新桂香燒臘

Open Now

Now Closed

_《新桂香燒臘》.全港最岀色叉燒？見仁見智啦😂我覺得過譽左🤨～如果你有時間拎籌吾介意等，我亦試過撲空如果你有大把錢😚我都覺得你可以一試～.買左半肥瘦腍叉，少食肥肉嘅我都食吾停口，因為肥位都幾爽口，肥瘦均勻，食落軟腍多汁，厚切食落啖啖肉🐖的確很不錯👍🏻！可惜冇得加薑蓉🥲有冇人同我一樣鐘意薑蓉餸飯食😂不過佢本身都幾多汁，最啱食多幾碗飯🍚🍚🍚～.但 ... 對於佢HKD180等同我買開都差不多美味lv 嘅HKD50,我就試一次就夠啦😂 平日4點幾5點都會有機會賣曬～ 柴灣亦都吾太就腳🤪你睇你啦～.#新桂香 #新桂香燒臘 #香港叉燒 #香港燒味 #叉燒 #燒味 #柴灣美食 #柴灣 #香港美食 #hkchasiu #chasiu #hkfood #hkfoodie #foodie #foodies #chaiwan #chaiwanfood #pork #porkbelly #foodporn #meat #barbecue #barbecuepork

呢間叉燒我可以話由細食到大，論佢好唔好食！我就覺得係我食過最好食嘅叉燒！叉燒真係用炭爐黎燒！呢個係最原始最正宗嘅方法來製作，咬落去，已經知道d肉係新鮮肉!同行有四人，叫咗d例牌，有乳豬、有燒排骨當然就唔少得叉燒啦！全部真係用明火炭燒，出到嚟熱辣辣！味道夠濃郁！啲乳豬真係好脆，真係未食過咁脆嘅乳豬，食過返尋味！最大件事就係！我係覺得佢係全香港最好食嘅叉燒就係佢哋！堂食嘅叉燒就食晒啦！真係唔夠喉呀！結果又買咗啲叉燒同埋燒鴨返屋企再食過！返到屋企食，味道都冇乜點改變！依然都係咁濃郁！都有好好嘅招呼！老細又好有禮貌！值得一試

經網上一位老實嘅食評家慕名而來，結果係喜出望外。門口企滿源源不絕嘅客人，街坊都知道堂食位置不多所以大部分都外賣斬料，雖然開埋街櫈都只有8個位，但12:30嚟到已經有得坐低。嚟到街坊生意舖頭打算就咁叫睇下會俾啲咩質素，點知舊舊叉燒都燶邊脆脆，亦半肥瘦，非常滿意。燒肉皮脆索索聲，肥瘦比例正常，經驗街坊老店呢樣算基本亦做得好，仲有例湯送。麻雀雖小，更睇到師傅鐵漢柔情，門口燒味師傅每有時間都會仔細問咁多叔叔嬸嬸要咩位，仲教埋返到去點樣整熱先好食，非常體貼。

朋友話呢度叉燒好食，所以好遠專登走過來食，估唔到今次係我成世人食過最差嘅叉燒，佢地得把聲，講嘢大大聲，又話叉燒唔肥唔好食，點知成碟係肥膏飯，一個叉燒肉都冇，最後我食剩左半碟走咗，千祈唔好中招，環境又污糟又嘈，真係唔明點解咁多人話佢好食

已經叫咗幾次$100半肥瘦叉燒都係發生同一情況明明揀咗一條叉燒係無肥但結果一半叉燒係瘦肉一半叉燒係全肥肥果一半完全放唔到入口食嘅咁即係叫一份只有一半係食得講真，幾好食都唔會再去買偷龍轉鳳根本就係呃人

一個住新界嘅人，山長水遠去柴灣就係為咗久仰大名既新桂香叉燒！平日12 點左右到，已經見唔少人排隊買。鋪頭都有大概6-8 個堂食位置。姐姐態度好親切，仲會話可以放袋係後面。我哋叫咗一個叉燒（半肥瘦）飯同叉燒併燒肉飯！記得叫半肥瘦或者淋叉，之前有同事冇叫，叉燒偏瘦冇咁好食！叉燒賣相超靚仔！每一啖都好幸福！半肥瘦叉燒軟淋入味，個邊有啲焦香！每一舊叉燒立立令，個汁甜甜地，好味到停唔到！值得我山長水遠黎食！燒肉就都好食，但冇叉燒咁出色！堂食就送個例湯，成餐飯好滿足！下次要黎再食！

山長水遠入去柴灣就係為左試呢個熱烈全城嘅叉燒買左半斤唔洗諗喇, 用新鮮豬肉價錢一定係比較貴少少同平時一樣都係叫半肥瘦師傅一手就抽起一舊手起刀落當時望見呢種半肥瘦真係有啲驚因為平日都好少食肥肉但已經手起刀落左返唔到轉頭斬完後,師傅分別加左兩種醬汁一款相信係鼓油另一款係比較杰嘅當信係燒叉燒用嘅蜜汁攞到返屋企都已經過左一個鐘頭本身以為味道點都有影響但正正係師傅加左一層蜜汁令到佢啲肉汁鎖起晒配叉燒只需要一碗白飯就好了講返呢個半肥瘦個半肥膏令人有驚喜因為係爽口嘅都唔會令到你成口油其實唔講真係唔知係肥膏黎的確呢到啲叉燒係出色特別係呢個半肥瘦真係同平日買到又柴又乾身只有鼓油嘅叉燒唔同蜜汁真係令到佢生色不少但可惜住得遠唔可以成日去買但真係值得再買!

No doubt this is the best cha siu you can find in Hong Kong, it’s just an ordinary shop on an ordinary residential area but the price reflects the perfect quality. It’s not ibérico pork but the texture and flavour did the trick, plus the chargrilled skin made it even more authentic. It’s definitely something to bring home if you pass by.

每次柴灣掃墓之後，食义燒飯已經變咗例牌動作。識食一定半肥瘦或多肥少瘦，肥肉係唔油膩而且爽口，加埋燶邊，汁唔鹹就是食神义燒。其實唔係度度有肥义賣。現場食完再買打包返屋企。大滿足！🤤🤤

兩公婆用戶戶送叫左兩盒叉燒油雞飯，外賣到左滿心歡喜，即刻開餐。點知兩盒飯啲叉燒都係肥膏，一係就肥膏之間只係夾住一條幼過牙籤既豬肉，一係1/3係肉+2/3係肥膏…. 啖啖都係肥膏，點食啊大佬，賣剩啲肥叉都唔好咁樣舊舊肥膏畀個客啊！打去舖頭，阿姐叫我地拎番落去換，我唔係住附近，點拎去換？阿姐毫無歉意，係咁話聽唔到，老公講到著哂火，一路食、一路鬧….好彩叫雙併，仲有油雞食下；如果淨叫叉燒飯，就真係淨食白飯都得啦！#嬲爆

✨叉燒飯叉燒半肥瘦 肉質腍略嫌蜜味唔夠飯 正常 偏硬食物可以 但冇其他人講得咁誇環境方面 店內只有兩張枱供堂食服務正常 價錢偏貴 但店家表明係用新鮮豬肉 可以接受可以經過去試 但唔需要特登去另外值得一提既係 店員衛生意識麻麻當時店內得我一人 有兩名職員坐在我對面計數其中一名職員一直都冇戴好口罩 坐下後更不停摸口鼻 之後更在門口冇遮掩既叉燒前大聲講電話 雖然我明白街坊店環境唔會好好 亦唔會要求有咩好服務好環境 但疫情下做飲食行業最基本都應該要戴好個口罩

七月九号近中午時間特登揾朋友車我去新桂香買义燒同燒肉。當時是中午，無人買外賣，堂坐都係得二人。服務員叫我買一斤义瘦，我因二人食所以買咗半條半肥瘦义燒同一條燒煵肉共$172, 比錢時都特一特，觉得幾貴。返到屋企一睇，半肥瘦义燒系肥歸肥半盒，瘦歸瘦半盒。另外燒肉就千奇唔期望D皮糸脆，不過仲有幾夠朱頭骨比過你。結果我真系落唔到口，倒咗半盒肥燒，D瘦义比較甜，我就麻麻地。燒肉也是普通貨。唉，咁大陣仗出錢又出力都糸失望而回，下次就去太X或美X買，勝在方便又價格合理。

睇完雪姨個叉燒大比拼video，上次食咗上環龍邦燒味，今次就現埸試埋呢間佢哋挑選出全港第一嘅叉燒。其實早係之前已經試過一次外賣，不過果次覺得唔太好食，因為叉燒都好乾同好瘦，只有個汁甜甜地唔錯。今次俾多次機會佢現場食，試試會唔會有唔同嘅效果！落單時記得一定要點半肥瘦叉燒。現場主要做外賣為主，只有兩三張枱。呢度嘅叉燒每斤要$192，比起出面大概$100左右一斤，價錢係偏貴，因為係用新鮮豬肉而唔係冰鮮。半肥瘦叉燒油雞飯$45原本諗住點肥叉，不過個姐姐問我食過未，未食過就唔建議肥叉，因為真係會好肥，所以就叫我地點半肥瘦。半肥瘦叉燒其實都略為肥，每塊叉燒有一半係肥膏，一半係肉，肥膏雖然有少少多，不過食落夠甘香，感覺唔會好肥膩。叉燒肉質夠鬆化及嫩滑，近邊嘅位置仲有啲燶邊位，夠香又夠脆，油雞肉質亦夠滑，就算雞胸都唔會好鞋。乳豬半肥瘦叉燒飯$80 $80一碟燒味飯有少少貴，不過見到都幾多人點乳豬，乳豬燒得都幾好食，皮夠薄同夠脆，肥瘦適中，肉質亦好滑。

曾經在香港一個小角落，渡過了中學時期最快樂的兩年，快樂到讓我一直懷疑關於所有這裡的記憶都屬於我的上輩子，這裡有很多很容易的滿足，有很多想找個地窿爬進去的腼腆，有很多一時三刻的衝動，一腳踏進社會這個大染缸後，慢慢將自己打造成一個日復一日的上班族，失去了幾乎所有的膽識和勇氣，只懂得慢慢變老。所以自己近年很少踏足柴灣，即使一切景物依舊，自己卻愧對當年那個生蹦活跳的我，好像每次到來都在承認自己沒有好好做一個自己想成為的人。這天嘴饞難耐，食慾簡簡單單就戰勝了自卑，又再蹓躂到柴灣一趟，為的不是別的，而又是一碗叉燒飯。季節已屬入秋，柴灣公園的台灣欒樹生出了金黃蓋頂的花序，水池的遙控船仍然鍥而不捨的在水面飄搖，我印象中這個水池好像一直都有它們的踪影，像是已經紮根在這裡，成為公園裡的一種寄生似的。穿過了柴灣公園和運動場左拐，再走一個街口，就到了新桂香。這條路熟悉到，大概到很久很久的以後，我就是一個人盲了眼，還是能踉踉蹌蹌地蹭來。這是一個微涼的清晨，大概是香港一年中少有天氣最舒服的日子，如果不是腸胃嘟嚷，大概會找個草地懶洋洋的睡個半天。但對於新桂香的一班師傅而言，已經是忙了近半天的狀態，一條條叉燒從爐火裡

試一下很多KOL及網上食評人推介的叉燒，在柴灣的一間燒臘飯店，門面是很傳統的燒臘飯店，門口位掛了滿滿的叉燒，未行入去燒臘香氣已經撲鼻。入去叫師父要了一條半肥瘦叉燒，師父秤了要$170，隨即就馬上切了厚切叉燒，還叫師父要多些蜜汁，切好就入發泡膠盒淋上蜜汁。回家打開發泡膠盒，叉燒香味散發出來撲鼻，這是原條的半肥瘦叉燒，切開一半邊比較肥，另一半邊較瘦，有燶邊，放入口裡油香四溢，肉質鬆軟，是兒時的味道。可能小時候很多的燒臘舖都是炭燒，比較香，但自從政府沒再發牌，加上急凍進口豬肉普及又便宜，反而想吃好吃的燒臘已經不復再或變得困難，希望這些傳統燒臘舖可以繼續傳承下去。