新龍城茶樓

Open Now

Now Closed

啲野食都可以既，不過不失啦！佢比較好食既果碟係蒜蓉開邊蝦籠仔飯！佢啲飯夠香亦好好食，賣相又好好！蝦就一般啦，唔算特別鮮甜，價錢亦唔算平！不過，值得一贊既係裡面啲姐姐！佢地啲服務態度係好好既，一叫服務員就有人到，而且又會同我地傾下計，係好friendly 既小店！

與同事四人一齊想去食海鮮，就諗起哩間食店，一定要先book枱，預留海鮮，店員就會攞啲靚貨去煮。先嚟過花生雞腳湯，暖吓個胃。之後好快就送上椒鹽飽魚，香口得嚟，飽魚唔太乾身，送啤酒一流。蒜蓉粉絲蒸扇貝三樣精萃夾到絕，蒜蓉香味撲撲，粉絲盛載滿滿，大大粒扇貝，鮮甜入味。個個讚不絶口！胡椒猪肚大蜆湯好在有哩個大蜆湯，中和番啲酒😋😋😋，鮮味足，我自己就飲咗好多碗，邪惡嘅豬肚，入口彈牙，真係大滿足。另外兩個餸忘記拍照。薑蔥煮蟹，呢期啲蟹有靚膏。蒜蓉班塊抄西蘭花，魚塊淋身。

食大排檔我就係貪佢夠鑊氣 ， 好耐之前黎過新龍成， 今日我一行六個人再黎食，水準都ok，算抵食。六個人總共叫咗八碟餸 ，分別有蠔仔粥 ，白飯魚煎蛋，生炒排骨， 臘味炒芥蘭，芥辣牛柳粒， 椒鹽豆腐，蒜蓉炒西蘭花， 鹵水鵝片。蠔仔粥: d蠔都唔細仔， 味道不過不失。白飯魚煎蛋: 雞蛋煎得夠好嫩滑， 夠鑊氣，好味。生炒骨味道都好味， 但係略嫌佢炸得唔夠脆。臘味炒芥蘭好味，但臘味太肥，食唔到。芥辣牛柳粒d牛肉"那"的過籠，扣分。椒鹽豆腐炸得香炸脆，好味。蒜蓉炒西蘭花唔好食，太"林"，爽口d會好食好多。鹵水鵝片d鹵水汁好好味，反而欣賞下層嘅豆腐，好入味。

一直都唔知香港仲冇呢種60/70年代的懷舊酒樓, 今日特登帶堆屋企人黎食,呢度冇人推車仔, 有食客將雀籠帶埋黎,坐入面有冷氣收茶錢$3一位, 坐外面只須$2一位,真係抵到爛, 未試過咁平!! 張枱好大, 個個都係搭枱早上9點半到,唔洗等位,我地坐出面, 方便拎野食, 因為門口有個小賣部, 一出籠就煙霧迷漫, 仲有個煎腸粉的COUNTER, 呢個時候對好多飲茶伯伯黎講已經好晏, 好多點心都賣晒出再出, 好似芋角, 蝦腸....得番叉燒腸, 不過蒸飯同蒸牛肉就大把等咗10分鐘先有大包$14同馬拉糕$14,  大包真係大個, 不過啲餡好鹹, 食落有D似有用味精咁..... 馬拉糕很鬆軟, 唔係太甜, 但就好空氣感, 應該有用發粉, 另外試了叉燒包$7, 皮厚, 餡不多,是一般水準, 最後臨走前試埋燒腩卷, 呢款真係前所未見, 阿爸都話有20年未食喇, 外皮是一般蒸包白色的, 入面係一舊南乳燒腩肉及芋頭, 不過唔熟, 仲係好生硬3個人飲食, 埋單都係$51, 要求高就唔好黎依度, 想懷舊吓香港土色土鄉的飲茶風就一定要試.

呢間餐廳係朋友介紹 估唔到屋邨之內 廚師好有心機去煮菜 西蘭花斑塊 魚肉又厚又大件鑊氣十足， 鐵板黑椒豬手西餐廳都未必做得咁靚， 臘味煲仔飯 啲飯煮到薄薄脆啱啱好， 超值抵食西蘭花斑腩臘味煲仔飯鐵板黑椒豬手

朋友無介紹錯，舊式茶樓好有童年回憶，大排檔風味，夠獲氣，食物咸淡適中好味，打冷小炒煲仔飯，種類多元化，又多個飲酒食飯好去處，老闆ken哥有禮好客熱誠，今年第一煲羊腩煲，入味夠香材料足，很巧痴！試埋臘味煲仔飯，我至愛既飯焦，煮得剛剛好，有咬口一流，直得介紹朋友去，埋單時ken哥介紹水煮魚同芥辣牛柳粒，等我下次拉大隊黎試下先！

去過一次之後，便經常到訪，因為每一樣菜式的份量都十分大，價錢又合理，對於我這種大胃王，真的是超級滿意！每次必點是日老火湯，兩三個人只需要點“小窩”，已經是非常足夠，大概每人可以喝到起碼兩碗！一般都是x瓜煲唐排，味道挺不錯的！去過好多次，以下為某幾款印象比較深刻的芥末炒牛柳粒，足料，味覺十分"刺激"！西檸雞，雞肉滑，不會太un！脆皮，夠味！腐乳炒通菜，腐乳味不足，麻麻地，豆鼓鯪魚油麥菜會比較好，但也是可以再濃味一點兒蜜椒骨，肉質有點兒太硬蝦乾竹笙扒時蔬，味道很淡，每樣配料獨自為政，完全不是一個組合環境尚可，白飯每碗$10，晚市免茶芥，侍應有禮貌個，總括而言，會再去的！

從來沒有踏足過牛池灣村，按圖索驥也不難找，只是附近好像沒有太多停車設施，開車來的可能會比較麻煩主打大排檔小炒，價格實惠，平均價位60-80黃金鮮魷：份量很多，大概有接近15件，炸得乾身沒有太多油份，鹹蛋香味略嫌不夠，而且炸漿很厚，跟魷魚的比例接近2:1，所以基本上吃不到魷魚味小炒王：配料挺多，有韭菜、魷魚、小魚乾、蝦乾、菜圃、腰果等，調味適中但是炒得太濕，吃時腰果都被浸淋了薑蔥魚腩煲：香氣不錯，魚腩足料有差不多十件，魚腩走過油略帶香脆口感不錯，醬汁略鹹，可惜魚肉不新鮮有點霉，看其魚骨形狀應該是鯰魚之類的下價魚，泥味相當重排骨炒麵：份量同樣大堆頭，麵條炸得香脆，豉汁香濃惹味，不錯老火湯：40蚊一大窩，清甜沒有味精，有家的味道這裏的食物以價格及份量取勝，味道也不俗，可是食材水平就很一般，一大班餓鬼來這裏大吃大喝是一個不錯的選擇，要吃精緻小炒的話，這兒不是你杯茶。

之前睇電視介紹傳統酒樓，即管就去試下食下啦！環境方面，當然唔及而家嗰啲酒樓啦！ 可能有多後生都覺得污糟㗎！但係都唔算太差，感覺係有啲親切。客人就真係好多，不過啲服務員都會同你搵到個位嘅！食物方面，就真係不差。尤其是牛肉呀！真係幾好味架！再配埋個盅頭飯真係好正！不過啲煎嘢就會等得耐少少啦！好似腸粉同埋蘿蔔糕，因為佢可能係即叫即煎啩！而其他點心都唔錯㗎！又唔係話太油。所以如果有時間我都會嚟多次， 同埋試下佢夜晚嘅時候有啲咩嘢食！

星期日夜晚三丁友牛池灣搵地方食晚飯，見呢間人氣幾夠，幸好時間尚早有位先叫個炸子雞送啤洒🍻皮身都脆，溫度夠熱，唔會油淋淋。再豉汁蒸鱔，咬落去頗彈，魚夠滑身，蒸嘅時間應拿揑得幾凖確，冇腥味。特別一讚個咖喱牛腩煲好香咖喱，牛腩淋身入味、牛筋唔韌、薯仔亦好有薯味，唔粉，應該先炸過唯獨整個煲份量較少。再清清地叫個露荀炒什菌，露荀爽口，味道適中夠鑊氣最後試埋琵琶豆腐，都係果句夠鑊氣，豆腐熱辣辣，獻汁足料及配少量西蘭花，一啖豆腐一啖菜感覺冇咁滯整晚菜式材料及水準都不錯

住開牛池灣，街市周圍有好多大排檔，不過食物普遍一般。 但新龍城令我印象深刻，因為老闆Ken 哥個人好nice, 又吹得。上次遇到佢話新開鹵水檔，所以同老婆去試試，到左有坐冷氣位坐，ken哥就走來介紹左鹵水鵝，同西蘭花斑球，佢話換左批廚，好食過之前。 鹵水鵝到了，味道不錯，鵝好入味，不過份量略少，另外西蘭花班球就炒得好出色，斑球炒到金黃色，沒有太多欠汁，水準真的比以前好得多！ 老闆仲叫我地多啲黎，放心食

好耐冇去新龍城食飯了，之前一向覺得d嘢食麻麻。已經半年冇去了，早幾天發現而家有滷水食，於是今晚同屋企人試下。今晚叫了滷水鵝片豬耳，西蘭花炒斑球，蒜蓉蒸蝦。滷水鵝片好正，有豆腐底，好入味(豬耳反而麻麻)，西蘭花炒斑球好正，斑球唔腥，蒜蓉蒸蝦都好食，不過d蝦好細隻，份量少，$168有點不值。總括而言都是滿意的，期待新龍城不斷進步

勇戰非沙場，者也心顫抖。無意身成仁， 懼色心穿透。近日的工廠大厦火警，是城中熱點話題，我對消防員有着萬二分敬意，也不會因他們職級而有所不同。消防員的專業是去了解火及拯救生命，與另一職業也不相伯仲，這就是每日存在於我們身旁，但又不見到面貌的廚師，他烹煮食材丶製造美食，令大眾開心快樂地延長生命。而廚師在歷史中有着特別之稱號丶( 火頭 )，他把弄火又控制火，柴火丶炭火丶煤火在燃燒過程中十分需要( 火頭 )的經驗。家中老媽也常堤及煮菜煲湯要有火候。 祝融是可怕也可敬啊！炎夏的中午到達大排檔式飯店<<新龍城>>食少少嘢，店內人流疏落，時間已接近兩點鐘，食品種類未有太多的選擇，但特價年餐仍有提供，這是到街方飯店的非常要點。“干炒牛河”是為…午市特價菜式之首選。連是日例湯都係35蚊大大碟，見到都飽咗一半。還要添加橙色嘅辣辣椒醬，就味美無窮。但欠缺了焦香這傳統特點。“叉燒腸”及“鵪鶉蛋燒賣”是我較為歡喜之點心，由細食到大呀。近年發現新潮連鎖酒家的各款腸粉，都是以皮簿為先，再收費高昂，我始終不是太同意。但面前的“叉燒腸”非常夠份量，可以令心靈及肚皮得到滿足，總是傳統的

某日鬆弛閒來無事找地方吃飯，最後走到牛池灣，這是富有香港集體回憶情懷的傳統酒家，店子就剛好在舊式街頭一角，地點不難找。店子光猛潔淨，雖是假日客人不算特別多。聽到舊朋友讚囗不絕，對酒樓的出品也有點期待。餐牌上選擇很多，款式幾吸引，今天先叫其中幾款淺嚐，令我們印象深刻要的是粉絲扇貝。「蒜蓉粉絲蒸扇貝」，扇貝、一把粉絲、一些蒜蓉蒸，三樣鐡三角材料合成會是一個美食。粉絲是這道菜的精隨，我心安理得的吃著吸滿了扇貝鮮和蒜蓉香的粉絲，朋友看我吃得津津有味，懷疑地從我碗中夾去了幾根貌不驚人的粉絲。接下來，餐桌上爆發了爭搶粉絲吃的小型戰爭。雖然放了很多，仍是被我們兩張並不櫻桃的小口爭先吃光，鮮味的源頭扇貝，也不被冷落，扇貝大大粒，滿鮮味。粉絲吸取融合了旁者的味道，就使自己最是濃郁誘人起來。我們朋友間這碟「蒜容粉絲蒸扇貝」讚口不絶！

某日和太座去了 牛池灣 漫無目的地四處逛逛又拍拍照,到了大約 6:00pm 便隨機走入一間餐廳吃晚飯 ~椒鹽鮮魷 配白飯一碗 $45份量夠大, 魷魚大件又肉厚, 外層金香酥脆, 肉質爽口彈牙, 椒鹽下得重, 味道香口惹味 ~ 香口菜是好吃的, 但之後的後果是極度口渴, 狂喝了很多水仍未能解渴 .... 本篇完 ~