新宏利粥湯飯

Open Now

Now Closed

好搞笑，明明打左堆留言，今日睇返唔見左，唔知係系統出錯定咩原因。間唔中都有去呢間粥鋪到食，有得揀湯飯又有得揀粉麵，仲有生滾粥，除左炒粉麵好難食，其他質素同價錢都合理，服務態度正正常常。但係自從換左依加個收銀同落單阿姐後，個阿姐間唔中會出錯，漏單，唔知搞咩一大倫後先過來落單或者收錢。有一次阿姐仲懶醒甘叫我食完就好走，唔好坐甘耐，話出面有人等緊位，當聽到距甘講，同枱唔識既人都望住我，我好錯愕，最後埋單個陣我大聲話俾阿姐知，我由入來鋪頭坐低到俾你趕我走，我都只係用左20分鐘，我叫左湯飯，我食完湯飯仲有杯野飲未飲，我飲埋杯野，由入座到離座埋單都係用左25分鐘，甘都叫坐左好耐？！如果你要求所有客人要係呢個時間完成用膳時間，有本事就貼張紙出來俾每一位客人見到。

炒面、炸両都是不熱、咸煎餅甜的、咖啡難飲，最基本都做不到，極差，從未食過如此低質素的粥面店，問店員可否提供一杯開水，都說沒有。食品質素如此低劣，咖啡超差。千萬不要幫襯

服務俾一星，係因為最低只可俾一星，建議引入美女廚房嘅負分制。牙痛，去咗食白粥，食完叫侍應埋單，叫第一次侍應唔理，第二次嘴臉態度不屑嫌棄，聽唔清楚內容，再問一次，竟然大聲夾惡「十一蚊囉」，就此我都算，趕住睇醫生，亦明白又唔係咩名店、大生意，食飽快啲走，然後唔再幫襯就算。但係俾錢時d錢比人扔，真係火起，同該名有問題嘅店員（同上述侍應為同一人）理論，竟然被鬧返轉頭，萬分堅持自己嘅正常及正確，唔講以為我係嚟打工，佢係老細呀，更加被其他店員「圍」，係我旁邊叉腰眼超超，好驚呀，疑似恐嚇，離開店面後竟然仍然高談闊論我嘅「問題」、「有病」，大佬，街坊生意，唔係咁呀？

尼間係專食湯飯，但今次叫粥品食。有冷氣夏天坐住食舒服。食物亦好快送上。假日午市，坐滿哂人。魚腩粥($40)，魚腩肉滑，骨大條，方便食。魚腩量亦多。粥綿，量多，加入薑絲、蔥等簡單調味，已經好好食。重點熱辣辣，暖入心。牛脷酥腸粉($21)，平時食得多炸両，第一次食腸粉包牛脷酥，原來又幾夾。腸粉皮屬厚，米味重，牛脷酥脆脆，內軟，配甜豉油食，亦好味。綠豆沙，估唔到好多渣，完全唔係水浠浠既狀態。不過略甜。聽到隔離枱落order，原來可以雙拼紅豆沙。燒賣，過下口癮。魚味重，唔會成口粉漿既感覺。整體，簡單既粥品，但好考功夫。要整得好食，一d都唔容易。

哩間粥鋪已經系荃灣N年，以前只有角落一個鋪，然後擺出街，現在在旁邊多了一個室內鋪，大好多，但仍然幾時都咁多人，可能哩D就是荃灣舊情懷吧。優點- 快- 客人多，腸粉粥都熱辣辣改善點-男廚師久吾久就吾戴口罩行出來幫手-西餐飲可能吾系茶餐廳，幾吾得。- 擺切比較亂，其實學下海X整整齊齊一D都吾難。- 有烏蠅。平時都系食粥，今日試下佢的西式早餐牛肉公仔麵要爽D（$33）3分- 睇落幾好咖，有幾大片牛肉，比較多，食落都幾彈口同牛肉味，同一般茶餐廳通常只有沙嗲牛肉，食落無牛肉味嘍， 本來真系可以比4.5分可惜系-個麵已經馬上食都淋淋地，仲有比較細，男仔吾系好夠-餐咖啡得個苦字，無香味。

一向去開佢隔離分店坐樓上，但疫情樓上冇開。又唔想坐樓上太迫，就過左來新店坐，環境算乾淨。野食來得都快，價錢抵食，味道好正，最鐘意佢地既油炸鬼。反而腸粉普通，粉菓可以唔叫。

呢間舖不嬲做開粥品，見佢做埋湯飯，一於試下。佢主打魚湯湯底，望落都幾鮮甜，餸既選擇都多。我地揀左蝦滑魚皮餃，另一碗就墨魚滑滑雞，兩碗都好好味，好鮮甜。魚皮餃係佢地自家制，個魚味相對地特出，同埋食落唔似出面果啲有味精味。蝦滑都好彈牙，蝦味好出，真材實料。滑雞既味配埋魚湯，令到碗湯都好甜好好飲。墨魚滑都一樣，好彈牙，墨魚味都好出。湯飯仲可以配菜，岩哂做野太忙唔記得食菜既香港人。粥品既野都可以嗌，炸兩內脆外軟，好味！

新宏利粥湯飯係隔離新宏利粥麵嘅新舖，除左有粥外，仲有新推出嘅湯飯系列，但而家天氣凍返，梗係要食粥暖一暖胃啦，湯飯就留返下一次再食過。碎牛粥一上枱嘅時候仲係紅卜卜嘅，但只要D 牛肉浸落去粥度一陣就會熟晒=]滑牛鯪魚球生滾粥滑牛夠大塊，咬落去鮮嫩彈牙，牛肉味濃，而相比之下鯪魚肉就普通左少少，不過都唔錯嘅。炸兩味道一般，但係呢度勝在甜醬同一般唔粥店唔同，用嘅係海鮮醬，所以味道更好。四寶有豬皮、蘿蔔、魚蛋、豬紅，四款入面我最鐘意嘅就係豬皮，因為勁爽口。

🏃星期日早上11：30左右,到荃灣路德圍逛街吃早歺,但大多數早歺時段已過😅.發現新宏利粥店擴張,開了新的分舖就在舊舖左手邊隔離,店內設計懷舊,和舊舖設計相約,唔單止有吃开的粥,油炸鬼炸兩腸粉等等吃.還有我最愛鮮魚湯飯.一於早歺午歺一次過吃,湯底分別有鮮魚湯底及蕃茄鮮魚湯底選擇,送方面有超過24款選擇包括豬潤牛肉魚腩等等好多選擇.今天就選吃了一個兩餸蕃茄魚湯飯（選了鲩魚腩,墨魚滑和勝瓜）,我不吃飯選了米線（可選飯,米粉或米線）,大眾化價錢只需要$45蚊咋仲送埋熱飲凍飲都係只需要加三蚊咋！由於即煮關係約等十分鐘,一碗熱辣辣魚腩、墨魚滑勝瓜鮮茄魚湯米線送到枱面前,鮮魚腩大件份量新鮮,墨魚滑爽口彈牙,最重要還加上鮮茄鮮魚湯味道鮮甜,沒有味精,碗湯也飲哂簡直是吃過的湯飯店中的王牌推介店,鮮魚湯如此鮮甜.一試難忘呀！以後又多咗一個必食嘅店.下次再去試一試鮮魚湯底和其他餸.

荃灣多左好多新景點，哈哈，由荃灣西一路行返去舊荃灣，攰攰地又去搵下食，見老字號粥店開左新湯飯店係隔離，除左粥品而加多左飯麵食，黎試下佢都好。自己點左皮蛋碎牛粥加炸兩，賣相不錯啊。碗粥幾足料喎，熱辣辣正呀。炸兩淋左少少，但花生漿甜醬辣醬任落真係好正，最鍾意多醬，哈哈。朋友叫左鮮魚湯湯飯，三餸一菜送野飲。要左魚腩，豬肚同肥牛，即點即淥熟熱辣辣，份量也不少。魚湯都幾鮮味，一啲都唔腥㗎。飲品要左熱奶茶，唔錯啊。食完見到隔離枱食呢個四寶小食幾正咁，我地又叫左一份。有豬皮，魚蛋，蘿蔔同豬紅，其中蘿蔔最正，好鮮甜又無渣，入哂味好好味噃，配上秘制醬汁更惹味，如果可以再多啲醬就好啦。仲叫左甜品添呀，十幾蚊大大碗，好過自己煲，哈哈。芝麻糊一般般啦，都有芝麻香嘅，但個人覺得不夠甜。綠豆沙好味，煲得好淋有臭草香味，正。食左咁多野都係一人70蚊左右，抵食！

今日唔洗返工但係都起左身食早餐, 朝早黎荃灣食粥, 好不幸地, 我見到呀姐拎住碟腸粉, 一路行一路打乞痴... 雖然佢唔係直接乞痴落碟腸粉到, 但係佢無掩口, 飛沬係絕對會飛到落碟腸粉到的....我認為侍應既衛生意識絕對需要加強!! 講返碗艇仔粥, 正正常常, 不過魚蛋真係幾難食, 建議大家唔好叫魚蛋黎食............不過呢到主打係便宜, 平平地食碗粥係OK既!!!!!!希望呀姐唔好再打哈痴.............................

冬天咁凍食返碗熱辣辣既粥就最岩😋整體嘅價錢唔貴，夠哂貼地👍🏻我地叫左一個生滾湯米線 $45，魚湯係佢既賣點！飲落去鮮甜，無添加味精，食材豐富有2餸+1菜，豬紅同墨魚滑都係水準之上。跟餐仲奉送一杯熱咖啡。仲有：宏利四寶湯 $38一向欣賞鋪頭自家製既食物，呢到既魚皮餃係佢地自製～必點～皮薄好食😋仲有肉丸，墨魚滑，鯪魚球同紫菜再黎多個鮮蝦腸粉$22，有兩條腸粉，入面有成6隻蝦，蝦仲要幾大隻，好抵🤣

路經荃灣，發現這間餐廳人頭湧湧，路過望下餐單，見非常抵，一碗粥可以唔使$20 ，就同朋友試吓入去食。因為我好肚餓，叫了三餸一湯，裏面的小櫻雖然很忙，但態度唔錯，很有禮貌。墨魚滑魚腐魚皮餃紫菜湯飯$50開頭以為一個湯飯上，原來白飯會另外分開裝，我覺得唔錯，鮮魚湯可以讓我任意將落白飯。滑牛豬心粥$36牛肉非常滑，粥內除了豬心亦會有豬腸，好好食。鮮蝦腸粉$22鮮蝦都非常大隻，可以一試炸兩$13雖然是一間普通的粥粉麵檔，但食物質素不錯，價錢又平，可以再去。

就快過年，去了荃灣街市買些過年食品，之後去了食魚湯米線。餐廳企企理理，以魚湯飯粉及魚粥為招來，價錢相宜。肥牛、魚腐、墨魚滑及勝瓜番鮮魚湯米線魚湯味道鮮甜無味精，加了些薑葱去腥味，米線跟魚湯味道勁夾，墨滑有粒粒墨魚肉，十分彈牙。宏利四寶湯有自家製的魚皮餃、墨魚滑、鯪魚球、肉丸及紫菜，湯底都是魚湯底，鯪魚肉、肉丸都應該是鮮打，咬落去同平時機做的完全唔同，味道較鮮且腍。叉燒腸粉腸粉就預早做好，所以唔夠熱，味道尚可。窩蛋滑牛粥生滾粥新鮮即叫即做，滑牛肉質腍滑，粥底很綿。

店面懷舊有港式風味，多款粥品任君選擇，而且仲有魚湯底湯飯，最啱一家大細落嚟開飯。先來個冷盤- 姜蔥爽魚皮。雖然係前菜，但絕對係全餐精髓，因為爽魚皮相當考功夫，很多店都已經不做這道菜，所以絕對是買少見少，難得有機會，一定要試試！果然不負眾望，魚皮爽口彈牙，配上姜蔥十分開胃，食完還想encore!及第粥不錯，相當綿滑，雖然價格相宜，但份量比較少。吃粥不能少得油器，再加份酥脆牛唎酥就剛剛好。湯飯套餐十分抵食，三餸一湯加蔬菜送餐飲都只是$50。魚湯及白飯分開上，魚湯有原味有蕃茄味，原味魚經已非常鮮甜，食得出無論是材料或是火候都十分足夠。小食方面大力推薦蔥花雞蛋腸粉，雞蛋包在薄薄的腸粉皮之中，為腸粉加添口感及香味，再點上麻醬，令人食過翻尋味！