恩記茶餐廳

Open Now

Now Closed

喺大帽山山腳一間好Classic 經典嘅茶餐廳。又懷舊又好有feel。啲叉燒半肥瘦又嫩滑。好過好多出邊香港九龍嗰啲！有好多特色飲品，我叫咗個咖啡紅豆冰。Service 幾好。快靚正！ 😋Your classic cha chaan teng (茶餐廳) but done right. Their tender char siu is a must-have and one of the best places to have it. Great service and hospitality. You’ll leave this placed happy and filled. Better than what you can get on HK Island and Kowloon

見天氣涼番啲係行山嘅好日子🍂，放假一大早就同friend出去行山，🍁行完山就喺附近搵好嘢食。🏃🏻一於就嚟試呢一間恩記茶餐廳。呢間茶餐廳係一間好老字號嘅港式茶餐廳🙆🏻‍♀️，有露天茶座同埋室內位置選擇，揸車嘅朋友其實都好方便，因為附近都好多車位🚙🚗🚕今次我就選擇左試佢一個菜遠肉片煎米粉底同乾炒叉燒烏冬。🍲菜遠肉片煎米粉底，🍜好足料份量亦都好大，煎米粉底有少少脆口，撈埋啲餸一齊食，真係好正。另外乾炒叉燒烏冬唔會太鹹👍🏻，味道幾好，熱辣辣即叫即整，炒得都乾身，份量亦都好充足。正呀！另外仲叫咗一個大荔枝冰🍹🍹同大奶茶試試佢🧋，嚟到嘅時候，真係嘩！一聲，係好X大杯🤣🤣🤣，荔枝冰裏面有荔枝果肉，啲果肉都幾好食，我好耐冇飲過咁大杯野😂而大奶茶，茶味香濃，加咗冰之後都唔會變淡，都幾好飲。🤩由於行完山嘅關係，所以特別肚餓😋決定嗌多份薯條雞翼🍟🍖嚟試試。呢一份薯條雞翼好有兒時回憶，波浪形嘅薯條炸得香脆，雞翼亦都唔會有太多嘅炸粉，🫶🏻味道適中，一上枱由於太熱，所以都要攤涼一陣先食🌬️原來呢一間茶餐廳都係發哥成日嚟嘅地方，📸牆上面除咗發哥嘅相片之外，仲有好多位其他明星嘅合照👥👥👥，呢間餐廳細細間，係懷舊風味嘅茶餐

跑完山，2021最後一餐飯就係呢間發哥都幫襯嘅茶餐廳食，希望2022年可以好似招牌「七彩飯」一樣，七彩繽紛🌈 七彩飯 $55鎮店之寶，份量好足，整體味道唔錯。1️⃣ 酥炸雞翼：有2隻，肉質緊實2️⃣ 太陽蛋：篤爆個流心蛋黃，攞嚟撈飯食一流3️⃣ 火腿：一大片4️⃣ 餐肉：煎得外脆內軟，幾香口5️⃣ 紅腸：有兩大片，幾厚身，好好肉地6️⃣ 梅菜腩肉：鹹鹹地嘅梅菜，加埋半肥瘦嘅腩肉，又係好啱送飯7️⃣ 咖喱雞：有薯仔、雞鎚、雞翼，炆得軟腍，加埋少少辣嘅咖喱汁，幾惹味👍🏻紅豆涼粉（少冰）$32一上枱真係好震撼，係用啤酒杯裝，非常大杯，份量好足❗️紅豆甜甜地、有咬口；農村涼粉草幾有驚喜，食落帶有甘味，唔會好似坊間嗰啲咁冇味。整體黎講唔會太甜，又多料，大力推薦👍🏻原本我好肚餓同埋口渴，食完之後好飽🤣👍🏻 老闆同夥計態度唔錯；見好多人外賣都嗌食七彩飯同埋羊腩煲，下次想再試埋舖頭嘅招牌奶茶涼粉😋

去完大帽山, 點可以唔黎恩記食個飯。恩記勁多街坊都會去嘅飯堂。食物質素有一定嘅保證先有咁多回頭客。地點十分唔方便，唔係揸開車都唔會去到果到。郊區嘅一間老店泊車都好難，冇位泊。入面環境如何，正正常常。出名嘅七彩飯。有哂7樣餸，等你每樣都可以試d紅腸，煎蛋，咖喱雞，炸雞翼，梅菜豬肉，火腿，午餐肉份量十足老闆推介特色飲品叫左杯紅豆涼粉冰，好x 大杯飲唔哂，足料。夏天消暑一流

「恩記茶餐廳」————————————————店舖位置：元朗八鄉錦田公路上村12號A————————————————今日一行幾人喺元朗八鄉附近遊車河,之後嚟咗恩記茶餐廳呢度食嘢, 叫咗個蝦干炒通菜,椒鹽排骨,同埋一個麻辣雞!!!!!整體來講不過不失,呢啲餸用黎送飯啱晒! ☝🏻☝🏻☝🏻☝🏻

喺石崗軍營看完紅棉樹，黃昏6點肚餓想即刻附近搵食。第一次經過這裡（上村總站）見到有幾間食店，完全冇idea，行嚟行去，最後選了這間，都冇乜要求，茶餐廳一間，但估唔到啲人比你睇到勁污糟既一面；肺炎疫情本來人人都有帶口罩，兩位呀姐喺隔離枱做湯丸，反而將口罩整左落條頸度，兩個一路做湯丸一路唔帶口罩有講有笑，又唔用手套做湯丸，我都明廚房既嘢唔一定用手套，但比我睇住唔用手套就好唔開胃。跟住肥呀姐冇帶口罩突然間向住我枱方向打左個勁大乞嚏！（因為佢本能唔想向住湯丸打乞嚏）嘩！啲飛沫肯定超過1米！大佬我碟3絲炒烏冬啱啱嚟都唔知食唔食好！瘦果位呀姐仲經典，隨手喺佢張枱度攞枝唔知擺左幾耐既紅酒樽底嚟壓碎啲花生（湯丸餡）跟住又放番枝紅酒喺枱面。你明啲茶餐廳枱可以幾汚糟嗎? 枝紅酒樽底咁汚糟用嚟壓花生碎?其實當時未食碟3絲炒烏冬，我老公就食晒碟早嚟既义雞飯。想走又驚，叫佢換過碟都冇意思因為唔知換碟乜嘢比我，冇下次，勁勁勁汚糟兼核突！

今日我們元朗八鄉附近做完嘢之後，行過錦田上村見到呢間係用可口可樂做主題嘅「恩記茶餐廳」，所以作為超級可樂迷嘅我們，當然要影相打卡一吓兼食個下午茶！喺諗緊叫啲咩食嗰陣，我突然諗起呢度會唔會有窩蛋免治牛肉飯？因而家好多茶餐廳嘅免治牛肉都變成西式嘅肉醬，但呢度竟然仲係中式人手剁嘅鮮免治牛肉加青菜，所以我們就即刻叫咗嚟食，出到嚟果然無令我們失望，免治牛肉非常鮮嫩軟滑，肉味亦相當香濃，再撈埋窩蛋一齊食，質感更加滑溜，真係超正呀！豬扒包嘅包質係我們最讚賞嘅一點，因質感係非常軟熟，而且完全無「硬實實」嘅感覺，而豬扒就煎得色澤好金黃香口，肉質亦相當鬆化！魚蛋麵嘅麵質超煙韌彈牙，而魚蛋亦相當爽口彈牙，最好就係無乜魚腥味，正呀！喺差唔多食完嘅時候，我們先發現他們有外賣專車，車上印有他們嘅招牌七彩飯，感覺好似好專業兼呢個招牌飯應該唔錯，所以我們要另外再搵日嚟食吓先得！

每次黎開大山（遊車河？）都會過黎恩記食個飯遠近馳名嘅七彩飯，大碟抵食大大杯特飲仲有我最愛既叉鵝飯叉燒軟綿綿入口即熔，燒鵝香口肉滑黎開大山一定要係度補充返體力，外賣返屋企都唔錯

十來歲時首次來吃「七彩飯」，朋友專程駛車載我來，幼稚腦袋還興奮地幻想「七彩飯」會否像彩虹七色一樣，有齊紅橙黃綠青藍紫？ 據知那時期很多人趁周末從港九遊車河而來，香港人是很懂把握熱潮。兒時要求簡單得很，一碟多餸飯（蛋、紅腸、餐肉、火腿、梅菜、薯仔咖哩雞、炸全翼），滿足多個願望，懷著吃自助餐的心情，俄羅斯輪盤式每樣餸咬一口送飯，最後炸全翼徙手吃，已經異常滿足快樂！隨後好一段時期，每馮周末還嚷著朋友載我來～當人漸年長，生活選擇多了，開始對身邊事奄尖聲悶起來，連樓下保安員好端端的，也總覺得看不順眼 ... 對七彩飯早已‘變了心’，亦嫌棄一大堆頭的普通食材‘不外如是/不合潮流’，如專程駛車來吃，直感浪費車馬。歷年至今，當市區/商場招牌如走馬燈不停切換，鄉郊老字號招牌還䇄立不倒置於原舖位。鄰近食店寥寥可數，由現今座上客種類看來，皆是附近一帶街坊或倉地工人，簡單與平庸地為他們提供解決兩餐的歇腳處。「七彩飯」到今並沒有在餐牌上移除，當年潮流已過，可能 .. 他們壓根底兒沒在乎過，店子是否遠近馳名其門如市。近年再次成為座上客，冷面鬍子老闆照舊地冷著面，只是頭髮的顏色顯得有點斑白。反樸思維後才發現，吃的一

恩記最出名係大碟夾抵食嘅『七彩飯』，佢嘅招牌差唔多成為咗石岡嘅地標。但其實佢仲有另一樣把炮，就係各式大大杯嘅涼粉冰，可以溝咖啡，奶茶，紅豆，波蘿等。比起一般街邊飲品正好多！夏天路過可以一試。由左至右分別係咖啡涼粉冰，菠蘿涼粉冰同奶茶涼粉冰。係用巨大嘅啤酒杯裝，睇包紙巾就知，而價錢只係$29 一杯。如果你問我係咪特別好飲，我覺得唔係，佢每款飲品都做到普通茶記水準，但呢種Crossover涼粉就暫時只此一家。

揸車上完大山食乜好？落返錦田呢邊有幾間茶餐廳，當中呢間恩記就係我每次都會食既，雖然呢到人流唔係特別多，但燒味都係自家制，而且唔係普通貨色，全部燒味都有水準，燒鵝最為出色，呢到係乾身燒鵝，意思就係碟底唔會落醬油，但鵝本身既油脂就非常美味。食完又可以繼續出發

工作中食午餐，呢度方便泊車，一排平房幾間餐廳，今次試下呢間，店外有戶外座位，普通茶餐廳格局，地方比較殘舊！店員伯伯好親切，笑笑口落單，又會推薦下食物！食品以茶餐廳食品為主！食品好快到！燒鴨河（$33）燒味部師傅好鬆手，比咗成個胸我，伯伯話自家燒嘅，燒鴨皮已經唔脆，皮燒得薄，鴨肉厚但較嚡，少許𡁻柴嘅感覺，闊河粉唔夠滑，厚身少許嚡口，菜心比好多又爽口，好味，湯底唔味精幾好！鹹香好味！整體唔好味！凍檸茶：少甜少冰，茶底濃唔澀！少甜剛剛好！七彩飯（$47）同事食叉鴨飯（$43）同事食午餐：乾炒叉燒意粉（$45）同事食店員伯伯雖然唔快手但好親切，店員間又互相串，家庭氣氛唔錯食物雖然一般，服務唔錯！廁所要去公廁

有車，對喜歡尋找隱世食肆的我黎講，真係好方便架。放假及週末閒時，間中都喜歡開車在新界遊，在午餐方便，當然傾向一些方便泊車的好地方。是日，因事去了屯門一轉再回程大埔，行走在林錦公路時，我們便決定在上村停車場食，而我一早選中的，而想再去的，是這一間標榜自己有個 "七彩飯" 既食肆，也是當地的一家老字號，其名字就叫《恩記餐廳》或《恩記茶餐廳》。店字，真的是長期力推他們的 "七彩飯"，我可以說，幾乎在店的每一個角落，都會見到 "七彩飯" 這三個字。而且，在我目測之下，在我兩次來的經驗之下，這店最好賣的碟頭飯，的確也是這 "七彩飯"。"七彩飯" 是什麼，最後先說。首先，應該要說一說這小店的空間，周邊同格局。這店，是一家很典型的鄉村茶仔，受惠於上村的停車場，可以說是很方便泊車。之不過，在此停車場經營的食肆實在太多了，基本上要 double park....店子，也分了店外的半露天座位及我們喜歡的店內位，只不過店內的空間不大，說真，如果坐滿人，這小店會是幾迫夾的。說 "七彩飯" 之前，先說一說店方 off menu 為我太太炒的菜粒炒飯。有菜粒，有木耳粒，簡單鑊氣夠的炒飯，沒有難食的鐵證據。好，來到

到錦上路搵個朋友拎啲野。慳隧道選擇片返轉大山。尖咀出發落到山三十分鐘都未夠。早到了又未食飯。見呢到係四周最近有野食既地方。就泊低架車搵間坐低。人生路不熟梗係睇下邊間多人入邊間。可能係又播馬又播澳門賽車。呢間野竟然近乎滿座。招牌大大隻字寫住馳名七彩飯。咁唔洗諗就整個黎試下啦。餐。腿。紅腸。炸全翼。梅菜扣肉。咖喱雞(薯仔五舊加一舊雞）。再加隻太陽蛋。一次過滿足你七個願望。扣肉汁同咖哩汁係白飯殺手。扣肉炆得夠身。瘦肉吸收了肥肉的油份同梅菜既香氣。咖喱薯仔亦十分入味。咖喱汁唔太熒火光。丁點辣令白飯消失不見。炸翼唔係剛炸起但都有餘溫。餐。腿。紅腸。亦有用心。唔係白水加熱就算。有煎香過既痕跡更香。全肉餸絕對滿足到食肉獸既肉望。當然呢啲高鈉餐真係唔好日日食。加杯凍奶茶埋單五十有找，仲想要求D乜？

今日比朋友帶到依間餐廳前，佢不停講依到既七彩飯好出名，好好食。一到步，點個招牌七彩飯，第一眼見到，雞翅，梅菜，火腿，餐肉，雞蛋，紅腸，咖哩薯仔，真係色彩繽紛，味道方面，即煎火腿餐肉夠香口，太陽蛋夠juice，反而炸雞翅炸粉太多，而且唔似即叫即炸，似炸定，咖哩只係普通茶餐廳給數，梅菜，紅腸，無特別。就路邊檔而言，舒適有一定限度，地點都唔方便去到，食物方面幾好味，份量大，好滿足，不過對有d年紀既人真係超級唔健康