心夜來潮 (Closed)

最近去完旅行，想食清小小，於是我地係旺角搵左間食粥既打冷檔，一直想試好耐，見到網上又咁多好評，今晚同左朋友過黎試試佢有幾好食🥰潮汕砂鍋粥 「蟹+蝦粥」 (細)$180好大煲呀，2個女仔都食吾曬，一人食左4,5碗，好飽呀，入面啲蟹好新鮮，仲有膏呀😋，蝦都好彈牙新鮮，2個加埋啲粥好鮮甜🥰啲粥綿綿地，好正🤩佢有好多海鮮自由配塔到$180薑酒啫芥蘭$72一上枱「乍乍」聲，好正😍，勁香，帶有小小酒味，啲菜好爽口，而且翠綠，用左小小蒜同辣椒炒，好好食呀。薑蔥啫啫田雞$90用薑蔥加蔥頭炒成，爆得好香，而且田雞份量好足，肉質結實，份量都好食，食極都仲有😂🥰蒜蓉粉絲蒸扇貝$42@1好大隻，而且洗得好乾淨，一啲沙都無，好鮮甜新鮮，粉絲吸晒啲汁，係精華呀😍，好食呀😋仲有好多菜想試😋🔺地址:心夜來潮 (旺角)旺角西洋菜南街138號福苑2樓🔺最高為（5/5）味道⭐⭐⭐⭐⭐價錢⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐🔺

今晚又來到旺角搵食，我要做潮人，梗要食潮食，朋友介紹這家食店食潮州美食砂鍋卜卜蜆煲 $168近期很多朋友推介，蜆肉鮮甜無砂，雖然見不到蜆卜聲打開，湯針鮮美，必飲蝦米啫通菜 $72鍋仔菜一向多人喜歡，因為夠熱又保溫，通菜新鮮爽脆，蝦米鮮，配搭一起更添鮮香傳統鴨蛋煎蠔烙 $86傳統要需要用鴨蛋，鴨蛋大又香，蠔餅煎得更香更脆，蠔肉鮮甜，無腥味，炸得香脆可口，不太油膩，食落更滋味下次可以約朋友來宵夜，開到凌晨4點

今晚又來到旺角搵食，我要做潮人，梗要食潮食，朋友介紹這家食店食潮州美食生拆原隻蟹肉蟹膏撈飯 $228（4人份量）金黃色非常吸睛，蟹味極濃，飯有蟹油香，滿口蟹膏香，鍾意食蟹實要試下。傳統鴨蛋煎蠔烙 $86用鴨蛋香味更濃，鴨蛋較雞蛋大，所以蠔餅煎得更大件，更香，粉漿不多，蠔多又鮮甜美味，無腥味，香脆可口食落更滋味醬鹵鵝 $132鵝件肥美，醬汁鹵得入味，肉香又嫩滑，啖啖肉夠滋味還有不少選擇，下次可約更多朋友再試其他人

平日又要上班下班又要上課已經忙到沒時間去休息若果晚餐不吃點好的實在對不起自己於是約了同事下班去吃香喝辣機緣巧合下去了這間位於西洋菜南街的樓上餐廳餐廳位於二樓由於我們早到所以基本上餐廳是沒什麼人的坐下來就準備點菜潮洲菜離不開滷水於是我們就點了 醬魯雙拼-豬耳仔+豆腐 $68那個豆腐好好吃豆腐的邊是稍為有煎過有點脆脆的再配上特製的滷汁令豆腐的味道昇華有附上辣油和白醋沾完成為完美的組合菜單實在太多看得眼花花於是點了店的星星選擇秘制花膠豬手墨魚脯煲$138豬手膠質很多配以醬汁真的好搭平時吃豬手多吃兩件就會好膩反而這個我能多吃三四件鮮鮑魚-杞子紅棗蓉蒸 $32/隻 四隻起我們點了四隻飽魚大大隻我們看到有三種煮法分別是杞子紅棗蓉、風沙、椒鹽一看到是杞子紅棗蓉就選了因為特別點完後就怕會怪怪的結果一吃下去十分驚喜！味道出乎意料的搭飽魚鮮美加上紅棗的微甜和蒜香味！吃完想再吃啊！最後點了王老吉這餐飯真的好棒！！

住喺旺角既夜貓朋友推介左呢間潮洲餐廳比我，呢間餐廳開到凌晨四點，岩哂啲要返夜既朋友。呢度有好多唔同既潮州菜式啊！當中有一個好吸引既潮汕沙鍋粥，可以自選材料。我地揀左小鍋，材料方面就選左膏蟹、田雞同埋皖魚片。咁多料呢到成煲粥都好香濃，而且粥既質感都幾綿密，係我鐘意食既口感。呢道鹹蛋黃寶實實簡直係不得了啊，三個寶分別代表鮮魷、銀魚同埋雞軟骨，三樣都係我既至愛，再加埋鹹蛋黃，簡直係食唔停啊！另外，我地仲叫左呢個蝦米啫通菜，好惹味！仲有呢個沙鍋卜卜蜆煲，有少少辣，卜卜蜆好新鮮！

同朋友一行四人去旺角搵嘢食，今次去咗一間樓上潮式打冷，要做「心夜來潮」，地點非常方便，喺港鐵旺角站D2出口一出就係，行過去唔使2分鐘，非常方便易搵餐廳主打潮式食品，款式非常多種類，今次點左醬鹵雙拼（豬耳及豬大腸）、醬鹵鵝腸、傳統鴨蛋煎蠔烙、京燒蝦碌及生拆原隻蟹肉蟹膏撈飯醬鹵雙拼（豬耳及豬大腸）、醬鹵鵝腸，醬鹵一向係潮式打冷食品嘅代表作，做得非常入味，鵝腸爽口，豬耳及豬大腸有咬感，非常好味傳統鴨蛋煎蠔烙，每次打冷必點自選一定非蠔烙莫屬，淨係睇外表已經非常非常吸引，炸得香脆又不油膩，分量十足京燒蝦碌，蝦碌帶點微辣，蝦肉彈牙有咬感生拆原隻蟹肉蟹膏撈飯，推介之選，勁多蟹肉及蟹膏放在炒飯面上，一上枱已經聞到香噴噴，撈勻嚟食， 鮮味留在口腔中， 十分出色

平日去同朋友去潮州打冷，通常都係大角咀、深水埗路邊檔，比較有風味，但尋日同朋友去左旺角呢間食又真係唔錯喎，天時仲係咁熱，有冷氣係唔錯。 講返呢度既潮州野食，作為一個潮州人，佢地既滷味係唔錯，我地點左滷水豬腸、鵝腸同豬耳，味道適合香港人口味，咸淡適中！潮州野海鮮一定走唔甩，我地仲點左佢地招牌：蟹肉蟹糕撈飯，足料，差不多舖滿飯面，另外蝦煲夠曬鑊氣，多肉；果個咸蛋黃寶寶寶，即係魷魚、銀魚、雞軟骨，炸完用咸蛋黃上，飲酒必點！加埋個蠔仔烙就完滿。另外潮州打冷點少得啤酒，上面送酒既菜都係一流，下次男人傾下心意都可做首選。

今日同fd兩個人去左旺角行街，見到哩間潮式餐廳唔錯所以就決定試下，入到餐廳就覺得好似去左古裝街嘅茶樓甘好有風味，我地行街行到勁肚餓所以都叫左唔少嘢，我地叫左招牌農家火焰魚，叫得哩個名果然名不虛全，一上枱侍應係魚上淋上酒再點火，我地當然係相機食先，完全俾佢嘅賣相吸引，平日雞煲就食得多，魚煲就好少食，而哩個魚煲真係唔錯，d魚好惹味，另外我地叫左一個好補嘅雪燕桃膠烏雞蔘湯，個湯係用砂煲上好足料，我地每人都飲左至少3碗湯！我同fd都好鐘意食蠔餅，所以我地叫左鴨旦蠔烙，由於係用鴨蛋所以食落比平日嘅濃味，蠔嘅份量唔少而粉漿又唔會太多，整體嚟講哩餐係滿意😋

今晚揀左黎旺角食潮州嘢！舖頭係正旺中對面，所以十分方便，雖然係樓上舖頭，但係人流眾多，非常旺場！雖然呢間主打應該係粥，見到每檯都點，但礙於少人既關係，今次就試唔到，唯有等下次啦！傳統鴨蛋煎蠔烙$88食潮州嘢，必點煎蠔烙！呢道特別之處在於用鴨蛋，蛋味就夠曬濃！值得一讚既係煎到金黃色，香口又惹味，雖然熱氣但真係會一口接一口不停咁食！砂鍋卜卜蜆$168另一個必點既唔少得呢個蜆鍋，只係用碳爐燒已經夠曬特別啦，風味十足！加上呢個蜆鍋，蜆既份量超多，每一粒都無沙，洗得好乾淨，夠新鮮鮮甜！湯汁亦吸取蜆既精華，加入香蔥同粉絲，真係食過反尋味！

呢間潮洲菜食過幾次，最鍾意佢既地方係地方好清潔。今次叫左4樣野食，滷味拼盤就係必食架啦,都有成六七款，個人最鍾意食就係紅腸。另外仲叫咗黑松露炒飯,個人覺得吵得幾香，黑松露味都突出，用鍋仔上有少少朝香。胡椒豬肚雞煲味道濃郁，但個豬肚冇乜味，雞肉就夠滑。不錯不錯。而個jerjer通菜就係普通既炒通菜咁，無乜特別。 平均每人$150左右，價錢都算ok，咁當然比街邊打冷係貴d。呢到只收現金，想試下既朋友要注意喇。

心思思想食潮汕砂鍋粥，咁岩係旺中附近，就上左心夜來潮～今次叫左小鍋（$210），餸有膏蟹、皮蛋同蟶子王。記得上次試左馬鯪魚丸，個口感好正，但好可惜今次佢話無貨皮蛋好大陣硫磺味，個人唔係咁中意。膏蟹就好正，煮到個粥好鮮甜，鮮雞件同蟶子王就不過不失～另外再食左醬鹵鵝腸（$58）同埋黃金蛋黃炒秋葵（$78），秋葵係每次黎都必點嘅菜，炒完之後秋葵裡面嘅黏液仍然係到，而今次係第一次試鹵鵝腸，好難咬，味道唔太討好，下次唔會再叫。

呢個名真係改得非常之貼切，因為真係名副其實深夜來潮，因為他們開到凌晨四五點，又係食潮州菜式！加上位置一流位於旺角中心對面，喺對面唱完K過嚟食宵夜正！我今日都比較夜過嚟食飯，10:00先入到黎，但係竟然越夜越多人！加上附近好少呢類型嘅餐廳，見到推介已經好想食！睇到佢哋嘅餐牌除咗有傳統嘅潮州打冷菜式，仲有很多新穎嘅小菜！首先來一個火焰炆鴨，上枱先有一個點火環節來一個驚喜！將火燒完之後濃郁嘅鴨味加上少少酒香分內野味！份量也很十足！配飯一流！滷水鵝腸，估唔到份量都幾多，哦腸非常之入味！小炒王，人哋教要食到到餐廳嘅工架就係要食他們餐廳的小炒王！炒出嚟夠晒鑊氣，分量同配搭10分好，口感好好！又係送飯首選菜式！最後來個傳統潮州菜式鴨旦蠔餅！香脆，充滿蛋香，而且裏面的豪仔份量很多，淡淡都係咁好味！好好食！

今日去完旺角行街，就想附近食埋飯先返屋企。經過西洋菜街見到個s/b寫住心夜來潮，係食潮州野，見到menu價錢都ok就決心入去試下。可能我地唔夠7點就入去食飯，所以都無咩人，唔洗排隊。入邊係用木枱木櫈，有少少感覺真係去左大陸咁，幾有傳統古早味道。我地因爲唔算太肚餓，所以多數叫小食，唔太飽肚既野。本身見到醬鹵六小碟好吸引，但朋友唔鐘意食大腸，所以我地就叫左雙併，要豬腩肉同豆腐。味道都幾出色，特別係豬腩，都幾稔，配埋白醋同辣椒好岩做餐前小食。另外，食潮州野一定必點蠔餅。佢呢間係用鴨蛋整，食得出同外面有少少分別，而且煎得香口，唔會好似食緊成團粉咁，真心唔錯，如果配埋啤酒更好，可惜最近唔飲得。我地驚晏d會肚餓，就叫埋炸饅頭。炸饅頭就不過不失既，炸得幾鬆脆，而且唔係小饅頭，不過食兩舊已經滯滯地。最後我地無叫凍野飲，反而健康d叫左盅燉湯黎飲。估唔到幾足料，我地叫左海底椰百合響螺頭湯，好清潤。我忍唔住飲左3碗，而且飲完唔會好口渴，抵讚。埋單都係3百幾，2個人食到飽一飽，仲幾岩口味，下次呀爸生日可以再黎食。

來吃潮州菜, 餐牌上有很多款式的菜式供選擇, 感覺幾有地道風味的。我們點了好幾度菜式一起分享, 包括有蝦仁菜脯煎蛋、白果胡椒豬肚湯、黃金一口炸饅頭、蝦醬啫秋葵等等。煎蛋分量多, 充滿蛋香, 每一啖也吃到蝦仁和菜脯, 很足料呢! 蝦仁質感爽口彈牙, 幾好吃的。胡椒豬肚湯很惹味, 看到湯底裏有很多胡椒粒, 辣辣的, 幾開胃。豬肚份量有很多, 可以和朋友分享。感覺吃完一些油膩的食物後, 喝這個熱湯, 好像有解油膩的作用。蝦醬啫秋葵味道濃, 份量多, 但有點兒油膩。炸饅頭很香脆, 小小一粒, 有吃上癮的感覺。

好耐冇同阿媽出街食飯～今次就揀左呢間潮州野，聽個餐廳名幾得意原來呢到營業到凌晨四點架，果然係心夜來潮餐廳環境都好舒服，又寬敞，比起平時食潮州打冷舒服好多食物方面都有好多選擇！豉汁啫白鱔最吸引我的就係佢個豉汁啫白鱔。平時都已經好鐘意食媽媽煮的蒸白鱔，呢到既又係另一種風味，好惹味，非常好食。份量都好足！大元貝另外仲叫左兩隻大元貝。元貝認真大隻，配上蒜蓉和粉絲，食落肚即刻飽左好多心夜小炒王最後仲叫左碟openrice上好多人讚好的心夜小炒王。非常足料，主要有韭菜，再配有芋頭條，魷魚，蝦乾，腰果等食材，鑊氣十足，口感豐富。食得好開心值得再來！