德成號

Open Now

Now Closed

經過鋪頭, 見到一層層蛋卷，以為好好食, 買左番去先知中招. 俾一般大牌子仲差, 蛋味又唔夠, 話牛油卷, 但一d牛油味都無, 仲話老字號, 有無搞錯 !!!

以前細路仔嗰陣成日食蛋卷架, 依家才知道呢\間d蛋卷好食,好鬆化, 又有蛋香,一陣牛油香, 係怕会肥姐!!!

鮮有到北角一帶，今天是專程到來，目的當然又是為了一個「食」字，除了主角的「手信店」外，到訪前當然要找找有甚麼美食可以一試。最後找了三間食店，由傳統街頭小食、北方小點，到正宗福建平民食店也包括在內。完成三站的美食行程，終來到我口中的手信店「德成號」。認識此店應該是由孩童時代開始，因為每逢在農曆新年前，家中必定會有十數盒，用十分特別的花紙包好的賀年禮盒。而花紙內的全是「德成號」的蛋卷。記憶所及，當年媽媽那十數盒的蛋卷，全是與各界街坊好友一起預訂，再由店方安排送貨。始終一次過拿十多盒蛋卷，就算全是「細盒裝」也未免有點勉強。當年的售價自己沒有留意，而十多二十年後的今天，「原味蛋卷」的價錢分別是「細盒裝」($46.00)與「大盒裝」($85.00)。而「椰汁味」及「牛油味」的價值會貴多一點。打開鐵盒，再揭開牛油紙，便會看見一條條整整齊齊的蛋卷並排而列，每條蛋卷的外層也烤成薄薄的「蜂巢狀」，很有茶樓點心「炸芋角」的感覺。蛋卷厚身而鬆脆，味道多年來也沒變，同樣是蛋味十足。以前曾經品嚐過「椰汁味」及「牛油味」，但始終覺得「原味」最合口味。罐內除了蛋卷吸引外，當吃至尾聲，佈滿罐底的蛋卷碎亦是我的至愛。兒

之前買了她喜歡吃的恆香蛋卷，今天來到附近參加飯局，也順道來買一盒媽媽期盼以久的蛋卷，而記憶所及，都是因為阿蘇對媽的影響，而其實本人也未吃過，所以自己也想試試，而她也爭着要付錢，真的在此再多謝您的一番心意。去到其店子，看見到處也是蛋卷罐堆成的小山，門口泊了一輛其送貨的車，真的誇張，真的心想是否真的那麼棒。到要吃的時候，打開盒蓋，見到內裡的蛋卷的樣子也標準對版，在其外層有網狀蜂巢之相，而吃下一口，感覺是很鬆脆，不像恆香的鬆化，而且也較甜，而且好像是甜得蓋過了蛋香，而其實本人較喜歡恆香的，不太甜，較有蛋味，而且口感較鬆化，所以也是那句老套的話，吃東西始終是一種很主觀的感覺，人家愛到發燒的東西，其他人可能不屑一顧。無論如何，也非常感謝您的誠意，希望我媽喜歡。

真係好好食的蛋卷... 好香的牛油味及好鬆化... 記住開咗就要盡快食哂... 不過其實都唔會擺好耐... 因為轉頭就比我地一家"習" 哂... 雖然食落唔係好膩, 但我諗其實應該幾肥... 事關食完兩條後都幾飽... 如果一個人o趙哂成罐都幾大件事... 所以買時記得要 make sure 有人同你分享...

成日睇到openrice介紹, 但自己一直都末食過, 今日公司老闆買咗好出名既"德成號"蛋卷返黎...好開心呀, 知道係好出名既蛋卷黎...一罐其實吾係好多...但一打, 就聞到好香既牛油味...嘩...一食落去..好香呀...好香既牛油味呀, 食落好香好鬆化...最重要既係吾太甜...令貪食既我...食咗3條呀...真係好好味...多謝哂老闆

睇咗好耐有關德成號o既介紹，想去買蛋卷好耐但由於唔係住對面海，所以去北角都幾唔方便。早幾日終於有機會，幾大去買嚟試下，由於是第一次買，所以就只係買細盒，另外就買咗原味及牛油味兩種。返到屋企第一時間開罐原味嚟食。對於一個勁鍾意食蛋卷o既我嚟講，德成號o既蛋卷都算後唔錯啦，夠鬆化又唔太甜，不過我謙佢唔夠香。我一向鍾意揀比較"燶"o既蛋卷食，貪佢哋夠香，不過係德成號o既蛋卷裏面，就算我揀燶啲o既都覺得唔係好夠香。總括嚟講，質素算得好，亦值得推介。

雖然今天請了假，但一大早便跑到金鐘辦理去台灣證件，吃過午飯後便趕著到德成號提貨，好心急，好怕有任何閃失。下了巴士便穿過北角市場，到了渣華道，心情好緊張。我在門外不住的拍，名店就是名店，我猛拍都沒人阻止我。我進店後，已經聞到一陣淡淡的雞蛋香，甜甜的。我不住的拍同時跟店員說我訂了貨，他們在一叠厚厚的單裏翻查記錄，找了很久，我當時真有怕弄錯了，變成沒貨提。好險，最後都找到，我可以提著我的貨離開，總數是：6盒。回到家母親大人發現我兩大袋東西，已經超急不及待搶了一盒拆來吃。哇，跟平常吃到的蛋捲有很大差別。首先，很實在，可以看到蛋卷超厚，不會薄薄的，只有脆，缺乏質感。再嚼下去，沒有很甜，剛剛好，吃多也不會膩。而且，越嚼蛋味越濃，那股蛋味完完全全的充斥在口腔的每一個部分，其他店的蛋卷跟本不能比，等一個月我覺得超值得，就算再要我等，我也甘心。母親大人吃一口後，也不住的讚賞，最好笑的是，她已經向我下了訂單，叫我一年後替她買幾盒回來，要送禮！香港的朋友，有機會的話就買一次來吃吧，雖然我試過有同事吃過後覺得很難吃，因為不是他們吃慣的脆脆感覺，但我相信只是他們不懂欣賞這類古早口味。德成號，是我唯一會吃的蛋卷。

見openrice介紹賀年食品...我本身愛食蛋卷(點止!嘻嘻!!)...見"德成號"咁多人讚,我不甘落後於人...當然要去買o黎試試!!!年廿七打電話去...佢地自動同我講門市未有貨,要廿八先有!本來見咁多食評話要多月前訂先有,心諗都多數買吾倒!!!...我只係自己食,吾係送禮,諗住過完年佢地冇咁busy先去啦!!!...年廿八心思思...中午又打去問問...仲有現貨播!!!...lunch即刻搭MTR去買...貨堆滿成間舖,但相信好多係客人預定o既貨...中午未見人潮...都係排第四五個就到我...收錢同包貨o既店員都好有禮貌播...分別買左1lb裝o既原味同牛油味...試左原味...蛋味足,又吾太甜,仲內外都鬆!!...牛油味的還未試...係俾市面其他好多牌子貴左1,2拾元...但物有所值!!!...以後想起蛋卷,都會想起去德成號...!!!

我都係半年前打電話去訂, 我住係葵涌架, 特登星期六過海去買, 之前一日已經打電話訂咗, 仲係一個阿婆聽電話, 留埋手機no., 當日去到舖頭, 話冇我個 order, 好似話我白撞咁!咁下次人客打電話嚟訂, 你哋就應該俾個booking no. 人客喇, 費時口同鼻拗喇!白行一趟, 仲一肚氣添, 我都知你哋唔志在, 咁嘅服務態度, 想有下次都難喇!

以前兒時農曆年有個auntie每年都送開，都無食好多年，牙癢癢想再試下仲係咪甘好食！定係因為自己情意結多d！由上網搵番個地址、電話開始，網上食評留言都係話「想買唔容易！」、「真係好好食！」、「真係好巴閉！」。有網友留言話星期六既下午去已經賣晒，買不到！再行第二次店員通知「下次早d啦！」。我就知道要買一罐半罐都有攻略，就係星期六想下晝收工買得到，就一定要打個電話去叫佢地留番罐比你，如果唔係多數都係白行一趟！如是者，我都好慶幸可以每次都順利買得到。上年(新曆2007年12月)想來年農曆年(新曆2008年2月)買幾罐給朋友做拜年賀禮，已經立刻打去問定幾時開始接受預訂，佢地既答覆係已經遲左，每年只會係中秋節接受來年農曆年既訂單。我當時訂下的蛋卷只可以等農曆年後(新年啟市)才有現貨。就因為這一年種種經驗，我今年決定於中秋節致電訂貨。打電話過程好比打電話取叱吒門券，電話接通後我留下聯絡方法、所訂數目。我問及送貨日期時，對方告訴我大約於新曆2008年1月15日(年二十；星期四)。我即時告之屋內所有人必須上班無人收貨，對方著我放心此為暫定送貨日期。送貨時間經過相方協議，又一而再更改。送貨時間延誤，未有

親友送來一鐵盒雞蛋卷, 正担心如何一個人把它幹掉, 打開之後聞到一陣蛋和牛油香, 食落又鬆又脆. 一吃便不能停, 一方面又驚爆quota.卒之受不了誘惑, 不需一個星期便把它從地球表面消失了, 剩下的碎片, 放進牛奶中, 攪均, 竟然又是一項美食. 哈哈.

因爲很久沒吃蛋卷了，又突然想吃，放工便來了這！買了一盒細原味雞蛋卷，都不便宜！回家馬上開罐，一陣香味傳來，每一條都好脆，不會咬一口便碎！又有蛋味，正！

在melamine的陰影下, 現在無論是蛋類或是奶類product大家都總會有點介心... 可是美味的蛋卷又怎會如此容易拒絕呢?!~~~家鄉味蛋卷~~~甜甜的, 脆脆的, 蛋味十足... 一條一條地吃, 不知不覺間已消滅了半盒! 真的可怕! 致肥的罪魁禍首!! 令人又愛又恨還是久不久才買, 而且要與人分享! p.s. 賣蛋卷的婆婆很好人, 年紀這麼大還留在鋪頭!

百物騰貴,這店的蛋卷也加了$1,現價$46,蛋卷食落鬆化,香脆,蛋香和牛油香味一齊進佔味蕾,好!一盒蛋卷25至26條,四個人一齊食,也很勉強才能清罐,因為食落都幾滯.