得意屋快餐店

Open Now

Now Closed

➡️椰子雞煲🔖得意屋既椰子雞煲係最出名，想食記住打電話去訂！店主會幫你煮到岩岩好拎出黎比你即刻食，唔洗拎左出黎再要等先食得。仲要拎出黎既時候係煮到岩岩好，雞肉鮮嫩。首先一定要飲咗個湯先，好清甜嘅椰子湯，落足料。➡️肥牛🔖碌落個煲度兩三秒起得，牛嘅油脂出晒黎牛味亦都好重，擺盤都好靚，打卡一流。➡️鴨血平時鴨血淨係落喺麻辣鍋度，會比較有味道，但今次叫咗呢個鴨血配料，加入椰子湯煮都超級入味😋➡️油麥菜新鮮嫩綠，洗得好乾淨👍🏻略為細份➡️出前一丁不得不叫既一份麵，看似好普通，但加左落椰子雞煲湯底煮，咩味都唔洗落，已經超級好食😍😍(5🌟為滿分）環境：🌟🌟🌟打卡：🌟🌟🌟味道：🌟🌟🌟🌟🌟價錢：🌟🌟🌟🌟再訪：🌟🌟🌟🌟🌟

久暈得意屋有醉雞湯米🤤喜歡紹興酒的我一定要黎試試☺️☺️☺️$49 招牌醉雞湯米🐓醉雞唔係冰凍上，唔會凝固一舊舊啫喱，聞落有啖啖玫瑰露酒香🥰雞肉嫩滑，10分入味☺️☺️☺️雞肉件多，唔會全部都係骨位👍🏻米粉唔會碎散，保持一條條上👍🏻湯底都係好入味👍🏻職員仲建議將紹興汁撈米粉食😋😋😋又係別有一番風味🤤凍飲+$2凍奶茶🥤茶底香奶茶滑😋另外友人叫咗$45菠蘿生炒骨飯🍍🐷新鮮炸起份量又多👍🏻不過不失

喺元朗行完山, 就直接去得意屋食tea朋友極度推薦食醉雞米, 因為係tea time 本身諗住一人一半share食食咗一啖即刻一人嗌一碗自己食😂醉雞味道濃郁, 又唔會太重酒味雞肉好嫩, 雞皮亦都好爽, 而且我地10人行, 超過一半嘅人都係有原隻醉雞髀, 份量唔少㗎同行友人推薦將醉雞嘅汁倒落米粉度食令本身平平無奇嘅米粉即刻升level好好味仲要個醉雞米線係包嘢飲, 呢個價錢食到呢個質素嘅醉雞真係冇得頂唯一美中不足嘅就係佢大部份位都係露天既, 如果天氣有啲熱就可能辛苦啲了

呢度日頭係一間茶餐廳夜晚就搖身一變 有好多客人（包括本人🤭）專誠黎食雞煲🍲 烤魚🐟🔥. 呢度既烤魚好特別 會半煎炸到魚皮脆卜卜 重點係啲魚皮好厚身😍 首先食左層魚皮 防止煮到淋 之後再食啲魚肉😋 魚肉好滑 鮮甜🤤.雞煲配上大量芫茜、蔥段及辣椒 香味濃郁😌 食完雞煲仲加左好多配菜黎打邊爐🤭.呢度除左雞煲及烤魚外 仲有胡椒豬骨煲都好出名👍 想食既朋友仔記得事先打電話預定☎️

元朗下雨天，有D鋪頭人山人海，有D就水靜河飛，今日就見識到E兩種鋪頭，得意屋出名醉雞米，好就試一試，只有味精，同一般茶餐廳冇咩分別，可能香港人太識食啦如果想做招牌菜，我諗都係俾多D心機，但係價錢大眾化，都叫合理

呢間餐廳雖然其貌不揚，但係佢嘅醉雞米線實在太好味。佢招牌雖然寫「醉雞米粉」，但我個人覺得佢配米線更好食。醉雞同米線係分開上嘅，食嘅時候，阿姐或者會溫馨提示成盆雞連醉雞汁一嘢掃哂落碗米線度一齊食，話咁樣食香啲。我試咗，真係非常好，自此次次都係咁食，原本裝雞隻碟就用嚟裝骨。叫嘅時候記得可以講明要咩部位，譬如雞胸、走背（脊）、黐住脾，如果要全脾就要加$10，OK啦。另外我亦都試過佢個海南雞飯，麻麻地，醉雞贏太多。

去開元朗，行到腳痛，想搵地方休息一下，食個茶餐。但去開個間爆曬，見熱到咁呢間戶外位都有人坐，咁就試下呢間啦。一入去室內係一個人都冇，卡位任坐。唔想食有麵既茶餐，因為約左出街食飯。最終叫左炸翼，薯餅，腿蛋，凍檸茶。一般茶記野啦，但求有得休息下。

其實原本行程無，因為將近五點，但book晚飯時間係6，咁朋友見佢寫住馳名醉雞，咁就入去坐。唔講食物先，每一位都好有禮貌，雖然係普通茶記，但都招呼周到，呢點我好鍾意。叫咗個醉雞米，雞唔夠滑，比較咸，有少量酒香，但唔似係用自調醉雞汁做。如果雞剛熟時用醉雞汁浸一晚，我相信會更加入味同香。再嚟個生炸雞中翼，外面好脆入面剛熟，而且好滑，唔錯。呢個價錢唔記得，總結，一家人情味濃厚的茶記，而家已經買小見小😌

本來叫下午茶餐沙爹雞絲炒烏冬, 聽電話嗰個女人, 竟然話冇呢個下午茶餐(唔係買曬 ), 只有 下午茶餐 沙爹金菇牛肉炆烏冬，咁啱冇得上網, 睇唔到餐牌。呢個$36下午茶餐加熱奶茶，又少，又難食，又貴，揾笨了。

中學時的我常會來到得意屋吃午餐,你問我多數是吃什麼?sorry我都忘掉了記得的只是好迫,很熱,卻仍然要來這天跟中學同學經過,決定要再吃一次門面不算是漂亮,但大熱天仍坐滿了人哦坐下來即觀察到身邊的多叫醉雞粉麵,我便order了醉雞米粉老闆娘落單時問我們要湯嗎?免費的當然要一個試試是木瓜雞腳湯--好香甜,完全天然味道不是味精水一會兒醉雞米也來了老闆娘教我們,一般來說可以把一小把的米粉放在醉雞汁裡吃,或一口雞一口米粉拌著吃;旁邊的大姐聽了即分享佢更喜歡把醉雞汁全倒入米粉湯中,格離台的男人又說自己幾十年來都喜歡吃完雞再吃米粉,分開兩個口味,一時間一人一句分享吃法,好不熱鬧我們把各家吃法都試了一回,最後我覺得大姐的方法最合我心意,朋友則用了老闆娘的方法過程間邊說邊笑,仿同回到以往無憂年代味道來說,我覺得比元朗的爽爽口味上更合我意,因為爽爽的雞比較生,我有點怕;這裡處理得剛剛好, 而且酒味跟雞味合得比例剛剛好當然環境來說不是什麼高級餐廳水準,但濃濃的人情味令人感到窩心

本身其實係想去對面食架..但對面仲未開...揀左呢一間....我坐左係出面....今日天氣都算好...之後再睇一睇個MENU我就嗌左個XO醬豬扒炒公仔麵嗯,其實只要比xo醬我我就會覺得個麵好味但呢碟野冇xo醬味!乾炒變左濕炒豬扒--->冇味的!公仔麵已經係去到好腍身既程度~58蚊雖然有埋野飲...但未免有點貴...加唔值...我食左應該一半都冇就放棄左....

時常想來吃都發現太多人，今天朱兆記沒開位子多的是，即來試試。 有小貓在身邊走過，看其溫文近人的動靜，相信是店方飼養的貓咪。 雪菜肉絲炆米，肉粒挺多，略帶汁醬偏濕，青椒、韭菜等，鑊氣一般，也不算太熱，而且汁太多不夠乾身，部分米粉亦黏著一起，味道僅屬一般而已。加點辣椒醬也只有淡淡的辣味。 茶走大大杯，與辣椒醬幾乎同高，甜度剛好，亦帶茶香，美味。店員阿姐夠親切，唔該前唔該後，有耐性而有禮，抵讚。

之前聽過好多次呢間得意屋招牌海南雞飯好出色。今次食落隻雞都好滑、幾鮮味、雞皮都好爽口！ 黃油飯好香口，不過不失雞嘅份量可以多多少少，最尾唔夠餸飯魚爐－鯇魚炸過咗皮，好香脆！又唔腥，魚質好彈牙，少少咸，唔係好辣，值得一試！其他火煱配料麻麻地~

今日特登走入元朗食醉雞, 就係呢間有露天茶座的茶餐廳喇!叫咗個醉雞米粉, $45連飲品. 一上枱見到D醉雞好靚已經好想食, 老闆仲話唔夠花雕汁就出聲, 正! 試下雞件, 醉雞黎講算係好滑, 而且好入味, 花雕汁唔會淨係得酒味, 相信仲加咗雞汁同其它調味料, 加落湯度食都好夠味! 而且呢個醉雞仲配有幾件腎, $45 呢個份量同質素真係超值至於個米粉就略嫌硬咗少少, 如果可以煮淋D就更加好!

有時真的更喜歡街坊食肆, 服務多點人氣, 靈活性更大, 少一點拘束感。很久沒有到過元朗, 忽爾開車走走。到了不知吃什麼, 到街上逛逛都是西餐小店, 一個扒一碟意粉的。看到這樣主打海南雞飯便來看看試試。茶餐廳格局, 店舖不大, 但坐滿了人, 外面還有檯。一碟海南雞飯$45, 四個人, 還不如點半隻$108。雞肉剛熟, 爽口而嫩滑, 火候不錯。雞皮略厚但油膩感不算強。小心近骨位可能有丁點不夠熟, 如有小朋友同吃, 不建議他們吃那部分。肉淋鮮嫩已很不錯, 連雞胸肉也滑。只是雞種始終不能與文昌雞相比。油飯$7一個, 價錢合理。蔥蓉油香, 口中有點膩口感覺, 配合雞不錯。不過始終難求如雞油般更香。再來多個泰式蝦醬肉碎炒飯。飯粒炒得爽固然重要, 但最緊要還是蝦醬足夠。很多餐廳不肯落蝦醬, 炒來味淡一般。但這個飯未上桌已嗅到香味, 這才算惹味吸引。香味夠, 不過入口不會太濃太漿, 而且味道均勻。飯粒炒得鬆, 肉碎只是輕輕點題, 些微辣味不錯。如果加點青檸汁更好。埋單時, 餐廳還問我們覺得怎樣? 老實說, 已很久沒有到過會主動問這個問題的餐廳了。人性化這東西, 真的要繼續保存呀！得意屋快餐店元朗馬田路