新光粥店 (Closed)

今日一個人無無聊聊 突然心血來潮想食粥話說當年揀中學張統一派位表都喺呢度填.....每個人都有自己既故事....舊式鋪頭就俾到你懷緬過去既環境....呢種舊式鋪頭 裝修雖然古舊 勝在店員有人情味 個個都做得我阿公啊嬤 見我一個後生仔來食粥不知幾開心 照顧得十分周到!一入去叫及第粥 無及第 哈哈 轉食艇仔啦咁醉翁之意不在粥 在乎懷緬過去(細路...你有咩過去懷緬啊? 講到自己咁老)$10碗 想點丫 普普通通既粥 唔通可以好味到飛天咩都話今日旨在諗野 同HEA XD 食到一半又想叫碗白粥沖淡一下點知碗粥煲燶左 有陣味 之後伯伯都無收我錢 其實我都想俾埋碗白粥既錢架啦...佢又唔收(感覺好似俾家用親人=.=") 如果喺想懷緬下 諗下野的話 推薦你想食好野就 掰掰 滿足~突然覺得 如果香港呢個商業社會 無左呢D舊式店鋪咩都講現代化 效率化 電腦化 人情味往哪裝?食粥唔喺食粥本身 而喺享受個份人情味 同埋 周圍既環境雖然簡簡陋陋 但喺摸住張鋼檯 坐住無靠背既折凳 腦海中總會冒起一點一點既兒時回憶....希望大家經過都入去幫親下 唔好俾呢D夕陽行業消失無蹤搬去博物館入面 只能睇 無野食

店面很舊，衛生程度總算可以，從門面觀看還以為很差。魚片粥$14粥底不夠綿，魚片夠多，沒有鯹味，食到條條薑絲，雖不是靚又香又綿的靚粥，以這個價錢的魚片粥，也沒有再要求了(有大食大$14，細$12)艇仔粥$12這一碗粥很有懷舊感，價錢十分經濟，材料依舊，材料似乎沒有馬虎齊腸粉$5我沒有問師傅是否即拉腸粉，似是即拉腸粉，點些醬油一起吃，腸粉很軟滑紅綠豆沙$6要了一碗兩溝的紅綠豆沙，很稀，是我吃過糖水中最稀的一碗，糖水是不夠火候還是豆不是靚貨炒米粉$7還以為會很油膩，竟不是很油膩，味道不很喊，米粉炒得軟硬度剛適中喊肉糉$8以這價錢一個粽算是十分超值，用料雖不算靚，但若不與酒樓點比較就很不錯了炒麵$7 (外賣)炒麵過得去啦，就是懷舊粥麵店的豉油皇炒麵的味道

上午經過這條街.聞到香香即炸的油器味道還有時間就不如往裡面一試.店子裡面人頭湧湧的.要了白粥及腸粉.油炸鬼各一白粥是稀綿.吃起來還好是有米香.油炸鬼炸得外脆內鬆軟的.口感鬆脆腸粉熱辣辣.下點芝麻甜醬吃起來果然不差經濟抵食埋單22蚊.佐敦區老店沒有什麼的裝修.地點也不起眼.仍可以搵到舊區既風味

還記得小時候很怕粥品, 總覺得是病人吃的, 不病的人不用吃粥品。多年前在九龍城工作, 那家粥店至今難忘, 雖然新光粥店跟他差不多年代, 差不多環境。只是吃的心情不同了。雖然新光的粥底沒有那家的稠, 但也有著那種感覺, 似冷還暖的人情, 似新還舊的出品。這晚又再一次靜靜地吃吧一碗粥, 欣賞著香港昔日的味道, 聽著伙計們此起彼落的閒話家常。沒有太多的調味品, 沒有豪華裝修, 甚致店子做什麼米也可以看得到。清清淡淡, 美味。

唔知係咪真係昨日食左雞, 喺禽流感嘅刺激下, 師傅今日終於病倒了! 但係病左都要食野架, 於是乎師傅就黎左呢度食個清清地嘅早餐, 之後再返去休息下!一間相當歷史悠久嘅食店, 多年黎始終如一! 環境真係普普通通, 招呼真係冇咩, 只不過係隨住時代嘅改變而增加左冷氣! 入到去店內, 師傅自己求其搵個位坐, 之後睇下食咩好, 最後就要左碗艇仔粥同一碟齋腸!話都冇咁快兩樣野都擺左喺師傅面前, 於是師傅先試下個粥, 發覺粥底唔算綿, 加上唔知係師傅口淡淡定咩啦, 覺得粥係冇咩味, 而豬皮就幾硬, 唔好味, 魷魚就好爽口, 唔錯, 而碎牛肉都幾好, 可以! 再試下齋腸, 齋腸本身都算幾滑, 不過始終唔夠"腸粉王"好味, 而豉油都幾香, 好味; 而甜醬, 麻醬都係自己落, 豐儉由人!總括黎講食物質素相比兒時真係差左好多, 勉強仍可接受; 衛生情況就麻麻, 師傅見到煮粥嗰位執配料手套都唔帶, 就覺得好污漕; 而價錢真係好平, 十蚊碗艇仔粥, 五蚊碟齋腸, 白粥都係四蚊碗, 係抵食不過唔叫好食! 食飽後師傅發覺都幾口渴, 相信食物裡都有唔少味精, 晨早流流本來諗住食個清清地嘅早餐, 點知就食左個味精早餐

十年如一日 開左三數日呢間真係老字號呀~~~細細個佢已經係開左好耐嫁喇而家都仲係度...成功的原因...我諗係夠晒平掛....叫左一碗皮蛋瘦肉粥 + 炸兩 + 咸肉粽都係廿一二蚊....真係係邊搵....味道一般皮蛋瘦肉粥....太淡....係免治粥之類...所以可以做得好快....d 肉都太過鞋....不過粥類的 肉都唔可以要求d 咩喇炸兩...個人認為....炸兩好唔好味...有七成係取決於d 醬料...但係佢d 醬係溝到好希的~好似水咁....令到d 炸兩都唔係好點到d 醬....失色咸肉粽算係最正常~7蚊一隻...都真係算好抵喇~~樓底好高.....好古色古香雖然有冷氣...但係完全感受唔到....夏天尼真係要諗諗

晚餐食得比較清,兩個人選擇食碗地道艇仔粥除左艇仔粥之外,忍不住口,都係要左味道濃同heavy點既炒麵同炸兩各一,艇仔粥材料唔算太多,但係粥底味道唔差,一人一啖,好快就食哂炸兩ok,當然,唔可以期望油炸鬼好脆嗰種,總之唔難食啦,炒麵一般,始終唔夠熱,無咁好食

住在佐敦三十多年, 由細食到大, 一間家族經營的粥店。伙計永遠第一時間問你食乜(都未坐低), 你話睇下先(咁你就後悔, 佢會走左去費事理你)。看著它的轉變, 由無冷氣到有冷氣; 以前逢過年都休息兩星期改為數天, 一個個老伙記退休, 由無飲品做到有汽水賣, 再加炒麵(多數未有)&蘿蔔糕。但最大的轉變係, 以前會落好多味精, 食完口喝到暈, 而家就淡而無味; 以前牛仔(碎牛粥)會『杰撻撻』, 而家就『稀淋淋』無乜材料, 油器以前有個爐頭於街邊不停有出品, 而家就休想啦, 炸腸例必唔脆, 腸粉一定凍冰冰, 真係廉署個廣告咁話, 而家食唔到啦, 以前就有！冷氣係有, 但係唔凍, 門口又無風閘阻冷氣外泄, 又唔開風扇, 夏天例必食到流汗。論好食, 佢一定無份, 論抵食? 碗粥少料, 抵食又無佢份? 論衛生又點?試過朝早上班, 要一碗荔灣(艇仔粥), 一條油炸鬼。粥先來, 食緊, 眼角見到佢用手『丁』條油炸鬼上碟, 用手『丁』無所謂, 有所謂係咁橋條油炸鬼跌落地, 正正在小弟腳邊, 我又望下個伙記(哨哨地牙果位), 佢又望下我; 我諗你唔係想俾呢一條我? 結果佢真係…無俾到我, 佢拎過第二條俾我。

某天到銀行後沾染病菌,北上後情況更嚴重,沒甚胃口下的週末午餐就選了這間在佐敦品評不錯的粥店。點了艇仔粥和炸兩,不用一分鐘全數到齊。粥底的確很綿滑,味道也不會很單薄,豬皮絲、魷魚份量不算很多,也沒有什麼味道,但卻是艇仔粥不能缺少的材料;相對來說牛肉份量就較多,不過炸米粉又不太足夠,對我來說再多一點就好了!由小至大我吃艇仔粥就是為了這些炸米粉!!吃完一碗,整個身體也暖暖的,好爽!下午所吃的炸兩當然不會是脆脆熱熱之流,不過油條也不會很韌,以過氣的油器來說已算不錯;腸粉厚薄剛好,由於豉油味道偏咸,所以也吃不出腸粉是否有米香,雖然自己偏好較甜豉油,但這種咸咸的味道才有老店的風味嘛。看到其他食客的炒麵、煎蘿蔔糕、紅豆沙、芝麻糊還有掛在上面粽子也像很好吃,只是自己胃口不佳,還是下回分解吧。結帳時看到粥鍋裡原來有著不少豬骨在內,難怪粥底鮮味,老店的確有其辦法!要是粥底有豬骨去煲,相信引致月巴人感到味精存在的,相信是豉油了!離店不久已經要飲水了!

食咗幾十年每次行開佐敦都會整返碗艇仔咁多年都依然好味炸两冇得頂不過要晨早熱啦啦先好食

D 粥真係好好食~我成日食,粥可以話十分滿分有九分~但D阿姐好唔得~講嘢成日串串貢,又冇禮貌!~未食嘢已經成肚火~諗住唔係咩大不了事~忍吓就有好嘢食~但忍得太多!幾好食又抵食都假!以後不會再幫襯

7月6日21:00佐敦下車後，想吃綠豆沙，但決定先來碗平實一點的粥。想起了這店，老店隱藏在寶靈街中，光猛而尚算整潔。客人有街坊和我這等過客。要了皮蛋瘦肉粥。粥底：綿而極厚，略嫌米香不，更無白果腐竹等配料，算是淡中之淡。粥料：極入味的醃鹹瘦肉絲，那鹹香透入白粥，整碗粥活了。皮蛋是糖心的，甘美的。最終結論：這碗是平實而有勁道的下火粥。值得再來。題外話：星期五晚又回到土生土長，有安全感的土地。那感覺是說不出的舒暢，吃也吃得放心一點。雖說我已南北跑了廿多年，竟仍有這感覺，可能因深圳是移民城市，大家都沒有歸屬感，我遇到有機心的人和事太多了。

佐敦也算是老區了，很多店也有很多年歷史，這間便是我由細食到大的其中之一。不起眼的地點、沒有什麼的裝修，但無論粥、糖水甚至腸粉都是水準之作。有機會經過，點一碗芝麻糊或紅豆沙吧，比那些什麼新派糖水店好食且平百倍。

佐敦係遊客區，但係都照樣有一d好街坊既食肆，此食乃是其中一間。佢既粥唯然冇咩特別(我地叫左皮蛋艇仔粥及魚片牛肉粥)，但係勝在夠平(大$13, 小$11)，仲有home made既糖水，佐敦咁多糖水舖都仲有好多上左紀既伯伯婆婆入黎食碗$5雞芝麻糊，因為食開有感情麻。碗粥既粥底就唔太夠味，食唔到應有既瑤柱香味，可以改善一下。食完再黎個腸粉，雖然唔太熱又唔夠滑，但係加左醬之後，食咩都咁好食喇!

又要到中港城座船出差，不想在中港城胡亂找失準的早餐之餘亦想找間老式粥品店，就在官涌街落車，找來這間老店。店內坐滿街坊，尤其是公公婆婆，大部份都是粥品加腸粉，淨看這裡已投了信任一票；因趕緊時間，Talk Away是唯一選擇；點了艇仔粥、炸麵及腸粉。雖然是外賣，但到船上開餐時仍挺暖，而碗艇仔粥仍可以熱辣來形容。腸粉只添加醬油，沒有其他醬料，但食味真的不錯，需不是即拉，但仍香滑，添上這裡很香的醬油味道，若熱辣新鮮食用，必定加分；炸麵雖然已涼了，但仍夠香脆，但唯一不足的是麵粉太多，似牛利酥多一點；碗艇仔粥真的很足料，看著煮粥的阿姐將不同的配料混進碗內，加上半碗白粥底之後攪拌幾下再加上餘下半碗白粥底，高手所為；碎牛肉加上已炸的米粉，魷魚，豬皮…包羅萬有，匙羹每趟都有不小粥料，吃完之後相當滿足，況且粥底很綿不稀，老店的鎮店之作。