拱照車仔麵

Open Now

Now Closed

好耐無食呢間車仔麵，因為有其他鋪頭吸引咗我。不過今次有啲心血來潮，又返來食下重溫舊夢一下。我覺得佢比較出名嘅有釀茄子，好大舊，炸雲吞都唔錯。不過我今次都無揀，揀咗啲大路嘢，通菜／雞中翼／鮮蝦雲吞油麵，再多蔥。本人食車仔麵都係比較傳統，點都會揀油面。加咗佢秘制辣汁，其實我就略嫌唔够濃，可能食過比較濃香嘅醬汁，所以有呢個感覺。油麵煮得過淋啦，出枱已覺得比較白，唔同一般比較黃，煮耐咗，我都係鐘意有咬口嘅。通菜都好多，够爽脆，雞中翼就鹵得好入味，幾好食，鮮蝦雲吞都正常。其實拱照都佢好好嘅，送豆漿／酸梅湯，我一般都會揀豆醬。整體表現不過不失，可能我比較鐘意味濃啲嘅車仔麵啦，真係希望下次如果再食，個油麵唔好咁淋就好，或者我提一提個姊姊唔好煮咁淋。

外賣三餸加底幼麵要5拾幾，鴛鴦齋加炸雲吞加底，竟然俾少咗炸雲吞，即全齋要五拾幾蚊，點食呀！本來主要因為想食炸雲吞至叫外賣，依家…仲要食加底…依家D車仔麵超貴㗎啦…又無心…叫外賣時又唔係多人回頭返去同佢哋理論…回水都無用…唔通又齋食炸雲吞咩？五十幾蚊食個鴛鴦齋麵…可能只有呢度！麵極度普通之下，無麵味，湯底已經係味精湯，味精就足，齋就街市普通貨式…講真依家香港仔已經無乜車仔麵可以食，石排灣街市果檔勉強可以，做車仔麵本來已經無敵㗎啦！以我呢次可能十蚊本都唔使…仲無心去做…唉！！！點繼續…

食了拱照多年，佢哋嘅辣汁最出色，如果唔介意重口味必叫，另外蘿蔔亦好味，酸齋，辣魚蛋亦必食，如果外賣必須分湯，食完亦唔口乾，叫外賣如果繁忙有機會俾錯餸俾漏餸，不過多年街坊小店，人有錯手絕對體諒

一、侍應態度惡劣：叫咗幾次都冇人應 忙就大晒？唔識請多幾個人？明明車仔麵係最快整好 唔明有咩要搞咁耐囉如果唔係每個食客都照顧到 做咩要開咗多個位？識唔識做生意架二、衛生情況恐怖：碗湯上面有一粒粒疑似係蟲 最後唔食算 啲錢當買個教訓 豪畀狗！真係未見過一間車仔麵可以污糟成咁地板一撻撻濕晒咁 唔驚跣死人架？有老人家入嚟食點算 老人家跌一跌真係命都唔使要 屋企有老人家就唔好帶佢嚟食新搬嚟香港仔諗住近近地食下 大家真係唔使試

日日返工都唔知食咩好 見好耐冇食過車仔麵就諗住叫下啦 因為用Food panda選擇唔多 就睇評分去叫左呢間外賣啦 嚟到個陣滿心歡喜咁打開佢 但唔知點解有兩個麵底係紅色架 以為係餐廳搞錯左加左辣啦 點解原來唔係呀 點洗都洗唔走...個麵餅係紅色架 仲要有半個麵都係咁 我地叫左四碗 有兩碗都係咁 我個friend仲要食到胃都痛痛地 我話想淨係夾啲正常麵食下都唔得 大半個麵都係咁 搞到我個lunch好似冇食過嘢咁啲餸就不過不失啦 不過麵底已經搞到我地乜都冇食過咁 呢間野真係唔可以外賣😓利申: 嗰條唔係魷魚嚟㗎 係麵 仲要有半個麵都係咁...

一向都好喜歡拱照嘅豬紅夠入味同酸梅湯，今日難得入香港仔食晏，都唔使諗就幫襯拱照。點咗五樣餸，之後姐姐話冇豬紅，咁算啦。點知隔離枱之後入座嘅食客叫大雜麵竟然有豬紅。咁就問老細咩事，點解先來嘅冇得食，遲來嘅反而有得叫豬紅。老細話今日冇豬紅返，要留返俾叫大雜嘅客。咁即係話我碗麵唔係生意啦？阿老細又話唔係碗麵嘅價錢嘅問題，仲話「咁你要打橫嚟講冇得講。」哦，咁得啦，即係唔叫大雜就唔係生意，仲要係，打橫黎講嘅添，咁以後可以慳返嘞。

拱照在香港仔，算是家有歷史的麵店。賣車仔麵，較貴。幫襯這家的雞翼尖、炸番薯、酸齋、豬大腸。我知道最蝕底的便是選雞翼尖，以前幾塊錢一大把，是那條道上的菜? 我倒覺得比雞中翼、雞腿還好吃，是我舌尖的基因出錯吧！炸番薯薄脆不厚，很好吃，帶有番薯獨有的香味，軟糯粘稠。以前大陸朋友會笑話，地瓜造菜還值錢? 現在他們也吃紫薯了。酸齋除了帶點酸，沒有甚麼詞彙可以形容，是幾片油炸的麵筋而已! 車仔麵較少有此味。基於個人喜好，沒辦法。這是我到寺廟吃齋菜的兒時回憶；童年舊事。豬大腸有股特殊的怪味道，人們反應很兩極，我倒能接受。拱照的豬大腸其實普通，沒啥香氣，可能是過度清洗，跟街頭攤子沒法比。只能憑那情意結、腎上腺素驅使我去開動。麵底揀了粗麵，較有嚼頭，且易飽。拱照的麵馬馬虎虎，若有要求，建議食米粉。飲品豆漿挺好，夠凍。冬天幫襯可選熱檸蜜，極佳。麵店服務好、地方小，坐得不算舒服，和老街坊擠一擠吧！'幾十蚊，食碗麵…'朋友是個鐵算盤，嘮嘮叨叨，沒完。

拱照其實已經喺香港就開咗好多年不過我覺得唔係太好食佢啲配料有非常之一般啲面有時又overcook而且我覺得佢真係比較舊式依家好多新式嘅車仔麵都已經好食好多可以創新一下

友人又在落單之後才說好像胃口一般🤢於是，平時都只是我叫三四個餸，其叫三四個餸，然後交換，但這天，沒有交換的政策，其將配料給我，我豈不是好像吃了六七個餸一般？但這間車仔麵的配料，其實也有些特別，例如有炸雲吞、腐皮卷等等。我試炸雲吞，竟然有4件 ，薄薄的脆脆的，中間有細細粒蝦肉😎就會好像錦鹵雲吞那些質地一般，香脆，浸在湯之中亦都可以吸味。豬紅其實也不太差，不過試過旺角太子蘭苑豬仔麵的豬紅之後，再也很難有食肆可以比得上蘭苑的質素。👹雖然牛腩好像比其他配料昂貴，但味道還好，不算是很乾的那種柱候牛腩。豬大腸亦都非常之入味，😀無論是厚身的腸頭，定抑或是比較扁平的。經向友人查詢🙊之後，得知這兒的麵條也不會太過細份，於是就叫了米線，否則，如果米線太少，很容易肚餓，結果發現，米線的確份量不少，而且剛剛端來的時候，還可以吃到有少許彈性。而蘿蔔，這兒就好像外皮削得不夠深，因此有些外皮還有點跟到吃起上來口感欠佳。車仔麵來說，這兒的湯底也不算太特別，但是它的辣汁，的確非常出色，味道好像沙嗲醬一般，非常好吃😋不會一味死辣，或是吃到你滿頭大汗，或是辣到面癱那一種。還有另一樣最令我激烈讚賞👍🏾😼的，竟然是這間車仔麵店

車仔麵,終於找到一間夠地道,夠"邋遢"的.這間位於香港仔,同區有另一間分店.座位都是摺枱摺椅,街坊風格,不是光鮮的那種我要了炸雲吞+咖喱尤魚+蘿葡+油麵另有酸梅湯或豆醬送,我要了豆醬麵端上來,頗大碗.湯很濃黑,麵有黃色和橙色汁沾上黃色是咖喱尤魚的,橙色應是炸雲吞吧.炸雲吞不脆,很明顯是炸了一段時間皮不薄,料也不多,一般咖喱尤魚夠辣,尤魚夠爽.都是剪薄一塊塊上,很好蘿葡都算入味,夠大塊最特別是我其中一塊有缺口,好像比人咬過一口的.嗯,好特色的印痕,硬著頭皮吃,好這間車仔麵就是好傳統的那種,但我喜歡,因為地道.＿＿

聽聞呢度嘅車仔麵好出名，所以就慕名而來。呢度嘅環境一般，都係老牌粉麵舖頭咁嘅樣。繁忙時間會坐得迫啲。呢度嘅餸菜選擇都幾多，價錢就一般，唔算太平。小編平時食開魚皮餃同埋魚片，多數食米粉或河粉。呢度比嘅份量唔少，一定食得飽嘅。個湯味道一般，唔算好突出。個魚片好食，好香。呢度個辣汁幾出名，叫佢比左一小碗黎幾個share，撈落啲麵係幾好食嘅😂小編覺得呢度係唔錯，不過不特登坐車入到黎香港仔食又好似唔係好抵計

話說友人今日相約去香港仔行山，行完經過一間新嘅拱照車仔麵，心想：搬咗舖？再望一望舊舖方向，原來剛經過嗰間係分店。突然想起以前喺香港仔補習成日都會同同學幫襯，為了再回味一下那懷舊的味道，我決定去返舊舖。今日食返味道依然，炸雲吞依舊係幾乎只有雲吞皮，偶爾會發現到一兩粒肉碎，蘿蔔好甜，咖哩魷魚同魚蛋味道一般，店裡店外的陳設跟當年沒有太大分別，附近幾枱客都係嚟食碗麵，吹吓水嘅男人，這些有空間俾你慢慢食，食完嘢吹吓水嘅食店喺現今香港已經買少見少了。今次算是感受得到小區內的人情味。

普通嘅車仔麵，味道都ok啦 而且份量好足價錢又唔會好貴 煎釀三寶 魚蛋 冬菇 好食 不過佢呢度嘅 辣係偏辣 服務來講唔會話等好耐不過環境同衛生就未必好好，有陣時店員隻手會掂到到入面啲湯， 同埋檯面同地下感覺有少少污糟，濕濕地咁

香港仔有2間拱照車仔麵，印象中舊舖比較好食D，不過新舖就環境好D，舒服D，今日黎左舊舖，未到食晏時間所以冇咩人，拎起張點單紙，款式也頗多，有D款式也比較特別，例如有釀茄子，炸雲吞和炸番薯等。。。點了碗釀茄子，咖哩龙魚蘿蔔米線，黎到也幾大碗，釀茄子夠大件，不過食到茄子有小小酸味正常應該唔會我都唔知點解。。。。咖哩龙魚就夠香夠辣，而且肉質唔韌同爽脆，蘿蔔也清甜冇渣，米線也很滑，最後我都食哂D餸剩番小小米線係度，可能太飽，可能太大碗，又可能冇動力食落去。。。。

10年都唔黎一次香港仔Training 放break就同gpmate去附近食lunch呢到個車仔面唔錯豬腸好肥美 洗得好乾淨 無怪味又夠厚身蘿蔔好林身 又夠甜 好正雲吞一般 不過都好足料佢地個辣油都好正 用黎掂面食一流