德興車仔麵

Open Now

Now Closed

一段時間無來過，今天再來光顧，中午食飯時間一如以往很多人，但一人搵位就不用等候，選擇困難症的我唔想諗食咩餸，所以點了8餸車仔麵，C和D款沒有不吃的，今次選了C，有豬紅、蘿蔔、魚蛋、豬皮、韮菜餃、釀茄子、炸豆腐、豬大腸，份量已知是多的，因此暫未挑戰12款餸，其實佢有送條生菜，加埋都9個餸了。我點了沙嗲汁，因為豬皮本身有辣味，所以不用再點辣的沙嗲汁。蘿蔔、豬紅和韮菜餃最好吃的。下次餓的時候再挑戰12款餸。

繼上次成功挑戰8個餸車仔麵之後今日午餐挑戰最重量級既12個餸($37)+1罐忌廉($4)😂個碗仲大過我塊面😂啲餸最多有3件🤔仲有幾條生菜俾我😂仲以為自己食唔晒點知最後食晒成碗✌仲未飽到上心口🙆今日仍然有我最愛超淋既蘿蔔😍有水餃😍食完成身汗😂

早上七點就要工作，在工作前好想慰勞一下自己，來點豐富的，反正下一餐不知幾點。在牛頭角附近，素知車仔麵有徳興，頗有名氣，正好拜候。晨早已有食客，香港人很勤勞。要見面的是招牌車仔麵，十二餸。麵上桌不過5分鐘，整體雖未致熱辣，但溫度合格有餘。遂一點評如下。咖哩魚蛋，紅腸，豬皮，豆卜，生菜不過不失。蘿蔔，軟糯香甜又無渣。牛肚，入味有口感。豬紅，大件靚仔。芝心雲吞，坦白講我食不到芝士味，但走過油的雲吞皮很能吸湯，別有風味。韮菜餃，自家制，皮太厚，但誠意搭夠。雞翼過火，應該是隔夜貨，墨丸也見一口粉。湯底夠味，麵底也好，只是稍油。加5元的奶茶，茶味不足。整體來說，37元的車仔麵，目前為止這個性價比，我找不到第二間。車仔麵當然出色的比比皆是，德興自有不足處，但單以誠意論，德興合格有餘。滿心歡喜地離去。步行一分鐘，正見新開車仔店，37元三餸麵，濃脂淡抹兩相宜。

之前都已經聽過觀塘有一間超抵超大碗嘅車仔麵， 行過宜安街街市 ，發現原來就係呢一間 ，傳說中三十幾蚊有12個餸嘅車仔麵。未食之前都已經喺度諗，12個餸應該每個餸得一件或者兩件， 但係勢估唔到， 有啲餸居然係有三四五件，份量驚人。一上枱，呢碗招牌麵除咗足料之外， 味道其實都ok，當然你唔可以期望佢話超好食， 35蚊嚟講，佢符合要求有突。尤其是阿姐好好人，要求加多啲咖哩汁都冇乜所謂。基本嘅有魚蛋、大腸、餃子、豬皮、豬紅、釀茄子、 生菜、蘿蔔等等...我最鍾意嘅係阿姐自家包嘅韮菜餃,，韭菜切得夠碎，唔會黐牙，而且韭菜非常香，菜多過肉，唔會太滯，韭菜非常清甜。餃子亦都好多摺，包到圓咕碌，十分飽滿。其次就係蘿蔔，靚蘿蔔嘅必要條件就係冇渣，而且要夠甜身，呢碗蘿蔔絕對合乎資格，而且都好多舊，又可以減低油膩感。不過豬紅就比較碎，一夾就散，魚蛋亦唔夠入味，好彩可以用咖喱汁搭夠，撈埋麵食都唔錯。但以35分嚟講一碗車仔麵有咁多餸，合格有突啦， 我唔會要求話35蚊要食到350蚊嘅質素，所以非常OK

如題，這間位於宜安街街市內的車仔麵檔，選擇跟其他車仔麵檔沒有差別，價錢卻驚人地便宜😍簡直是窮人糧尾恩物。食物講求質素，不要覺得便宜就沒質素，這裡雖稱不上車仔麵界的米芝連，倒味道又不太差。

在附近返工，大街的車仔麵檔結業了，就試一試宜安街，街市上面的一檔。門面整潔，給人很好的印像，但........選了三餸一麵，一凍飲，$29確是街坊價抵食！餸之中，選了炸菜肉絲，竟然找不到一條肉絲。問了店員，給了我這個答案：肉絲只是"炸菜肉切絲"，不是果啲肉絲............我O咀了！自問不是要求高的人，一分錢一分貨也非常明白，估不到小店有這個答案。看那隻釀青椒的魚肉....我都算了，有魚肉，有釀，只是炸菜肉絲沒有肉絲！

傳說中既大招牌面！12樣送都只係34蚊😩傻架！唔好睇佢咁平呀，佢既食物質素一啲都唔差架😈最最最令我驚既係佢既炸芝心雲吞✨完本諗住佢浸係啲湯入面林晒會唔好味😅點知入口依然都脆架喎😐而且啲芝士好正😩佢既白蘿蔔都好鮮甜好好食❣️湯底係沙嗲湯底，辣得黎都幾惹味👍🏿雞翼係炸到過黎食落好香口！小編係食b個set呀😊平價抵食之選✨香港地道美食除左燒買魚蛋雞蛋仔💭其實車仔面都可以話係其中之一架🤓

這間車仔麵一直都好想試，因為個個食完都會大讚又抵又平又好味，一d都唔離地。所以，專程黎呢到，就係想試下佢係咪真係俾人講到咁勁。呢間車仔麵係街市入面，所以環境唔會話好靚好舒服果隻。地下有 d d濕，老人家小朋友較容易滑倒。坐低見到佢 menu, 35蚊係有12個餸!!! 真係好平好平呀！最後我揀左30蚊8個餸果個set。 一落完 order, 碗面就極速煮好。而佢既餸每樣份量都唔會太小，可能因為多餸，湯底好夠味，好正。食完都好夠飽!!

見之前網上都有介紹呢間車仔麵，又出開官塘於是就同朋有來宜安街街市一樓，12個餸都是$35勁抵食，是窮人的恩物加$4仲有一罐汽水，8個餸都是$30。阿姐上菜速度好快，坐低落單5-6分鐘左右就有麵了。大招牌麵$35有12個餸，好抵食每款餸都有2-3件，我選擇左沙嗲汁，沙嗲汁有少少微辣。加$4

雖然2月只得28日，但糧尾的日子真係難捱。好在公司附近有檔平價車仔麵，每個月都梗要黎幫襯幾次。午飯時間呢度非常多人，附近有學校，好多學生黎幫襯，加埋附近嘅打工仔，如果一班人黎食都要等下位，好在我通常自己食，一條友見有位就可以坐低了呢度$20有兩餸，$24有3餸，$28有4餸，$32仲有5餸添。而我通常都只叫兩餸，$20就搞掂，但早兩日公司Annual dinner抽到現金獎，當獎勵下自己，今日破例加$4要罐汽水啦。我點了魚皮餃同咖哩魚蛋，每樣各有5粒，再加上每碗麵都加左一兩片生菜，其實都相當豐富了。 咖哩魚蛋都算入味，魚皮餃普普通通啦，而湯底我選了沙嗲汁，正正正。整體黎講，呢個價錢，味道唔錯，絕對值得再黎幫襯呀

我一向都是一個不折不扣的車仔麵大粉絲來的....特別是在糧尾時份，銀根短缺的時候，只要是不在家開飯而要一個人攪掂一餐之時，小弟必然會四出去找經濟又實惠的車仔麵檔來醫肚....觀塘區內有車仔麵食的小店，除了有康寧道較有知名度的那間之外，還有隱身於宜安街街市中的這裡....一碗大雜麵，裡頭塞滿了牛肚、豬紅、豬皮、豬腸、魚蛋、蘿蔔、菜、豆卜、紅腸、墨魚丸、韭菜餃、翼尖及炸芝心雲吞 (真係講都講到口疲倦)，沉甸甸的份量十足夠晒飽肚，這樣的陣容堆頭還只是收您三十四大洋....試問如斯便宜的，可以從哪處找呢 ?落單阿姐問要不要加辣，我說落少少啦....怎知一食入口....嘩....辣到飛起。對我這個不太能食辣的人來講，絕對是個大挑戰....說實在，麵的水準總體來講只屬OK ---- 炸雲吞太膩太油；墨魚丸及魚蛋不夠彈牙；翼尖太奀太瘦削；豬腸的怪異味甚重似乎洗得不夠乾凈。較好的有滑溜的豬紅、爽口的豬皮、以及索湯能力超強的豆卜加上淰軟無渣的蘿蔔....再睇埋剛才說到的價錢....這樣已值回一個大笑臉了....

叫左自選五餸麵及凍飲牛肚足料又林雞翼入味有2隻好抵魚蛋 炸豆付 豬皮正常見到可選的餸有20樣以上非常難得上菜時間好快啱哂當時極肚餓既我最好味係個沙嗲汁 良心小店下次會再幫襯!正!

打工仔真是慳得一餐得一餐，特別是糧尾，想搵平飯真的不容易，如果大家對食要求不高，可以去試試位於牛頭角宜安街街市的德興車仔麵，$18就可以有一餐晏仔食～1麵2餸車仔麵$18魚蛋和魚皮餃竟然各有5粒😱想食豪點可以叫大/小招牌麵，我們是次點了小招牌麵，$30有8個餸餸多到麵都看不到了，雖然好好食就說不上，但又平又飽肚，而且午市好多打工仔去食，冷氣都夠凍，夏天行多幾步去食都抵啊😂

有成廿幾款餸揀, 仲要幾抵食~~心動ing仲有小食同炒粉面揀下次要挑戰 jumbo ~ haha是日點餐： 牛腩+ 芝心餃 + 時菜車仔面 & 熱菜蜜足料,  牛腩腍滑芝心餃有特色, 另上更佳bb辣汁, 夠惹味熱菜蜜, 味道正常, 好潤口~~    番食指數：＊＊＊＊

同事話依間車仔麵勁抵食，3餸22蚊。好多選擇，揀左蘿蔔雞翼雞翼尖墨丸。蘿蔔有5舊，墨丸2粒，雞翼2隻，雞翼尖5隻，仲有少少生菜，4餸26蚊，真係好抵食。下次會再幫襯