更濃味的一方。不一會蛋牛治完成了，這兒的牛肉是一片片的，跟新香園(堅記)的切成粒粒完全不一樣。一片片的做法能夠保留更多肉汁，而粒粒做法則著重口感方面，咬下去時不會有韌的情況出現。這份三文治的蛋汁跟肉汁都頗多，差點兒弄到"一手都係"。味道沒有新香園(堅記)的濃，但是牛肉味則較多一點。蛋煎得甘香，不分高下。如果硬要比較兩店的蛋牛治，可能會有點不公平，始終兩店的牛肉和醃製完全不同，一店著重原味，而另一店著重醃製及口感。不過這兒的蛋牛治也是出色之作，經過得切記要試。

小弟不嬲對鮮牛蛋治有特別偏愛。知道邊度有水準嘅就會去試....大約一年多前嚟過呢度食晚飯，水準還可以。今次下晝嚟，志在一試鮮牛蛋治烘底...跟同區新香園比較，呢度嘅蛋炒得較滑，仲有少少蛋汁流出，食得過癮；而新香園嘅蛋就煎得較老，但邊位較脆...牛肉就新香園嘅味道較鮮，包亦烘得較脆口...各有各好la...凍茶就係普通茶檔水準...

拆禮物日，在去shopping前，晨早去深水步幫朋友做義工。開工前，就來排檔喝一杯咖啡先。這裡晚上是小炒大排檔，早上則是茶檔式經營。要了件鮮牛蛋治烘底，加杯熱啡耍「溶」。雪藏牛肉切絲走油，下平底鑊再加蛋汁；方包飛邊烘過，塗牛油再夾上蛋牛餡，上檯食得。全程一氣呵成，三分鐘都不用。炒蛋不油膩也不乾身，還保存有蛋汁在內的，灑點幼鹽，夾上牛肉，雖然只是簡單的一件蛋治烘底，但這裡是做得有水準的，美味。熱咖啡幾香，夠勁道，一貫茶檔風味。埋單16蚊，收錢的阿哥是「唔該」前，「多謝」後的，招呼比很多餐廳都要好，下次又來做事的話，要再吃。題外話：在吃鮮牛蛋治中途，對面幢樓忽然有瓦片跌落街，行遲一步或早走半步，都可能中招。

阿媽突然心血來潮話想去食大排檔，又貪佢而家天氣仲涼，坐o係街食野都唔洗身水身汗。三個人叫咗：沙姜雞—叫咗半隻，完全唔expect 半隻都有咁多件，好大隻。剛熟，肉嫩，D骨仲好紅。我最怕食到紅，正當我o係度左挑右撥咁撥走D紅骨髓，個阿姐突然走個黎問係咪生得滯，話可以幫我地"luk luk" 佢。個伙記都幾醒，服務抵讚！沙姜雞腳—好多隻，都入味，好彈，食多幾隻都牙軟！炒生腸—加紅、青椒同onion落去炒，好有鑊氣，亦夠辣，生腸好爽，一d都唔un...good~腐乳炒通菜—好大碟，but quite oily見到有人食蜆，超大隻，似花甲多過似蜆，下次再黎試！

電影"London to Brighton"內的姬莉同祖安,由倫敦逃亡到Brighton,小弟就由老銅到長沙灣,再到石硤尾.意義差不多.輾轉之下,與友人到基隆街,南昌街口的強記大排檔開飯,檯陣如一字長蛇,由南昌街頭引伸到去石硤尾街.何其壯觀.這些文化遺產,吃得一日得一日.好歹也找到個邊緣位,環境欠佳在所難免,大家也是在西九長大的一群,這些算不上甚麼.兩個人也不算太餓,叫些非飽肚類食物為主,豉椒炒蜆大大隻,送啤酒一流,炸大腸吃落也有大腸獨特之味道,不過略嫌齦,同時亦不夠肥美.什菜煲幾種菜放在一起,以菠菜為主,味道一般.豉油王炒麵鑊氣夠,不過嫌其太濕,沒有東寶的如此乾身.似乎,此強記,比耀東街的強記,又的確差一截,同二三百米之遙的天祥,更加被技術性擊到.春風之下,坐在路邊飲啤酒,吃炒蜆,這就是西九.在Brighton回到倫敦Waterloo車站,前路仍是絕望.在老銅回到西九,感覺像回個人.

尋日幫舊同學整野. 整完就約埋另一個舊同學一家, 共4大2細黎呢度開餐. 舊同學發版, 叫左羊腩煲, 半隻沙彊雞, 炒蜆, 爆腸頭, 炒芥蘭. 追加一碟牛肉炒芥蘭. 每樣餸都偏咸, 除左雞之外. 羊腩煲唔"穌"但汁幾"傑". 雞幾滑, 炒蜆幾大碟, 汁"傑"偏咸, 爆腸頭好似係化學野咁.兩碟芥蘭都過淋, 無咬口. 食大排檔最緊要既鑊氣講真我就唔多覺. 3飯1齋瀨, 4 x coke, 2 x 中國beer $360, 算平.舊同學請. 呵呵

連續三星期的大、小飯局，晚晚精彩，換了角式做了閒角，落得自在地與損友們痞街邊食大排檔。來強記的話，動作要快，女士企定定一邊，男士就要夠手快，有位就霸有凳亦要快手「借用」，尤其是七點半之後的繁忙時間。早前試過小菜王、增煇，見年幾兩年未來過，又看看水準如何。這裡是以快、靚、正著稱，記得以前來碟爆生腸不用五分鐘，但是晚所見，叫了八道菜，最快的爆生腸卻要成十幾分鐘，都有些擔心。開波前來了段小插曲，旺角的福興火鍋再加油麻地的福興火鍋，看來距離老闆撈埋火鍋之期不遠矣。前後叫了爆生腸、炸大腸、蒸魚、沙薑雞、生炒骨、炒蝦仁、炒大蜆、豆苗。從前覺得鑊氣十足的小炒，再嚐，感覺差了，翻炸的大腸、被化學招呼周到的生腸、粉腍的雞胸肉、霉的蝦仁、欠汁杰而帶味精的炒蜆，埋單極平，每位五十大洋，損友就連雞骨亦不錯過，偶淺嚐後，只有生炒骨是吃了三件，首件試骨、第二件試醬汁、第三件試肉質，此品感覺不錯。好的回憶不再，是嘴刁了還是要求高了？又或者是對於偷工減料的厭惡？損友依舊比滿分，偶卻是有口難言。無言回憶：http://www.imagestation.com/album/pictures.html?id=2095679

食完蘇記嘅豬扒麵，意猶未盡，夜晚再嚟呢度同女友一家大擦一頓。深水埗夜巿大排檔我都食得七七八八，但偏偏就未食過呢間，今晚真係有食神...叫咗都唔知幾樣餸，再加數瓶啤，差D食到反枱咁滯:1)炒生腸--- 加紅青椒落去炒，香味四溢，亦夠辣，生腸出奇地爽，即刻灌幾啖啤酒落去，舒服晒^_^;2)豉汁炒蜆--- 夠鑊氣亦夠多汁，可惜殼多過肉，扣分，肉質尚可；3)炸大腸--- 明符其實嘅'大'腸，size 夠巨，炸得皮脆內嫰，腸亦夠肥，亦夠香口，即刻又灌幾啖啤酒落去；4)炒油麥菜--- 好難炒得唔好食，夠油水就得...;5)沙姜雞--- 端上嚟嘅時侯係熱嘅，肉頗嫰，亦夠油水，沙姜汁就不過不失;6)煎釀豆腐--- 我哋客家人嘅名菜，不過佢哋呢個水準就爭D嘞，豆腐不夠軟滑，餡嘅份量過少，亦落唔夠肥豬肉，所以唔夠滑，嗰獻亦打得太杰la;7)豉汁蒸烏頭--- 魚當然唔係一級貨la，無乜黃油，不過D肉就幾滑，小弟係魚王，所以差唔多包辨大半條；8)豉汁蒸倉魚--- 唔夠喉，再嚟一條，調味一樣，魚當然亦唔係上等貨，但小弟依然'擦'晒；9)豉汁(又係^_^)炒蟶子--- 夠鑊氣，可惜蟶子唔夠肥美，我同女友上星期係旺

早聞呢度朝早同夜晚係兩個樣，夜市食過，點都要試埋早餐。奶茶值75分，夠香夠滑，但茶葉唔靚，所以欠左茶的厚度。不過夠熱，但熱係應該的，無分加。煎蛋餐肉治，煎得剛剛好，猛火落蛋，外脆內有汁，蛋黃汁好重要咖，自從有位從未下過廚的人為我造過一份生蛋餐肉治之後，我就指定餐蛋治一定要咁整。睇見蛋黃辣咀，又會流落手指到，真令人懷念…

呢間大牌檔主打的唔係魚蝦蟹，而係過10款的新鮮蔬菜。招牌上面呢，就大大隻字寫明客家菜，招牌鹽焗雞當然不能不試，一試之下，大肥雞(sorry mr lau唔係嗌你)黃油金香，厚皮之下的一層o者喱乃嗜雞者至愛，加上沙薑，簡直配合得CC入扣。蒸豆腐夠唔夠客家就唔知，因為我向來食開的係先煎釀再入煲，不過蒸釀的亦有蒸釀的好。本來想食通菜，因為我唔識個「潺」字，食完都唔知叫我點寫？好在有老師幫忙，而家要左個上湯浸潺菜，真係潺到滑。不過，D送郁下都成7草一個，摺檯無冷氣無裝修無鋪租喎？大牌檔食食下好似食貴左D呢？