新吉洞激辛辣麵 (Closed)

好像每年初秋都會病，人人叫感冒，我久病成醫，跟感冒有分別，這叫上呼吸道感染，沒有發燒，只是鼻塞流鼻水，然後咳，不走運最後可能會導至輕微腸胃炎。每年都逃不過病魔折磨，漸漸，與其埋怨，不如適應。今年我更感恩，由十月初飛澳洲，到十月中法英之旅，到十一月短飛上海，三趟旅程完結之後才病倒，我心中暗許：「總算病得合時。」不料，一病就個許星期。病，最惱人就吃東西沒味道，打亂我造訪這家韓國菜的大計。一病好，就殺去旺角，順道「鳩嗚」。知道旺角路不好走，這次從油麻地出發，經過家樂坊，鑽入女人街，尋幽探秘。好像有十幾年沒走進女人街找吃，有點時不與我了。走不了半條街，便找到小小的招牌，以為過江龍總有點來頭，也有個體面的店面，但現在看來看去都只像家無名小店。一排單人座，另一邊則置了四方桌，完全是小店格局。七時多，沒半個客人。打開餐牌，價格十分親民，三十四元便有一道菜，旺角，果然是另一個世界。不理了，狂風掃落葉點了四五款心水菜，然後便慢慢等吃。最先上來是最想吃的一味，魚板魚糕串。魚板，於韓國小吃中，有如香港的魚蛋一樣舉足輕重。這次不用湯煮，換個口味，以魚板作包裹，捲起年糕條，炸香上桌。一口吃盡兩種口味，魚板香脆，

原本是無意寫下這食評，可是看到餐廳的喊臉頗多，但我到訪後卻覺得質素不錯啊，所以決定幫它平反一下喇。是次到訪是為了慶祝生日，友人吃過推薦這家韓食便宜又不錯，所以就選了這間。紫菜麻香飯團我是很喜歡吃米飯的，這個也頗符合我的口味，但味道就比較淡了一點。年糕魚蛋串這個有點驚喜，微脆的魚片、軟糯的年糕和甜甜的醬汁，沒想過這樣的配搭原來也好吃。四級辣度的海鮮辣麵一場來到，當然要嘗嘗店中的招牌菜，但我們確實低估了它的辣度，選了最辣的四級，看它鮮紅色的辣湯，連平常能吃譚仔特辣的友人也直呼很辣但味道是不錯的，湯底也有鮮味，麵條有點像幼身的烏冬。水冷麵麵條淋身了一點，但吃了辣麵解辣一流！炸雞一般，肉質較乾，沒肉汁。芝士年糕pizza有趣但味道一般，雖然舖上芝士來焗，但年糕本身沒味道。總括而言，整體食物也令我們滿意，值得一試，四個女生吃得飽飽的也只是三百元，比其他韓國菜餐廳便宜，而且我們當日在店內切生日蛋糕也沒收取切餅費。

幾乎個個星期五都出旺角食飯，其實都已經食到好悶，諗唔到食咩好，咁就好奇睇下女人街入面有咩食，差唔多行到街尾都搵唔到岩食嘅嘢，點知就係我地想放棄之時，見到新開韓式小店，又唔駛等位，二話不說，梗係即入去試喇傳統辛辣麵，一個人食啱啱好，SHARE就千祈唔好喇，不過嫌佢唔係好夠辣，辣多少少會正好多惹味年糕魚串，呢個好特別，本身我就好鍾意食年糕，不倫係上海、韓式、日式，總之係年糕我都啱，加埋個韓式魚旦口感好得意，平時食韓式魚旦都係烚嘅多，好少食係烤嘅新吉洞炸雞，我就覺得唔錯，男友話覺得無特別，最多係叫夠滑韓式燒烤醬炒豚肉，呢個個汁撈飯好得，好正光州銅盆雞，呢個個汁又係一絕，好可惜，佢晚市時段係冇餐，所以只可以齋食，D汁浪費晒，如果大家想試下用黎撈飯，建議會Lunch時段，佢有D午市套餐，我覺得以喺旺角地段嚟講，價錢可以叫合理辣味炸醬麵，本身對韓式呢D炸醬麵一D好感都冇，但係男友話食韓式嘢點可以唔食炸醬麵架﹖佢就膽粗粗點嚟食，嗯…總括嚟講，你唔好甜麵嘅就千祈唔好浪費個胃嘅位置紫菜麻香飯糰，因為本身我坐喺對住廚房嘅位，所以見到佢地整覺得好好味，叫嚟食吓，嗯…麻香唔夠呢間嘢整體唔錯，亦都去過食兩、三次

朋友話我知呢間野之前被雜誌訪問過，電視又介紹過，所以叫我同佢一齊去試下，我最鍾意就係試新野架喇！間野其實係女人街尾尾，但都揾到我同朋友身水身汗！間野唔大，一眼睇哂，我諗坐到20人到！有一個細細既玻璃KITCHEN望到師傅係度煮野食！入面得一個女待應，但都夠了！朋友之前已望過其他食評，所以一眼鎖定一定要叫辣海鮮湯麵同炸辣魚串年糕，但當然我呢D大哂鬼一定要叫多幾樣，我叫左炸泡菜餃子同蜜桃鮮奶！D食物好快就上台，但係新鮮熱辣的，個炸辣魚串年糕同炸泡菜餃子一D都唔乾，唔似翻炸，或者就算佢真係翻炸，呢個都係炸得好好食..前者個魚串配年糕比想像中更夾，一啖咬落去煙煙軔軔，佢面仲淋左D甜甜既自家製醬汁；仲灑上D辣粉同蔥粒，好野味！而個炸泡菜餃子本身辣辣地，佢入面好多泡菜同粉絲，附上既醬汁應該同年糕面上既是一樣的！同樣好吃，其實呢個唔太食得辣既應該都食到的！我同朋友唔算食得超辣，所以叫左2級辣既海鮮湯麵，佢最大係4級好似...不過都好辣！但無損佢好食程度..佢D麵中粗度，又係煙煙軔軔...入哂味既麵真係好好食，飲埋佢D湯真係夠唒刺激！但佢配既海鮮就唔多吸引，我唔食青口的，魷魚亦不是我喜好，但佢料真係俾

睇完飲食男女介紹過此間韓國餐廳之後, 無論如何都要食番一次韓國辛拉麵。點了一份午餐: 2級辛辣面和一杯凍柚子梳打。等送餐期間聽到待應用韓文對答, 雖然未知道拉麵是否的味美?? 但能感受到店主有別一般細心,餐廳的每一處也花過小心思去設計, 去鑽研顧客的初感受。食過拉麵又飲完柚子梳打的評論: 小青口無腥味算ok啦!~ 麵質好爽滑又有咬口, 鮮辣湯頭鮮味美, 飲左第一啖的確feel到係即食韓國辛辣麵味湯,吞落喉龍唔係一般味精湯, 係韓國辛辣粉加鮮骨湯頭。 柚子梳打就中規中舉的一般解辣飲品。非常值得再來!!!!!

與身為韓迷的一眾好友某日路經此店已經好想試下，今日有時間去食個Lunch，一試之下發現都唔差。本身無睇過食評就去咗試，食完覺得唔錯想上黎比返好評，但見到好多人比負評有少少詫異。唔少人嘅投訴係menu好少選擇，其實選擇少都唔係太大問題，野食尚可就OK。以同地區同等價位嘅韓食店黎講，呢間算係不過不失，但如果要追求韓味十足又要任君選擇嘅，建議你豪d去尖沙咀韓國街食，唔好咁屈就黎呢度。店內面積不大，估計最多可坐30人，裝修一般，唔算太奢華，韓味也不太強烈，只輪流播住近兩年流行的KPOP。唔知係咪因為閒日同Lunch嘅關係，店員比較少，只有一位店員負責樓面落ORDER同上菜。但同時店內客人都唔多，所以足夠招呼客人，我地亦唔洗等位就入得座。我地一行三人，叫左三個餐share食，分別係『激辛湯辣麵（1-2級辣）』、『光州銅盆雞飯』、『辣炒烏冬』。另外每個餐+$5有一杯熱柚子蜜。最先上左3杯熱柚子蜜，份量算大杯，+$5就有，覺得好超值，可能加上出面天氣凍，份外覺得好飲。之後陸續上埋三個餐，首先係『辣炒烏冬』（其實真正嘅名唔記得左），辣度適中，辣中帶甜，平時無食開辣嘅都頂得順。『激辛湯辣麵』辣度有分等級

雖然病，頭痛勁Wing，喉嚨又爛左，但都係忍唔住出街食飯，重點係約左一個好耐冇見過既朋友，如果一postpone餐飯真係唔知幾時的起心肝再約，所以照出啦！今次揀左喺旺角女人街內的新吉洞，講真，平時真係冇為意呢間店，見倒亦未必入，這次純粹想一嚐首爾冇食到既辣湯麵，朋友又冇所謂，所以一齊試新野了！餐廳好光猛，裝修雖然簡單，但都帶點新派，好有活力既感覺，店細細坐滿人，所以都唔好意思影相。餐牌亦好簡單，有二人餐同四人餐，另外有十多款小食，6款飲品，兩款甜品。我地一行三人點了一個二人餐，再散叫兩個小食。二人餐大概$198，有兩款自選主食﹑一客小吃及兩客韓式紅豆甜湯。由於是晚冇甜湯，故讓我們點兩杯飲品。主食有4款選擇，分別係海鮮辛拉麵﹑黑蒜炸醬拉麵﹑海鮮辣炒拉麵及Premium版海鮮辛拉麵，但Premium要加$30，其分別係多了蝦及貝柱。我們則點了這個Premium海鮮辛拉麵及黑蒜炸醬拉麵，小吃則選了年糕魚卷，另外點了一客銅煲雞及芝士年糕Pizza。飲品則點了白桃牛奶及熱柚子蜜。邊互相交換近況邊等食物到，沒多久就有得吃了！年糕魚卷先來，賣相不錯，食落年糕煙韌，調味亦佳，魚卷跟年糕很夾，比淨吃魚卷

日本拉麵大家就吃得多，韓式的呢？當然不是說一包包的「辛辣麺」如此簡單啦！上星期就來了一回「韓風料理」體驗。「魚皮燒年糕串」$48我覺得此小吃蠻吃得過，外皮燒到脆卜卜，年糕呈半融狀態，邊燒邊塗上甜甜的燒汁，我自家就隊了一整串！「光州銅盤雞」$48此雞說來有段古，話說店主以前有位韓國女友在光州 (在濟州島附近)，她經常親自煮此菜，現在店主分手回港後就引入此菜作紀念，長情雞啊！此雞味道不辣的，鹹鹹甜甜倒有幾分像港式「薯仔炆雞」，價錢也蠻合理。「年糕炒拉麵」純澱粉質的一味，它令我想起日本的「麵包夾炒麵」。。。「海鮮激辛辣麵」$98辣度有一至四級，挑了一級辣來淺嚐。我覺得此麵優勝在湯底，用了大量海鮮及蔬菜自家煲成，與辣味來個交手，形成味覺兩個層次，先微辣，後清甜，也不會如日本拉麵湯底般濃膩，麵質則是煙煙韌韌，愛清新及海鮮的朋友不妨挑這個。最後還來個 off menu 的「士多啤梨甜脆餅」作甜點呢。順帶一提，此店是間有 social responsibility 的食店，起用了不少更新人士或邊青工作，食材也盡量選擇「公平貿易」的原材料，值得支持。

上個月，7個老友去食野，聽講開左間新GE韓國野，仲要我地呢堆無辣不歡GE人，呢間岩哂！去到見到MENU，簡單2頁紙，選擇唔多但樣樣都想試！最正都係果1級辣GE PREMIUM麵，少少辣得黎又食到個湯D鮮味，正！值得番啅！下次一定要飲佢個香蕉奶！

餐廳得好小野食揀，兩版大大幅圖既manual已经list哂有咩食，無奈地叫左個湯拉麵二級辣，好彩味道都不錯，麵身偏硬，碗麵好足料，而食開辣既suggest叫三或四級。地方淺窄，服務一般。although味道不錯但下次唔會再去。

之前喺新吉洞食Lv1辣馬麵真係辣到噴火（勁弱雞），事隔一個月去食馬麵，淆底唔敢試高啲Lv，依舊叫Lv1就算，但明顯冇上次咁辣，至少可以飲得哂啲湯先！今次張menu加插咗啲相落去，唔洗一味靠估嗌嘢，重多咗好多小食同食品揀㖭！除咗要叫必食嘅‘辣炒馬麵’‘美人醋梳打’同‘紫菜飯糰’外，今次重試埋‘黑蒜炸醬麵’同‘唔知咩奶’（sorry！唔記得咗…）。好老實，個炸醬麵唔算特別，除非係你走咗入一間專食‘辣’麵嘅舖頭你又唔食得辣但有好想食麵咁叫啦！至於嗰杯‘唔知咩奶’可能係杯‘美人梳打’太好飲、啲冰水清甜，總知…我唔識欣賞（但叫嗰個人話Okay喎！）食完哂，又到咗型棍Chef出場，今次唔係問我哋覺得啲嘢好唔好味，而係佢認得我哋兩條茂里又嚟開餐所以請我哋試下新出嘅‘年糕魚串’，好記性得佢吖（I want to marry your brain!），依嗰堅正！佢係用魚串包住嚿年糕嚟整，再加上少少辣粉同埋一啲黑黑地類似燒汁嘅sauce，好正好好味！下次又多樣必食喇！(≧∇≦)利申：本人係非常誠實的，個‘年糕魚串’絕是因為型棍Chef請至話好食的！（要我埋沒良心，除非佢親手餵我就有得傾！嘿～）

係門口原本看見餐牌十二，三款野食，心唸應該精心推介，點左一個辛辣湯麵，一個海鮮炒辣麵，炒年糕，炒麵D麵似像根，青口有沙！      另一個辛辣湯麵等左廿幾分鐘先上、換番黎係湯底得個辣字無鮮味，青口唔新鮮，個麵就叫可以接受，但同大家食廿蚊碗的手打麵差無幾、份量少仲要材料吾新鮮碟炒麵食左幾淡就食吾落，實在太難食。。跟住有個男人黎問係咪太辣，答番係D麵太像根、點知無反應，仲未講D青口唔新鮮同有沙！三樣野無碟食得哂，埋單$191.4個肚空到無野落肚，仲要去肥媽買一串串、真係請我吾會去第二次！

二人叫了兩碗激辛海鮮麵、一碟年糕一碟和一碟魚片，三款食物只有魚片比較好食，用來點的醬油很好味。年糕只有辣到沒太大感覺，口感一般，至於麵，一碗1級一碗2級，辣味蓋過海鮮味，而且海鮮有點臭，好像不太新鮮。麵條彈牙，但湯則有欠驚喜。最後埋單288，但明明個麵68 X 2，其他都係有限錢姐，店員說我們叫的是platinum激辛海鮮麵，原來係98元一碗，但佢個餐牌係寫住68元……店員好聲好氣對唔住講，呢點我欣賞，但店長或老闆卻躲在收銀機後面，有欠承擔。

睇到蘋果動話有新面登場就約朋友去試地方唔算就腳要行到好入, 一去到門口OK, 入到去近乎0裝潢不過算係有韓國feel, psy水樽同銀杯都係local韓食必備. 叫左:-3級辣面 ($78)-2級辣面  ($68)-炸醬面 ($58)-海鮮拉面 ($58)-芝士年糕pizza ($48)講下面先, 2級辣食到海鮮味, 但整體唔算話好惹味, 唔辣3級就堅辣, 但海鮮味已被遮蓋, 感覺好奇怪, 一種好味與唔好味之間炸醬面同海鮮炒面正常, 但細碟一定要提係面質, 堅正, 煙un,爽食到咁上下, pizza就黎, 一見到, 真係火都黎! 以為係圓形D芝士同融為一體個隻...點知..佢竟然將4碌年糕鋪係底再加半去豬肉片同芝士..係半塊呀!!!!-..-度縮之極簡直令人髮指!!!!!已經嬲嬲地,,仲要對住成台面, 真係極度單調乏味, 諗住叫包香蕉奶飲下無甘寡, 點知居然索價28大元, 我真係無言.....總結: 面係真係好食, 我指面質!!! 湯仍有待改善!! 因為個面唔夠好味, 不能像日本拉面店咁彌補食物選擇小的問題. 仲要成舊水一個人食D甘質數GE野性價比真係超低!!!!!! 聽聞間野係唔知咩

今日小弟帶幾位韓國清沽遊旺角女人街，行到街尾佢地突然間好驚呀...原來佢地見到間老家食過既辣麵店!Gum Arm 我地行到好肚餓，二話不說就入去挑機!一人一碗辣湯麵，再加炒年糕、炸醬麵、Soju蜆、重有韓國未見過既Pizza年糕。韓國人一食就知間野dim唔dim，話曬佢地日日食...首先炸醬麵...九成似韓國食過個D...佢哋話差一點甜味，不過唔明D韓國人，d汁都幾濃點解係都要加汁...不過係幾野味。跟住炒年糕...一字記之曰..."正"!!  Super 地道!  3個大隻佬秒殺碟炒年糕!!Soju蜆...Okay la...冇乜comment...Pizza年糕...一定唔係地道! 因為我地冇人係韓國食過...不過有驚喜!! ...不能不encore啦!最後先上岸就來過主食一碗辣湯麵...辣得過引、湯又清又鮮，唔似D ga仔拉麵湯又ham又kit!  不過海鮮好似少jor d lor...食完先知大廚唔係韓國人，不過佢d韓文就好過我lor...最後埋單唔係貴，應該會同d香港韓友再挑機!下次要叫4仔辣湯麵先得！