成都小巷米線雞煲 (和富道) (Closed)

成日都會想食米線但唔知北角呢頭有咩好選擇。原來和富呢邊有間小店，午市有得食米線，夜晚有得食烤魚雞煲又幾好喎😝雲南酸辣小窩米線，湯底辣味少啲酸味比較重，酸酸辣辣都幾開胃！餸揀咗秘製腩肉、雞扒、蘿蔔。腩肉都幾厚，調味淡啲下次會想試吓麻辣腩肉！蘿蔔好甜，煮得入晒味😋麻辣米線湯底用咗肉碎一齊煮，所以湯底都幾香濃。呢碗就配秘製腩肉、鹵蛋、雞翼同菜心。鹵蛋唔錯，幾入味～另外仲叫咗韮菜煎餃子，外皮炸到脆卜卜😆

OT完，決定試下公司附近一間新開既餐廳，見有雞煲或者烤魚揀。又幾得意wor，平時食開既雞煲，好多時都係人頭計任食，又或者係單點咁計，但呢到係會按您坐幾耐去計😂而配料都係任食，幾抵wor又😂個半鐘$138、兩個半鐘都係先$178😂都幾抵即刻叫左個雞煲試下，好香，雞肉食落好嫩滑，唔會鞋口👍另外佢落左洋蔥、薑、蒜、芫茜，成個味道好豐富! 我地叫左少辣，就更加惹味了😆出面飲品任飲，有可樂、烏龍茶呀啤酒等等。另外，都有幾多配菜可以任食，有菜類、菇類、丸類、肉類同埋餃類，基本上平時想食既都有齊😆最後，我地食左個半鐘，每人先$158😂😂抵

居然俾我食到一間隱秘米線店。睇佢出便以為只係食烤魚雞煲。任食個價錢都幾吸引。但係Lunch time冇理由食呢啲嘢㗎，原來午市仲有套餐同米線食。口味都算多，有成七款選擇，見到有一款麻醬酸辣米線，係出面比較少見就試吓佢乜嘢料。同平時一樣，配料係自由配搭，我叫咗麻辣腩肉同埋豬軟骨肉食。米線好重麻醬味，有花生、肉碎、芝麻、芽菜、酸菜、芫荽(我走咗)。湯好濃厚，有少少酸，似擔擔面味但又比佢複雜。麻辣腩肉炆到好入味，入口即化。豬軟骨一樣夠火候。我另外叫咗一碟孜然雞翼做小食，雞翼即叫即炸，熱辣辣香噴噴，推薦。

上星期同朋友喺北角食烤魚，任食套餐包咗每人半條魚，任食自助吧同飲品～ 自助吧有好多唔同嘅蔬菜、腸仔、獅子狗、豬紅等，食1.5小時只係$138，亦可以加錢食長d時間～😋烤魚係超大條，就算淨係食條魚已經可以夠飽！😆 烤魚表面煎得好香脆，魚肉好嫩滑，浸喺酸菜湯味度食就更加惹味～🔥 個鍋入面嘅芽菜、芹菜、酸菜都好入味，如果有白飯就正喇！除咗烤雞之外，呢度仲有得食雞煲，隔離枱喺度雞煲，香氣撲鼻，我哋聞到流晒口水～🤤 下次要試埋先得！🐣

餐廳：成都小巷米線雞煲地點：北角和富道菜式：川菜餐牌：烤魚任食自助吧1.5小時$138，烤魚轉鱸魚每位加$10，可以加少少錢加時間。另外有午市套餐（送例湯同冷熱飲品），小菜同小食。酸菜湯烤鱸魚烤鱸魚大大個爐上枱，條魚好大條，已經炸過，塊皮好脆，連骨都食得，肉就嫩滑，正！我地揀咗酸菜唔辣嘅湯底，個湯有好多酸菜，大白菜，芽菜，仲有金菇，面頭加上大量芫荽同蔥花。味道酸酸地，健康好味唔會太濃，又唔會太油。而魚皮面頭有一層孜然粉，所以食落超香。任食自助吧有生菜，娃娃菜，油墨菜，南瓜，番茄，芋頭，豆腐，冬菇，金菇，豆卜，年糕，貢丸，牛丸，牛柏葉，腸仔，魚蛋，炸魚蛋，竹輪，鮮雞肉，豬紅，燒賣，公仔麵，烏冬等等。我地主要加蔬菜類，質素都好新鮮。飲品櫃有啤酒汽水茶等，選擇都唔少。服務員態度友善，烤鱸魚質素的確唔錯，今餐食得好開心又飽足。

前排同朋友係北角買完野諗住係附近搵野食，見倒和富道有間川菜決定一試，餐廳主打烤魚雞煲，亦有不少成都小菜/小食選擇，口水雞、毛血旺、麻婆豆腐等等應有盡有，今次同朋友叫左1.5小時任食烤魚，價錢都係$138 好抵烤魚供應鯇魚，亦可每位加$10轉鱸魚/加$20轉鱸魚及小龍蝦，鯇魚魚骨唔會太多，魚肉嫩滑，辣度方面都剛剛好香口惹味，值得一試配料方面都叫左不少丸類，菜及牛肉，吸收左啲湯汁大滿足好莣味，下次同朋友黎食雞煲先

呢間成都小巷係我屋企附近，之前已經黎食過個雞煲，$138 一個半鐘，真係好抵，又好食😋今次就試埋佢個烤魚，加左$20轉爐魚，因為條爐魚煎過，所以特別香口，特別好食😋😋食完條魚之後可以去任食bar攞邊爐配料，打埋邊爐，配料都算多，有菜，丸類，雞，牛，等等。最後明明好飽都要食多兩個公仔麵，d麵吸哂d濃湯，真係好正😋😋另外野飲都係任飲，$138可以任飲任食，性價比真係超高👍🏻👍🏻👍🏻

路過北角見到呢間任食雞煲店決定試一試佢好唔好食我哋揀咗兩個鐘嘅雞煲任食價錢$158非常抵食雪櫃位仲有唔同嘅丸類菜類俾你任攞有墨丸牛丸蟹籽丸娃娃菜生菜牛栢葉等等側邊有公仔面同烏冬提供雞煲有好多紫洋蔥，食落香口吾算太辣始終係嗌小辣味道偏小鹹但惹味雞件都吾會鞋口趁仲未落湯我會即刻加生菜同烏冬等啲生菜同烏冬掛滿湯汁好鬼正公仔面的面條質感都幾好食，充滿彈性飲品都有好多款有得選擇個人認為$158呢個價錢好抵食

前一排經過見到呢間有得任食雞煲, 好似幾正, 就約幾個朋友一齊試吓, 叫咗啲店長推介1.5小時任食烤魚雞煲😍 $138/人我哋加咗$20轉爐魚, 揀咗酸菜湯底, 湯入面本身有大大棵芫茜, 金菇, 酸菜…..啲菜吸晒啲湯汁, 好好味😋最正係因為條魚已經煎過, 所以煮咗好耐都唔會’鞋’, 食到尾都仲係好食👍🏻另外自助bar有多款丸類, 菜, 牛柏葉, 粟米……可以任攞, 變成mini邊爐🤭雞煲就揀咗小辣, 味道甜甜辣辣, 食唔到辣嘅朋友都話ok! 啲雞好滑, 好惹味, 唔好覺得鹹👍🏻咖哩牛腩飯 $48呢款咖哩係冇椰汁嘅, 微辣, 我鍾意❤️牛腩炆到好淋好入味, 配菜都好多, 份量好足, 呢個價錢仲包飲品, 可以自己喺凍櫃揀😲整體味道好好, 份量超過預期, 午餐同晚餐都好抵食, 個個都食到好滿足☺️

今日同個喜歡食辣嘅朋友一齊試吓成都風味午餐。不過我自己本身就唔算太食辣嘅，呢間完全滿足到我呢啲唔太食到好辣，但又好鍾意小辣嘅朋友們！😆🧡 1.5小時任食雞煲烤魚 $138真係超抵！我哋四個人食，只係加多$20就可以轉鱸魚！鱸魚方面，我地揀咗酸菜唔辣嘅湯底，我哋個個都好鍾意！我特別欣賞佢條魚係煎左嘅，所以無論燒幾耐，肉質都係鎖住咗，條魚一直都係好滑好好食！同埋佢俾咗好多芫荽！成煲係又大又香！啱晒喜歡芫荽嘅朋友😋由於個湯底好好味，所以揀咩菜落去都好食呀！我自己就鍾意加冬瓜落去！雞煲就揀咗小辣，但係佢好香孜然味！大愛超多洋蔥，又有好滑嘅雞，都係好食又惹味！有唔同嘅菜同丸選擇，罐裝飲品都係任飲，呢個價錢真係好抵呀！🧡咖喱牛腩飯 $48佢啲牛腩炆得好淋！同埋都有好多條生菜，份量都係好足夠！而家呢係冇落椰汁舉重，只係微辣，我覺得啱啱好！呢個價錢真係冇得輸！仲包埋飲品㗎 ！整體來講，佢性價比都好高！非常滿足的一餐！☺️

今日又黎北角返工，平時都去搵飯食，今日天氣有啲乾燥想搵啲濕濕地既野食，行過和富道見到午餐$40送飲品一罐就吸引左入去食喇🙈自選酸辣米線 揀左中辣 麻辣腩肉 雞肉湯底好濃 但我覺得唔太辣 厚切腩肉大大件 雞肉唔不算多 但成碗食哂後就覺得好飽 幾抵食

咁啱搬屋經過，所以就過嚟試下🤔舖頭都算多人枱枱都係食酸菜魚，咁就同屋企人試下個酸菜魚，上到黎賣相都ok，條魚之前炸過先放入去煮，味道都唔錯👍🏻勝在夠平，對面商場都要$199一個人，對比返算係咁，飲品任飲🍻如果一個人食就得半條魚，兩個人食就一條魚，三個人食可以叫埋雞煲😹

一入去想食雞煲已經沒有餐牌選，拿著張餐枱紙就當餐的價錢點，一開始已經覺得張紙的文字介紹非常不完整，所有信息都是講一半一半，見到有烤魚食還可+$20可轉鱸魚加小龍蝦就下單，第一時間已問清楚總共是不是138+20，店員答是，然後店員不會下單叫老闆娘，弄了一大輪再去煮。食到中間我們對餐牌有疑惑問店員才得知要+30，轉鱸魚+10，轉鱸魚加小龍蝦+20，合共30。店員解釋轉鱸魚先+10，加小龍蝦再+10，難道+20不是包括轉了鱸魚？？？？？？你白紙黑字寫的餐牌又不是我騙你？？與店員理論一番她也覺得有理去找老闆娘解決，我努力講道理老闆娘就敷衍回應，最後不作聲我以為已同意改回+20，結果老闆娘來埋單照收我+30，說那麼多客解釋完都照收錢，還兇返我轉頭叫我影相去投訴，她不怕。我覺得從餐紙上理解沒錯，我必須打去投訴支持你。老闆娘都咁既態度快啲山門啦，一個員工都識做過你，人地都知我地講得啱，我爭你果10蚊買樓啊？有讀過書都知淨係+20啦，係你menu自己寫好搞到好似我想呃你10蚊雞，冇文化仲同客拗，你死既都要講返生，仲話係我地唔明，真係比人笑死。啲芋頭同豆腐都係酸酸地已經冇出聲當中伏啦，加廿蚊得3隻小龍蝦

重要嘢先講，千企唔好叫雞煲食！1.份量今日叫左半隻雞煲試試味，結果細份的太離譜，個雞脾都唔見左，拆埋骨逐個數，睇都只係4分1咁多，偷工減料！2. 味道味道好鹹，個底又好油，都不如隨便一間茶餐廳嘅咭咭雞煲。3.服務態度擺嗮骨問負責人點解冇半隻雞，淨係得四份之一？一個阿姐話: 我地劈好一袋半隻就係咁多，唔會錯嘅。我問點解冇左雞脾？佢又話我地將所有雞一切斬，分裝到每個袋。？？？咁就可以亂咁裝？黑箱操作？ 我真心諗，你話半隻就應該俾客人半隻，偷工減料又嘴硬。出來食飯唔爭在差你半隻雞嘅錢，主要係道理說不通，又冇俾到一個合理解釋！差勁！

明明嗌麻辣但係送到嚟打開見到有酸菜都覺得奇怪，點知一試真係又酸又甜，一啲麻辣味都冇！ 個孜然雞翼淨係面頭加少少孜然粉就當係，醃都冇醃過冇味的，真係好冇誠意囉，冇下次