捌拾陸上海冰室

Open Now

Now Closed

上次去完陳記好吾掂，今次大佬介紹來哩間。同其他深井茶餐廳一樣，有內外兩部分，室內有小小仿古裝修，OK啦！除左下面提到的服務方法問題，基本服務態度都幾好咖。沙爹牛肉撈公仔麵跟滑蛋($36)3分— 上檯幾上鏡喔。— 沙爹汁勁多，但比較稀同吾夠香，— 麵系硬得來無彈力，差小小時間— 牛肉算幾多，吾滑好在亦吾硬吾鞋— 滑蛋好靚，好滑鮮牛肉米跟雙蛋($37)3分— 算多牛肉同重牛肉味— 湯底吾知道點形容，好似雞粉，— 米粉同煎雙蛋正常。— 本來攞4分，但可惜有隻小螞蟻系湯，算小事亦吾使換，但男伙計已經留意到到好無反應，如果佢問下我，我吾使佢換，同時或者比5分服務。咖啡(4分)— 幾濃幾香，喜歡奶味可能吾夠。檸檬茶(4分)

我老公日日係到食，我每次去陪佢食早餐都食一款新野。今次食呢個超正，所以忍唔住post下，呢個魚柳包多醬加上新鮮蕃茄同青瓜真係超正，魚柳又大又熱，麵包脆但唔硬，誠推。

每日派200個免費愛心飯盒給有需要的人，持續近三年今天在深井看到一位老婆婆，用手推車推着二三十個飯盒。她問我要唔要飯盒，最初我誤會以為她想售買飯盒給我，我說不用了，之後她說是免費的。了解之後，原來在疫情這三年上海冰室老闆每天為深井老人家及低收入人士免費派發200個飯盒，從不間斷。婆婆說有時候人多飯盒唔夠派，但現在需要的人少了，剩餘的飯盒亦只有透過婆婆，送往其他有需要的人。婆婆送了一盒飯給我，最初我也推遲，但後來我想試一試這個愛心飯盒，一個我吃過最有人情味的一飯盒。我相信老闆行善應該十分低調，經常聽見別人稱讚深水埗明哥派愛心飯盒，但從來沒有聽過深井也有愛心飯盒。我要多多光顧這間餐廳，以作支持。

食物：中規中矩，正常，但好多食物都係一隻味，重鹽價格：偏貴，除左麵餐之外都對唔住個價服務：除左老闆之外，其他員工都係混混愕愕，成場8個人三個員工，我叫左跟湯嘅餐唔上碗湯，要提先比，一杯奶茶等左15分鐘，過餐就等左半個鐘，尤其係個戴口罩個阿叔成程係度閒晃，叫佢上湯唔理，賣單又扮聽唔到，得個後生啲嘅員工叫好啲總結：如非必要唔會去呢間野，上菜慢，味道得個鹹字，對唔住個價，連正常服務都無，唔會再去曬自己時間

深井食肆選擇唔多，個人黎講上海冰室算得上不錯既選擇。冰室沒有特別華麗既裝修，反而有種親切既感覺。冰室有室內冷氣枱亦有室外枱任君選擇。晚飯時段冰室唔算有太多食客，今次點左回鍋肉餐配白飯、酸辣湯（加8蚊）；海南雞飯配白飯、凍檸茶以及排骨酸辣湯粗麵、凍鴛鴦。始終係上海菜館，傳統既上海菜-回鍋肉，酸辣湯，上海排骨都做得好出色。有水準之餘，份量亦十足，絕對可以食得飽飽。海南雞都做得非常嫩滑，可惜唔係配油飯，否則應該更加好味道！

去到深井，本身都冇乜選擇，見到呢間下午茶有好多款式。咁就選擇進去食下午茶。雪菜肉絲米，無影相，但味道正常。另外叫了兩份炸雞髀薯條。等了15至20分鐘，其間聽到隔籬枱的哥哥仔同職員講等了接近40分鐘。當時我們都不以為意。之後就看到職員拎住兩份雞髀餐經過，放了其中一碟炸雞髀薯條在我們枱。同一時間我們吿知點了兩份炸雞髀薯條。職員表示知道，食物嚟緊。炸雞脾，是新鮮炸起，切出來出晒煙。近骨位置的肉，有少少血色，不吃該位置就算。而薯條微暖，但勝在是扭紋薯條🍟而「食物嚟緊」的果碟。再等了15-20分鐘左右，都未到。中間亦追了兩次。仲要原來落左沙律。而雞髀結果竟然唔熟，係仲滲緊血果種。今次真係想幫都幫唔落。最後朋友同職員講取消，不想再等。

唔知食乜好，是但落街搵左間餐廳食嘢，就揀咗呢間食雞扒撈丁外賣。返到屋企打開，賣相ok, 不過雞扒有啲乾，份量唔多，但下午茶黎講都算ok. 麵底夠晒味，如果有多啲蔥會再開心啲😊

係深井打完波諗住食個快飯，叫左個擔擔麵，點知個湯勁稀，完全無味！而且啲麵又未煮熟比較硬☹️☹️ 最重要係啲侍應態度差，同佢反映 佢既reaction 好似係我有問題咁! 總之唔會再試呢間！

叫個麵，竟然會等左45分鐘，仲要催左幾次都話整緊，到最後老細幫手跟，先係45分鐘有得食，個焗飯都食完，個麵都未到，仲同我地講整緊，跟住叫左杯凍檸茶，又係等左45分鐘都冇，會唔會太過份？有d客遲過我地黎，都食完走埋，我地個餐都未到........見到幾個客都等到勁嬲，嬲到走埋...三文治都等多過半個鐘，仲要當時餐廳只係坐左一半既客人....太過份，即使味道正常都唔會再黎！真係坐係到呆等！服務態度差！

有次下午經過餐廳門口見到幾多人幫襯，今日就去試下早餐。室外座位很多，不過我都係坐入面，涼下冷氣，不過冷氣唔夠，食食下開始熱。早餐有上海早餐，但唔合我胃口，所以還是選港式早餐。兩個人點完餐，奶茶先上，厚茶杯，濃茶膽，飲落茶味足，又夠熱，正常港式奶茶味，唔錯。跟住上餐，本來要招牌沙嗲牛肉公仔麵，我哋轉左鮮牛肉，結果係冇左沙嗲味嘅牛肉，落單時唔知道原來鮮牛肉就唔係沙嗲牛肉，自己誤會了，咁就變左一碗普通的牛肉公仔麵。不過牛肉都嫩滑，公仔麵彈牙，另外配了煎蛋午餐肉及多士。煎蛋ok，餐肉厚切有口感，雖然話係多士但沒有烘過，不過冇所謂，我反而喜歡吃軟軟綿綿的面包。另一個餐要了鮮茄牛肉通粉，同樣配煎蛋午餐肉及多士。上檯見到原來鮮茄係一大碗羅宋湯，裏面有好多蔬菜，牛肉都有好多件，通粉用小號的，容易食。份量夠，但茄味不濃郁。總的來說，港式早餐普通，只有奶茶我覺得不錯。

唔係太多人知道呢度有間餐廳，因為相當之唔起眼。其他餐廳會有帳篷，而且户外大部分位置都可以坐，但呢度得幾張户外嘅枱，又見冇咩人介紹，於是我就去試下😂 ➡️ 生炸雞脾薯條+凍奶茶 ($36+$5) ⭐️⭐️⭐️⭐️ 即叫即炸，送到嚟我面前仲係熱辣辣。雞脾算大隻，醃得都入味，唔會太鹹，唔會炸得過火，肉仲保持嫩滑。唔錯！ ➡️ 特色豬扒包 ($39) ⭐️⭐️⭐️💫 包皮焗得又脆又鬆化，豬扒方面雖則唔係好大，但整得夠淋夠鬆軟，份量嚟講下午茶算係咁啦。 .............................. 捌拾陸上海冰室 地址📍: 深井深井村路86號地舖 總評分: 6.25/10 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️

日頭嚟食，人唔多，呢間餐廳嘅菜單選擇唔多，不過好食真喺唔洗多選擇，佢啲菜飯味道夠哂上海風味，啲醬汁好好味，加分，分量正常，夠食夠飽。呢間嘢喺我願意食完再返轉頭嘅上海餐廳。

週末放假路過新開既上海冰室。門外店潢無咩特別吸引，唔似其他深井嘅食店門外有一個大帳篷。見到係新開張就懷著冒險既心態入去幫襯下～入到門，已經有幾圍客人享用中。等左一陣就好快有位坐。店內既裝潢都係以樸素為主。環境都幾乾淨。坐低店員就遞左個餐牌埋黎。其實都有好多選擇。經過艱難既選擇後...最終叫左個口水雞菜飯+杯熱檸水口水雞既醫料幾唔錯，辣辣地，有d麻香。雞既咬感都不錯，唔會太「鞋」。飯比較偏濕，但口感粒粒分明，唔會糊埋一堆。份量就比較細份。正常人食應該得7成飽。總括來說小店的質素其實是幾唔錯的。份量可能比較小。但味道都值得街坊們去試一試！