新記煲仔雞粥 (Closed)

天氣轉涼，突然想吃粥，於是到又新街的新記雞粥。熱情的店員先招呼我們坐下，再遞上餐牌。原來新記雞粥除了粥還有很多選擇，於是又點了幾款小食配粥吃。生滾鮮蟹粥粥底用泰國絲苗米熬製而成，細密綿滑，每鍋粥有半隻新鮮蟹，令蟹粥味道更鮮更甜。金牌貴妃雞用上多種藥材及香料醃製，雞肉嫩滑入味，充滿咸香味，很適合配粥一起吃。鯪魚球即炸的鯪魚球外皮炸得香脆可口，內裡的鯪魚肉爽口彈牙，配上蜆蚧醬汁更添鮮味。脆皮乳鴿乳鴿外皮炸得很脆很香口，肉質仍保持嫩滑，而且醃得入味，即使不蘸椒鹽也很夠味。泰式青檸冰酸酸甜甜，清涼解渴，很適合配搭各種小食。

今晚同主子去元朗食新記, 就在新B仔附近, 呢度最出名就係貴妃雞, 當然要試下啦…兩個人叫個例牌都夠, 好滑又夠鮮味, 果然有料到, 用新鮮先做到, 真係好好味,仲有生滾蟹粥, 砂鍋上, 好有溫度, 粥底好綿,我形容似漿糊, 配以鮮蟹, 真係將鮮味大大提升,蜆介鯪魚球, 乒乓球咁大粒, 新鮮整好, 仲好有溫度而且又夠熱, 配上蜆介, 一絕!脆皮乳鴿都好好味, 好脆而且好有味, 我唔洗點任何野都已經好正,我叫埋杯泰式青檸冰, 超級滿足, 今餐可以試到元朗的好野食, 以後食粥又多個選擇

夜晚，與餓底媽在元朗搵食，想食新記雞粥但店內人頭湧湧，剛好店外有張枱沒有人，反正天氣開始無咁熱，有點秋意，於是就坐外面這張枱吧。海蜇燻蹄：餓底媽指定要點的，她說應該有十年沒吃過燻蹄，好想吃，就比佢過下口癮！餓底剛負責海蜇，吃一口，味道好熟悉，吃多口，知道了！這是韓國泡菜的味道！哈哈！麻辣鴨腎：這個辣味跟海蜇那陣辣味有點似，再多了點蒜香，及有一堆炸菜，辣辣地幾醒胃！乳鴿：剛炸起，好香！使出雙手，拿起上半身，邊吃邊"齒"開鴿肉，乳鴿就是要這樣吃才過癮！咬到的啖啖肉，醃到入晒味，不用鹽已經夠味！雞粥：今晚的主角，粥底不用講，綿滑就是必然的了，雞，也是夠晒味，亦好夠滑，一大煲，餓底與餓底媽KO晒！七喜龍眼冰、話梅柑桔冰：叫來送鴨腎及海蜇的，兩款都頗清爽，不會太甜，在這秋風送爽的環境下零舍好飲。

天水圍之友很久沒一聚，昨晚大家抽空來元朗吃個晚飯，我們決定去元朗扎根多時的新記煲仔雞粥吃吃小食，吃吃粥麵，當然飢腸轆轆的我們亦想快點開動。泰式鳳爪佐以泰式酸辣醬汁，拌入紅蘿蔔絲，白蘿蔔絲和芝麻，舌頭充份感受這酸香風味，鳳爪爽彈好入口，我們直接大口享受這開胃小食。黑椒炒螺肉份量給得很有誠意，還加入洋蔥，彩椒點綴螺肉，醬汁有著滿滿的黑椒味，而具彈性的螺肉吸收黑椒汁，香辣濃郁，挺有港式地道風味。蜆介鯪魚球素來是大家所喜愛，圓滾滾的鯪魚球炸得金黃，飽滿彈牙，再沾上鹹鮮的蜆介，鯪魚球美味度快速提升，讓人輕易地秒殺一整碟鯪魚球。XO醬炒蘿蔔糕用了大量XO醬乾炒，吃起來完全沒有油膩感，連同XO醬搭配品味，香氣更棒。XO醬蘿蔔糕鹹香惹味，脆不可擋，教人回味無窮。貴妃雞蠔仔粥有著獨特的鹹雞氣味，蠔仔的海鮮味，味道層次豐富，粥底更是綿密無比。貴妃雞軟嫩極致，骨肉輕易分離，蠔仔十分滑嫩，足以擄獲大家的脾胃。朋友習慣吃粥時吃炒麵，故她追加一份帶子肉片炒麵。老抽均勻地依附炒麵上，深褐色的麵條格外耀眼，帶子柔嫩，保有水份，肉片肥瘦剛好，可口富嚼勁。

忽然想食雞粥，如果入沙田對於大西北人士來說簡直是長征，元朗新記簡直是又高質，又抵食，位置又方便🤗-見到有個招牌既字 就叫左😋馳名貴妃雞粥！($51)粥底又綿又滑，無太鹹既雞味。雞肉份量好足又好嫩，比一般既煲過粥既雞滑，好正🤤-海蜇手撕雞($49)亦十分出色！爽脆既海蜇，配以嫩滑雞絲，加上青瓜絲，每一口都有濃濃的芝麻香🤗-涼拌皮蛋($32)既有蒜香，又唔會太辣，最適合唔愛辣既人士送粥！-炸魷魚鬚($49)，炸蘿蔔糕($32)和蝦腸($26)看似普通酒樓既點心，但都係細心之作！蘿蔔糕好足料，啖啖蘿蔔香。蝦腸用鮮蝦，口感一流🥰

平時有叫開food panda,今日經過叫外賣，辣椒醬要加收兩蚊，平時food panda 會跟埋，真心唔明，點解依家啲餐廳做到咁，有時覺得明明呢啲係正常嘅但係又要另外收費，已經唔係講到錢嘅問題，真心唔想再幫襯😾😾

同朋友好耐冇食過粥，今日行過見到，就入左去試下。新記雞粥近元朗西鐵站，附近都有好多餐廳。我地叫左個招牌雞粥，好好食，雞唔會好鞋，煲嘅過程啲雞油出曬黎，令到個雞粥好香好有雞味，份量都幾多兩個人啱啱好食得晒，如果係男仔一個食都夠飽。炸両腸粉幾滑，就算上左枱一段時間都仲好香口，推介！炸魷魚鬚，超級推薦啊，好新鮮彈牙，唔會好厚粉，加上好大份，抵食啊！見到有個柑桔七喜幾得意就試下，啱啱甜甜咁幾得意，唔曬啲唔太鍾意飲甜嘢嘅朋友仔。

今日收工返到元朗，想食吓粥同埋乳鴿，所以即刻第一時間諗起新記。就同男朋友行去又新街嗰邊，今日唔係太多人所以都唔使等位。叫咗佢馳名海鮮粥，同埋我最鍾意食嘅紅燒乳鴿。另外再叫咗個手帕青瓜，海蜇手撕雞。然後我男朋友話佢想食炸倆所以再加多一份炸倆。海鮮粥入邊有蟹啦、蝦、帶子同埋魚肉。至於個乳鴿係好值得推薦嘅，我每次嚟到必叫，笑得夠脆皮之餘，亦都唔會太瘦話冇肉食嘅乳鴿。海蜇手撕雞，估唔到海蜇都好多，對於我呢啲鍾意食海蜇嘅人來講就覺得好開心啦。手帕青瓜亦都好入味可以當一個前菜咁食。上菜上得好快，而且價錢算做好平，真係快靚正嘅選擇。

元朗又新街出名多野食， 有個住元朗既朋友帶過我地食新記後..由於性價比高..所以決定同女朋友再去食多次！今次已經係第二次幫襯啦！鋪頭地方唔大，好彩我地夜晚食都有位坐，雖然就有啲逼。今次叫左三樣野，雞粥、炸魷魚鬚、蔥花蝦米腸。呢到最出名既雞粥係用瓦煲滾起，好綿滑，白切雞件好味，切到大小剛好，食下食下都食左三碗！魷魚鬚炸粉唔算多，一碟都有十幾條，點埋個喼汁，都唔錯嘅！不過建議可以重口味少少...灑多啲椒鹽調一調個味...相信成件事會更出色！蔥花蝦米腸一口一腸粉，不過略嫌乾左D 唔夠滑。兩個人食到飽飽都係埋單都係一百頭，性價比高係高嘅...下次再食！

一直係元朗都好出名嘅雞粥今日終於有機會去食啦！🥳咁啱入去元朗，朋友就介紹咗依間新記煲仔雞粥！依到嘅貴妃雞粥真係一流！🥰唔怪得朋友話依到成日都要排隊等位啦！依到嘅雞粥好足料不突止，仲要啲粥煲到好棉好滑。一碗粥入面都已經有成八九舊大大舊嘅貴妃雞件！🤩啲粥仲要吸收曬雞嘅精華，成碗煲仔粥都係雞嘅鮮甜味！而蠔仔粥都好足料，師傅真係好大方，落左好多好肥美嘅蠔仔入去煲，成碗粥都係蠔嘅鮮味，仲要每一啖都有蠔肉！😳而依到嘅炸兩都好好食！😏😏入面嘅油炸鬼好香好脆，唔會浸到淋曬！其他嘅xo醬炒蘿蔔糕同豉油皇炒麵都係大大份！兩個人真係完全食唔曬！🤪🤪🤪

呢間新記除左出名雞粥之外，仲有好多鑊氣小炒、大排檔小菜。今次食左XO醬炒飯，一貫大排檔既水準，超有鑊氣，雖然我地係叫外賣，但買返屋企仲熱辣辣。而且炒飯係粒粒分明，炒飯料都好足料，見到啲蝦仁🍤都超大隻😻加埋啲XO醬超惹味，飲埋啤酒🍻一流

聽朋友說這家「新記雞粥」是元朗老字號。望起來也像是傳統而歷久不衰的店。.枱子上看見貴妃雞粥的宣傳，但今天不想食粥。這裏除了粥，還有炒飯、炒麵等的主食。.⭐金牌貴妃雞（例牌）鮮嫩有雞香味，還有淡淡的鹹滷味，不錯。.⭐貴妃雞炒麵知道貴妃雞是招牌，所以叫了這個雞炒麵，麵炒得香，比較鹹。有好幾塊雞件，如果沒有叫貴妃雞，叫這個也是「淺嘗」雞的方法。.⭐乾炒肉片河炒得有鑊氣，份量也挺多.⭐蒜泥白肉滿滿的蒜香味，有很多塊白肉.以為傳統餐廳的服務都一般般？這裏的店員很親切，也不會急着趕人走。

今日不太想食飯，想食流質一點的食物，於是就想起又新街的粥店。.剛好今日天氣都涼涼地，店內人又不算多，就入去食晚餐。.⭐️牛肉粥（$32）有不少的牛肉片，鮮嫩易咬不韌粥底也是一貫的綿滑發現粥加入了瑤柱，難道那麼鮮甜粥是一大盤上的，2個人都食不完呢.⭐️豆漿（$9）很大杯，如可選「無糖」就更好.⭐️燒味拼盤（$82）有4類燒味，貴妃雞、叉燒、豬蹄及海蜇貴妃雞有淡淡的鹹香味叉燒就半肥瘦豬蹄設成一片片方便入口海蜇份量就最多，爽口2個人開心share 就剛剛好

新記煲仔雞粥 (元朗)元朗又新街42號D2地舖行過想食粥清吓腸胃見到有間新記 粥粉麵飯乜都有又有好多款香口小食 一於入去試吓一共叫咗六樣嘢 包埋飲品先講講個 牛肉炒麵牛肉味滲哂入啲炒麵到好香牛味 乾麵身 不過不失貴妃雞黃膳粥聽講過人哋話黃膳配粥係好夾一試又幾覺夾 始終黃膳本身唔多骨同埋係去哂骨 可以大啖大啖吞雞味好入個粥到 好香雞味而我最怕食粥係結撻撻嗰種好彩係稀粥水 十分好味海蜇燻蹄無諗過粥店可以有哩尾嘢食而哩樣食物配有配汁有啲似泰式酸辣醬咁 開胃而啲海蜇爽口 唔洗配汁都已經好有味XO醬炒蘿蔔糕粥店有蘿蔔糕唔出奇但有炒蘿蔔糕 仲係本土醬又真係份外興奮蘿蔔糕切到好似冰粒咁再煎煎得好靚好香口 XO醬浸味好突出叉燒腸粉作為一條腸粉 滑劣劣好重要而豉油都好重要 好彩都好好味七喜龍眼冰粥店嘅飲品都好特別吓所以忍唔住想試吓係點嘅杯嘢係綠色嘅 以為會好甜甜度正常 可以一試食咁多嘢先200幾蚊 都抵

嚟到元朗嘅新既，梗係食返個海鮮粥先啦，裏面嘅份量果然係巨無霸分量啦，十分之豐富，有蟹，帶子，魚，仲有大大隻蝦，豐富都不特止，最重要嘅係海鮮最重要嘅新鮮，佢都做得到，所以令到個粥，十分之鮮甜，令人10分滿足。之後我哋叫咗隻乳鴿，佢雖然係乳鴿，但係唔係BB鴿，夠晒大隻，脹卜卜，新鮮炸起仲係熱辣辣架，而且又厚肉，炸得又唔會太乾身， 10分好味。炸魷魚，而家炸魷魚，真係唔係周圍都可以食到，買少見少㗎啦，而且佢嘅炸魷魚外面嗰層粉唔會太厚，完完全全仲可以見到魷魚嘅原裝，新鮮炸起，食落口爽口彈牙有香脆，真係食到停唔到口呀。