新錦園大排檔

Open Now

Now Closed

位於大角咀市政大樓既食市，有大排檔風味、餐牌選擇多，可叫小菜或火鍋。8個人吾洗諗、直接叫個$1098 既12人生日套餐。叫上菜幾乎一次過黎哂，轉盆都吾夠位擺，好彩張枱大可放轉盆旁邊。食物味道不錯、夠鑊氣，我哋8人好努力 KO 左8-9成呢個12人餐，個個棒住肚走，叫左幾支啤酒，位位$160。

十一月是大閘蟹季節，朋友們想大快朵頤，搵到呢間大角咀熟食街市的餐廳可以買海鮮店加工，一行四人就立即go go go。其實店本身也有海鮮的菜式，但選擇相對較少，而且附近有旺角街市，順道去睇吓有咩靚海鮮再作決定也不遲。今次主要是食大閘蟹，所以買咗7兩的大閘蟹後，只是約略再買了蟶子及瀨尿蝦就算了，再另外在店叫些小炒也很豐富。🔸潮蓮燒鵝（例牌）個燒鵝好味，上枱時微溫，肥瘦適中🔸椒鹽鱔片平時都係椒鹽魷魚、白飯魚呢啲，見到有得揀鱔片，就一於試吓新嘢，鱔片係厚切，啲魚肉無太散，而個炸漿薄薄一層剛剛好，好怕平時果啲厚粉炸漿，椒鹽味適中，無太咸，但果然椒鹽同鱔片唔係朋友，個味點都唔係好夾，下次都係回歸傳統好了😂😂🔸豉油皇瀨尿蝦個豉油底係美極，廚師再另外調味，無死咸，有香味，我地一致認為個豉油好好味，連瀨尿蝦入面既肉都有味，正🔸蒜蓉粉絲蒸蟶子這個就失色咗，蒸既時間稍微過咗時間，蟶子蒸老咗，可惜。下次黎啲海鮮就唔好蒸，都係用炒、炸方式處理較好🔸大閘蟹大閘蟹是外來食物，唔關店事，但提提大家如果去食大閘蟹自備食蟹工具，因為真係乜都無，唔係咁方便。🔸豉油皇炒麵炒得尚算乾身，而個豉油亦唔係美極果隻，但可惜有濃味，影

想食大閘蟹，但又唔想係屋企整 懶得煮洗煮抹，最好出街食，但去舖頭食一定貴啲。最後朋友拉隊去大角嘴街市樓上熟食檔，代客加工煮海鮮，海鮮就自己去旺角街市買。去到當然叫啲少炒啦。潮蓮燒鵝，皮薄肉嫩，鵝肉唔乾有肉汁，非常之入味。椒鹽白鱔，椒鹽味香脆，但都係襯魷魚多啲，白鱔都係豉汁蒸最正，但椒鹽都好香口。瀨尿蝦自己買，一斤有八隻，拎去叫舖頭椒鹽煮，肉質爽彈鮮甜，椒鹽味唔太鹹，好食。蒜蓉粉絲蒸聖子，味道好好，但蒸過左少少，下次炒會好啲，鑊氣夠啲。七兩重大閘蟹，清蒸無有錯。豉油王炒麵，味道係細個仔果啲味。薑汁芥蘭，有啲比較老。整體味道同服務都好好。完全合格，全部連工包料買個人 每人$510 都算好抵食👍🏻

在不少食評家口中，此店出名平靚正，所以又係一問爆場食店，所以在10月11日17：45我便和靚媽及細仔仔到此店攞枱食飯，因時間尚早當時店内衹有2，3枱食客，而此店在此樓層亦佔用咗9成空間，所以侍應姐姐任我哋三人，自行選擇合心水位置枱坐，呢一點巳攞足印像分，坐低後再睇睇小菜牌價錢，真係牌檔價，吾似深水埗區内果幾間名牌街邊牌檔，提供牌檔菜色，牌檔服務，收費仲貴過一般酒楼，而此店的一個生日宴圍餐嘅收費，真係平到你吾信，是晚我合共點了5個小菜，每道菜都有恰如牌檔其份的水準，鑊氣夠份量足，本來諗住今晚可以有一個愉快晚餐，點知當這店食客漸多，到有8，9成入坐率後，現場環境就變得非常嘈吵，甚至嘈吵到影响到人食飯情緒和胃口，D餸菜未食晒就結帳走人，本來諗位吹鷄帶人來食呢問oK食檔，而家連我都吾會再來此店，貼錢買難受，總結如果你是一位失聰人仕，光顧此店無論食品，服務，價錢都會令你滿意。

其實間中都有去食炸桶蠔同蒸魚嘅，今日好想食，專登揸車過去，點知一肚氣。叫桶蠔冇，叫大眼雞魚湯又冇，最後叫左琵琶豆腐，一見到好大碟，點知一咬…大獲，成舊都粉嚟嘅？係有見到好細粒嘅豆腐同鯪魚肉碎嘅，但真係三四舊都係粉，就忍唔住同啲“靚女”講，得到回應係：啲豆腐打左落啲粉度㗎！我地係咁整架。之後佢就行開左了。我試下食多幾舊，但真係再忍唔住了，叫佢地取消，真係太過份。佢話得事既再答我：我哋真係咁整㗎，你下次唔好再叫了，今次幫你取消。我食咗咁多間嘅琵琶豆腐都冇見過係咁過份嘅，仲要當我哋唔識嘢，一肚氣！

今晚同學會聚會，一行八人食到要外帶回家連酒水都只不過$2000 抵到無朋友。🤣🤣🤣碟頭大👍份量足👍鑊氣夠👍市政熟食中心地方大樓底高，最適合大顆兒飲啤酒大聲講大聲笑，開懷暢飲今晚千杯不醉。🥢墨魚咀係這裡名菜一定有，大大粒爽口有趣，但略嫌拿得太耐。🥢椒鹽鮮魷，外觀吸引食落脆口，但醬粉較多。🥢酥炸鯪魚球蘸蜆介趁熱食彈牙佐酒一流。🥢滷水鴨掌非常入味且稔。（無相）🤣🥢小炒王炒得乾身有鑊氣🥢沙薑雞腳，沙薑入味起膠。✌🏼🥢豉油王大蝦，灑上燒酒及美極的大蝦，隻隻鮮香惹味。🥢西芹鮮魷，西芹清爽嫩口份量足有鑊氣。🥢霸王雞，皮爽肉超嫩滑。🥢脆炸南乳豬手，南乳惹味豬手稔有嚼勁，佐酒佳品。🥢生炒骨，酸味夠熱食酥脆排骨軟身好味。🥢豉汁蒸鱔，豉汁蒸當然惹味無得彈，真的食魚有魚味，肥美甘香食個不停。🥢脆皮入味滿嘴滷香燒鵝🥢紅燒豆腐，係時候要清清地了，薦底生菜盡吸汁特別可口。🥢粟米羹，一般般水多了。

一班朋友聚餐又想啤一啤，去大排檔就無錯啦～呢晚去左大角咀熟食中心，因為想食海鮮就食左一餐海鮮飯😛🥢蒜蓉開邊蝦蝦開左邊食方便好多，大隻新鮮肉質唔霉🦐🥢豉椒炒蜆份量多蜆肉又大，而且新鮮全部都開殼無沙，炒得入味好惹味👍🏻🥢蒜蓉粉絲蒸蟶子皇話明蟶子皇幾大隻味道唔錯，略嫌蒸耐左少少，食落少少韌🙆🏻‍♀️🥢蒜蓉粉絲蒸扇貝扇貝又係大大粒，蒜蓉粉絲索哂味好送飯😙🥢果皮蒸多寶魚大條魚肉嫩滑，果皮帶甘🐟🥢椒絲腐魚通菜大大碟有鑊氣唔會炒到老哂🥬飲埋啤酒人均都係$100幾，$200有找價錢合理，小菜份量大有鑊氣，佢地招牌菜椒鹽墨魚咀都幾多人叫架😋。餐廳喺熟食中心入面，有冷氣夏天都唔駛熱住食大排檔，假日去幾旺場環境比較嘈吵。Follow我地page，唔好錯過我地嘅美食分享呀😋

阿爸最近成日話呢間餐廳好正，要去試，咁收工就同佢去食啦。一上到去，6點幾就已經坐滿曬人，人山人海，一啲都唔誇張。因為人多嘅關係，都幾嘈下，傾計都要大聲少少。好彩阿爸醒目，好快就搵到位。.一坐低就即刻嗌嘢食，因為太肚餓，3個人叫4個餸。.油浸筍殼魚都幾香口，炸得好脆，有啲骨都食到，味道唔錯，一上茶已經好快清咗。椒鹽墨魚咀，平時好少見有得食，今次一定要試下。嗯，幾有咬口，同埋無咩調味，要靠隨碟上嘅椒鹽吊味。薑蔥鵝腸煲，鵝腸食得出幾靚。小炒王係我每次到大排檔必叫，好多腰果，又有蝦乾個啲有咬口嘅嘢，味道幾好，但食耐咗佢同墨魚咀，個口有少少攰。

今晚心情就像天氣，時陰時晴，毛毛雨下就想飲杯青島爽爽食個大排檔，久經搜尋下因地點就到訪這家冷氣熟食市場裡的“新錦園”，網上風評不錯，就點了幾個小炒伙計推介最後兩份燒鵝例牌，緊係點，黎到份量有驚喜，以為有半隻添，微熱有肉咬再來椒鹽墨魚嘴，應該係招牌，好少見咁大隻可以炸到咁爽咁脆，送酒一流薑葱鵝腸煲亦係夠份量又入味，小炒王中規中矩，最後竟然問有冇豉油王炒麵，俾朋友笑（大排檔點會冇）。第一次光顧，街市感覺乾淨，今晚跑馬都仲有位，可能落雨關係，食完個人滿足晒，人多可以再來。

星期四平日叫外賣，七點叫，半個少鐘唔洗準時到樓下。四個人，叫咗五個餸，三個飯，完全食唔哂，total 422 連運費。梅菜扣肉唔好食。塊豬皮有毛，肉唔夠肥，不過好大份，連薦底小白菜都好多。咕嚕肉沒有炸得很脆口，本身中意食肉連骨，佢就全部都係肉，菠蘿好食，但又係因為好足份量，都滿意。豆苖好穩陣，沒有老，沒有過鹹，滿意，份量沒有其他咁驚喜。椒絲腐乳通菜為何不好吃的總是大份！好油，沒啥腐乳，葉在底，成盒一劈劈咁~沙嗲粉絲肥牛煲好好好食。個份量真係好過份，肥牛又足，味道又好，超值

3/5九餸一湯，有雞有魚有蝦有菜有肉有麵，個價錢都只係10xx港幣，十二個人的分量但係食唔哂。味道仲要可以，不過鑊氣就爭小小。堂食就熱鬧但係嘈啲，外賣自取仲有八五折。Nine rice soup, chicken, fish, shrimp, vegetables, meat and noodles, the price is only 10xx Hong Kong dollars. The taste is fine, but the wok is just a little bit. Dine-in is lively but noisy, and the take-out is 15% off. 12people cannot finish this set at all.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

間唔中諗起想食大排擋，就會記得大角咀街市呢度。大排檔風味十足，餐牌選擇都好多。每次一定會叫生炒骨，必食！仲有必食嘅就係豉椒炒蜆，惹味無沙另外仲有嘅就係楊州炒飯同豆腐芥菜湯，水準都相當不錯～

這家店真的是又愛又恨，人多的時候，服務簡直是爛道炸，沒有人幫你找位置，凭运气吧，服务也很离谱，不过很有街坊氛围，都是住在附近的街坊，有人在这里喝酒聊天打牌菜品也很不错，小炒皇非常新鲜，量很大，小鱼干好吃，菠萝咕老肉也好吃，不单单是面，很多肉，还点了一个豆腐火腩煲很好吃，里面的支柱简直入味

昨晚和朋友聚會去了這間大排檔，上到去看到很多枱已經滿人，幸好剛剛有都一枱走人了。坐下後，拿了一張餐牌看，餐牌菜式很豐富。我們點了5個菜。魚香茄子煲——份量很多，侍應拿上枱的時候，滾油在煲裡滋滋地彈跳着，茄子軟硬適中，但咸魚卻沒什麼味道，咸香不夠，整體不過不失。生炒排骨——排骨炸得酥脆，裡面則鬆軟，配合少少肥豬肉，非常有口感，汁方面酸酸甜甜很開胃，配角菠蘿也很甜，不會太酸，和白飯很配搭，而且份量也很多。小炒皇——新錦園的必點之一，裡面有韭菜，蝦乾，小魚仔乾，腰果，菜脯。韭菜爽脆鮮嫩，易入口，蝦乾選用的是大隻蝦乾，鹹鹹香香的，非常香口，小鱼仔乾也很好吃，配合其他配菜一起吃很有層次，菜脯則沒什麼味道，可能怕太咸，過了很多次水，而腰果則炸得很脆，個人最喜歡腰果，整碟菜都很有獲氣，是喝酒吃飯的必點菜之一。椒鹽鮮魷——原本想叫椒鹽墨魚咀，但已經賣完，唯有試另一碟招牌菜。鮮魷肥厚鮮美，每隻都好大隻多肉，外皮炸得酥脆，不會吃到一口粉，配上椒鹽粉和喼汁，微辣又惹味，值得一試。蒜蓉粉絲蟶子——這碟蟶子的肉鮮甜肥美，非常大隻，加上蒜蓉粉絲的精華與蟶子完美結合，令人食指大動，雖錢海鮮比較貴，但這個價錢與味道是

如果下次人多，一定再上嚟encore !首先，在場嘅哥哥姐姐服務態度良好，又會細心幫你諗，完全有爸爸媽媽果種溫暖😌但又有大排檔果種爽快～比起出面其他餐廳嘅樓面，食完趕你走，叫極都唔應嘅態度真係差好遠！今次人少少，所以叫嘅餸都唔多，但份量好足，碟碟都大大件，仲成日食咗先記得影番相⋯除咗份量夠，味道亦都相當不俗！我哋叫咗個椒鹽雙併（係姐姐推介嘅）- 椒鹽魷魚拼墨魚咀，哇！簡直不得了！咬落香口又脆身，一啲油膩嘅感覺都冇，送酒一流👍🏻再嚟一個生炒排骨，個汁並唔係出邊嗰啲染色素加上去無味道，而係脆口又有少少山渣味，鑊氣夠，一上枱冇耐都清晒⋯食咁多肉梗係帶返啲菜同埋蒸海鮮啦~個鹹魚茸炒芥蘭，啲鹹魚唔係死鹹，而係堅有鹹香，同埋啲芥蘭食又冇骨，啲芥蘭又炒得脆卜卜😌 仲有個蒸聖子同扇貝，兩個都份量夠，絕無呃秤，彈牙又新鮮！要咁多數埋單$500有找，鑊氣夠，食物份量又大碟，服務態度又好好，怪不得咁多人都嚟訂大枱食飯囉～～