德興車仔麵

Open Now

Now Closed

臉書介紹 當然要試下果然12餸的車仔麵唔洗5分鐘送到面前彈牙豬皮 鬆脆春卷 加4元有汽水有牛腩汁 咖哩汁 沙嗲汁選係呢個車仔麵小店 食得出果份街坊情呢個價錢 呢個份量 呢個質素真心正!

中午經過牛角頭辦公，記得有間特色地道車仔麵，剛到都客滿冇位，等幾分鐘，就有位食碗特色十二種款餸車仔麵，感覺溫暖又飽肚！如果細食者，就食特色八種款餸車仔麵，都能夠肚滿而還！

早前網上有人推介呢度嘅招牌麵，又係時候出動試下啦 舖頭係街市一樓，不過成層都有冷氣，唔似普通街市咁要熱住食其實呢度係普通嘅車仔麵檔，之所以係網上興起，係因為佢嘅招牌麵，三十幾蚊就有十二樣餸，而我就揀左大招牌麵B大招牌麵B（$34）雖然有成12樣餸，但係都唔係每樣一件咁少，結果成碗都係餸👍🏻招牌麵果然唔簡單但係我去食果陣已經係7點幾（人地8點就收工），加上多左人上網睇完過黎食，有幾樣餸已經賣晒，要用其他餸代替，呢樣有啲可惜我就揀左油麵，麵條分明唔會黐埋一齊，啲餸都唔差，例如豬皮幾彈牙，春卷（as a replacement）都幾脆，另外佢落左小小調味，整體係及格嘅凍檸水（跟麵加$5）凍檸水返而比較細杯，optional 嘅野飲就個人喜好啦因為突然多左人食，老闆都有啲措手不及，其後再有客黎只能夠道歉話賣晒如果有機會黎呢頭附近會再食過，佢仲有啲特式野食好似唔錯，同埋以平時食 lunch/dinner 黎講都算抵食，起碼係平時食野會考慮去嘅 level

聽介紹依檔車仔麵34蚊有12餸，所以特登黎試。以為12餸咁多款，應該每款得一舊，但原來有d餸有2，3舊，所以用份量黎計真係好抵食，仲要罐裝可樂都係加4蚊！不過咁多份量，要做得好食既話，通常都唔會同時發生......好似d紅腸，丸咁，只係食到d麵粉味...牛肚有d靭，韮菜餃太林，夾幾下就爛開，芝心雲吞冇芝士味，又太燶，不過蘿蔔好甜，甜到懷疑有冇加糖水？總括黎講如果你鐘意食多d款，或者中學生會鐘意黎食；但如果比較著重味道既人，就未必揀依度lu~

34蚊12個餸的車仔麵，試問坊間真係搵唔到，反正近住處來試一試: 我一點幾來等咗一陣有位，座位好迫，冷氣唔夠但有風扇吹都ok, 麵的確足料但魚蛋無味好似食豆腐，其他餸都水準以下，湯底無味，我叫沙爹汁都好似清水咁的味，我拿拿聲食完擺低38蚊(coke zero加4蚊)就閃。

無意中睇到“搵食觀塘”介紹呢間位於宜安街街市入面嘅小店裡面平通街嘅12餸車仔面，今日放假又出動試食。地點喺政府街市上層入面，冷氣充足，尚算乾淨，點咗個大招牌麵B -- 因為有12款餸(對有選擇困難同貪心嘅我簡直係恩物 )，以為每樣配料只有一件，但係原來除咗雞中亦同牛丸，其他都有2-4塊。，必食推介:蘿蔔•清甜冇渣; 牛肚•軟冧入味; 魚蛋都屬於本人喜歡嘅大小同質感; 麵煮得爽口冇過龍; 食辣嘅你一定唔可以錯過沙爹辣汁啦，唔會辣到死，但係食到我鼻水流流，加埋杯凍檸茶(+$5)舒服哂! 硬要挑剔嘅就係韮菜餃皮太厚同可能浸太耐爛咗; 炸芝士雲吞浸落湯影響口感，而且唔似即叫即炸產品，味道係可以㗎，最尾有一絲絲芝士嘅甜味。呢個價錢食個12餸車仔麵，小妹真心覺得扺到爛，因為本人嘅細女極鍾意食白蘿蔔，所以仲外賣多一碗淨餸順便試埋車仔麵餸之王--豬大腸。同牛肚一樣好入味，如果腸油可以清乾淨啲會更啱我口味囉。自從領匯出現之後瘋狂加租同以苛刻續約條件逼走小商戶，屋邨平民食店買少見少。雖然係小店，但係人人都好有禮貌，所以一定會繼續幫襯，以延續香港本土小食店嘅生命。

My friends took me to this little shop in a wet market for lunch. Actually, almost all the stalls in this wet market are selling dry goods, so the market is pretty clean and no unpleasant smell.For the cart noodles, they offered many choices of toppings and different kinds of noodles. I ordered rice vermicelli and 5 toppings; chicken wing, beef tripe, cheeses cocktail sausage, fried tofu and shiitake mushroom.Chicken wings were a little bit dry.Beef tripe was okay, which was neither too tender n

市政街市內的食店，由於地理位置有點小偏僻，所以人流不多，都以街坊生意為主吧？而且有時店家會跟部份熟客打招呼或閒聊什麼的，感覺上多了一份小小的人情味。食物方面，今次跟上次點的食物接近一樣(車仔麵類)，有牛腩、豬腸、蘿蔔、米粉，還有一杯熱鴛鴦，全部才23元！而且米粉和各種配料的份量都算正常，不會特別小(特別是這個價錢而言)。味道呢，豬腸不錯吃(個人喜歡不太肥的豬腸)，清湯牛腩中規中矩，蘿蔔很清甜。另外還叫了一客10元的九菜豬紅，也不錯。食物方面大約如下，以地方不大的食店而言(約有2X個位)，選擇不算少了。